影片
電話號碼
22922822
營業時間
今日營業
全日休息
星期一至二
全日休息
星期三至六
12:00 - 22:30
星期日
11:00 - 22:30
*星期一至二休息: 公眾假期除外
以上資料只供參考, 請與餐廳確認詳情
有關獎賞計劃
相關文章
嚟到淺水灣，呢度嘅環境同氛圍，絕對係佢最大嘅賣點。喺上世紀冇冷氣嘅年代，建築物外圍嘅陽台，提供一個既可以遮擋陽光，又可以享受新鮮空氣嘅地方。整體建築既有西方風格，又有配合亞洲炎熱天氣嘅地方特色。係合適嘅天氣之下，非常好地提供一個既優雅又寫意，而又唔會太拘謹嘅環境。無論係休閒寫意嘅一餐，或者紀念特別日子，都非常適合。至於服務質素，同食物水準，都合符預期地高水準。無論前菜、餐湯、肉類同海鮮類，都可以享受到優良嘅用料同烹調水準。
繼續閱讀
之前係網上見到the verandah既chill chill渡假風環境，深深地被吸引住。事前已訂枱，特登放假黎食，諗住少d人，順便同朋友行下淺水灣。窗外係陽光與海，餐廳裝修係復古風，樓底高，天花有吊扇，好休閒的感覺，枱與枱之間的空間闊，講野唔會被隔離枱聽到，枱面大，可以同時間放多碟食物打卡去之前已預先做好功課，諗住叫2個午市套餐，點知去到無左心目中的套餐，唯有叫另一個套餐，再加一個appetiser及一個意粉，2人share食。Prix Fixe Lunch Menu $608麵包 （橄欖油、黑醋）味道正常APPETISERS:VITELLO TONNATO(sliced veal loin with caper berries and arugula)朋友覺得ok，但唔太岩我食MAIN:BEEF BOURGUIGNON(mushrooms and pearl onions)味道中規中矩DESSERT OF THE DAY: 好似係梳乎厘coffee (有蝴蝶酥）YELLOW FIN TUNA TARTARE(Provencale herbs and toasted focaccia)$238味道中規中矩KING PRAWN SPAGHETTI $398(lobster bisque and tarragon cream)味道中規中矩總共$1368 （已包加一）唯一美中不足係訂枱已寫明慶生，但甜品沒有生日牌/蠟燭，但隔離枱同款甜品就有
繼續閱讀
之前為了和另一半慶祝特別日子，選擇咗呢間位於淺水灣嘅著名打卡餐廳去品嚐下午茶。雖然下午茶時段嘅dress code冇晚餐咁嚴謹，但都會有要求男士最好唔好着拖鞋或者背心。一入到去已經感覺到富麗堂皇嘅格局，真係不愧為著名嘅打卡餐廳。衛生同舒適度無可挑剔，窗口位可以飽覽淺水灣附近一帶的景色。侍應服務好好亦都好熱心，包括會協助我哋換位、影相（會幫我哋打印張相出嚟，無需額外收費）、同埋幫我部電話叉電 。不過可能由於價格偏貴，星期日下午茶時段入座率唔過一半。我哋就叫咗一份下午茶套餐，連同加一價錢為$888，會包coffee or tea，如果要叫特殊嘢飲，就要額外收費。每人會有五種鹹點，加上有一個 afternoon tea stand 嘅甜點比兩個人去share。食物嘅樣式同埋賣相就可以參考我附上的相片，整體嚟講味道非常好，亦都好飽肚。整體嚟講雖然價格偏貴，但我本人都會推薦。
繼續閱讀
淺水灣去過好多次，但咁耐都行過入影灣園，我一直都以為係私人住宅，完唔敢入去睇下。今次家人建議去「露台餐廳」(The Verandah)食sunday brunch，人生第一次踏入呢一個地方。「露台餐廳」係一個好有氣派嘅地方，睇番網上資料，露台餐廳係根據拆卸嘅淺水灣酒店(1920-1982)以仿古形式重建，所以一入去好有一種古典嘅味道。講番露台餐廳嘅sunday brunch，成人收費為HK$988，另收加一服務費。相信唔少人會覺得個價好貴，但我覺得值得去豪一次，可以有咁高質素嘅sunday brunch係好難得。佢嘅sunday brunch係半自助形式，除咗場內任食嘅食物外，仲加一款主菜，呢個我都有啲驚訝，淨係出面嘅食物，每樣食一件已經可以飽到抱住個肚腩走，食埋個主菜真係不得了。平時我麻麻地食冷盤，但佢嘅冷盤可以話好出色，雖然款式唔係話好多，有帶子、蝦、蟹腳、龍蝦、磯燒鮑魚等，但佢啲冷盤一啲都唔hea，除咗蟹腳外，全部都有特別調味。我特別欣賞佢個龍蝦，不單起咗肉，連蟹鉗都起埋肉，放响蝦頭度，加上千島醬，只係一個令食客食得輕鬆嘅步驟，令到一個平平無奇嘅焓完再冷凍嘅海鮮，提升到完美嘅層次。要將個唔值錢嘅波士頓龍蝦，起肉再將蟹鉗起埋肉，加上醬汁，呢個咁細心嘅做法，暫時我未响酒店見到。另一個不得了嘅係蟹腳，大大隻又多肉，而且帶有海水味，鮮味十足。我見有艮評話蟹腳好細同冇肉，事實係要指住最大果件，「我要呢隻」先得，否則服務員會隨意比你。熟食方面，有三款炸物、焗青口、蝦餃、燒賣、三款意粉、鴨肝、湯、五款不同嘅火腿、2款煙三文魚，仲有啲我冇影相/冇食到嘅.....等，講真款式望落好似唔係話好多，但每樣食一件/一啖都不得了。要講佢地比較唔出色嘅係蝦餃同燒賣，雖然望落去好似好精緻，可惜嘅係皮比較厚，會比人感覺似預製品再翻蒸，呢個我反而覺得可以用其他菜式取締。必食嘅係佢個鴨肝，有濃郁嘅鴨香味，唔膻亦唔膩，齋係食呢個鴨肝，我哋一家人都食咗起碼20件，可想而知佢有幾咁正。另外佢個湯我覺得幾特別，用露筍做嘅湯，佢嘅名堂有啲複雜，連Google Translate都搞唔掂"Green Asparagus Velouté with Guinea Fowl and Rye Croûtons"，味道好特別，自己加上麵包碎同cream，成個湯嘅口感更加豐富，亦飲唔出佢有露筍嘅青臭味。刺身就得4款，我個人覺得係可食可唔食，因為唔係太特別，同埋佢嘅切出嚟好細件，每次配給嘅份量亦唔多。我只係揀咗三文魚同吞拿魚試下，味道都新鮮嘅，但size就真係偏細件，不過對我嚟講唔算係主打嘅都OK。我冇食到嘅嘢有各款嘅沙律、泰式食品等，我留番個肚食番啲值租嘅嘢。去到主菜，我哋呢班食肉獸全部都揀咗牛同羊。呢兩款我都有食到，兩款同樣都好出色。佢份量唔係好大件，但味道十分出色。兩款肉都係經過漫煮而成，肉質鮮嫩亦夠淋，牛小排帶有好豐富嘅牛味，肉汁亦鎖到剛好，加上薯蓉同甜椒一齊食，成個牛肉嘅味道提升到神級嘅層次。佢呢個配搭，絕對係廚師精心嘅傑作。另外嘅法式羊肩，雖然比牛小排比下去，但我覺得同樣出色，羊肩帶豐富嘅羊味之餘亦唔太膻，加上薄荷醬嘅配搭，簡直係完美。家人問我可唔可以做到，我一口否定，我冇可能做到咁出色嘅菜式。講真淨係呢個主菜已經值回票價。甜品方面，同樣係好多色，連一向唔太鍾意食甜品嘅我都讚好。首堆嘅係佢嘅揚技甘露，加上佢旁邊嘅芒果肉，真係不得了，仲要佢個芒果肉夠甜，成件事加分到100。佢嘅西式甜品更加出色，即做嘅梳乎里係必食，入口即溶嘅輕盈質地，介乎於慕斯與泡沫之間，外層微脆，內裡如空氣般綿密，唔怪得好多網評，梳乎里係必食，就算飽到食唔落都要食一啖。對我嚟講，除咗食之外最重要係乜？更係酒！有指定嘅香檳任飲。佢用Charles de Cazanoce嘅香檳，易入口，唔太飲酒嘅人都非常適合，帶咗啲荔枝、鳯梨等嘅香氣，佢用呢隻香檳絕對唔係hea你，我去網上睇個零售價都要300幾蚊，唔係比啲2幾30蚊果啲cheap cheap貨式。另外，佢嘅set包一杯餐飲，我點咗咖啡，我慣咗飲齋啡，可以飲到佢嘅啡係即磨，並唔係求其沖啲咖啡粉，一間出色嘅餐，對每一項嘅細節都有要求，即使係一杯咖啡，都能夠令客人稱心如意，抵佢可以座無虛席。嚟到結論，我覺得「露台餐廳」真心值得一試，唔好睇佢要成千銀好似好貴咁，但响今時今日嘅餐飲業叫苦連天嘅情況一下，露台餐廳仍然坐無虛席，証明佢不論食物質素、環境、服務質素等，呢個價係值回票價，仲要係要預約落訂。有機會我會試佢嘅晚餐，會帶比我點樣嘅驚喜。
繼續閱讀
🍽️ 半自助餐區提供各式各樣嘅前菜 - 海鮮，刺身，冷盤，cheese and charcuterie到甜品應有盡有🥹🥩主菜有4款選擇 其中選了牛扒與鴨胸，熟度都處理得很好**🌊當然環境！😌 「無得輸」🌅開揚海景x 歐陸復古氛圍 🍽️✨ 還有live music 🎶🎤🎹可文青打卡or **貴婦 vibe** 📸
繼續閱讀