青松觀

營業中

休息中

今日過來屯門, 又去青松觀食素☺️, 望下近門口的牆上餐牌, 叫左一個三色椒🫑蘑菇炒鮮百合, 另外叫左一個海鮮豆腐煲, 配一粥一飯🍚, 等左一回兒, 二款小菜先後送到, 三色椒🫑顔色鮮艷, 炒得好脆綠, 有好多三色椒🫑同蘑菇及雲耳, 食落唔油, 不過百合就唔係好多🤪, 但此款份量偏少, 再之後送來海鮮豆腐煲, 相比依個份量正常d, 豆腐食落味道唔錯, 有好多素菜扮海鮮, 例如蝦, 鱿魚同海參🤣🤣😂, 真係調較到d味道和質或都非常似😄, 下次再來, 先再試下其他😝👍

今日過來屯門, 又過來青松觀食下素😁, 今日点左海鮮豆腐煲同枝竹粉絲🥬🥦什菜煲, 今日我試下佢哋d白飯🍚, 等左一陣海鮮豆腐煲先到, 賣相幾精緻👍, 用好多紅蘿蔔🥕做配菜, 入面有好多草菇🍄‍🟫, d豆腐細細件, 外層有d金黃色, 都幾靚😋, 食舊先, 雖然唔係好有豆味, 不過都幾滑😁, 味道亦好清淡😉, 入面扮海鮮的素菜, 外型都有d似🦐同海參和鮑魚, 食落爽爽地😄 底有d生菜, 食啖白飯🍚, 都有d溫度, 食落都一粒粒😅唔會好硬身😋, 再試下枝竹粉絲什菜🥬🥦煲, 味道都好清淡, 入面好多枝竹, 粉絲, 雲耳, 草菇, 有菜心生菜西蘭花, 依個入面材料非常豐富👍🤩, 地点方便環境舒服, 亦唔會急住叫你走😅, 都係近期我喜歡的素食店之一🥰

今日過來屯門, 由於都係正月的關係, 只提供套餐😅, 叫左一個二人套餐, 其實基本上每個套餐都係類似一樣, 二人套餐一個跟素海鮮羮, 一個跟味菜鹵肉, 我揀左味菜鹵肉, 一坐低不久, 上左五柳仙斑同味菜鹵肉, 不久店員再送上二碗白飯, 試下仙斑即芋頭魚, 上面脆漿多左d, 都食到芋頭香味, 有d熱, 再食鹵肉, 做得勁似, 上面層肥膏同肉的爽口, 做得質感好似😆, 但之後就唔對路, 碟鮑魚菇扒生菜要追二次先送到, 整體味道唔差, 環境舒服, 不過如果有得散叫會更加理想😉😁

今日去青松觀還神😊之後望到素食在什麼大樓, 於是過去望一下, 原來之前食素的地方已經搬左去新起的大樓, 上到去見到reception, 有散叫有套餐, 每一款菜式包一碗粥或一碗飯🍚, 見到告示貼住只限會員, 問reception只要比$20就可以自動成為會員, 即是使用, 叫左一個五柳仙班, 一個粉絲雜菜🥦🥬🍲煲, 入到去原來真係裝修得好靚, 好似高級會所😂, 比安排二人枱, 坐低一陣飲下茶🍵, 先送來五柳仙班, 店員問我們要粥定要飯🍚, 揀左兩碗白粥, 外面脆漿就稍為多左d😜, 條班都唔細😅入面充滿芋頭, 食到好香好淋好滑的芋泥香味👍👍😋, 再之後送來粉絲雜菜🥬🥦🍲煲, 點知比其他酒樓食開的份量更豐富😋👍, 入面有生菜, 豆, 西蘭花, 粉絲, 雲耳, 枝竹, 菜心, 草菇, 都幾多款🩷, 食落以為無乜味, 但食款款菜都幾好味😋, 湯底都有d甜味😚, 白粥亦幾好味, 又夠熱, 食到腐竹香味和有d銀杏👍💯, 整體比之前地點好, 無論食材賣相同味道, 甚至地方同服務😜, 日後如果再來屯門, 可以再來食過😘🥰

來到青松觀附近, 就來食個齋菜, 洗滌一下腸胃, 味道不是太突出, 而且食飯要先付$20做會員 食物 : 2人套餐B ~ 五柳素仙斑 + 春卷併鰻魚 + 北菇扒西生菜 $220 ~ 共有三個餸, 另外有兩個白飯或者粥, 餸菜份量不算好大, 味道偏淡, 素魚幾香口, 唔油膩, 反而白粥有加腐竹, 味道幾好 環境 : 餐廳是中式裝修, 座位舒服, 當天人不多, 可以慢慢食 服務 : 職員有禮貌 價錢 : HK$220 (無加一服務費), 入場前要先點菜及付款

我們一家早已從以前他們還沒有冷氣的時候便開始光顧，所以是老顧客了。新起嘅大樓環境舒適，食物質素和員工態度一如既往的好，但比以前有些少更改的是需要先支付$20成為會員，不過這會員制度是終身的，所以不錯！.是次我們一家選擇了吃四人餐，款式多、上菜快、份量足，跟以往一樣是可選吃白飯還是白粥～西檸雞作為第一道菜非常開胃可口，而我最喜愛的是炸得酥脆的芋頭魚，入口即溶、啖啖滋味我們都是捧着肚皮走的♥️是聚餐的好地方♥️.順帶一提，洗手間環境乾爽企理，值得加分！推薦大家！

會員制！HK$20 做張會員咭，即做即幫襯都得。先在前台點餐付款後才可到飯廳入座。一行七人 點了 一個麵六個餸每一個餸都附送一碗 白飯 / 有粟米粒嘅粥💥 服務不錯，職員友善。💥 可能自己本身食得比較清淡，所以就覺得每道菜都比較油笠笠左啲啲 😅我哋下單嗰幾樣都只係覺得 不過不失 🥺大石斑啲芋頭蓉太爛又太濕，同埋好多油 🙈大拼盤嘅素鹵肉唔係大家杯茶 。但，當中嘅春卷同素鴨就不錯 👍🏻 腰果、三色椒白合 嘅蔬菜面係令笠笠嘅 😔炒麵嘅麵質 夠脆口嘅 👌🏻最滿意係紅燒豆腐 上枱秒清 ✅

先去咗青松觀拜呂祖師爺。之後要行去附近青松觀綜合大樓個齋菜館醫肚。入面只收Alipay，微信支付及現金。要先付會員年費$20，才可以進入食堂。如果有一群食客想入內食飯。一桌人至少要有一位會員。要先在登記處出示會員卡，再付齋菜價錢。我先過目，菜單有一味金針雲耳素雞煲。咁我就點咗依味餸。再加多$12叫多一碗白飯。因為一碗白飯通常好細碗。個雲耳好大塊，爽口。素雞其實係豆腐。雜菜煲好重新鮮蔬菜味。混入白飯一齊食。好滋味。個人建議如果行開去青松觀拜呂祖，可以去埋綜合大樓醫肚。

同就3個朋友行完山就去左青松觀食齊，比左20蚊做會員就order野食，😅😅😅初頭驚唔夠食就叫左5個餸，點知碟碟都好大碟最終都係食唔哂打包食2餐，全部都好好味

今日去咗青松觀食齋。我個人點咗個北菇菜遠炒麵。價錢$70。個炒麵好脆。個北菇好美味。屬上等食材。個小棠菜好清甜。食落好爽口。加埋個炒麵，好食。係青松觀是食全素。個人建議拜完神，可以進來食素食餐。

本來好靜嘅廟宇，地方大，求完簽就少不免肚仔餓！ 我叫左個瑤柱金菇南瓜，一塊塊方型嘅南瓜同淋在面層嘅瑤柱金菇茨汁！ 正！ 75蚊一碟！比出面齋鋪我覺得呢度係唔錯選擇！ 有機會我想試埋其實齋菜！

是日同事洗滌心靈聚餐，包左3圍，每圍一桶飯、一桶粥，準時起菜。最鍾意既有芋頭魚，好香口；生菜鮑片，夠爽口；三色拼盤，原材料是豆腐、蒟蒻、麵筋，做得出色，味道好。是次唯一要改善的是青松上素咸左d,其他都ok。食素菜，最驚是油膩同油膱味，青松觀的素食就完全無這兩個問題，食左幾次，都keep 到，值得推介。唯一係要預d姐姐完全唔會理你， 所有事自己做， 飯同粥放邊邊任食， 仲有就係食既位相當熱， 開左冷熱都唔夠， 個個同事食完急住走， 5-8月去食就辛苦d啦

這天跟家人到青松觀拜祖先，就在那裡訂素菜吃午餐，一行九人點了8個菜，羅漢齋😋 - 足料好味，材料包括雪耳，雲耳，粟米仔，紅蘿蔔，生菜等紅燒豆腐😋 - 除了很多好味的豆腐，還有西蘭花及冬菇伴碟五柳素仙斑🤩 - 這個基本上是每次食素必點的其他還有雲吞丶炒麵丶草菇丶鮑片

下午茶去咗青松觀食羅漢齋。價錢$68。碟羅漢齋好大碟。加個白飯。 混入白飯一齊食。好正。碟羅漢齋有東菇、蘿蔔、波菜等。好多汁但油份唔算高。 食材屬上等。即叫即煮。 個白飯好細碗。白飯好軟好易入口。將D汁混入白飯一齊食。 好滋味。東菇好爽口。新屬東菇好有咬勁。蘿蔔係上等食材。混入波菜好好食。波菜煮到好軟身。入口好食。

店名：青松觀地點：新界屯門青松觀路青松徑，電話：2461 7117(1) 紅燒豆腐；(2) 三重色拼盤；(3) 美果雜錦；(4) 青綠雜錦湯； (5) 青松頂上素 ；(6) 五柳素鮮斑本餐為團體套餐，團費連餐合共$118。食物的色香味如何：三重色拼盤中的“燒肉”製作得出神入化，跟腥葷中的燒肉外貌十分相似，用兩種不同的食材分別製成脆皮與肉，竟能巧妙地把兩種選料有機地合二為一，所以是藝術的製作；青綠雜錦湯清淡而可口，生津止渴；紅燒豆腐鮮美，青松頂上素內涵豐富，有:玉米笋、冬菇、黃芽白、黑木耳、紅蘿蔔；唯一欠佳的是五柳素鮮斑沒有五柳，但富於鮮香芋頭味。環境：整齊。服 務：很有辦理團餐的經驗，流水作業的上菜，令行程不誤時。衛生：良好。抵食：合理。