50
7
3
港鐵銅鑼灣站 A 出口, 步行約2分鐘 繼續閱讀
電話號碼
23215155
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
*截單時間: 午餐: 14:30, 晚餐: 22:30
付款方式
Visa Master 現金 AE 銀聯
座位數目
40
其他資料
酒精飲品
自帶酒水
泊車 詳細介紹
電話訂座
外賣服務
加一服務費
食評 (61)
等級4 2019-10-19
582 瀏覽
Shimo 全新壽喜燒套餐😋平時食壽喜燒一般都係配牛肉,今次霜月特別地採用左日本鹿兒島薩摩赤雞肉,啱曬鍾意食雞肉既大家😉呢個套餐只係秋冬限定,供應至11月30日,想試下既就要把握時間黎啦。餐廳具有木質簡約風,營造了温馨的感覺。除左有吧台直接望住師傅煮食,仲有卡位同私隱度高的獨立房。舒服的環境,加上美味的食物,今晚同朋友都好享受, 舒緩工作的壓力👭黑松露和牛鵝肝多士見到menu上新推出的a la carte咁吸引,忍唔住同朋友每人order一件。一聽呢個配搭已經垂涎欲滴,食落口更加滋味無窮😍香脆的蒜蓉包,入口即融的A5和牛片,完美覆蓋住厚身肥美的法國鵝肝。和牛上灑滿一片片黑松露,加埋秘製壽喜燒醬汁,層次豐富,令人一食便愛上😍而且唔會太油膩,因爲多士仲有夾住生菜,配搭得啱啱好。食完單點,正式到壽喜燒套餐的六度菜🍴有機雜菜沙律有機雞官草和水菜,三文魚籽作點綴,加埋醋同芝麻香,清新開胃。原隻汁煮鮑魚鮑魚肉質彈牙,本身已用秘製醬汁經煮得入味,再加上三文魚籽同鮮甜海膽,點埋香濃鮑魚肝醬👍旨味十足👍精選時令壽司分別有中拖羅,大拖羅,左口魚邊,深海池魚同海膽😋我既最愛當然係大拖羅啦,入口即融,肥美豐腴,油脂感重👍海膽壽司份量十足。深海池魚佐以魚子醬。壽喜燒配 日本鹿兒島薩摩赤雞肉和雜菌壽喜燒醬汁採用和牛牛脂,牛筋和牛肉,加埋日本醬油同埋秘製材料煮3-4小時,味道濃郁😉侍應首先幫我地放雜菌上鍋,再倒壽喜燒汁, 烹煮數分鐘等雜菌吸收醬汁的精華😋再落雞肉,煮熟後點上蛋黃汁,雞肉有彈性👍霜月堂煮雞肉黑松露丼繼續食緊既時候,侍應已經安排一雞二食既第二種食法😊加埋雞蛋,洋蔥,同黑松露,味道馥香😘簡單一碗珍珠米飯,加少少嫩滑雞肉,煮到淋身的洋蔥同黑松露,完美的丼飯就誕生啦😆❤️甜品芝麻雪糕甜品可以揀芝麻,綠茶,咖啡味雪糕同柚子雪芭。我就揀左最愛的芝麻雪糕😍芝麻味重,雪糕軟滑😋 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-09
474 瀏覽
成日都好恨去日本,食番餐Sukiyaki。香港地供應壽喜燒的地方委實不多,要找正宗及有水準的,我只想吃一間,Sukiyaki Mori。據知,這家位於銅鑼灣的Shimo,剛推出了全新的壽喜燒套餐,主角不是和牛,而是雞,咁有趣?!       好奇心驅使下,我來了嚐這個套餐。率先送上的雜菜沙律,份量不多,各式菜蔬是有機的靚貨,夾雜口感爆脆的魚籽同吃,我熱好身了~接著是原隻汁煮鮑魚,師傅已細心將鮑魚一開四,吃起來更方便。鮑魚質感彈牙,伴以鮮味十足我海膽,以及脆卜卜的三文魚籽,層次豐富得多。切記旁邊的肝醬才是精華,必定要醮來同吃。吃鮑魚期間,多手翻幾下餐牌,又被那黑松露和牛鵝肝多士吸引著,忍不住請師傅幫我弄一件。只見幾片黑松露鋪在和牛之上。其實,大大片的A5和牛之下,就是厚身的鵝肝,以及脆口的多士。甘香又溶化的鵝肝及和牛,令人欲仙欲死,加埋松露的香氣,太回味了吧!OK,番返來個套餐,有五貫時令壽司。海膽的鮮,池魚既爽,右口魚之香口,以及中、大拖羅的肥美,真心好吃。再強調,最左手邊的一件,不是和牛,而是火灸過的大拖羅,入口融掉,係極品。主角始終要登場,新鮮什菌加埋雞肉的壽喜燒,雞肉來自鹿兒島的薩摩赤雞,質感嫩滑,什菌吸收了甜甜的壽喜燒汁,自會好吃。之後,加蛋,同埋黑松露,弄一個丼飯。美味的米飯,即使此時已十一成飽,也吞下了大半碗。食埋個清新的柚子雪葩,呷一口咖啡,非常圓滿的晚上。不吃牛的朋友,終也有機會嚐到Sukiyaki的滋味~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-26
540 瀏覽
壽喜燒新體驗🤤呢排工作壓力好大 好耐無食過好野😭難得朋友邀我去食飯 我決定岀山啦今次朋友帶左我去銅鑼灣食壽喜燒 開心喔以木系為主 感覺好舒服🥰霜月一直都好岀名食和牛壽喜燒同日式火鍋不過今次試下新menu 等我分享下先 let’s go!✨✨ 黑松露和牛鵝肝多士 $215呢個係全新單品 邪惡感十足呀🤤肥美嘅法國鵝肝 嫩滑綿密再配上用壽喜燒醬汁煮過嘅A5黑毛和牛入口即溶 不得了呀🙈仲有黑松露嘅配搭 正🥰✨ 廚師發辦壽喜燒套餐 $1400/2ppl🔸 原隻汁燒鮑魚 秘製醬汁煮過嘅鮑魚 入味又彈牙仲有海膽同三文魚籽 鮮美過人👍🏻🔸 精選時令壽司壽司有五款 分別係中拖羅、燒大拖羅、火炙左口魚邊、深海池魚、海膽當中最中意當然係燒大拖羅魚油一咬唧哂岀黎啦 入口即溶呀💓其次就係海膽 夠唒creamy又新鮮🔸 壽喜燒配日本鹿兒島蕯摩赤雞肉及精選新鮮雜菌鹿兒島蕯摩赤雞肉係日本名雞之一 雞味濃郁 又唔肥喎 肉質鮮嫩👍🏻再加埋新鮮雜菌索唒壽喜燒醬汁 甜甜的律好香🔸 霜月堂煮雞肉黑松露丼食完壽喜燒 加埋洋蔥、雞蛋同即磨黑松露拌飯一齊飯 非常滿足呀🔸 柚子雪葩最後以柚子雪葩作甜品 清清味蕾 結束今個晚餐🥰🍽 霜月 (銅鑼灣)🔎 銅鑼灣霎東街15-21號OLIV 24樓 繼續閱讀
(以上食評乃用戶個人意見 , 並不代表OpenRice之觀點。)
等級3 2019-05-03
2044 瀏覽
今日同左一堆同事去是霜月,去到都好多人係間餐廳,仲撞到另外一堆同事都食同一間野。入到去坐嗰張凳係日式嗰啲要除鞋嘅,因為今日晏晝太多人去食,所以我哋預早order左食物。第一次食嘅日本野,叫咗油金魚餃再加六件刺身嘅set lunch!因為呢度比較出名和牛刺身加海膽飯,所以有幾個同事都叫左!一開始有蛋同湯,個蛋都唔錯!上主菜嘅時候碟油甘魚餃都幾多,有5-6舊!刺身我覺得正常啦,唯獨toro好味啲,魚餃都正常嘅。但試左一啖同事嘅和牛,都係一般,但唔平🤭 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-17
1568 瀏覽
[📍香港篇🇭🇰] 吞拿魚腩日本海膽丼午市定食[📍Hong Kong🇭🇰] Fatty Tuna Japanese Uni Don Lunch Set新鮮既魚生🤤🤤🤤真係抗拒不了🙈 定食有沙律🥗、味噌湯、日式燉蛋🥚同甜品🍨啲吞拿魚腩談不上好肥美,但都有少少魚油香😏而海膽都好有鮮味☺️ 廚師已經喺丼飯預先撈左豉油,所以唔好一上菜就淋豉油,會毀掉成個飯🤦🏻‍♀️🤦🏻‍♀️甜品會有蛋卷或雪糕食,雪糕仲有芝麻味揀,好好食😍😍 如果同一大堆人食飯,可以預先訂座會有廂房可以坐,咁就對住個跑馬地馬場景開餐☺️ 繼續閱讀
(以上食評乃用戶個人意見 , 並不代表OpenRice之觀點。)