韓屋

營業中

休息中

尖沙咀金巴利道出名多韓國餐廳，幾乎每一間都有競爭，連近期大熱嘅豬手小姐都係金巴利道開咗分店添，小妹仲記得大半年前定係幾個月之前呢🤔曾經有YouTube介紹過一間韓國餐廳，可以食得清淡又健康！呢一間就係叫做Hanook 韓屋啦😍餐廳門面參考真正韓屋般以古典嘅木質設計，店內則走時尚風格，霓虹燈牌及飛天豬造型燈牌，仲播上熱門嘅K-pop music ，非常有特色🤭小妹同朋友共點了一份蒸餃子🥟、一鍋豬肉湯、一鍋石鍋飯及一枝米酒，收工後要小酎一番🍻🥟醬牛小排餃子 갈비만두呢款牛肉餃子做到皮薄餡滿，賣相同emoji嘅餃子係一樣樣㗎🤓，食落嘅味道似餃子皮包牛肉漢堡扒咁，好少食到牛肉餃子呢一款又幾過癮嘅。🐷血腸湯 순대국밥小妹同朋友兩個都冇食過血腸湯，趁住今日呢一間食得清淡又養生嘅韓國餐廳，嗌咗鍋試吓。比我哋想像中好食喎，原本以為會好腥點知一啲都唔腥㗎，「血腸是豬大腸裡灌入各種蔬菜和調料後，放進烝籠裡蒸煮而成的」。每鍋湯就有一款配菜供應，跟呢鍋血腸湯的配菜就係自家製醃蘿蔔。🧀原味石鍋芝士拌飯 치즈돌솥비빔밥是晚MVP非此莫屬😍😍，店員會幫手將辣醬同飯撈埋在一起，仲話因為太多芝士所以要拌均佢先好食😋！睇

韓國街難得有間光線充足嘅韓菜！💡 雖然裝修簡單，但霓虹燈好GenZfeel😎～主打骨湯/拌飯/餃子，味道韓式得黎又啱香港人口味🇰🇷 最正係佢哋嘅紅米飯底，食完無咁heavy！ 😋🍚炒豬肉石鍋芝士拌飯 $138 (😸😸😸😸😺)芝士拉絲show超治癒🧀！紅米飯底健康得黎又掛汁，豬肉嫩滑+蔬菜爽脆🥬 記得加辣醬🌶️，鹹香辣勁一次過滿足～ 🍲雪濃湯 $148 (😸😸😸😺)牛骨湯濃到黏嘴唇🐮！牛肉份量多到驚，配紅米飯(+$20) 泡住食更正～ 🥟餃子王&泡菜餃子王 (😸😸😸😸)巨型到似包子🤯 泡菜味濃辣過癮，原味肉汁爆棚💦 食肉獸必點！

餐廳位於尖沙咀，鄰近地鐵站路程5分鐘左右，方便快捷。這間餐廳主打的就是韓國美食。這天和朋友一同前來定必好好品嚐。餐廳令我最驚喜的其中一樣美食，就是人蔘雞湯，真的是原條人蔘，原隻雞，經過長時間烹調，熱辣辣的送到枱上，香味十足，更欣賞就是他的湯底滿滿的人蔘香味。另外當然點選的就是石鍋飯，熱力由石鍋傳出來，透過石鍋的熱力烹調出來的米飯，多了一份風味，配搭韓式辣醬，又是一件賞心悅目的事。最後就是餐廳自家炮製的餃子，大大隻，兩種不同的口味，移動中我最喜愛的當然就是泡菜口味鹹鹹辣辣的味道。

餐廳地方唔大，但都坐得幾舒服。侍應服務態度好好，坐低時會送上泡菜同酸蘿蔔。炒豬肉石鍋芝士拌飯呢個拌飯上枱時，熱辣辣，出曬煙，入面有炒豬肉、芝士、菇、翠玉瓜等，侍應會幫我哋撈勻所有材料，一邊撈，就見到啲芝士好拉絲。個飯加左紅米，嘅飯好軟綿，同其他餸撈埋咗一齊，好豐富。佢仲送一個甜甜哋少少辣既醬汁，撈埋啲飯一齊食，好夾。牛排骨湯牛排骨湯入面好多牛排骨，排骨肉煮得好腍，入面仲加左洋蔥，個湯好入味，有牛骨鮮味。蕎麥麵牛排骨湯加$25就可以加一份蕎麥麵，蕎麥麵質感唔錯。韓式煎餃子呢款韓式煎餃子外面煎得香脆，但完全冇油膩嘅感覺，入面嘅餡料都好味。

韓屋的原味石鍋芝士拌飯韓屋的原味石鍋芝士拌飯實在不得了，多謝Openrice的食家推介，果然公正持平，中肯。首先石鍋上桌真的像煲仔飯般超熱，熱到冒煙燙口和燙手，將香氣逼到癲瘋，看到已經很想吃。韓式拌飯實在不得了，覺得比中式煲仔飯更勝一籌，它同樣都有飯焦，而且是脆的，不會硬到鎅口，好吃到不停尋找追著吃。芝士味更是邪惡元首，熱呼呼的，又拉絲，視覺效果一流，而且用的是真芝士，而不是片裝芝士，食材用得尚盛，成品自然好吃得有保證。

尖沙咀金巴利道出名係韓國街🤣襯暑假即刻同🐒s去飲飲食食先🤩入到餐廳播嘅全部都係韓文歌，超級濃厚嘅韓風feel🤩感覺真係好似去咗韓國咁 🍱牛膝骨湯 + 蕎麥麵👉🏻湯品濃郁，牛膝骨熬煮得非常入味👉🏻湯頭清甜唔會好油膩👉🏻滿滿嘅骨膠原同埋鈣質，好啱小朋友同老人家飲👉🏻蕎麥麵口感滑順，吸收哂啲湯汁🍱醬炒牛肉拌飯👉🏻配料好充足有：韓式菠菜，翠玉瓜，芽菜，紅蘿蔔，紫菜…👉🏻份量都好多👉🏻牛肉炒得恰到好處，唔會過鹹👉🏻醬汁香濃，而且係另外上，自己鍾意落幾多就落幾多👉🏻與紅米飯嘅搭配好驚喜，好有口感🍱韓式煎餃👉🏻煎餃外皮金黃酥脆👉🏻內餡鮮美多汁，比較清淡特，搭配自家製嘅醬汁，一齊食岩岩好🍱醬牛小排餃子（推介是日MVP ）👉🏻餡料豐富，牛小排嘅肉質鮮嫩，味道醇厚👉🏻每一啖都感受到濃郁嘅肉香📍 韓屋 (尖沙咀)尖沙咀金巴利道69-71A號美園大廈地舖

夏天就係要食人蔘雞湯恢復返體力，最近就去左尖沙咀韓國街既【韓屋】食晚餐。餐廳由韓國人厨師主理、主打無味精韓式家庭味道。餐廳位置比較細、建議訂位同非繁忙時間黎。人蔘雞湯：用童子雞、人蔘、紅棗、糯米同蒜頭慢火煲幾個鐘，湯色奶白，飲落鮮甜帶人蔘香，完全唔苦～雞肉煲到超淋，一夾就散，雞肚入面嘅糯米吸晒湯精華，綿滑得嚟有咬口。餃子王：一隻餃子有成個小朋友拳頭咁大，入面加左豬肉白菜，調味鹹香十足。煎醬牛小排餃子：餃子煎到外脆內嫩，用左牛小排做餡，肉質軟嫩多汁，醃醬帶韓式甜辣風味～一咬爆肉汁，同普通餃子完全唔同。跟埋特調醬油醋汁（醬油+醋+蒜蓉+芝麻），點完更加惹味。韓國梨汁：清甜解渴。

係人都知金巴利道成條街都係韓國餐廳，今日試左間整湯同餃子幾出色嘅韓國餐廳啊，我係OpenRice 見到半讚半彈d食評，就有種點都要試嘅心態，老實講我覺得係有小小貴左，但食物唔係啲負評講咁囉，係比較健康姐，中意重口味既係會唔太合適你。牛膝骨湯我就係諗住呢個湯有豐富鈣質同骨膠原，對小朋友、大人同老人家都好有益先試，味道ok喎，奶白色的湯頭入口香濃，我中意牛筋，真係啖啖膠原蛋白。煎醬牛小排餃子呢個牛味出又juicy，唔知點解啲人話餃子皮厚又淋，我食個餃子皮覺得係煙靱，唔係硬，係真係QQ口感個隻，甜甜地，係好食囉👍🏻炒豬肉石鍋拌飯我見啲人話紅米唔夾，我又覺得ok，其實紅米有更多營養成分，健康啲，五花肉雖然係薄切，但口感Q嫩，食材仲有韓國秀珍菇，出邊好少有，不過如果啲飯有啲焦脆會好食啲。

近排睇網紅，成日聽到純牛骨可以補充骨膠原，令絲打飲完會後生D，見到呢間韓國餐廳有湯飲，就入嚟補補佢！牛膝湯 牛膝湯的湯底濃郁，而且呈奶白色，牛膝好淋，入口即化！每一啖都飲緊骨膠原！味道就係鮮甜既牛味！牛膝骨長時熬製健康食物，富鈣質及骨膠原，對兒，婦女和老人很有好處。牛膝骨湯是將牛膝骨長時間熬煮而成的滋補湯。牛膝骨可以沾醬油吃，湯可以泡飯吃。醬炒牛肉石鍋芝士拌飯這道石鍋芝士拌飯的牛肉醬炒得恰到好處，肉質鮮嫩，搭配上香濃的芝士，底部的米飯和香濃的芝士融為一體，微微焦脆，回味無窮！韓式煎餃子韓式煎餃子外皮金黃酥脆，牛肉內餡啖啖都係肉！

位於尖沙咀的韓國餐廳，小店面積不大，座位不多。落地玻璃設計，外面經過都見到粉紅色的霓虹燈牌及搶眼耀目的燈牌。蒸餃子：餃子王巨型的餃子，不愧為餃子王。傳統的韓國餃子，蒸餃更加鮮味。皮薄煙韌，餡料飽滿結實，韭菜及豬肉餡料分佈均勻。蒸餃子：泡菜餃子王這款是以泡菜作餡料的鮮肉餃子，爽口泡菜，微辣醒胃，不用蘸豉油也很夠味。石鍋拌飯：原味石鍋拌飯以石鍋呈上，保持溫度，而且底下的飯變成飯焦，增添口感。飯用上健康的紅米飯，配上滿滿的材料，如紫菜、豆芽菜、翠玉瓜、菠菜、菇、紅蘿蔔、腐皮，自行淋上甜辣醬，再跟所有配料拌勻。湯：蔘雞湯蔘雞湯，滋補養生又補血。一整隻小雞，裡面有人蔘、大棗、板栗、松子仁糯米、大蒜，非常足料。呷一口湯水，滲出人蔘的回甘，雞湯的鮮甜，底下的糯米吸收了湯汁精華，喝完特別暖胃。由於雞經過長時間的熬煮，雞肉會較柴口，不過啖啖肉，而且非常易撕開，連骨頭也變得脆軟，可直接咬碎吞下去。另外還可額外點一碗米飯或麵條配搭一併吃。飲品：韓國青蘋果梳打飲品方面，有很多款韓式飲品及米酒選擇。這款青蘋果梳打，青蘋果的酸甜，帶有氣泡感，十分清爽。

🇰🇷尖沙咀韓國菜《韓屋》我多次重訪的韓國餐廳。😋這裡座位舒適，店內播着k-pop ，和朋友來適合不過。👍🏻🐮牛排骨湯牛骨經過長時間熬煮，湯頭變得純粹而清甜 ，是0味精的甜味，而且帶有洋蔥香。牛肉和精肉煮得非常軟，肉輕易和骨頭分離。裡面還有些粉絲。另加蕎麥麵，吸滿湯汁，一口湯一口麵，幾乎喝光全碗湯。🥟泡菜餃子皇另加了隻這裡的招牌菜—餃子皇。大大隻的餃子，飽滿爆餡。滿滿的粉絲和肉碎，口感豐富。加了泡菜辛辣度上升 。下次試試煎餃。😋

由韓國大廚主理嘅韓式餐廳 主打健康養生 無味精無防腐劑😇
裝修佈置風格時尚 有打卡嘅韓文同飛天豬霓虹燈牌 一路食一路loop住kpop mv☺️

蔘雞湯🐓 $168
湯底鮮甜 雞入面釀咗人蔘 松子仁 大棗 板栗 及糯米等 
雞肉非常嫩滑 完美配搭軟綿嘅糯米 口感豐富又滋補 飲落暖胃😆 

炒豬肉石鍋芝士拌飯🥣 $138
秘製辣醬 濃郁惹味 豬肉肥瘦剛好
而芝士份量多 拉絲效果一流🧀
另有多款配料 如紫菜 脆肉瓜 紅蘿蔔絲等
飯底係用紅米飯 相當健康👍🏻餃子王🥟 $18/1
每隻餃子用一個蒸籠仔上 賣相得意
餃子大大隻 皮薄餡多 肉汁飽滿泡菜餃子王🥟 $18/1
多一份韓式風味 泡菜微辣開胃 與豬肉同粉絲餡完美融合 


A very cozy resto, even the waitress is Korean too. A resto only serves dumplings, soup and bibimbap, very classic Korean style🥸I like the Sundaegukbap blood sausage soup a lot. It’s not gamey at all, rather the soup tastes full of beef, quite refreshing and tasty with all the ingredients. A nice choice in HK if you like animal is viscera😋The bibimbap is quite stunning too. The rice contains brown rice, sounds more healthy😝After mixing the rice with all the veggies, beef and sauce, the taste and

金巴利道出名多韓國餐廳，這天和bff 逛街後，便到了韓國街覓食。由透明玻璃看進去，店內食客不少，最後決定到「韓屋」開餐。蔘雞湯湯頭非常鮮味，除了有濃郁雞味，還有淡淡的紅棗甜味及人蔘香，春雞size剛剛好，內裏釀入糯米、松子仁及板粟等配料，燉煮後吸收了滿滿雞湯及人蔘精華，吃一口雞湯，一口嫩滑的雞肉，滋味十足，和韓國吃到的味道是一模一樣，非常正宗。原味石鍋拌飯拌飯內容有菠菜、大豆芽、翠玉瓜、紅蘿蔔絲、菌類及紫菜等配料，吃時口感巨豐富，以原味石鍋加裝著，拌飯能長時間保持溫熱，讚。餃子王餃子王大隻飽滿，內裏放了滿滿肉餡，入口帶肉汁，餃皮厚薄適中，推介。Peach Juice 飲品點的是香桃果汁，內裏有粒粒桃肉，味道香甜。

近排香港天氣成日落雨個人勁濕就好想食返啲熱辣辣嘅嘢出吓汗，行過尖沙咀即諗起黑白大廚，然後好想食韓國嘢，搵咗一輪最後揀間少味精嘅養生湯嚟食驅下寒成間舖頭簡單木系裝修再加啲得意嘅霓虹燈管，同傳統嘅韓國餐廳裝修好唔同。因為想個人暖啲揀咗兩個湯同埋飯（朋友想揀大醬湯不過今日賣晒），最後揀咗泡菜湯同埋排骨馬鈴薯湯前菜有泡菜同埋醃蘿蔔，其中嘅醃蘿蔔真係好出色，本身蘿蔔甜又脆，醃完之後加埋辣味又唔太辣，相當好食講咗個泡菜湯先，表現正常亦做到驅寒嘅效果跟住薯仔排骨湯不得了，入面有兩三舊排骨，啲肉已經燉到非常之腍，用筷子已經可以輕鬆地將啲肉夾散，配埋個熱辣辣嘅湯，真係冇得輸，個湯入面仲有蘿蔔洋蔥黑椒同埋薯仔，薯仔已經煮到入晒味，非常好食近排blackpink當道，成間鋪都係播緊blackpink嘅歌，氣氛幾好