雲貴軒米線專門店 (已結業)

有睇開我食評既人都知我好少批評餐廳，因為我覺得只要個廚師用心做，食物自然好食同有人情味。今日我真係忍唔住，食完呢間米線真係心中講哂粗口，希望放o係度，唔好再有人中伏！明明建生呢邊有好多米線鋪，但我唔熟呢頭，又趕時間，最後入左黎食。其實都冇咩人，但係唔知點解d侍應就唔想行埋黎咁，開始有少少火了，心諗快d食完快d走。叫左一送，加野食，就已經46蚊，都同連鎖既差唔多丫。一黎到就知奶野。墨丸，得4粒，仲要係唔彈牙，係舊粉。大佬，譚仔單送墨丸都有6粒啦。麻辣湯底，冇麻得辣，留意，係冇其他味了，名乎其實 － 辣水。叫佢走芫荽，黎到一大舊芫荽o係湯面，已經超無奈，叫侍應，佢唔係幫我換走去，係比個碗我自己整走。真係好火。食完成肚火，大家食前要三思。…查看更多

今日係屯門建生邨附近食晩飯，附近有唔少街坊餐廳選擇，最後去左一間米線店，名叫「雲貴軒」。見到菜單有「蘿蔔魚腐魚頭鍋」套餐，材料包括三文魚頭、魚腐、蘿蔔、唐芹、胡椒碎，可以配米線或絲苗白飯，套餐仲包一杯熱飲，而且價格一d都唔貴。本來諗住是是但但隨隨便便求求其其食一餐，估唔到魚頭都算大個，味道唔錯，下次可以再幫襯。價格💰：$66 ($56 + $10)味道😋： 唔錯留意⛔️：凡回顧任何套餐「半價」換購一款小食…查看更多

呢期好鐘意食米線，於是小編黎到屯門雲貴軒米線專門店食。小編我係個辣控，所以叫仲個中麻辣鎮江肉排。個湯真係好正，辣度好夠好有四川風味😋。而且個湯本身好清甜，吾會太咸，我飲左好多😍。米線都好Q好彈，份量都好足，小編甘大食啱啱好😎。個鎮江肉排酸酸甜甜好開胃，大大舊得黎吾會煮到爛晒，肉質嫩滑，完全吾韌😃。好食👍🏻。…查看更多

蕃茄湯雲吞米線，易入口，嗌外賣都唔會好快淋晒。米線彈牙，雲吞料夠，口感十足，份量充足。四五十蚊搞得掂，係唔錯嘅選擇。平時行過見餐廳嘅格局都幾好，睇落幾舒適，可惜未有時間入去坐下。…查看更多

雲貴軒都是我成日叫的米線店，但成日食米線都有時覺得有點悶，所以今次睇下飯類餐牌，原來飯類餐牌都有唔少，而且仲有台式的肉燥選擇，最後就試試這間的豬扒肉燥飯外賣，今次沒有加飲品，由收到外賣到食大約十分鐘，一開之下見到份量都幾大份，而且豬扒都不少，但整體都吾夠熱，希望味道唔差啦，幸好豬扒都幾大塊，味道都不錯，煎得都幾香口，都幾滿意。肉燥份量就偏少，而且又偏咸同太杰身就有點失望，白飯都幾多但太濕，混肉燥就不好食，唯有分開食就會好點，食完成個飯都幾飽肚，而且價錢都合理，下次可以試下其他不同的飯類。…查看更多

云贵軒的米線一向不錯，尤其是小鍋米線，加上一蕃茄湯底，更是野味非常。但其实他们的薯粉也很可口。除了面食，他们还有各种飯类，其中的肉燥飯也相当不俗，颇有台湾风味，而且份量足夠。…查看更多

現今的米線店開到成行成市，雲貴軒都算分店多的集團式米線店，今日我一試究竟。係午市叫一個餸既米線已經索價 $42，再連埋凍飲+$3，埋單$45。相比其他店鋪黎講，算係高於平均價。我叫咗牛柏葉，因為唔係太多米線鋪可以叫到，而雲貴軒出品的牛柏葉是經漂白的。牛柏葉份量都適量，有咬口，唔會普通車仔麵檔咁一咬即散。麻辣只係叫到微辣only，因為友人告訴我呢間鋪俾辣度俾得好隨機，為免浪費食物，所以揀咗最低既微辣……微辣既感覺唔係太辣，又有小小味吊下癮，我覺得都唔差。雖則叫最細辣度好似會被恥笑，但食辣唔需要同其他人比拼，揀自己食到既就可以。…查看更多

假日同友人經常都會行街行到錯過左食飯時間，到肚餓要食晚飯時已經9點幾，到左呢個時候都唔知食咩好，除左24小時快餐店，茶餐廳外，仲有咩選擇呢。。。行下行下行到屯門建生邨，見到KFC 隔離有間雲貴軒，諗住食碗米線醫下肚啦。發覺有宵夜餐，價錢仲幾吸引！ $30 有出前一丁，炒蛋，牛油脆豬仲有熱飲！即刻order ! 9點後人流真係唔多，好快就有得食啦！香草蒜蓉牛油脆豬好好味，蒜蓉味好香，包都好脆牛乳炒滑蛋都好滑，而且食到有牛乳味，不錯。豬頸肉出前一丁就正正常常，豬頸肉份量都唔少，仲有條菜同火腿絲。$30 真係好超值，仲要真係出前一丁，其他好多地邊出前一丁都要額外加錢。下次9點過後，都會再來食。友人點了砂鍋雲吞雞魚唇湯加飯，湯底好好飲，仲有一大隻雞脾，都好好味…查看更多

這店鋪早餐款式很多，加埋涷飲35元。尚算合理。 但個面就求其咗啲 ，雞絲麵， 其實全部都唔係雞絲， 好大嚿。 啲菜好似616就鬧起咁， 有時食都吞唔到，太硬， 有麵包腿蛋 算係早晨全餐。…查看更多

不經不覺又到下午茶時間，忽然見到呢間食米線嘅專門店，除咗早餐之外，原來都有下午茶，咁就入去試吓。反而冇期望就變咗冇失望叫咗個下午茶$28:雞翼+西多士，原來西多士入面係有花生醬，雞翼都算係食得過！豬扒包配沙律，塊豬扒重大過個豬仔飽，不過塊豬扒，好似特登打扁到咁大塊，食落就唔似豬扒，反而個豬仔飽仲熱辣辣再+$8叉燒米線，叉燒就真係冇乜期望，因為始終呢間唔係食燒味嘅鋪頭，但係啲米線食落好有飽肚感+$7轉飲抹茶爆珠呢杯野就真係好好味，值得加錢，抹茶味夠濃，爆珠夠多…查看更多

難得今日偷得浮身半日閑，去美容院既途中有啲餓餓地，見仲有啲時間，都係搵啲野食下先，免得一陣要受飢餓之苦。經過呢間鋪，見到好似有米線食，咁就入去試吓啦。喺下午茶時間來講，都算多人。環境清潔寧靜。我點左個麻酸辣紅薯粉，跟餐可以選擇一個餸，$39，但係我太肚餓啦所以我加多左一個餸，一個係豬軟骨，另一個係鎮江骨。個湯底係由呢個果醋同白醋煮既，酸酸地，麻麻哋又辣辣地，好有四川風味，而且配上紅薯粉，煙煙銀銀爽滑彈牙，味道好襯而且份量好多，豬軟骨同鎮江骨都好大舊，豬軟骨唔會煮到太淋，鎮江骨就酸酸甜甜好開胃。…查看更多

某天星期六晚上無飯食, 同阿爸落街搵食, 附近大部份餐廳都食過晒, 無咩特別想食, 點指兵兵決定食雲貴軒~星期六晚上7點左右坐了一半座位, 阿姐好過來幫我落單~而且推薦他們的火鍋叫我試下但我太肚餓想快d食飽, 所以就不試了, 我見旁邊都有好幾枱客食火鍋餐我點的是牛展蕃茄湯米線牛展不錯, 有味又唔會軔, 蕃茄湯味道OK, 感覺比其他"健康"一些~好似無咁重味精味配菜反而無蕃茄, 只有木耳及粟米粒, 都ok, 食少少蔬菜會好些, 如果有返蕃茄會更好阿爸的好像是豬軟骨肉燥飯?我食了一件豬軟骨, 幾好, 入晒味同淋的肉燥就正正常常另外點了餐飲食完出到去見到佢地個火鍋BANNAR, 下次可以試下, 反正附近都無火鍋可以食, 除非去酒樓…查看更多

舊生會有活動晨早入黎屯門準備, 未開始前食番個早餐先.雲貴軒以前荃灣都有, 不過好可惜執左, 響呢度見番即時要幫趁回味一番.榨菜肉絲米線, 個湯仍然保持清得黎帶甜, 飲落唔咸, 米線好爽又夠滑, 榨菜亦都帶甜味, 唔辣仲好爽口.除左麵仲有腸蛋多士, 腸蛋煎過係熱熱地, 腸仔唔會太咸, 多士就烘得唔夠燶, 唔算太脆.熱奶茶奶味較多, 但都夠滑, 而且夠熱.整體個味道跟荃灣以前既差唔多, 而且份量足夠, 好抵食.…查看更多

尼間係建生村雲貴軒既早餐，份量都唔錯，以前食開荃灣果間，巳經覺得都得好抵食又多選擇 ! 真心講，我覺得食物質素和份量都比茶餐廳好，不過今次杯奶茶就差左少少冰，可能天口熱唔夠凍，後尾叫侍應加冰佢地都幾好禮貌，早餐係對人真係好重要架，可以食到一個飽飽又好味既早餐，個人都精神好多。…查看更多

今日11點幾落到樓下揾食,平時食過N次既雲貴軒,但都係食下午茶時段,第一次食佢個既午餐...E個吉列豬排米線.... A 有D失望..豬排都炸得脆既, 但米線較硬身,…查看更多