韓樂 (元點)

營業中

休息中

上完堂做完大量運動見肚仔餓就去附近商場搵地方醫肚👉👈經過呢間 #韓樂 有下午茶就入去啦☕️炎熱天氣下食碗冷麵🍜最好不過😋呢個 #煙三文魚溫泉蛋水冷麵 有驚喜😍味道清清甜甜；冷麵口感煙韌蛋很鮮❣️加埋杯 #冷壓檸檬雪碧 及 #芒果蘆薈雪碧～爽哂😂🤭另外點咗個 #燒雞扒香蔥粟米石頭鍋珍珠飯 俾小朋友😙有肉有紫菜有飯啱哂佢胃口👍雞扒肉質鮮嫩；份量正常感覺唔太差‼️我哋再額外點咗份 #香蒜炸雞 🍗金黃色又香又脆😋見其他枱基本上都有點炸雞，證明呢個係”must”item😂🤭

点外卖两次漏餐具，第三次点 直接连主食都漏左，一点对客人的尊重都无 翻去揾服务员态度都系非常之敷衍，体验非常之差，希望大家少去，原本以为一次两次就算没想到第三次了都系一样

早兩星期突然好想食韓國嘢，打開個外賣app見到呢間無論係嘢食定運費都做緊優惠，就試試佢😅同老公叫咗兩個晚餐share⭐️八爪魚韓式拌飯（左圖）一打開賣相幾唔吸引，撈勻啲醬汁之後much Better😂少少甜少少辣，味道正正常常⭐️泡菜牛肉炒飯（右圖）可能用珍珠米所以偏濕潤，飯量多但係牛肉少得可憐🥺成個飯都冇乜泡菜味，甚至乎係冇乜味🫣接近難食嘅味道😂飲品係用咗cheap版嘅阿華田同好立克，我哋叫咗杯麥樂克唔太好飲，反而杯特濃朱古力就OK試一次就夠😅

Lunch食牛排定食，牛肉冇味只有鬆肉粉味道，三款泡菜都是甜的，味道奇怪，份量少亦十分難食，唯有碗白飯，加了紫菜碎，不過𣎴失😝員工態度亦一般，付款時，收銀小姐態度亦差。環境方面，因為新商場，所以環境尚可。

看到較多負評都要來寫下食評。石鍋雞飯其實不錯，但應可選少油鹽。偏鹽及油左啲。 欣賞有露天室外座位。 請減油鹽份量。 早餐幾好，以位置在yoho 商場來說，價錢很抵了。與茶餐廳價錢差不多。

行過見到餐牌午後滋選,只需$33,雪菜肉絲粉絲,兩隻炸雞翼,紅豆冰,呢個價錢真係十分抵食,雪菜肉絲份量都多,唔會得幾條絲,唯獨湯底比較鹹, 重口味，雞翼就唔係即炸，所以凍的，紅豆冰都算正常水準。

呢間餐廳越來越少人幫襯但貪佢就腳 所以呢晚一家人嚟咗快食晚餐價錢唔貴 同茶餐廳差唔多價 仲要唔使加一服務費叫咗牛肉石鍋飯，豬肉石鍋飯，雞扒便當(?)係啊 韓式餐廳入面有便當啊哈哈等緊期間 見到隔籬枱上咗一份炸雞 好似山咁高 望一望價錢 都只係$88？平到咁？ 喺充滿期待下 牛肉石鍋飯同埋豬肉石鍋飯都上埋枱色彩繽紛 睇落唔錯喎但係牛肉質感粉粉地，豬肉係8分肥2分瘦既豬腩肉食咗幾啖已經好膩，食到尾仲發現牛肉石鍋飯好！多！油！ 平時食茶餐廳炒飯，炒河都冇見咁多油！多到池塘咁而雞扒便當，食嗰位冇乜評價，只係話雞扒好多總結 呢間當茶餐廳食算啦 況且食完個身會有啲油煙味 拍拖聚會千祈唔好嚟啊

服務態度影響一齊，安排位置失敗，只想多做生意，位置細少，迫人做沙甸魚坐，食物用QR 落單，叫咗主食價錢偏高，唔會直接有連結叫飲品，係要再落單選飲品，價錢正價，選後自動跳減，如果第一次真係唔清楚後，沒有跟飲品，浪費跟餐飲優惠😮‍💨今次韓式牛肉飯，外表好靚，食落另一翻味道，辣汁醬汁另上，自己撈，牛肉味道一般，牛肉太硬太乾，飲品係冷壓檸檬茶，係我覺得最難飲既一次，記者之前係其他店食唔係咁，下次在元朗唔會再食佢

韓樂已食過多次係荃灣西， 天水圍，今次去元朗元點食，但極為失學， 焗雞飯， d雞質數仲差過兩餸飯d雞， 熱奶茶係常温， 唔熱，焗豬排飯有油益味， 總括非常差體驗， 我一定唔會再去這間韓樂

我哋兩個人行入餐廳被職廳職員截住，被告知只能坐餐廳門口最細既枱，當時餐廳內仲有其他較大張既枱選擇，我哋依照指示坐細枱，由於攜帶有大件禮物，係無位擺既情況下只能擺係油淋淋既地下。然後最經典既一幕出現，職員拎一個餐具盒比我地同隔離枱share用，姐係我哋需要自行係個餐具盒內拎取要用既餐具，然後將個餐具盒pass比隔離枱用，如有需要再拎額外餐具，就再自行向隔離枱拎翻個餐具盒，非常衛生。上菜了，由於我哋order既兩樣野都要連個爐上，結果張細枱上完菜同兩杯野飲已經幾乎完全無位比人食野，我哋只能係枱既一角大約20cm x 20cm既位置進食，個爐既煤氣罐貼住我既碗，手仲好容易比個爐或者個兜辣到，到就嚟食完個陣，先有職員走埋嚟問洗唔洗換枱，韓樂你係得既👍🏻

簡單啲講，完全中伏，餐廳價錢快餐店都冇嘅質素。牛扒定食，塊牛扒難食到不能相信係餐廳出品，無味不特止，又柴。個人感覺，同平時街市賣嗰啲長期凍肉冇分別。豚肉韓式拌飯，拌飯個汁醬竟然係淡到黐線，個飯勁油。最後竟然唔收信用卡… 唔係話要食夠幾多錢先收，係冇信用卡機… 咩年代…唔會再食

晚飯想飯韓餐，到了附近商場的連鎖餐廳-韓樂。個人點了一份溫泉蛋豚肉韓式拌珍珠飯加小食 麻辣脆魚皮。味道方面都遷就了香港人的口味，辣味比較輕，咸味較重。生魚皮脆口，加上微辣，十分清新爽口。

見韓樂進駐元朗新商場元點，就係試一試。但元朗呢間分店，少好多嘢食。以下點嘅餐，全部都中伏。香煎牛扒定食配珍珠飯•韓式前菜（$85）個牛肉無論係睇落定食落都係過熟！老晒柴晒！啲配菜似呢用現成夾落碗，唔似餐廳自家製，味道都唔太好食。辣八爪魚野菜炒年糕（$67）醬汁好稀，好似平時超市買到嘅紅色韓醬溝水，年糕表面完全索唔到啲汁，而且芝士都冇乜味，成件事好分開，好冇誠意。生菜伴韓式炸雞粒（食滿$158加$1）炸雞粒好厚粉，雞肉比例得好少，本身只係+$1，所以期望都唔大。人蔘雞湯浸娃娃菜（價惠價$38）呢鍋菜莫講話人蔘味呀，連鹹味都冇，好似食緊白烚菜。優惠價都唔值得食。果然係連鎖集團，同意八的檸檬茶一模一樣，都是鮮萃檸檬汁+茶，好處係去除檸檬皮的苦澀。

新開元點商場. 開咗好幾間食店，逐間去試試，今天試食韓樂. 下午茶. 叫了炸雞拼薯條… ，嘩😳炸薯條可以炸到乾曬黑忟忟⋯⋯用手指拿上.. 成手油.. 我同侍應小姐反映薯條好吾掂，佢即刻話幫我換過、我先吃雞.. 也不觉得好食.. 再等了廿幾分鐘出過一份炸薯條出來.. ..😤😤😤😤嬲到我都費事拍照，真是…重衰過之前嗰份.. 炸到痴埋一餅.. 乾、黑、油….我都無話可說.. 即刻比錢走人.. 為有介紹晒我認識或不認識的朋友千萬不要去幫襯.. 就一個咁普通下午茶.. 都可以咁難食…夠景有沒有用心去做出品.，其他野都不會整得好、垃圾食物..

今天到YOHO最近新開的韓樂食店, 等待時間大約10分鐘, 尚可接受, 看一看餐牌, 款式不算太多, 我們點了陛軍部隊麵 ( 普通),  豚肉溫泉蛋湯 (好小豚肉), 香煎牛扒定食(牛扒有點韌, 而且不多, 附送的醬汁也小), 加了個我喜愛的薯條, 整體上, 味道尚可接受, 但略嫌份量不足, 價格中等, 但環境不錯, 下次都會再來.