18
7
5
電話號碼
24537838
營業時間
今日營業
07:00 - 23:00
星期一至日
07:00 - 23:00
*最後落單時間: 16:15
以上資料只供參考, 請與餐廳確認詳情
放假同屋企人去飲茶🫖呢度幾好，環境闊落，而且坐得好舒服🤣🤣🤣🤣最緊要侍應服務幾好👍🏻食都食得開心啲🥳🥳🥳🥳食物方面：我哋6個人，叫左超過10樣食物，有蝦餃、燒賣、叉燒腸、牛肉腸、鳳爪、粉果、金錢肚、炒飯、炒米粉、牛肉球😋😋😋蝦餃勁大啖蝦肉，燒賣又足料😍😍😍鳳爪有少少辣，可以接受👍🏻👍🏻👍🏻一定要試炒米粉，炒得夠鑊氣，勁好食，加埋菜同火腿，一個人可以食一碟🤭🤭🤭🤭青葉海鮮酒家 (青山公路 - 新墟段) (屯門)屯門青山公路 - 新墟段199號好勝大廈地舖
繼續閱讀
屋企附近都冇乜地方岩老人家慶祝生日食飯，唯有搵間酒樓食🤭我今次都係第一次嚟食晚餐，估唔到質素都幾好👍🏻👍🏻👍🏻酒樓環境一般，不過都算乾淨，小朋友老人家都坐得幾舒服，一入到酒樓，經理侍應到招呼得到👍🏻👍🏻坐低之後就準備嗌嘢食今次我哋五個大人，一個小朋友，於是叫咗個四人餐，再加幾樣小食，買單都係$1100，其實真係好抵食😂😂😂我哋分別叫咗：四人餐包括：有燒鵝，東星斑，花膠粟米羹，菠蘿咕嚕骨，西蘭花炒螺片，仲有糖水送😂😂推薦個粟米羹同西蘭花，個粟米羹唔會就咁得啲水，都幾足料下，炒西蘭花超級入味，好好食👍🏻👍🏻👍🏻東星斑都只係加$30，好大條，啲肉都好好食👍🏻👍🏻菠蘿咕嚕骨就正常發揮冇乜特別😂😂另外我哋仲加咗一隻南乳吊燒雞，勁香脆，一定要叫🤭🤭全隻上，一家人齊齊食😂😂另外一樣推介係避風塘炒蝦，真係勁有風味，不過都真係好辣，啲蝦好食到可以連殼都食埋😂😂之後仲叫咗瑤柱蛋白炒飯，撈埋其他餸一齊食，蛋白炒飯好入味，啲炒飯粒粒分明，好有咬口😂😂最後仲叫咗香酥奶皇包，師傅即叫即炸，嚟到熱辣辣，入面啲奶黃多到流晒出嚟🤤🤤🤤🤤食嘅時候要小心😂😂😂整體嚟講比我想像中性價比都幾高，人均消費都係$200唔使，值得一試👍🏻👍🏻仲有我哋自己帶蛋糕都唔使另外加切蛋糕費，臨走嘅時候仲問我哋要唔要糖水😂😂
繼續閱讀
昨日和呀媽在屯門紅橋果邊搵酒樓食飯，一向幫襯開果啲執左粒，咁就試下行遠少少去青葉食， 住屯門咁耐都未黎過。環境唔大，算乾淨企理，職員好友善細心。食物正常酒樓價，有啲孖寶幾抵食，酒樓細細間但都有海鮮燒味小菜。叫左個龍焗粉絲煲同埋金菇肥牛煲，一黎到瞝碟頭好大，兩個人食唔哂，龍蝦新鮮 食到龍蝦鮮味，肥牛煲調味岩岩好，惹味也送到飯。 最後也送糖水。 埋單306 ！唯一無咁好是糖水偏甜左，不過整體性價比不俗，下次也會再來。
繼續閱讀
我嗌咗碟煎釀茄子，搣開咗之後見到入面啲生粉仲白白淨，我請經理幫我整熟啲。佢居然直接用手捏開另一件茄子，話：「呢啲唔係唔熟，就算再整俾你，都係咁架啦！」，黑晒面講：「你哋食過第二樣啦！」之後仲將有油嘅手揩落個枱布度，非常唔衛生，有少少質素嘅人都應該唔會咁樣做，仲係飲食業。我同家人當刻O晒咀，首先我哋無講過話唔要，只係想將面前果碟嘢整熟啲啫，但係個經理非常堅持，唔畀我哋嗌返茄子，最後要改過第二樣嘢。因為係孖寶嘅關係，冇乜嘢好揀，焗住食咗個潮州粉果。我地係常客，其他員工都好有禮貌好盡責，唔知呢個經理係咪輸左馬，攞啲客嚟出氣。呢間店已經唔多客，仲要趕客，真係唔識講。
繼續閱讀
突然想同老婆飲茶，但紅橋酒樓得返呢間！以往曾經聽過好多街坊講，唔好去青葉飲茶結果真係不聽老人言，吃虧在眼前！坐底叫左茶後，劃埋點心紙！十分鐘左右先上點心！期間茶壺冇哂水，冇侍應黎加水，唯有自己出去加！去到加水位，比侍應話返我轉頭，話唔可以自己加真係厲害 你地唔做野，竟然有資格話我呢d都唔算重點！呢度所謂既點心先係重點....叉燒包，見到個樣就想嘔，拎上手就痴笠笠....好奇怪，點解個麵包皮會咁薄身既...仲薄過腸粉d皮...白裡透紅好肉酸...老婆食左一啖話好淡好難食...結果成籠冇食到蝦餃 其實味道都係一般，但d蝦入面舊舊都有腸，深黑色，好影響我胃口食左一舊又係冇食！灌湯餃 係咪玩野，比個鐵碗我？我記得以前係大碗唔係用鐵... 細碗左都算...唔熱，所謂既湯咸到想死...極度懷疑廚師係咪用雞粉開水...成碗冇食棉花雞 呢個真係厲害，各包住一舊棉花，1舊雞胸肉..完全冇其他材料...人地酒樓都會擺火腿，蟹柳或者芋頭.... 其實酒樓係咪好窮者...食食下，見到個廚師係廚房走出黎客廳望住我地呢枱死喇...我又唔知佢諗乜...最後一碟大佬，成籠冇食既主角就係...黑椒鮮魷..... 其實我本身唔會食呢d餸...係老婆手多多走去畫...老婆擺入口食左一啖，成舊吐返出黎！我問佢咩事...佢話好咸，碟野凍既！我成碟倒哂出黎...嘩，個底d雞粉多到好似唔洗錢老婆口渴到飲左幾杯茶先冇事....鬼叫你手多畫左呢個點心咩報應丫難怪個廚師會係廚房走出黎望住我地...其實你冇乜資格做廚師，成餐都冇啖好食...咸水角又係空氣多...牛肉係唯一滿意既點心...燒賣完全唔掂，d肉白到咁...又係味精太重整體黎講，呢餐250蚊就真係好貴...冇樣野好食，連超市買返黎蒸既點心仲好食過佢 賣單時收銀個姐姐好似借左聾耳陳隻耳....問佢拎張單黎睇睇...講左3次先肯比，仲要黑面...結果冇收多，亦都冇收少！小弟真係未食過咁差既酒樓，呢間都算係屈機不過唔會再有下次...要我食呢間野我寧願餓死算...
繼續閱讀