青葉海鮮酒家 (青山公路 - 新墟段)

父親生日，喜歡到酒樓食飯慶祝，樓下這青葉海鮮酒家是我們經常飲茶飯聚的地方，職員服務很好。這餐我們叫了 菠蘿咕嚕肉，北京烤鴨兩食，鴨肉炒茄子，大蝦芝士伊面，清蒸細龍躉，香芒炸蝦球，每樣菜都份量十足，5個人埋單連酒水才一千元多點，很抵食。大蝦芝士伊面，芝士味十足，好食。烤鴨職員會即場切，皮很脆入味，好食。魚火喉剛好，雖然唔大條，但也夠食。鴨肉炒茄子，鴨肉就唔太中意，茄子唔錯新菜色芒汁蝦球，口感清新，好食。冬瓜盅88蚊，很大盅，每人也夠飲幾碗，味道清甜。每次黎必嗌，新鮮菠蘿，香脆既肉再淋上酸酸甜甜的醬汁，我們都很喜歡這道菜。片起來也很多，208一隻 加40蚊有兩食。…查看更多

放假同屋企人去飲茶🫖呢度幾好，環境闊落，而且坐得好舒服🤣🤣🤣🤣最緊要侍應服務幾好👍🏻食都食得開心啲🥳🥳🥳🥳食物方面：我哋6個人，叫左超過10樣食物，有蝦餃、燒賣、叉燒腸、牛肉腸、鳳爪、粉果、金錢肚、炒飯、炒米粉、牛肉球😋😋😋蝦餃勁大啖蝦肉，燒賣又足料😍😍😍鳳爪有少少辣，可以接受👍🏻👍🏻👍🏻一定要試炒米粉，炒得夠鑊氣，勁好食，加埋菜同火腿，一個人可以食一碟🤭🤭🤭🤭青葉海鮮酒家 (青山公路 - 新墟段) (屯門)屯門青山公路 - 新墟段199號好勝大廈地舖…查看更多

屋企附近都冇乜地方岩老人家慶祝生日食飯，唯有搵間酒樓食🤭我今次都係第一次嚟食晚餐，估唔到質素都幾好👍🏻👍🏻👍🏻酒樓環境一般，不過都算乾淨，小朋友老人家都坐得幾舒服，一入到酒樓，經理侍應到招呼得到👍🏻👍🏻坐低之後就準備嗌嘢食今次我哋五個大人，一個小朋友，於是叫咗個四人餐，再加幾樣小食，買單都係$1100，其實真係好抵食😂😂😂我哋分別叫咗：四人餐包括：有燒鵝，東星斑，花膠粟米羹，菠蘿咕嚕骨，西蘭花炒螺片，仲有糖水送😂😂推薦個粟米羹同西蘭花，個粟米羹唔會就咁得啲水，都幾足料下，炒西蘭花超級入味，好好食👍🏻👍🏻👍🏻東星斑都只係加$30，好大條，啲肉都好好食👍🏻👍🏻菠蘿咕嚕骨就正常發揮冇乜特別😂😂另外我哋仲加咗一隻南乳吊燒雞，勁香脆，一定要叫🤭🤭全隻上，一家人齊齊食😂😂另外一樣推介係避風塘炒蝦，真係勁有風味，不過都真係好辣，啲蝦好食到可以連殼都食埋😂😂之後仲叫咗瑤柱蛋白炒飯，撈埋其他餸一齊食，蛋白炒飯好入味，啲炒飯粒粒分明，好有咬口😂😂最後仲叫咗香酥奶皇包，師傅即叫即炸，嚟到熱辣辣，入面啲奶黃多到流晒出嚟🤤🤤🤤🤤食嘅時候要小心😂😂😂整體嚟講比我想像中性價比都幾高，人均消費都係$200唔使，值得一試👍🏻👍🏻仲有我哋自己帶蛋糕都唔使另外加切蛋糕費，臨走嘅時候仲問我哋要唔要糖水😂😂…查看更多

昨日和呀媽在屯門紅橋果邊搵酒樓食飯，一向幫襯開果啲執左粒，咁就試下行遠少少去青葉食， 住屯門咁耐都未黎過。環境唔大，算乾淨企理，職員好友善細心。食物正常酒樓價，有啲孖寶幾抵食，酒樓細細間但都有海鮮燒味小菜。叫左個龍焗粉絲煲同埋金菇肥牛煲，一黎到瞝碟頭好大，兩個人食唔哂，龍蝦新鮮 食到龍蝦鮮味，肥牛煲調味岩岩好，惹味也送到飯。 最後也送糖水。 埋單306 ！唯一無咁好是糖水偏甜左，不過整體性價比不俗，下次也會再來。…查看更多

我嗌咗碟煎釀茄子，搣開咗之後見到入面啲生粉仲白白淨，我請經理幫我整熟啲。佢居然直接用手捏開另一件茄子，話：「呢啲唔係唔熟，就算再整俾你，都係咁架啦！」，黑晒面講：「你哋食過第二樣啦！」之後仲將有油嘅手揩落個枱布度，非常唔衛生，有少少質素嘅人都應該唔會咁樣做，仲係飲食業。我同家人當刻O晒咀，首先我哋無講過話唔要，只係想將面前果碟嘢整熟啲啫，但係個經理非常堅持，唔畀我哋嗌返茄子，最後要改過第二樣嘢。因為係孖寶嘅關係，冇乜嘢好揀，焗住食咗個潮州粉果。我地係常客，其他員工都好有禮貌好盡責，唔知呢個經理係咪輸左馬，攞啲客嚟出氣。呢間店已經唔多客，仲要趕客，真係唔識講。…查看更多