韓屋 (已結業)

午餐路過這間韓國料理的餐廳，決定試試。午餐時段有各種韓式飯麵選擇，有飯團，石頭鍋飯，部隊鍋麵等等。我這次就選擇了辣炒豬肉飯。點完單店員先送上前菜，醃泡菜，醃蘿蔔，芽菜都是常見的韓食前菜。炒豬肉用鐵板上，味道算微辣，炒得挺入味。份量也不少，配白飯也不錯。跟餐還可以選擇一罐韓式飲品如梨汁，米水等等。總括而言味道不錯，價錢合理。

星期四就約咗同事食飯，食飯前係咁去OpenRice睇吓有咩韓國餐廳好食。見到呢間近近地又好似評價唔錯咁就去試吓啦。今次睇完個餐牌就揀咗個鐵板烤雞，$58連飲品同前菜，價錢算中等正常。前菜有三款包括係最想見嘅泡菜啦，醃蘿蔔同埋番薯。三樣入邊覺得最正嘅就係番薯，真係超甜超高質，好想食多幾舊。之後個鐵板烤雞就好快送上，佢係用鐵板送上，咋咋聲好吸引。雞肉份量好夠，送完一碗飯都仲有剩。雞肉烤得好香又唔會好韌。又係一間可以再encore 既餐廳！

食過幾次，我好鐘意食呢間人蔘雞湯，因為呢度食物都煮得好食，而且呢度有半隻人蔘雞湯，岩晒一個人黎享受晚飯價都係七十幾蚊半隻雞湯，用料唔差，雞肉幾嫩口，湯有微微的人蔘味，味道岩我唔鐘意太重口味既人，我最怕飲味精湯。呢度鋪頭細細，大約廿幾個位，但環境乾淨衛生、唔會好嘈，老闆又好nice，個煎餅好香麵粉味，燒牛肉同燒腩肉又夠香又大份，價錢唔貴，二人晚餐百幾蚊就食得好飽又好食小店經營睇得出佢地用心做，值得幫襯。

為了趕回學校上課，經過「韓屋」看到午餐外賣精選，匆匆買了牛肉捲飯，貪其方便攜帶又飽肚。雖來不及即時品嚐，到黃昏時才有空把這午餐完成，本已對這捲飯不抱任何好吃的期望，怎知卻有意外驚喜，日後必定要到韓屋品嚐其他韓式食物。捲飯的餡料包括紅蘿蔔、酸蘿蔔、青瓜及牛肉，醬汁醃過的牛肉味搭配蔬菜散發的微酸，帶來清爽的感覺。比起日式的壽司小捲，韓式捲飯中濃濃的麻油香氣及紫菜的咸香，更能引起我的食慾，令人胃口大開，不覺一口接著一口，把捲飯一下子吃完。

突然想吃韓國辣豆腐湯，立即在 open rice 找找，結果到了韓屋。店面不大，但老闆很友善很有禮，這類小店，應該是選擇不多吧⋯⋯不！我們想吃的都有，而且價錢好，份量足，每道菜都是即叫即做。炆牛肋骨，夠入味，足份量，蘿蔔紅蘿蔔都入味。煎豬腩肉，又香又稔，洋蔥很甜。煎黃花魚，大小適中，而且價錢不貴。石頭窩飯足料，夠多菜，又抵食。豆腐湯味道很韓式，很好。這裡最令我們意外的，是我很很很喜愛的甜米露！在韓國喝過後，在港的韓國料理餐廳都找不到，估不到，小店有入貨。我們4人叫了6罐⋯⋯最後更請店主賣了2箱給我們。

我喺呢間餐廳食過兩次，今次我嗌左個蔘雞湯。個湯有淡淡嘅人蔘味，用黎送飯一流。隻雞份量幾大，啲肉都算嫩，食到我好飽。個餐仲配有三款前菜，有酸蘿蔔、番薯同埋泡菜，個人蔘湯係連埋飯既。價錢唔算太平，＄60一個餐。值得一提嘅係，個老闆好友善，笑容滿面，亦都好有禮貌，我會繼續去食！

周圍行搵齊要買既野，呢排啲天氣好焗好熱，熱到口又乾又暈暈地，見間野無人又新，我就入去支持下小店。啲餐一睇都唔平嫁，其中有辣麵拼壽司卷餐好似抵啲，但佢有無晒我最想食既壽司。想食清清地就點左個水冷麵。冷麵好冰涼彈牙，但唔夠酸，如果可以配一支醋俾我自己加就更好，但唔加醋都好啱味好好食，仲有泡菜跟同有野飲送有茶。店面好靚好舒服。

1家人同朋友聚會, 於是就決定去呢間新開張既韓屋 食個飯啦前菜: 薯仔好好味甜甜地泡菜好入味,辣辣地反而笌菜一般啦。炸雞都唔錯但如果下次個醬同炸雞分開上會好D..因為而家食落去變左好似咕嚕肉既感覺人參雞湯同坊間嘅差唔多， 淡淡地，感覺無乜味精❤️炆年糕牛肋骨❤️呢個你地利，一定要叫推介推介，D 牛肉好淋，容易咬開，裡面仲有我最愛韓式年糕,d汁可以撈飯，一流紫菜包飯 👉🏻韓式既壽司，無乜特別🖖🏻海鮮pizza👉🏻料都足，但就無乜味韓式炒粉絲好味

呢邊唔係元朗大街，但就俾我搵到比市中心更高水平既韓國食品！都兩三點啦，好彩仲有lunch set食。一見到辣冷麵張相我就俾佢吸引住啦，唔理佢幾「紅」都好，我叫！先上菜既韓式頭盤有泡菜、酸蘿蔔同翠肉瓜，睇下個鐵碟仔上面都印住韓文字，盡顯韓國風味。開頭食個冷麵真係好過癮，個醬甜甜辣辣，麵質又爽口；但食到一半真係頂唔順、愈食愈辣…呢種辣係慢慢滲出黎既！但一d都無阻止我食既慾望，而且發現呢碗麵既心機之處。麵中間一絲絲既、我敢肯定係生果絲、但唔敢講係咪水梨。生果絲發揮左好大既作用，佢既清甜同冰涼可以有助解辣，令我繼續食落去。鐵板燒烤豬肉絕對係鐘意食烤肉朋友既恩物！由廚房攞出黎果陣已經聽到滋滋作響同傳黎好大陣香味。賣相果然吸引，橙橙地色既醬，望落都知係夠味。原來與豬肉同煮既洋蔥先係加分之作，爽爽脆脆，大減油膩感。可惜杯熱柚子蜜沖得好淡呀，但反而凍柚子蜜就無呢個問題。

呢度啲嘢價錢好合理，吾貴，味道都好得，份量仲好夠。呢度坐得幾舒服，剛剛開張冇幾耐，改左裝潢，有卡位。我地4個人，叫左個2人套餐，有: 炒年糕 + 年糕炆牛肋骨 + 鐵板辣炒魷魚圈五花肉 + 兩碗白飯 + 兩杯飲品，成個套餐$200有找 (價錢好似係$196)，好抵食呀！(其實主菜有4款揀兩款，我就揀左牛肋骨同鐵板五花肉) 另外再叫左個牛肉拌飯 & 韓式炒粉絲，4個人埋單318，我真係覺得超抵食，仲要係夾硬食先食得哂。元朗有另一間韓式餐廳，係韓國人開嘅，啲嘢食價錢好貴，仲要樣樣都好細好細碟，絕冇誇張，食完好似冇食過咁，所以如果有試過那間，就更加會覺得呢一間好抵食呢個牛肉拌飯，我吾太記得價錢，好似$60，撈埋韓國辣醬，好好食，啲飯仲係熱，好得。因為我試過有啲地方啲飯係凍左，我鐘意熱啲。料都好多，芽菜好好味年糕炆牛肋骨，好好食，肉一啲都吾"un"，好滿意，啲蘿蔔好入味，仲有東菇，份量好夠，牛肋骨有好多舊。 呢個如果單點係$88 (配白飯)，其實單點都吾貴，但2人套餐超抵食。我就食得辣，而我媽就覺得炒年糕辣左少少，所以吾太食得辣嘅，記住叫小辣。呢個係鐵板辣炒魷魚圈加五花肉，我媽都要沖沖水食但佢

因為住附近，見到新開左呢間韓國菜，我本身超鍾意食韓國嘢，去韓國都去左超級多次，所以就即刻來試下。因為間店好細間，加上食過元朗好多間韓國嘢都吾好食，仲要貴，所以我都冇乜期望，但試完好喜出望外，之後就再去食過好多次了，仲介紹好多frd同屋企人去試，基本上個個都話好ok呀。間店雖然坐圓櫈，唔係幾舒服，不過位就唔迫，鬆動那種，服務態度都好好。下面嘅相，係分開好多次去食嘅時候影嘅，不過每次去食都幾個人一齊，所以就試到好多款。呢度嘅餐，全部都會配埋白飯同韓式前菜，前菜可以要求添加。呢個牛肋骨，係我最愛，超好食，叫之前，覺得$88 都幾貴，但食完之後就覺得好值，份量好多，而且其他地方食韓式牛肋骨仲貴，所以呢個價錢係好值的了。肉超"林" 好入味，而家每次再去食，次次都會再叫呢個呢個都好ok, 夠惹味，份量都好多炒粉絲都好ok, 又唔太油，雖然$60 就咁一碟粉絲都有d貴，不過元朗有間係韓國人開嘅店，價錢收得仲貴，仲要炒得好油，所以呢間的炒粉絲，我每次去都再叫。呢個辣豆腐湯係我第二最愛，我本身超鐘意韓式辣湯，如果唔加配下面嘅鐵板牛仔骨，好似$48, 配埋就$98，我覺得好抵牛仔骨好多塊 (好似有5塊)，

新開的韓國菜餐廳，有驚喜的質素，韓國牛肉伴飯，牛肉香甜，配菜豐富，醬汁惹味；可惜今天人小，否則一定多叫韓國粉絲和人蔘鷄湯，看到旁邊的食客都有叫，賣相一流，老板介紹牛仔骨，不過今日食唔落，下次一定再來。