青木咖啡店 (已結業)

星期六返半天，可惜放工時間下大雨，於是落樓下的cafe先食東西及等雨停。其實高氏都有幾間cafe的，但都試過，所以試試這間吧。大門有點日式，一直以為是居酒屋，一進內環境算光鮮，牆上還掛了幾幅日本畫，幾特別。與友人共點了兩款甜品及飲品。飲品分別是黑牛同白牛，我們因為轉套餐，所以只是半價。另點了黑糖抹茶雪糕，夠大碗，二人分剛剛好

今日天地堂時間，本來諗住去隔離間Neway唱K，但日日唱有d悶，所以過黎睇下有乜樓上cafe有野玩又可以坐耐d。之前未黎過，佢話自己有桌遊咪走上去睇下有d乜，game種類都算多，基本個d三國殺、UNO、大富翁，猜猜畫畫個d都有，一行4人，每位最低消費都係$40蚊，我地每人叫杯野飲再叫左碟雞翼就hea左4個鐘，勁低玩。蜜糖雞翼夠入味，佢地個餐牌都有推介，值得試下。

諗住揾間cafe試試，食過一次呢間以後唔食，叫左個烏冬已經唔好食。。再來一個pizza...雖然40幾蚊，但又細又焗得黑。。。真的很過份。。食完無食過一樣。。。

距離睇戲仲有2小時，去左附近的樓上cafe快食係樓下燈箱見到有好少見既樓上日式餐廳，於是上去試下晚上7點左右，無乜人真係好少見佢地最低消費$80，其實是但一個晚餐都已夠，而且套餐包湯同飲品，價錢可接受一行三人點左兩個餐，另散叫左個烏冬，出餐都算快，可能唔多人湯偏咸，三文魚飯同鰻魚飯夠大碗，炒烏冬好入味，燒汁好濃個人鐘意食三文魚，所以推介三文魚飯，足料又夠大碗，而且飯多汁唔乾身，下次會再試下其他

有日突然空閒就急忙的搵左個朋友出嚟下午茶傾下計原本打算食孖啡的誰知沒有開便去了青木試試當天熱得很，所以很想快點叫餐有飲品點知後來發現真的不值一個下午茶頌要係一個成本5蚊到冇既烏冬再加兩隻炸雞翼同小小粟米就要62蚊貴過銀龍勁多雞翼炸得好香口好入味粟米好乾身冇甘開胃烏冬好小，但味道尚可檸檬茶冇檸味，檸檬勁薄頌要得兩片糖水都冇咩點落，茶味都冇咩Pizza反而幾吸引幾足料薄餅係好似印度香酥餅甘好食吾會好似pizza hut甘落甘多醬但size太小

今日見好天出旺角行下，遇到舊同事Jenny，自從離開公司後已經有幾年無見，於是大家就係附近既cafe坐下順便聚下舊。問左樓下看更，話呢間cafe夠光同整潔，所以上黎試下。坐低叫左兩個下午茶餐，有雞翼烏冬同pizza，另叫左個小食併盤，併盤份量比預期的大，最後唔想浪費要打包；香草雞翼夠入味份量剛好，係pizza比較細個，可能薄批的關係；餐飲點左凍朱古力同桂花茶，朱古力ok既，而桂花茶真係好香桂花味，幾好飲。下次會再黎試下其他食物

三點半左右走左上去高氏大廈搵食。今次揀青木cafe試下 入到去感覺唔錯，環境都算開揚一眼望落去係彌敦道 我點左叫「日本風情」既pizza等左15分鐘已經有得食，呢個唔錯，好少食cafe 等咁短時間就有得食。 其實佢呢個pizza 有d似大阪燒個底係燒汁同魷魚面頭加蛋黃醬同木魚再加埋紫菜，好特別！ 我點埋杯草莓紅茶 草莓味好香無蓋過紅茶味，草莓既酸甜味岩岩好，好岩喜歡草莓口味既朋友去飲。佢有下午茶餐，不過我呢個pizza 就唔起下午茶餐牌上，所以飲品只係有半價優惠。（佢個餐牌好可愛） 佢個餐牌 我見到佢沙律度有個三色卷好似好得意咁，下次希望試一試！起度順道讚下店員用心去介紹個餐牌

今天放假遊完商場後晚上再次光臨到這間青木咖啡店環境和餐牌大大的不同了餐牌上有日本的丼（白飯）和烏冬本人晚上比較愛好飯所以order了一個煙三文魚丼單價$72 賣相很吸引 但跟套餐便宜$5但是沒有了沙律中間是煙三文魚 旁邊是蛋絲 而飯比三文魚蓋住了 三文魚也很多飯中有鰻魚醬汁每一口的白飯也有鰻魚醬汁的味道配搭很好 飯量對男生應該欠一點但是可以加$15加飯 而飲料方面 是薄荷朱古力要+$10升級濃濃的朱古力味帶一點薄荷的清香不會好像其他店鋪是淡味的想不到再次光臨就不同了那麼多希望繼續加油

今日同女朋友行街見好耐無上cafe 但又六點幾驚搵唔到位 黎佐一間cafe上到黎好彩人流唔太多可能平日掛 雖然環境裝飾稱唔上靚但比人感覺幾舒服 播放既音樂都係日語仲有個櫃有遊戲應該主題是休閒啦我晚餐係一個茄汁煙三文魚意粉跟套餐+$25有湯 沙律同飲品 一共$93都唔算貴 飲品 熱檸蜜 啲三文魚都幾大塊 意粉份量都好足茄汁唔會太酸 唔錯既 另叫佐個田園風光材料十足 好食 可惜芝士味唔夠一共$135 但未到最低消費 最低消費要每人$80晚餐黎講唔算貴丫 所以我地叫多兩杯飲品一杯係熱榛子朱古力 味道同甜度都岩岩好榛子味都好重 出面飲既無咁一杯係朱古力粒粒爽唔知咩黎 問侍應先知原來係啫哩 所以就叫佐味道同榛子朱古力既朱古力唔同味可能係兩隻粉關係 但有啫哩既配合就幾特別最後想講下menu既花紋都幾適合環境有木紋如果可以以花草做主題會更適合

因為要等人幾個鐘，行完街仲有時間就上Cafe休息下。搵Cafe既時候，驚Cafe冇一個人既枱，不過呢間Cafe就冇問題。講真呢間Cafe係我去過既Cafe入面最細，不過人唔係好多，大部分係二個人上泥既，所以唔逼。下午茶價錢大約係$50-60，應該算係平，不過留意坐超過三個鐘就收加一服務費。我叫左個大蝦沙津同Hazelnut Coffee，我好少食大蝦沙津，所以今次特登揀泥食，幾好食  咖啡就幾正，雖然我唔係好識飲咖啡，不過呢杯咖啡好有榛子香味，比平時飲既榛子咖啡好飲。呢間Cafe最大既特色相信就係Board Game，數量非常多。大部分Board Game放左係一個人咁高既三層架，入面堆滿Board Game。唔同種類唔同地方既Board game都有。四五個人上去玩Board Game應該會好正！

是次為慶祝友人生日，本來只是普通的朋友聚餐，可是於生日前夕多了廿人出席，經相議後決定找個地方包場，這個突發事情令慶生活動出現了變數，唯有一行數人以洗樓的形式查詢各樓上cafe。慶幸的是我們於高氏大廈終於找到一間可以讓我們突發包場的cafe，盡管只有1天的時間，店主也盡力為我們安排食物、細節及座位安排等。當天玩了很多桌遊，印象中有"狼人"、"賽駱駝"、"馬尼拉"、"鯊魚"等等，遊戲名稱可能有出入，因本人並不是太記得。當天食物豐富，但因在玩遊戲，很多都未能盡錄已被食光：我記得餐牌是叫"大蝦沙律"，但我個人覺得叫"多蝦沙律"會比較好，因真的好多蝦，而且質感好爽脆，好好食。伴炸物的最佳選擇一出即瘋搶的"煙三文魚沙律"，1分鐘內清光這個要推介一下，沙律汁是日本芝麻醬，配上蟹棒，整體感覺清新又不油膩是日其中一盤主菜，其他的未有時間拍下以細規模的樓上cafe來說，包場食物整體水評也算中上，而且汽水與茶水也是任飲的，價錢大眾化，我們一行30多人又玩又食了近5小時，每人收$120，也不算太貴

今日放假，一個人行完信和近近地，去左上次包場個間青木醫下肚，順便探下老闆上到去剛好老闆不在，問完侍應先知原來老闆晚上才會出現，有點失望 ，唯有一個人食tea啦因之前上黎係包場玩，未睇過個餐牌，今日先知原來佢地下午茶有「早餐食」，於是叫左個蟹鉗早餐，但我怕唔夠食，問左侍應可唔可以加薯角，點知又得wo，哈哈，真係好鬼nice吓餐飲要左杯熱朱古力，比我想像中好飲，夠朱古力味，我第一次係樓上cafe飲朱古力係唔需要落糖下次會約埋班fd試下d晚餐先

見下方食評感覺不錯，前一天晚上就訂好位置，今天7點準時抵達，滿心歡喜的準備跟朋友好好的聚舊聊天。結果沒有問我貴姓，也不確認手機號碼，店家(還是老闆？)劈頭第一句就問︰「你們不是訂8點嗎？」然後一直問的結果都不是我的BOOKING…甚至開口問我要手機號碼，表示︰「要查查你們是不是有真的訂位。」請問你們是什麼名店嗎？需要客人冒認自己有訂座騙位子？最後居然是把我的BOOKING抄在紙條丟在一旁？就因為我們不是WHATS APP訂位就要有這樣的待遇？看著老闆看著記事本沉默不語，又已時近晚飯時段，早點離去或許還能趕在人潮前到其他地方去。我多次平心靜氣的問︰「如果真的是FULL沒關係，我們離開就是了。」竟然換來一個黑臉和一句︰「你們等我LOADING一下」，然後還說可以讓我們中途轉桌，最後我們拒絕，就離開了。把客人的BOOKING弄錯，從頭到尾，直到我們離開，店家沒說過半句對不起，甚至只會質疑是客人弄錯。對答之間沒有半分歉意，還試圖把我們左右亂塞？事實上，能理解錯誤難免，重要是後續的處理方漩和態度，不要以為亂塞一個座位給客人就算了事。也許這店不缺客人，但旺角也不缺吃飯聊天的地方，這一家將永遠被列入

晚餐最低消費每人HKD 50, 基本上剩係叫個意粉都會夠, 餐牌上款式唔算多, 而且正餐類別只有意粉, 啱啱坐低時都叫有啲失望。加HKD 25蚊可以轉套餐, 有沙律, 有湯, 有飲品, 有甜品, 我哋兩公婆就叫咗兩碟意粉, 一份加錢轉套餐。湯- 粟米忌廉湯, 幾好味, 唔會好淡亦唔會好濃。沙律- 幾清新。飲品- 普普通通, 不過唔會太甜, 對我兩公婆嚟計呢點幾重要。甜品- 朱古力蛋糕, 但太甜...扣咗啲分。白汁雞扒意粉- 雞扒好好食, 意粉較碎, 白汁味道唔錯, 但質感比較稀, 若果"杰"身一啲會好食好多。煙鴨胸意粉- 鴨胸非常好食, 意粉都係較碎, 但整體都幾好。缺點係份量較少, 若果比較大食嘅人應該會唔夠飽。最窩心係食完之後老闆主動走嚟問要唔要兩杯暖水, 再順便問問食物質素, 仲答應會研究下點可以整好食啲。就算有冇老闆呢個承諾, 其實都值得再去食。

在香港, 好的CAFE不少, 但當中也有不少貴的CAFE, 而青木CAFE正正是其中算是便宜的一間需說比較便宜, 但絕不馬虎, 有不少食物都值得一試, 個人最喜愛的, 是「芝麻醬蟹棒意粉」, 小弟不太懂以文字描述食物味, 但幾次上去食, 最喜歡印象最深的便是這碟了.而另一樣值得稱讚的便是服務態度, 特別是那位胡須老闆, 為你服務完食品, 會親切地推介各種BOARDGAME給顧客消遣, 他更會熱心為你講解各個遊戲, 得閒上去坐下都唔錯，而且食個晚餐坐成晚係上面玩成晚，真係幾開心