76
2
2
| 餐廳: | 霜瀛 |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
港鐵尖沙咀/尖東站 B2 出口, 步行約4分鐘
繼續閱讀
電話號碼
31888007
營業時間
今日營業
12:00 - 14:30
18:00 - 22:00
星期一至日
12:00 - 14:30
18:00 - 22:00
公眾假期
12:00 - 14:30
18:00 - 22:00
公眾假期前夕
12:00 - 14:30
18:00 - 22:00
以上資料只供參考, 請與餐廳確認詳情
有關獎賞計劃
優惠
| 餐廳: | 霜瀛 |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
[ 霜瀛 ]呢間壽司刺身Omakase店1年前由上環搬去尖沙咀，人氣依然強勁！最近晚市做緊第2位第3位半價優惠、酒精飲品第2支半價。晚上9點前仲可以無限追加手握壽司😲！✿ 「櫻」廚師發辦晚餐+壽司追加放題 $1680/位套餐有3款先付、蒸蛋、3款日本生蠔、6款時令刺身、季節料理、10貫手握壽司、吸物、甜品拼盤。3款先付🥢當晚前菜係芥末湯葉、三文魚籽豆腐、汁煮東風螺，清新開胃。 蒸蛋🥚茶碗蒸加入櫻花蝦、香菜等材料，蒸蛋嫩滑帶鮮味。3款日本生蠔🦪當晚款式分別係 岩手縣米崎蠔、兵庫縣武士蠔、岩手縣令和之怪物。生蠔體型、肉質、口感和搭配都有不同，唯一相同係生蠔夠新鮮。6款時令刺身🐟🍤當晚刺身有 間八魚、活赤貝、煙燻鰹魚、拖羅蓉海膽最中餅、甘蝦、北海道白粟米。間八魚捲住海草再配烏魚子，魚肉爽脆帶烏魚子鹹香，鮮味更上一層；鰹魚用上日本木煙燻，相當打卡！鰹魚魚皮燻得微脆，金箔與昆布醬增添奢華感及味道層次；拖羅蓉海膽最中餅，海膽濃郁與拖羅油脂夠哂滿足。 季節料理🧫慢煮鮑魚配鮑魚肝醬，鮑魚煮得軟嫩卻不失彈性，濃郁肝醬及山椒葉香氣讓整體風味更立體。 10貫手握壽司🍣當晚款式有 魴鮄魚、金目鯛、赤蝦、帆立貝、深海池魚、葉血引、金線鯛、銀鱈魚、拖羅、北海道馬糞海膽杯，全部魚生都新鮮厚切。除咗有火炙壽司，調味方面各有特色，會配搭柚子胡椒、黑/白松露醬、烏魚子粉等。⚠️最重要係晚上9點前仲可以免費無限追加手握壽司(除咗海膽)😱😱！吸物🥣清澈高湯有舞茸菇、蓴菜，飲完暖胃。甜品拼盤🍐🍨有日本蜜瓜同埋雪糕。提早預訂更可免費升級甜品拼盤，慶祝節日一流。總結🫦 Omakase食材新鮮日本直送，手握壽司仲可以免費無限追加！而且有好多優惠做緊，性價比夠高。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿霜瀛地址：尖沙咀金馬倫道33號The Cameron 1樓102號舖電話：3188 8007✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀
今晚同朋友去咗呢間餐廳食Omakase，睇個環境都幾錯，聽講係新開張咗幾個月咋。夜晚九點前，除咗海膽壽司之外，其他壽司都可以無限追加㗎！真係好抵！而家仲做緊第一位正價，第二第三位半價嘅優惠，帶埋朋友嚟食就啱晒😆日本生蠔有三款口味：武士蠔、小豆島、仙鳳子，口感好Creamy，係幾新鮮嘅嘗試跟住仲食咗十二貫壽司：黑糖伊佐木、蜜柑鯛、金目鯛、魴鮄魚、帆立貝、深海池魚、赤蝦壽司、金鱔鯛壽司、梭子魚仲有黑目魚，全部都肉質幾鮮美
繼續閱讀
🧡《尖沙咀任食壽司食到你包保飽既高質廚師發辦》— 霜灜朋友幫我慶祝生日嚟咗呢間叫霜灜既omakase❤️🔥朋友話入面有好多好嘢食所以嚟之前專登留返個肚食呢一餐😆啲餐真係大滿足，呢度嘅指定壽司9點前可以無限添加（拖羅海膽除外）‼️‼️質素亦都好高質，不過由於成個餐真係有好多嘢食，所以我哋食唔到咁多😛〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️➠手握壽司包括：蜜柑雕、拖羅、魴弗魚、梭子、深海池魚、帆立貝、赤蝦、金線鯛、黑糖鱸魚、北海道馬糞海膽🍣🥢➠先付三品： 日本湯葉、蟹膏豆腐、東風螺➠櫻花蝦茶碗蒸：好滑捋捋食落去好暖胃💕➠日本生蠔三款：超級肥美，絕對唔腥，其中最鍾意食嘅係仙鳳趾蠔配柚子同海葡萄，好鮮甜開胃！💖➠時令刺身六款：推介拖羅蓉海膽最中餅（最打卡同最好食！）、煙燻鰹魚、螢光魷魚⭐️仲有即場炙燒a5和牛配水菜，好香牛味而且水菜令到成件事冇咁膩👍🏻➠季節料理：慢煮鮑魚配鮑魚肝醬，大大隻又好滿足😻➠北海道海膽杯：雖然我唔係海膽嘅愛好者，但呢個認真我比一百分😌😝😝好想食埋朋友嗰份😆食之前仲要噴上金箔，成件事昇華咗😙仲有生日更會有免費升級生日甜品，有埋生日牌同煙花蠟燭，超有儀式感🥰😍Omakase大滿足壽司放題➡️💁🏻♀️原價：$1980，優惠價：$1680 第二、第三個半價💥💥💥總括嚟講，食物質素好高質，而且慶祝生日一流，飽到上心口😆❤️☻味道：8.5/10☻環境：8/10 ☻服務：8/10☻價錢：8/10☻回頭率：80%📍霜瀛 (尖沙咀)尖沙咀金馬倫道33號The Cameron 1樓102號舖
繼續閱讀
尖沙咀日式木系居酒屋呢間位於尖沙咀嘅日本餐廳，裝潢以日式木系為主題，環境好舒服，今次去左食set lunch，套餐包括：沙律+湯＋甜品。見到夜晚仲有壽司放題，可以無限追加壽司！豪華三色丼($228)有海膽、三文魚籽、吞拿魚蓉，食落都好新鮮！成個丼飯份量都好多日本產南蠻阿美波炸雞定食($108)炸雞炸得好香脆，配上他他醬，同炸雞好夾！甜品係黑白芝麻丸子，內裏分別包左奶黃同埋紅豆🫘地址：霜瀛 尖沙咀金馬倫道33號The Cameron 1樓102號舖
繼續閱讀
$880 lunch omakase 買1送1 + 正價（即係2位$880） 加1。雖然係買1送1但話曬都係omakase 有少少期望，但講真，壽司郎性價比高好多。環境唔係特別乾淨，食緊既時候有隻野係咁飛黎飛去。其實presentation ok既，準備功夫都足，但係真係唔係新鮮，所有壽司都係好多味，加鹽啊，醬油啊或者1d日本既醬去蓋過魚生既味。食完唔會覺得自己享受左，但係當係食左餐飯既感覺。再諗下食壽司郎可能會開心d如果你無咩所謂真係食下omakase個字架話都可以試下既。
繼續閱讀