影片
以上資料只供參考, 請與餐廳確認詳情
朋友喜歡食泰菜, 今晚去銅鑼灣希慎廣場三樓, 青青泰國料理. 裝修帶點泰式格調.冬陰功蝦湯, 酸酸辣辣, 帶濃厚蝦味, 吾錯.蟹肉肉碎奄列, 伴有生菜, 蟹肉, 肉碎加炒蛋, 幾爽口.炭燒雞肉豬肉沙嗲串各兩串, 雞肉嫩滑, 不乾身, 豬肉也吾肥, 配搭秘制沙嗲醬, 醋汁, 惹味好食. 黃咖喱牛筋牛腩, 這碗黃咖喱, 味道帶點甜香, 內有牛筋牛腩, 咖哩汁調味香濃有椰奶及蛋香, 少少辣. 拌上白飯真好食. 古法明爐鱸魚, 用金屬鍋盛載, 上臺熱騰騰, 鱸魚好大條, 古法蒸魚, 配些香茅, 檸檬, 可除去魚腥味, 魚肉嫩滑又有魚味, 伴上青蔥肉碎, 味道挺好食. 大蝦蛋包金邊粉, 傳統食品, 大大只鮮蝦放在正中, 下面是金黃色蛋絲網包, 內有金邊粉, 打開蛋絲網, 金邊粉滿滿, 炒得軟滑, 加上銀芽絲及加 點青檸汁, 花生粒, 酸酸甜甜好好食. 又可加上辣椒粉, 更加醒神.食物款式多選擇, 食材新鮮, 份量足.
繼續閱讀
收工約佐朋友係銅鑼灣食飯，位於希慎廣場3樓的青青泰國料理，食物質素高，環境舒適，價錢合理，值得一試，重點推介：🍤炸蝦餅外脆內嫩，蝦肉扎實彈牙，蘸酸甜醬食，好味又唔油膩，朋友大讚呢個👍🐔海南雞雞肉嫩滑，麻油香味，配薑蓉、辣醬、黑醬油馬拉盞炒通菜去泰國餐廳必食，味道酸辣鹹香🥭芒果糯米飯芒果幾甜，糯米軟糯，加埋啲椰汁，甜而不膩，不錯最後到大家最關心嘅服務喇首先鋪頭入面店員都幾算後生為主，幫客人落單過陣都友善，亦會為客人加下水咁，有個女店員好nice，主動幫我地影相，加分，會再嚟。
繼續閱讀
銅鑼灣最近很多泰式餐廳，小妹超愛吃泰菜。朋友說想試這間，就來吧平日午飯時間，不用等位店很大！門口出面都有位置，沙發位的設計挺別致，整個餐廳的裝修都很有風味很漂亮真的蠻大的，難怪不用等位午市套餐價錢在銅鑼灣尚算合理～小妹點了海鮮冬陰功金邊粉，配蜜瓜烏龍茶$82+10%如何說呢～冬陰功的酸味足，且是微辣，但感覺跟平時飲開的不太一樣好似是魚湯底吧，其實蠻不錯的。只是這家的金邊粉有點厚身，似在內地吃到的厚身河粉，口感較粉狀，像煮不熟似的，有點影響他掛湯的功能雖然說是海鮮冬陰功，但整碗只有一隻蝦，魷魚反而給了不少，只是偏硬，需要時間咀嚼～青口則有兩隻！朋友點了豬頸肉扎肉炸蛋飯配泰式奶茶$86+10%這個價錢來說，豬頸肉的份量好像有點少不過朋友說豬頸肉好吃下次小妹也可以嘗試這款不過不失～下次可以嘗試其他菜式
繼續閱讀
啱啱同朋友一齊食咗個四人套餐，真係超豐富！😋 成枱都擺唔晒啲餸，睇到都開心，食落更加滿足～每道菜都好有特色，味道層次分明，真係食到停唔到口！🍲 雜菜粉絲鍋 ：材料勁多，有木耳、粟米條、粉絲、椰菜花、紅蘿蔔等等，香味撲鼻，一上枱就令人流晒口水🤤。湯底好鮮甜，啖啖都係新鮮味道，暖笠笠好舒服～🥬 蒜蓉炒通菜 ：炒得好香，通菜又脆又嫩，食落好清爽，真係一流！👍🦐 大蝦柚子沙律：微辣但唔會太刺激，柚子酸味啱啱好，配埋大蝦超清新～夏天食就啱晒！🌞🐟 泰式魚翅湯 ：雖然份量唔算多，但湯底好鮮甜，仲有兩款醬料配搭，一款酸辣、一款折醋，飲落層次感十足，好有泰國風味～🍍 泰式甜酸咕嚕肉 ：呢道主菜就有啲細份，略為失望😕。不過菠蘿甜味同咕嚕肉幾夾，只係肉唔夠脆，但整體甜酸味都幾開胃～🍢 滋味小食拼盤 ：有豬頸肉、春卷、炸豬，三款醬料任你點！春卷炸得金黃酥脆，咬落卡滋卡滋，好正！💥🪑 座位好舒服，食得又放鬆～不過店員會安排客人坐出面，令餐廳氣氛熱鬧啲，但可能會覺得有啲逼～🥤 至於飲品呢：泰式奶茶：偏甜但好有風味🧋 椰糖青檸梳打：味道特別，值得一試🍈雙檸泰冰茶：清新檸檬香，檸茶 fans 必試🍋呢個用餐體驗好開心，菜式都幾多元化，啱晒鍾意試新嘢嘅朋友～下次一定要再嚟，繼續發掘更多美味！😄🍽️
繼續閱讀
今晚跟女兒食泰菜，看到餐廳環境不錯，叫了咖喱大頭蝦，冬蔭湯及菠蘿海鮮炒飯，賣相不錯，味道也好，但開始時有點委屈，入座時知道廚師快下班，要快點叫菜，但幫忙點餐那位女餐廳職員真的給我不好的感覺，催著下單，但因女兒在，不好發作，我心諗既然都比我入座消費，為什麼連一點看餐牌的時間都不給我，一坐低就好像監督一樣，站在隔離盯着我，感覺催我要快點點餐一樣，點餐過程，不太愉快，那名女職員面色也不太好，便想着與女兒快點食完匆匆離開，美中不足！中途有一位男職員聽我說了兩句事情經過，便送了一件蛋糕給我們，女兒很喜歡，點讚
繼續閱讀