韓板燒肉專門店 (已結業)

小妹第一次寫食評，因為真係忍唔住：難食到呢！話說今日喺屯門的朋友屋企，諗緊食乜好⋯本身住屯門已經成日喺屯門食野！突然間又想去韓燒！決定出元朗搵食，經過門口見有位，咁就伏咗入面😞惡夢開始了👿牛肉好咸，一D牛味都冇，咬落去啲肉散散地😡叫咗個，舊肥膏佔既比例係5份4😡全餐最好食既係個飯後甜品-雀巢雲呢拿雪糕😡好可悲⋯垃圾之中的垃圾！有史以來食過最難食既韓燒😰難食到無心機燒！失敗😡到最後唔飽，去咗買亞玉豆腐花食😭

好耐冇食過韓燒，見這間位於元朗B仔對面嘅韓板，預先訂了枱，一心諗住不吃一頓，點知失望而回基本上，所有的食材也很肥，我明白肉質如果太瘦，又會吾好味，不過真的肥得太過份了，全部都係脂肪，全部都係油，好誇張。。。無論是什麼五花腩，或是其他的韓式的肉類，都是很肥，希望老闆注意一下啊較為可取的是，牛舌，牛仔骨，和這個蛋，很有蛋味。另外店鋪很迫，而且真的很凍很凍，我頂吾住，大家最好帶件外套去

聽朋友講得多，今日終於有機會去嚐試，好失望，原全和想像唔同，根本就不是韓燒，跟本就是港式bbq,肉也難食，之後叫左個紫菜湯，和水一樣清和沒有味道，不會有下次!!

昨天晚上因為兩個朋友介紹這間韓國燒烤店所以食了~當時客人不多入左門口，我們便叫下單叫野食這間韓國燒烤店食物味道不錯，泡菜也很好吃他們的韓式燒烤爐上有一個粟米蛋，超級好食！！但是，他們的點菜紙的選擇不夠…這間店的員工服務態度只是一般…

明明講咗100分鐘任食，但係食到大約一個鐘就巳經攞張單叫你埋單，之後過多十分鐘就不斷同你講出面好多人等緊，叫你快d俾番張枱俾佢，真係無下次。食物質數一般，好多時漏單。

豬皮 大腸 一啲都唔好食豬腩肉 鞋烚烚牛好食不過唔會再去啲座位超唔好坐 油煙好勁又冷氣又唔凍燒燒下叫換鐵板 佢哋就攞兩個生菜頭狂擦個鐵板想整走啲污糟野整極都整唔到 最尾佢走咗但係個鐵板仍然係唔燒得因為實在*太窿*之前聽朋友講呢間野唔係任食嘅不過嘅哩一次已經變成放題任食 放題好似係＄268

今日黎到元朗探舅父舅母,順便更係要打下牌la..打4圈巳經到晚飯時間,落左樓下依間韓式餐廳食晚飯,係放題198,餐牌食物種類算多,但我最欣賞係6色豬豬,姐係有6種味道,豬肉基本上豬味濃,配合其它將料,令每款豬肉有其它味道,香草味食落清新,咖喱味濃,黑淑味濃,食落有小小辣味,蒜味豬豬,食落蒜味凸出,正上鼻好得意,不錯的選擇!

去左間任食韓燒@元朗K-PAN，上食物快，食物多選擇，連比較貴帆立貝都有 肉類新鮮，牛肉焼完又淋又嫩，丸類多選擇，彈牙大粒，香腸係脆皮，燒完好野味樓底高，唔同旺區果啲食完韓燒成頭煙味，可惜地方唔大，今次好彩Walk-in都有位，下次都係訂座先!

今晚又食韓國菜，喉嚨痛呀，點燒呀，本想發脾氣，但原來有其他選擇，可以唔燒既喎，我地被安排邊位，四週都係燒緊，但冇咩煙味，先食至愛前菜，鬼咁好食，竟然任添㗎，正👍, 有醃蘿蔔，雜菜沙律，kimchi , 芝麻海帶，大荳芽 ，每款都有水準，新鮮，好滿足 咦！餐牌有醬油蟹，決定試下，其實好多朋友都推介過，唔貴喎，$168 一隻，唔算細隻，有中size 架，店員仲幫我地開埋，蟹糕加落白飯連埋醬油食，唔腥又鮮味！韓板粉紅嫲嫲撈飯，好得意，好韓式，戴住手套同飯撈勻，小朋友一定鐘意，可以DIY ，好玩又好食，D飲品名好cute ,我呢個大細佬叫咗熱情小兵兵，其實passion fruit 味道，好清不太甜👍今晚冇選擇錯，下次必再encore 👍

今次黎呢到食，最重點係想試下佢個小兵兵，叫左個韓板部隊湯麵加個甜心小兵兵。本來對個湯麵無乜特別期望既，但係一上台就覺得湯麵好吸引，本來好鐘意食部隊鍋既我，見到就已經知道呢個麵好傳統，好少見👍🏻👍🏻韓式公仔麵 + 午餐肉 + 腸仔 + 少少辣辣地既湯底，食落口就已經係享受，湯底唔太辣，但係有好香甜甜辣辣既味道。然後就係甜心小兵兵，士多啤梨汽水加酸酸地既冰底，好開胃好正，個麵未食晒就已經飲晒成杯，已經決定左下次再黎就試埋另一個熱情小兵兵😍😍😍

放假訓到日上三干, 四圍行睇下有咩新野食, 行到韓板見到有個新出全日早餐, 有窩夫有蛋, 啱晒我剛剛起身既口味.韓式食肆不輪咩時段, 都一定有前菜, 呢度亦唔例外, 泡菜唔算太辣, 而且仲可以無限添加.青檸檸蜜茶($36), 剛剛起身要飲杯熱野暖下胃, 呢個花茶有埋蠟燭興住, 所以飲極都好夠熱. 檸味唔會太酸, 蜜味夠甜, 兩者中和下剛剛好.韓板型格全日早餐($78), 材料同其他既全日早晨唔同, 韓式既最主要有韓式午餐肉, 香腸, 泡菜, 仲有窩夫, 荷包蛋, 蕃茄, 茄汁豆.  韓式午餐肉同腸仔煎完都好香口, 無咁肥, 唔會太油膩. 窩夫烘到燶燶地, 又香又脆口, 脆卜卜, 而且細細件唔會咁易食濟.

響元朗未夠鐘開工, 就響附近搵D野食先, 見呢間韓板好多易拉架, 午市下午茶除左韓燒其他野都有, 一於入去食下先.要個全日早餐"香脆雞拼格格餅"$88, 格格餅即整夠熱夠香脆, 入面軟腍腍, 好香蛋味.脆雞炸粉唔會太厚, 外脆內嫩, 夠滑而且無咩油脂, 香脆可口. 仲有煎蛋, 炒菇, 泡菜等等, 所以配料都幾多.仲要左杯"藍天微風"$38, 藍莓味酸酸甜甜, 清新果味夠芳香.

元朗食肆密集，餐廳選擇多，但韓燒未算成行成市，日前經過又新街見有間韓板燒肉店，雖然未肚餓，不過朋友想試下惟有奉陪。因為三個人剛好試齊豬、牛、雞件。泡菜汁醬惹味鹹辣度適中，昆布柔滑帶麻油香味，大豆芽則味道偏淡，餐湯色清味濃，幾粒豆腐口感滑溜。侍應用原味和芝士栗米蛋漿填滿爐的兩旁，熟後可成佐飯恩物，還有一小碟瓜片附送，可以平衡肉食的飽滯感。先來香草雞腿肉和梅豚肉，雞腿肉燒起焦香肉質細滑，梅肉雖然不及雞肉鮮嫰，但甜醬油鮮味濃郁，雪花肥牛油脂分佈均勻，肉質鮮美爽嫩，以一百元有找的消費，享用到如此質數韓燒，感覺超值。

一排無韓燒， 突然想食就嚟K-Pan, 估唔到新出左二人餐， 咩都有得食， 唔洗左諗右諗。。。有兩款set, 同honey揀左$498, 韓版特選二人衣餐五款頭盤小食: 芽菜， 泡菜， 波菜， 海帶， 蒜， 望到都豐富芝士粟米蛋漿: 好味道沙律: 好fresh開胃, 又夠份量仲有個昆布豆濃腐湯: 好好飲， 夠香濃到main喇上層:泡菜煎餅 : 食前再放爐烤一烤， 脆脆軟軟，一個人食左半個中間層:蔬菜類， 有脆肉瓜， 南瓜， 茄子， 菇， 全部都夠新鮮最底層係肉類:雪花牛， 三揀二 - 豬腩肉， 薄切五花腩， 豬皮(今次無揀)， 另外仲有生菜可以refill, 二人餐嚟講真係好豐富， 而且有菜有肉雪花牛我至愛， 又香有牛味， 完全唔洗點醬正!豬腩肉好香， 半肥瘦， 好有咬口薄切五花腩， 好易烤過龍配上唔同醬汁， 各有風味覺得膩可以配生菜一齊食， 正!另外跟餐仲有珍珠飯同餐飲， 呢餐真係食到捧住個肚走!! 另外一提， 店員都好有禮， 好nice!!

周末遊走元朗一帶，想找個地方跟朋友下午茶。四圍人來人往，朋友竟說想食韓燒。幸好行經韓板燒肉專門店，見其餐牌推介下午茶套餐，便入去試試。 套餐餐牌選擇亦是大路之選，餐廳亦明白燒肉離不開豬、牛、雞、海鮮，故此在醃料方面花功夫，以提供在有限選擇下的較多選擇。每份套餐均會跟前菜、湯、白飯，以最低消費$68來說，尚屬抵食！一行三人決定豬牛雞各叫一款：香草雞腿肉、雪花牛肉及甜醬油梅豚肉。每木台燒板上均設有兩條圍坑，開爐後店員先後倒上芝士粟米及原味蛋漿，用以伴燒肉來吃，令人期待。 前菜： 泡菜、大豆芽、昆布。三款前菜水準甚高，泡菜辛辣度適中，配以香濃蒜香味，非常惹味。昆布同樣出色，配上麻油芝麻，吸盡鮮味精華。 香草雞腿肉：必試之選！ 雞腿肉非常滑口，入口彈牙，配以香草醃料，味道獨特。 雪花牛肉+ 甜醬油梅豚肉： 雪花牛肉醃得入味，肉質香濃，配以餐廳提供的特製醬油，一試難忘。豚肉薄件還可以，但厚切的卻感覺有些鞋口。 昆布豆腐湯+ 珍珠白飯：隨餐附送的豆腐湯竟有驚喜！ 一般韓式料理附送的湯通常味道較淡，或溫度不夠熱。但這裡的昆布豆腐湯溫度夠熱，入口香濃。 珍珠米飯亦粒