靠得住粥麵小館 (MegaBox)

今日係megabox做完野就落去搵野食，見到呢間米芝蓮粥麵店唔使等位就入去試一試。一上枱已經聞到好香。啲牛腩煮得夠晒腍，入味得嚟又唔會太鹹，仲有啲半肥瘦位，咬落去啖啖肉汁。最正係啲牛筋，炆到淋滑又黏口，充滿骨膠原感覺，正！麵底都唔錯，揀咗幼麵，幾彈牙又掛到湯汁。不過講到服務就真係麻麻，想問啲野，叫左幾次都無伙記理我。價錢比起一般粉麵店牛腩麵都算略高，以咁嘅質素雖然算中上，但性價比真係唔算高。如果唔使等位同埋減返十蚊八蚊就合理啲。總結：食物有7/10，服務同價錢拖低咗，整體只能夠畀個中規中矩啦！…查看更多

當時經由外賣平台點餐，車手到達時，餐廳跟車手說，那個餐被其他車手取走了，不願意重做。要車手自己諗辦法。導致食不了午餐。首先，餐廳自己沒有核對清楚車手的單號，就讓他取餐，已經係餐廳責任，但該男同事，反而要負責那張單的車手，自己想辦法。又完全不願意重做。…查看更多

我太太和女兒今晚去了吃晚飯，以為同一個集團中有米芝連，分店也應該不會太差。結果完全不能接受的差！首先服務態度非常惡劣，落單時侍應已經很差態度，我的女叫青瓜前菜，侍應竟然話「咁辣你食到嗎？」之後叫侍應又冷待，想要杯水完全冇理，結果我太太要坐去老遠的位置自己出去攞水。最難頂係食物，我哋叫嘅雲吞麵，豬膶粥，蘿蔔糕，全部非常之咸，完全唔明點解佢哋可以米芝連推介的店，我就話簡直係垃圾店，香港飲食業之恥，希望其他人都唔好似我咁上咗當！…查看更多

靠得住位於灣仔嘅克街總店由2011年，已經連續7年被選為米芝蓮推介食肆同埋蟬聯兩年米芝蓮必比登推介，仲係香港第一間粥店獲得呢個殊榮，賣點就係首創兼真材實料嘅鮮魚湯粥底。自從灣仔分店受到米芝蓮嘅祝福，就成日大排長籠，所以我就轉移陣地，去到九龍灣德福分店，感受一吓呢間粥店嘅味力啦。粥底嘅製作相當細心，首先以新鮮嘅魚熬製4個鐘煮成魚湯，再加入粥底再煮。所以就有鎮店三寶之一嘅心肝寶貝粥，鮮甜嘅魚湯粥底，夠晒綿，仲有新鮮爽口嘅豬膶同北海道刺身級帶子，好鮮甜，唔駛再加調味。鎮店三寶嘅另一選擇就係靠得住鹹肉粽，粽有淡淡嘅荷葉香味，勁多綠豆，仲有成隻咸蛋，最欣賞就係塊肥豬肉，令鹹肉粽嘅香味大大提升。一場嚟到，就叫齊晒鎮店三寶啦！新鮮嘅鯇魚皮經過灼熟再冰鎮，加上香蔥、花生同辣椒豉油，味道一流！而魚皮經過冰鎮，就異常爽脆。係必點推介！同樣地個蝦球雞粥嘅粥底好綿滑，而雞同蝦嘅鮮味，已完美同粥合體。雞肉同蝦同係辣鮮食材，食落彈牙唔梅，好好味。黑牛柏葉無漂過，夠晒健康。切得幼細唔韌，爽口彈牙，係另一個推介。…查看更多

Mega box 環境整潔乾淨，今次再坐卡位，叫咗豬軟骨麵，都係先上麵後淋湯，麵保持Q彈，豬軟骨肉偏瘦，對鍾意多啲肥肉同軟骨嘅我有點失落，但肉質軟腍，唔會硬難咀嚼，調味濃郁，十分滋味，而且有3大塊，彌補番我嘅失落，都係$38 （另有加一），下次再試其它。…查看更多

今日正好經過九龍灣mega box，一於上來平民米芝蓮餐廳食下午茶餐。環境乾淨明亮，舒服嘅卡座位，人少而靜。叫咗招牌鮮蝦雲吞麵，10分鐘後，侍應上咗碗無湯麵，然後才淋上熱辣辣嘅湯，既保持咗熱度又可以令麵保持彈牙避免因浸透湯而變冧，有少量嘅蝦籽鋪係麵上，食落去麵彈牙之餘冇鹼水味，而且充滿鮮香濃郁蝦籽味，雲吞皮薄細粒，但咬落鮮蝦彈牙爽口，非常鮮甜，大概有5粒雲吞，麵條份量少，正常下午茶份量，只係38蚊（另有加一），好味得來又抵食！會再嚟。…查看更多

週日晚上7點入座、客人數量普通、吾忙、叫個伙記落單、話要掃QR code...,語氣都係唱好香港個隻啦 算... 叫左碗雲吞麵同魚片粥個麵黎到伙記好型咁加湯...D湯係吾熱架！！！最多少少暖...食咗幾十年雲吞麵、真係...未試過咁樣質素米芝蓮推介？？？必比登？？？？笑左....香港地加一正常、但係真係冇任何服務埋單仲另收$10茶錢（蘋果紅茶？？）夠膽,好嘢b就係一間茶記...但求其一間都好過佢吾怪得香港食肆搞吾掂一個字講晒,冇下次…查看更多

行完街街 去咗食靠得住嘅雲吞麵，我覺得真係靠得住啦！啲雲吞同麵都係穩打穩扎，唔會令人失望。但係如果份量再多啲就更好啦，咁樣先會更滿足啫！不過整體黎講，呢間食店係值得一試嘅，如果你係雲吞麵愛好者，記得要嚟試下啦！…查看更多

今次食位於九龍灣，米芝蓮推介嘅粥粉麵餐廳，食清清地。超級推介佢嘅: 黃花魚剁椒。超級好吃！剁椒很惹味很香，魚肉嫩沒有腥味，還有蠟燭保溫。皮蛋瘦肉粥 粥底好棉，粥很好吃。皮蛋多，瘦肉入味，味道夠重。招牌鮮蝦雲吞撈麵 鮮蝦雲吞大大粒，勁多粒。蝦肉爽口彈牙，湯好清，撈麵很爽口。蒸腸粉 甜醬麻醬自由添加！喜歡超級多醬！正呀混醬！腸粉好滑一吸就入口。豉油王炒麵 正常。沒有什麼特別驚喜，不夠熱，未夠鑊氣。葱花芽菜都好新鮮。…查看更多

今日去MegaBox，突然間想食粥，所以就去咗靠得住！竟然見到$50 一粥一小食嘅餐，小食仲可以揀腸粉，我個心早兩日都想食腸粉！所以一見到就叫咗兩個餐再加一隻 $48乳鴿！$50 艇仔粥加混帳腸粉多魚少肉，味道都可以！腸粉係自己落醬，所以鍾意多麻醬嘅我非常滿意 😌另外再叫 $50皮蛋瘦肉粥加油條瘦肉好多，皮蛋就得好少，值得一讚係油條好脆！個粥係幾好食嘅！最後我哋仲叫咗隻豉油王乳鴿，一嚟到嘅時候忙到好失望，因為好似擺咗好耐咁，肉唔算多，不過$48都唔敢要求太多！不過下次就未必會再叫！埋單$174，下午茶嚟講，好似有少少貴🙈可能一個乳鴿有啲失望，所以會覺得貴，下次叫少隻乳鴿應該就會開心啲不過服務好好！拉個平衡👍🏻呢$174我願意俾…查看更多

星期六同朋友來咗企業靠得住食下午茶餐，50元就有一個主食加一個小食，真係低食，食物都OK，而令我驚訝既係，呢張餐檯既檯面可以擦得這麼乾淨，睇得出工作人員的工作態度認真，值得一讚👍…查看更多

出外旅游了几天回来，想吃点清清的，下午和朋友来megabox靠得住吃下午茶餐，有侍应安排入座，然后上了一壶苹果红茶给我们，我们点了2个下午茶餐，苹果红茶几好饮、有茶味和苹果味，罗卜糕煎的刚刚好，望落去令人好想吃，云吞面就特别了，用个壶来倒汤，汤倒出来时好香，整体来说，食物简单好食又唔贵，服务态度都几好，环境整体干净整洁😀会再回来光顾的…查看更多

今晚來到megabox，商場人流比較少，唔知想食D乜嘢好，係10樓門口見到靠得住，望入去環境真係唔錯，收拾得井井有條👍，係門口徘徊一下，隨即有位林生拿著餐牌出來向我介紹，熱情招待下便跟林生入座，一坐下我便繼續睇餐牌，林生給我遞上一杯熱水，並對我說小心水熱，於是我點了一個蒸皖魚腩飯，到奉上餸和飯時都提醒我小心熱，到埋單時，林生問及我食物意見，侍應都有向我說拜拜！今晚用餐好愉快😃真係靠得住👍…查看更多

今日約了朋友去MegaBox溜冰，溜完冰3點幾之後有少少肚餓，但夜晚又約了屋企人食飯，點知經過靠得住見到門口有個細蓉雲吞麵配一杯飲品都係$38一杯飲品，啱晒我們細食的女士，同一些寫字樓的又想食少少，又唔想食太多嘅靚女，咁當然要入去試吓啦😋之後姐姐用一個金色壺倒湯給雲吞麵裏面，個姐姐仲話D湯熱D面會爽啲，好有禮貌好親切👍👍👍…查看更多

2024年3月3日去九龍灣MegaBox看一套叫‘’白日之下”的電影，很沉重的啊。看戲前在一間有米子蓮的餐廳叫“靠得住”吃晚餐，點了梅菜扣肉和北姑蒸雞，很幸運第一次來這間餐館，味道很不錯，扣肉半肥不瘦，蒸雞很入味，簡簡單單的一個美味晚餐，家常菜那種，很喜歡一些餐館煮一些傳統的美食，不誇張不做作，不亂攪綽頭，其實是沒有做好自己的菜式。今次吃完沒有口渴，返來吃的旨數是100%，下次可以再去其他分店試試！…查看更多