15
4
6
港鐵元朗站 K 出口, 步行約1分鐘 繼續閱讀
所有分店 (1)
電話號碼
26061918
開飯介紹
摩登四川菜館,霸王川莊透過傳統香料及食材,展現四川成都的辣味文化。 繼續閱讀
營業時間
今日營業
11:30 - 22:30
星期一至日
11:30 - 22:30
*午市: 11:30-14:30 下午茶: 14:30-17:00(平日)/ 14:30-16:45(週末) 晚市: 17:30-22:30
付款方式
Visa Master 現金 銀聯 Apple Pay Android Pay
座位數目
90
其他資料
網上訂座
Wi-Fi
賞訂座積分
有關獎賞計劃
食評 (32)
提早團年飯 焦點食評
等級4 2018-03-05
1720 瀏覽
今晚提早同家人食團年飯!黎到霸王川莊開餐!入座後每人桌上都有一杯百寶茶!入面有龍眼肉 杞子等唔同藥材,入口甜甜地幾好味.之後就開始點菜. 因為有家人之前黎過食,所以推介食幾款食物!今晚我地點左:串燒系列:豬大腸串 $20, 豬肺串 $18, 墨魚鬚串 $18, 一口和牛串 $25枱面上再有不同醬料任客人自行調味.乾煸四季豆 $88唔算好油, 食落爽甜!南充特色酸菜魚 (不辣) $188呢個碗影相唔係好大, 但其實係好大, 呢個大人細路都啱食, 因為味道咸咸酸酸好開胃, 入面既魚片啖啖肉, 連我自己唔識吐骨既都讚不絕口. 入面再有薯粉, 索晒湯既味道, 好入味! 唔錯!!招牌霸王炒飯 $95一望就見到有好多配料, 飯炒得乾身, 不過就唔算話好特別既一個菜色.七彩雞翼拼盤 $72顏色黎講幾吸引, 不過唔係款款都咁好味! 七隻雞翼都唔同口味, 有甜, 辣, 芝士, 芝麻, 紫薯口味.水煮牛肩肉 --> 要1辣 $248呢個應該係必食既食物, 個碗又係大到好似成個臉盤咁!因為家人有D唔係好食得辣, 所以我地叫左一辣黎食!對我而言, 我都覺得好味了.呢個牛肩肉係可以再自行配四款配料落去. 我地就揀左牛肚, 牛柏葉, 薯粉, 鮮腐竹 呢個辣度我都好夠了, 看似紅卜卜好似好辣, 但因為入面仲有好多唔同香料, 配料, 所以個湯都好好味, 同樣地因為有薯粉索晒入面D湯, 食落味道好香濃, 不過牛肚絲同牛柏葉份量就比較小, 可能因為切得好幼細, 所以好難搵到. 家鄉手抓餅 $32兩大塊, 入面係有餡既台式手抓餅孜然香酥羊腩 $138甜奶迷你小饅頭 $28一係一口食一粒既小饅頭, 外層炸得好薄好香口, 入面就軟綿綿.要茶錢, 每位$10 繼續閱讀
(以上食評乃用戶個人意見 , 並不代表OpenRice之觀點。)
等級4 2017-07-24
3172 瀏覽
形點新翼前兩日開幕,形點既商場好好行,地方寬敞設施好,開左新翼住附近朋友叫我一齊去食川菜,大約7點去到,超多人呀(餐廳旁有長椅)等左一個鐘~有位了。紅棗杞子菊花圓肉甘草茶~Free Wifi,掃一掃QR code即入點餐直徑14吋重20磅水煮牛肩肉$248!!個個睇見到嘩嘩聲,牛肩肉浸泡住麻辣湯中,份量多而且每片都超大,要咬開分兩次食,入口爽滑麻辣味厚,辣度是餐牌4粒辣椒仔,麻得很過癮,這種麻感覺是讓人從舌根麻到舌尖免費加4款配料,*幼身薯粉容易夾起自然食得爽!*豬紅嫩滑多汁又入味*茶樹菇味濃郁,平時煲湯落的而家變成辣味,味道好夾呀*切成條狀午餐肉先煎香再放入,所有麻味已慢慢滲入,無人不愛!清炒油麥菜$68,份量不多但菜嫩蒜味重炒得好食,所以再叫個娃娃菜$68,菜嫩多汁幫忙解一解舌尖上的感覺~老家糖醋小排骨$62,酸甜糖醋汁包裹整碟排骨,不乾柴且非常醒胃,愛甜的可蘸上附上的糖。魷魚鬚串$15/1,孜然粉味重,韌度適中,爽口嫩滑,細嚼下,食到淡淡魷魚鮮甜。肥美豬大腸串$20,外層酥脆內有香滑肥膏,佢系內臟又多脂肪好多人都唔接受,但佢有潤腸食療功效,仲補虛,所以我間唔中會食,每樣野都適可而止就無有怕。巴馬火腿露荀串$18,烤得非常乾脆,火腿好有鹹香,配露荀是一流的。紐西蘭羊肉串$24,大舊羊肉蘸上辣粉辣得過癮!朋友說4款辣粉中紫天赤最辣。4款飲品都用料十足,我喜愛用薑味梳打代替一般7喜,無咁甜又有淡淡薑味,4款都好飲又解辣!! 繼續閱讀
(以上食評乃用戶個人意見 , 並不代表OpenRice之觀點。)
等級3 2018-04-20
0 瀏覽
之前,都食過一間旺角-川莊,同樣ge川菜,但地點唔同,不過都好味架同埋食飯對象唔同,所以要再一試因為唔食得太辣關係,所以都照叫左個例牌酸菜魚食,之後再叫3件羊架、一串豚肉串同雞肉串,再叫左個茶樹菇浸豆苗先來個酸菜魚,依個湯底係漁X咁好味,但魚質地好滑無骨,食得過不過湯底唔可以飲太底較咸而串燒方面,個羊架比想像中大件,但我果件較為難咬,雞肉串同豚肉串肉質較為好味仲配埋串燒粉到個茶樹菇浸豆苗,就覺得濃味中一片清泉因為前兩者(酸菜魚+串燒)都較重口味,反而依個就清淡點,變得好好味大家到時可以叫下試試 繼續閱讀
(以上食評乃用戶個人意見 , 並不代表OpenRice之觀點。)
等級1 2018-04-17
12 瀏覽
服務良好,對答好好,四眼男經理解釋食物好清楚,令到我好滿意,串燒好好味,辣味剛剛好!沙律吧有夠多食物,有青瓜,木耳,仲有我最喜歡既皮蛋,酸辣湯,不過添加食物有點慢,要留意,希望下一次在黎,會更好 繼續閱讀
(以上食評乃用戶個人意見 , 並不代表OpenRice之觀點。)
等級1 2018-04-01
106 瀏覽
一向食開中環嗰間,味道好服務一流,元朗呢間之前都食過一次,食物算Okay ,服務就麻麻,大部分侍應都黑口黑面。今日下午茶經過諗住試多次,16:25分門口攞位,個男經理話16:30截單16:45要交枱,我同老公2個話無問題我地淨係食碗麵2,3個字都食完,經理唔知係天生黑面樣定咩啦,木無表情示意我地行入去,坐低後經理拎menu 過來,比我見到佢反白眼反到上後腦,我即刻話洗唔洗反哂眼咁呀?跟住即刻離開,呀經理條氣咁唔順,我費事會比人喺食物加料。其實經理大可以直接同我地講要落場我地咪下次先再黎囉,而家無下次,Yoho 大把選擇,我無謂比錢受氣。 繼續閱讀
(以上食評乃用戶個人意見 , 並不代表OpenRice之觀點。)