青越 (已結業)

在幾個月前，厚德商場被改名為TKO Gateway。當中不少店鋪餐廳大執位，當中有一間新開張的泰越餐廳我一直很想嘗試。正好今天工作夜了，就跑到這家店醫飽肚再回家。晚上七時半左右，等候的客人不多。不需要等位就能入座。餐廳的座位舒適，裝修企理。餐牌的設計時尚。先看看餐牌，晚市食品普遍為70至80元，但需注意餐品是不包白飯跟飲品，如要便需加18元。所以一個晚市套餐應預算約90至100元。最後小弟跟友人點了兩道菜，分別為生菜包和牛肉火鍋。生菜包是筆者最喜愛的泰式菜之一。以往品嚐的泰式菜口味一般比較濃。特別是小弟年青時在九龍城附近的大學唸書，已吃偏九龍城大小泰式菜。相比之下，這家店做出來的菜式口味會比較淡而清新。豬肉色澤亮麗，非常新鮮。豬肉香味四溢，口感佳。生菜包起新鮮豬肉，吃下去非常清新。唯一美中不足是辣度欠奉。西貢越式牛肉火鍋是一款以越式生牛肉河的湯底做的火鍋。個人非常喜歡吃生牛肉河，忍不住點了一個品嚐。火鍋配料份量充足，有生牛肉、蔬菜、丸類和烏冬，絕對夠吃飽飽。湯底味道不錯，是越南河粉的湯底。不過正如剛才所說，這店的食品味道是比較淡，湯底如是。生牛肉下鍋，不消幾秒就可以吃了。牛肉不會過肥，

約咗朋友喺坑口食飯，嚟咗呢間餐廳。好耐冇入過嚟，原來坑口變咗咁多。呢間餐廳環境靜靜地幾舒服，裝修幾有特色，啱哂今日傾計嘅心情。我地叫咗一碗泰妃雞飯同埋生牛肉河。泰妃雞雞肉嫩滑，帶微微鹹香，加上甜豉油味道更突出；黃色的雞油飯味道香濃，撈咗蔥油更好食～仲有甜酸蘿蔔絲做配菜，唔怕漏～另一方面，生牛肉河味道都唔錯。牛肉夠嫩滑，個湯都好香。另外仲叫咗杯Caramel Cappucino，原來星期一、二都可以$10叫多一杯同款咖啡！總結：越南菜加咖啡呢個組合幾好，服務同嘢食都唔錯，雖然未必係最好，不過勝在氣氛舒服，飲嘢傾計一流。

最近坑口多咗好多新舖頭新嘢食，其中一間就係呢間「青越」。這間餐廳裝修特別，在商場內尤其顯眼，之前經過都會望一望入面。而小弟今次第一次入去食，食物味道、服務、環境都感覺不錯。我地叫咗個 炒泰式金邊粉 同埋 泰妃雞飯。金邊粉炒得夠鑊氣，配料有鮮蝦、豆乾、花生等，口感有不同層次，蝦肉彈牙，豆乾煙韌，花生脆卜卜，都幾好味；而泰妃雞飯雞肉嫩滑，肉味濃郁，雞油飯亦充滿油香，刺激食慾～另外裝修都別具一格，以木色為主調，再加少少café風格，有異國風情的感覺。第一次食感覺良好，下次嚟再試多啲先！

已經是第三度幫襯這一個翻新後的商場內的餐廳，有些說話真的是不吐不快。話說將軍澳厚德邨本來有一個厚德商場，自從領匯的魔爪伸延到這個商場之後，已經慢慢地起了變化，多了集團式店舖或者連鎖餐廳進駐。本來這個也不是大問題，因為某程度上來說，既增加了商舖類型、也提升商舖的質素；但始終本質是公共屋村的商場，一定要保留一些街坊式小店以迎合居民的日常生活需要，而這個關節點一直也能夠維持。但大半年前大部份商店突然結業，商場也開始進行大翻身，當時已經隠然覺得有點不妥。直到今年年初，商場終於完成翻新，並改了一個非常潮的名字「tko gateway」；裝修格局已經遠離公共屋邨商場的模式，更加接近一個私人屋苑商場，所有街坊小店及原本的廉價小型美食廣場消失殆盡 ⋯⋯ 已經完完全全違背當年領匯上市的承諾及原意，真的令人有點激憤。發完牢騷，返番正題，今次選擇了「青越」。原因很簡單，上兩次經過門口都見到有很多人排隊，根據市場定論，一係質素有番咁上下、一係價錢很平；第二個原因就是門面裝修時尚，餐廳又採用開放式門口設計，可以窺見內部的裝修也相當有風格。真係好多人幫襯，整間餐廳滿座。細心留意一下餐廳的天花也有特色裝修。餐牌配合

坑口這個商場近日裝修完有很多新餐廳進駐，更改了一個高級名字tko gateway，真的「得啖笑」。幾間餐廳都每逢假日就很多人，這間也不例外，不過今日等了15分鐘左右就可以入座了。菠蘿比較小，飯入面也不太多菠蘿肉。飯的色澤雖然金黃，但食下去很淡味。份量很大，雞肉多河粉也多，但河粉可能浸得比較耐，吃下去有點淋。由河粉改到金邊粉，很後悔⋯金邊粉很散很碎，用筷子完全夾不到，吃得很狼狽。這道菜是最好吃！雖然豬頸肉只有一小塊，但其他材料很實在很豐富，口感很足夠，很清新，值得一試。四人埋單二百四十多，總括而言，每道菜份量很大，吃得很飽，價錢也不算貴，以街坊餐廳來說都很稱職，只是不要太要求味道好了。

越嚟越多新食肆進駐坑口區. 繼早兩年興韓國菜之後, 呢期論到越南菜上位啦!! 講起越南菜就自然諗起生牛肉湯河同撈檬.  好! 入正題啦! 呢間青越既特別之處係加入咗火鍋、特色飲品等元素, 令客人有更多元化既選擇. 先講個火煱先, 我揀咗cheesy既西貢法式芝士牛肉鍋 ($98), 火鍋配料有牛肉, 手打丸, 芝士球, 蔬菜, 烏冬... 而呢個火鍋既驚喜位係嗰個白白既湯底充滿咗椰香味再加有啲芝士底, 第一次打邊爐係椰香湯底, 味道又幾ok喎.跟住黎返個食越南菜唔少得既香茅豬肉撈檬 ($58), 豬肉有用醬炒香過, 所以好惹味, 而且份量都唔少ga, 唔錯!另外叫咗一杯Oreo拿鐵沙冰 ($30), 青越既沙冰有有成十幾款選擇, 當中包括有紫薯、宇治綠茶呢啲女生熱門鍾意既口味, 仲有 *青黃不接 *黃綠醫生 *黃色架步...呢啲咁盞鬼既名.埋單每人大約$100, 正路連鎖餐廳價錢, 味道質素唔錯, 份量都唔細碟, 會再嚟食!

I never put a lot of hope in a lot of Vietnamese food in Hong Kong. The flavors are non authentic and geared for the local Hong Kong palette. So, when I sit down at a Vietnamese place in Hong Kong, I just hope for at least an unauthentic yet decent meal.This was not the case.Located in Tseung Kwan O, is a new mall called TKO Gateway. Well, at least new to me as I'm not completely familiar with this area so I haven't discovered this mall before. There was a decent line and I thought ... why not g

青越開張不久，等了一會就有位。火車頭越南湯粉- 湯清味濃，金邊粉滑溜，墨魚丸豬肉丸爽口，牛𦟌亦稔，清清地吃完感覺好舒服驚喜的是越南粉卷～粉皮超薄超滑，餡料挺多，新鮮蒸好熱騰騰送上，味道超好。彷彿現在想找到好吃的越南粉卷亦不容易。

係幾好播, 唔怪得平時咁多人等位!!!😋👍🏻 剛好遇上情人節 較少人選食呢個菜 所以唔使排隊, 我就選擇黎食喇~蠔仔煎蛋 零腥味 嫩滑好味!!!若蠔仔再熟啲啲我會更熱愛!!! 蝦餅雖然略為唔夠厚身, 但肉色澤好 有蝦鮮甜味, 我鍾意~ 😋😋😋 炒金邊粉雖然無味, 但口感係合格嘅; 粉包足料大件, 但略嫌香草較多, 味道嗆咗啲無層次; 火車頭湯河就係正常味嘅~ 🤓同事們都好有禮貌, 照顧得周到, 抵讚!!!我地都話會再黎的~

行過見到幾多人食 所以入嚟試吓 叫咗個下午茶套餐生牛河＄36 加春卷$11 幾平 想叫姐姐俾多啲香葉 姐姐話唔得 好奇怪覺得啲河粉勁淋 好似煮左好耐咁 定係其實本身係咁 個人好不喜歡 春卷OK 冇意欲再返嚟食

口痕想食個tea，之前都經過過呢間新開嘅越式餐廳，見到裝潢幾靚，所以就決定試下。入面裝修都唔錯，坐咗喺張高檯，一面落地玻璃向街，自然光幾舒服。叫咗個綜合越南麵包&牛油果沙冰：綜合越南麵包：類似豬仔包嘅質感，入面夾咗雞絲、扎肉、蘿蔔絲、生菜、紅菜頭絲？之類的材料，食落幾清新，份量大但又唔會好漏。牛油果沙冰：玻璃樽外型加分，佢地仲有好多款味道，但自己喜歡牛油果味所以揀咗呢杯，開頭好有牛油果味，但後半就唔係好飲得返隻味，可能自己麻痺咗？個人覺得同一地區嚟講，呢度感覺最舒服。不過我坐喺轉角位比較難落單，店員最好多加注意了。

先講餐廳𥚃的佈局，對於高桌椅，大人細路都坐得不舒服，上落不方便，連枱腳突出來的較位更易撞到膝頭。窗邊的木柱有木刺突出來𠝹手。地下滑到不得了。服務員態度散漫。

新年出外用膳少了選擇,見步行步之情形下、在拜年前親人家樓下商場,隨意碰碰就摘上了這間「靑越」,大覽掃一掃由裝修、枱櫈、餐牌都細意用心,看得出店家落多兩錢本。。。一人入座只想填肚下要來一碗扎肉雞絲檬HK$58.雞絲扎肉花生碎樣樣齊、主角當然係甜甜酸(碌冧汁),每一店都有自己不同之碌冧汁,比例上有些酸一些,有些偏甜一點、慷慨之手揮一揮攪一攪頓然將淡而無味檬粉變得豐盛起來,不錯~冷冰冰的天氣不想喝沙冰,本應要來一杯latte、凝望著水吧嬸嬸多時我决定放棄,全屬個人搵食感覺,偷看鄰枱之咖啡、心裏暗地打了分數。可能由於農暦初二也要開工,看上帶位之主任姐姐黑面容,視線快步向內堂免得破壞了新年之心情~

今日試新野, 好耐冇黎過坑口喇。見到厚德改左名仲開左好多新食肆, 就喺呢間越南餐廳覓食!!!裝修都幾modern, 安排坐窗邊位, 都唔錯。午餐有河粉, 撈檬, 飯等等, 跟餐有熱飲。叫左蕃茄牛腩金邊粉, 湯粉可揀河粉, 金邊粉同檬粉。上菜都快手, 牛腩有啲肥, 肉淋唔鞋口, 份量偏少。蕃茄湯味濃, 甜酸甜酸, 都幾好味, 仲有兩三件紅蘿蔔。可惜, 金邊粉太碎喇, 食到一半要用匙羹食。其他飲品可以正價有六折, 叫左青黃不接(青瓜菠蘿沙冰), 都幾大杯。青瓜味唔算重, 菠蘿味出, 冇臭青味, 都幾好!!!埋單60幾, 冇加一, 下次可以試下佢嘅飯先。

今次係第二次嚟食早餐，雖然有少少貴，但係將軍澳區內要搵到食沙律做早餐嘅都算係一個唔錯選擇個包暖暖地，如果可以再熱少少會好啲，因為咁先溶到牛油，沙律不錯，啲菜算新鮮。早餐選擇唔算多，不過款款都多菜，如果想健康啲，我諗叫佢將個沙律汁另上，咁就肯定少油，少鹽，少糖，再加上飲齋啡去水，想減肥都可以食個好食啲嘅早餐。當然唔係為左減肥嚟食好似叫蒸粉包，要等好耐的，想食最好一入去就叫，唔係其他嘢食曬佢都未嚟，可惜今次無上次咁熱。今次仲試左兩杯咖啡，紫色果杯有啲甜，有啲似番薯味好立X多過咖啡，唔係唔好飲，不過有得揀唔會再揀