靠父幹車仔麵

營業中

休息中

午餐想食碗車仔麺，就入左這間餐廳。一入到去，墙壁上掛上很多很特别名字套餐。最後，我選擇了"父親大人招牌套餐"，名稱幾特别，就試下啦。腩肉豬手牛腩瑞士雞翼大腸河加腩汁小辣多蔥這碗河粉賣相相當吸引，甚多配料當中腩肉肥瘦適中，豬手滷得入味，瑞士雞翼的雞翼帶有瑞士汁特有的甘香味道，大腸味道還可以，河粉滑溜彈牙。下次可以再試下其他配菜。

今日下午茶時間剛巧經過大圍，看見這間新開的車仔麵店，布置清新得嚟又幾有型，店名亦相當有趣，便進去試試。入店即見好一對對聯叫大家唔好為囝囡生氣，想必店主是孝順囝一名😅。果然出品沒有令人失望😊，她的秘製炒腩肉十分入味，且食落不太肥膩，而瑞士汁湯底亦非常濃郁，油麵的咸味及彈性也算剛好，豬紅是真🐷紅而非🐔紅……總之是值得再來嘗試其他餸菜款式的車仔麵店。聽聞她的港式奶茶咖啡亦是鎮店之寶，下次再來一定要試吓。

週末自然醒後，突然很想吃車仔麵，便帶着狗狗去找車仔麵。路過一間開業有一段時間的車仔麵，見到他有戶外位置，正合心意。由於聖誕臨近，店舖裝飾很有聖誕氣氛。中午店內食客都不少，外賣的也有幾個。🍄凍檸茶🍄瑞士雞翼，印象中價錢不太便宜🍄小食三寶（咖喱魚蛋、魷魚、牛柏葉）🍄蠔皇冬菇，韭菜餃河粉。味道正常，與外面車仔麵差不多。🍄另一個麵選擇了父親秘製醬汁，印象中味道幾特別。整體來說這間店食物份量不算大，而且不是太便宜。在大圍區來說，還有很多其他選擇。

今日經過大圍見到有間新開嘅車仔麵店，就入去試吓。我叫咗個三餸車仔麵，真係唔錯！*蠔皇冬菇* 🍄：冬菇煮得好嫩滑，配埋蠔皇醬嘅鮮甜味，非常夠味。*魚肉春卷🌿🐟：魚肉春卷蔥香味濃郁，食落去好有層次感。*酸齋* 🥬：酸齋味道適中，唔會太過酸，配埋車仔麵，味道唔錯。*一碟通菜* 🌱：通菜火候煮得剛好，保持住爽脆嘅口感，加埋少少腐乳，味道簡單但好好食。整體嚟講，呢次試新開嘅車仔麵店真係好滿意，味道唔錯，服務態度亦好好，下次一定會再嚟試其他嘢食！😊🍜

餐廳氣場好好，雖然係夜晚嚟食，但裝修燈光都俾人溫暖嘅感覺。以為係普通車仔麵size，點知好大碗，父親秘制醬汁好惹味，小辣都比其他車仔麵辣啲，建議唔太食辣嘅叫BB辣。湯底望落去好清，但其實都夠味，似腩汁味但顏色唔似。叫左炒腩肉，蘿蔔同酸齋都好食，餸嘅份量都唔少，可以話係大食人士車仔麵之選！

已經不知有幾多年無食過車仔麵，知道大圍新開了這間車仔麵店，便決定要試一試。今天去的時間還早，不用排隊，入到店內光線非常充足，裝修很有心思，給人感覺乾淨舒服。跟大部分車仔麵店一樣，都是食客自己填落單紙，非常方便。我點了3餸一麵（$52），有蘿蔔 牛柏葉及秘製炒豬腩肉，老公點了2餸一麵（$45），我們還加了一個小食南乳豬手（$40），蘿蔔清甜好味，可惜當日可能煮得不夠耐，有點硬，秘製豬腩肉值得一試，很爽口入味，是我喜歡的口味，牛柏葉味道正常，如果可以切得大嚿d會更好，因為煮完後牛柏葉縮到好細嚿另一碗瑞士汁雞翼 柱候牛根腩湯底選了父親秘製醬汁，雞翼煮得剛好肉質很潄滑又夠入味，牛腩都唔錯，最後小食南乳豬手，喜歡濃味又不怕肥的真的要試試，老公是怕油膩的人都覺得好好食

今日去試新開靠父幹車仔麵，車仔麵4個價錢由$35-$60,今日揀左牛根腩/雞翼/豬紅/1個麵 $52,碗麵黎到就見到好肥牛腩冇牛根，份量少，食落口好韌，全碗牛腩冇野好食全脂肪，完全吾掂，連最基本牛腩都煮吾掂，講到明父親必食推介，真係叫佢父親落黎食下，全部都係脂肪，肉得一點點, 下欄食物都煮俾人食，有冇良心，大家千祈吾好點牛腩，點左會勁後悔👎👎👎

環境真係好鬼趣緻又好舒服 有好多字句都好有趣好好笑 我叫左碗五花腩雞翼尖肥牛秘製醬汁小辣米線 啲雞翼尖好腍好好食 肥牛好新鮮好肥美 五花腩唔會太油膩 但係有適當嘅油分 不過佢嘅椰子冰原來就係椰奶汁 早知我就叫椰子冰啦，因為我叫咗紅豆冰 我自己唔係好鍾意食紅豆我絕對非常之推介呢碗配搭 真係好好食😋😋😋

純粹當時唔駛排隊就一試，當日點五花肉、豬皮、大腸配油麵，五花肉同其他店唔同，鍾意肥嘅就啱哂，豬皮夠入味，大腸如果控制到諗身易咬就更正，湯頭正常味，整體份量多，滿意👍🏽

積信街最近新開咗車仔麵店，現試業期間做緊優惠。到埗視線即被白屋仔門面吸引住，內進光猛開揚、整齊簡潔、空調充足，環境好舒服。車仔餸、粉麵、醬汁及飲品均有頗多選選擇，遞纸仔後不久熱騰騰麵食已端上台；我哋選嘅牛腩、牛筋、豬腸均夠淋、足味，蘿蔔清甜、皇冬菇入味，入口質感剛剛好，試咗三款醬汁各有特色，應有一款會適合！牆上靚字寫上老板父親大人有五大必食推介：滷水豬大腸、柱侯牛腩、秘製炒腩肉、瑞士鷄翼及南乳豬手；日後必要續一嚐試！店主頗年輕，待客有禮，招呼周到！

非常值得一試，服務好。之前係出面食的車仔面不會有咁好服務。老闆娘人靚笑容好👍👍👍環境好，地方寬敞。………………耶✌……………………………之後又多個食好嘢的地方了。 本人試過之後非常推介秘製炒腩肉，一般車仔麵店不會有呢樣選擇，還有幾樣出面車仔麵都未見過的（虎皮鳳爪，魚肉春卷，瑞士雞翼）都係好選擇👍👍湯底有多款選擇 靠父幹就必須要有父親秘製醬汁🤣🤣仲有個可以辣到叫（爸爸）😎😂大家試下啦🎉

今日見到大圍新開間車仔麵好抵食，做緊試業送一個餸環境乾淨，個名好搞笑，啲擺設都好抵死一定要食炒腩肉，好香口，我揀其他啲餸都唔錯，台灣香腸有煎香先放落湯，瑞士雞翼都幾好