電話號碼
21111657
營業時間
今日營業
06:00 - 23:45
星期一至日
06:00 - 23:45
公眾假期
06:00 - 23:45
公眾假期前夕
06:00 - 23:45
以上資料只供參考, 請與餐廳確認詳情
初二去旅行,早咗出機場所以醫肚先,機場好多都係大眾化嘅餐廳,然後見到呢一間餐廳,因為泰愛泰國嘢食,唔洗考慮即刻入去。估唔到咁繁忙嘅餐廳,職員依然Keep到咁好禮貌,尤其一個叫Bobo嘅女職員,超好笑容,不停留意每一檯嘅需要。仲有一個幾靚仔男職員,都係著便服嘅,應該係負責人,雖然餐廳好繁忙,但佢都keep住餐廳運作,令到我哋唔係等咗好耐就有嘢食,見到隔離檯有啲人落單兩分鐘就催單,仲嘈嘈閉,真心覺得香港服務行業真心辛苦,尤其做機場更加分秒必爭。講返食物,兩個人叫咗一碟蝦餅,一碟馬拉盞通菜,一碟豬頸肉濕炒河,一份越式豬頸肉+札肉飯,一份芒果糯米飯,一杯泰式奶茶,一杯凍檸茶埋單平過九龍城😳😳味道仲要超好味,估計廚師係泰國人,所以先有咁好風味,本來機場食嘢冇乜期望,但係今次竟然喜出望外,下次去旅行之前都提早啲到機場,返嚟呢度食嘢!!
繼續閱讀
啲食物就不過不失去啦,叫左碟豬頸肉,估唔到有三塊咁多。啲職員態度就好過茶餐廳少少啦,悔悔氣氣唔想做咁咯,請唔到人咪唔好開門咯,洗唔洗我地幫埋佢打工。如果食茶餐廳係咁既態度我又接受到既,其他就無乜特別啦
繼續閱讀
原本諗住喺非禁區買個M記來食嘅時候,無意中發現咗原來隔離都有泰國菜食,於是即刻同朋友嚟呢間有得食越南菜同埋泰國菜嘅餐廳食個晚餐先~馬拉盞炒通菜💰HK$78份量多,味道正常,不過不失~香辣肉碎甲拋飯配泰式醃蛋💰HK$86隻蛋煎到好香脆,味道唔錯,但略嫌香辣肉碎個味道唔夠正宗~牛柳粒沙嗲(4串)💰HK$92牛柳粒粒粒juicy,點埋沙嗲醬,超惹味~海鮮泰柚子沙律💰HK$96材料都算豐富,有兩隻大蝦兩粒帶子,個汁酸酸辣辣幾開胃~(凍)越式地道奶茶💰HK$32用樽仔裝住幾得意,但味道太甜,有啲失望~
繼續閱讀
今日難得入香港機場做野,終於有機會約喺機場做嘢嘅朋友食lunch。大家都話呢一間泰國🇹🇭餐廳,選擇種類多、味道都叫唔錯。大約12點入到去,差唔多已經坐滿,可能好多都係機場員工😝店員安排咗bar 枱路口位,好快就俾咗兩杯水我哋 & QR code 自己落單。咁啱我哋大家都想食泰式撈檬,所以一人叫咗一個炭燒厚切豬扒配扎肉檬粉 & 炭燒豬頸肉配扎肉檬粉味道不過不失,機場食品來講算係咁。可能冇期望冇失望,埋單因為機場員工關係所以有折,每人$85有找可以再去
繼續閱讀
好一般咖哩飯🥹去旅行前係機場非禁區😌搵咗間叫青悅·越泰料理☺️午飯時間都幾多人幫襯😂黃咖哩牛舌牛筋飯🍽叫咗個黃咖哩牛舌牛筋飯,真係好貴100蚊,數過有三大嚿牛舌,牛舌肉質柔嫩,口感絲滑,富有彈性,咀嚼感柔軟,可惜得三嚿,牛筋仲衰得兩嚿,味道正常,黃咖喱汁重椰奶味,大量洋蔥同薯仔送飯食,整體而言,黃咖喱牛舌牛筋飯的口感結合了牛舌的柔嫩同富有嚼勁的牛筋,但份量太少,朋友點嘅豬扒撈正常好多😅😅個人真實食評,唔建議點黃咖哩,費事影響心情😅
繼續閱讀