8
1
0
港鐵黃埔站 A 出口, 步行約9分鐘 繼續閱讀
營業時間
今日營業
12:00 - 21:00
星期一至日
12:00 - 21:00
付款方式
現金
食評 (12)
近年好多人開始進行低碳飲食健康瘦身,出街食都越來越多選擇啦,最近仲有一間以「非飯」為主題的餐廳,以椰菜花飯為主角,仲有超健康的素食選擇添!非飯位於紅磡馬頭圍道,交通都算方便就腳。藍色的店面非常搶眼,看起來都幾有型格。餐廳面積細細,共有四張四人檯和幾個吧檯位。環境都幾舒服既,店內採手機網上點餐,用相機掃一掃桌上 QR code 就可以進入點餐網站,不過第一次用覺得有點麻煩,最後都係出櫃台點餐付現金。非飯系列共有四款,另外再加兩個素菜,菜式都走日式路線。食飯仲附送免費茶飲,另外可以加蛋加椰菜花飯加藜麥之類。我第一在餐廳見到赤藻糖醇,果然係走低醣路線的餐廳啊!五目炒野菜太陽蛋咖喱藜麥 HK$78因為我跟朋友都喜歡吃蛋,所以唔理個飯本身有太陽蛋,都硬要加隻溫泉蛋。留意返素食這個不是椰菜花飯而是藜麥,野菜的部分有櫛瓜、蟲草花、菇和車厘茄,咖喱汁係日式咖喱都幾好味。成碗個靈魂係邊太陽蛋,藜麥吃起來就有點太濕潤。這裡的椰菜花飯並非只有椰菜花,還加了杏鮑菇和藜麥,吃起來口感更有層次。味道上我都幾滿意個炒野菜太陽蛋藜麥,不過玩開斷食每天吃一至兩餐的人,吃完成碗覺得好似無食過野,哈哈哈哈哈。我相信正常飲食人士或者小鳥胃女生會覺得剛剛好既。 繼續閱讀
(以上食評乃用戶個人意見 , 並不代表OpenRice之觀點。)
椰菜花飯,實情係食哂一碗碎左既椰菜花。中間有幾點藜麥陪襯。用氣炸鍋,自助餐具。希望可以比兩粒鹽落去。兩粒都唔會太唔健康掛?🥺當日最後係問人攞左碗咖哩汁送埋啲椰菜花碎🤭 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-28
94 瀏覽
自己都有煮開椰菜花飯,所以特別到訪睇吓自家及外食之間有冇分別。大約二時到達,店舖中未算多人,小小的文青店鋪,走到收銀櫃下單,叫了高蛋白之選,雞胸加蛋,完全零醣之選,跟餐包飲品,全自助,飯餸備好就自行拿取,幸好店舖細。雞及蛋就如其他日式店的差不多,至於椰飯,講真同我自己煮都差不多,唔太食到雞比菇,但就食到藜麥。味道及質地都真係同自己品牌差唔多,最大分別係自己煮唔駛$68。如果無時間又追求零醣的話,都係一個好選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-15
120 瀏覽
偶然發現了這間小店主打日式丼「飯」但就用了椰菜花同藜麥代替飯啱晒一眾生酮飲食者 我就唔係生酮但本身唔鐘意食飯 所以幾喜歡呢個idea套餐送台灣四季春茶 (或可以加錢配咖啡)仍是新店所有有改善空間但勝在價錢親民 簡單有heart 咖哩午餐肉太陽蛋「飯」$58鐘意有燶邊的太陽蛋 (加分!)午餐肉我見佢用氣炸鍋整 又加上係外賣所以可能凍左 唔夠香脆 有點dry椰菜花底有小小的咖哩味但可以再濃味啲和風溫泉玉子牛肉「飯」$68和風牛肉溫泉蛋就普普通通啦 呢款冇咖哩所以個椰菜花近乎係冇味建議可以加返少少調味 例如加少少蒜或黑胡椒加左個海蜇青瓜小食 好食喎海蜇勁爽 調味夠 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-07
150 瀏覽
呢日我地黎到紅磡就係為左去呢間新開既非飯!呢間小店,主題係以花作飯, 感覺好有趣,好有新鮮感。店舖裝修簡約,門口油上海藍色, 離遠已經見到。豬扒炸得脆脆,但感覺一啲都唔油膩,肉嫩多汁,淋上日式咖哩汁好正 。再配上椰菜花飯, 成碗飯既感覺變得好輕盈清新。滑蛋鷄其實就係親子丼, 配上用椰菜花、藜麥、菇類 等做成既偽飯,感覺好得意,真係好似食飯咁, 而且好好味。飯後再飲一杯熱茶/咖啡, 感覺很清新舒暢。✨咖哩炸豬扒椰菜花飯 (無激素)✨滑蛋雞椰菜花飯(無激素)✨熱四季春茶✨熱牛奶咖啡 繼續閱讀
(以上食評乃用戶個人意見 , 並不代表OpenRice之觀點。)