影片
行過見有新店咪試下囉，主食桂林米粉。先掃碼落單，米粉可以轉紅薯粉，仲有飯食添，小食選擇都唔少，價格定位親民。⭐肥腸米粉自己就點左碗肥腸米粉，要麻辣小辣。湯底都幾紅，小辣啱啱好，因為有酸筍同酸豆角，個人覺得湯底酸味比麻味更重，都幾好。肥腸處理乾淨，基本上所有肥膏已去除，滷得入味😋⭐肥牛米粉朋友要左肥牛米粉，湯底要酸辣小辣，但佢要走芫茜、走酸豆角、走酸筍，所以食起上黎個湯較似原味。個人覺得咁全走個湯底會變得單調，如非必要，都係保持原有啦😝⭐尖椒皮蛋軟綿綿嘅溏心皮蛋，仲重蒜香，正。⭐燴拌豆腐皮豆皮口感正，拌豆皮嘅油勁香口，店家話係自家秘製煉油，讚呀😍⭐哈爾濱紅腸仲點左份哈爾濱紅腸，哈哈，試下同一般香腸嘅分別嘛。哈爾濱紅腸口左緊實，好有肉感，仲有蒜香添，幾好食喎😋⭐凍奶茶 & ⭐青蘋果梳打凍飲大大杯，跟餐叫有優惠價👍叫左好多野好飽呀，又真係幾好味，值得一試😎
繼續閱讀
元朗新開桂林米粉👍🏻雲記桂林米粉由上水開到來元朗啦桂林米粉湯底用上雞同豬骨慢火熬製！夠鮮味款式配料選擇多！叫左肥牛米粉麻辣小辣米粉勁入味配上特製的滷肥牛肉仲有多款配料花生、酸筍、酸豆角愈食愈滋味！好開胃麻辣牛肉飯用上牛腱口感彈牙～份量十足配上特製香料勁香口撈飯好味道店內食品可以選擇無辣、小辣、中辣、大辣叫左兩款小食都好好味！紅油青瓜豬耳絲 ～ 豬耳夠哂彈牙滄拌豆腐皮 ～ 口感層次豐富飲品叫左凍檸茶、凍奶茶想食桂林米粉來👍🏻雲記桂林米粉 (元朗分店）📍元朗教育路61號紫荊樓地下K號舖
繼續閱讀
在趕時間的日子裏，快刷一碗米粉都是上佳的選擇。教育路的桂林米粉還是首回光顧，街坊小店，多多支持！餐廳新簇簇的，環境乾淨企理，卡座舒適！是夜的豐富晚餐，所費無幾的大滿足！涼拌腐竹 $30，賣相五彩繽紛，腐竹有咬口，青瓜爽脆，開胃涼菜。燒雞（例牌）$28，有燒烤香味，雞肉還算嫩滑，夠平夠抵食，整體不錯。尖椒皮蛋$22，皮蛋質感軟糯，醬汁惹味得嚟又不會過辣。滷肉飯 $58以為是台式的碎粒滷肉，上枱時方發現是一片片的豬腩肉，肥瘦相間，滷得入味。凍柑桔蜜跟餐價 $11 及 凍檸茶微辣肥牛米粉拼豬手、雞翼、滷蛋 $81肥牛有肉味，豬手腍滑入味 👍👍，雞翼一份有三、四隻，相當抵食。
繼續閱讀
去咗元朗整頭髮，順便食個米份，我係第一次嚟食嘅，一入店就聞到濃濃嘅酸辣粉味！佢哋有湯米粉，亦都可以食撈米粉！就叫咗一個滷肉酸辣湯米粉、涼拌海帶絲、紅油青瓜豬耳、尖椒皮蛋。唔知係佢嘅湯底配合返香港人口味定點，我自己嗌咗微辣，佢嘅酸辣湯底偏淡，但我個人就覺得可以！滷肉肥瘦均勻，米粉份量非常多！嗌咗幾個小食，都唔錯！我自己幾鍾意食涼拌海帶絲酸酸辣辣咁，海帶絲亦都好爽脆！有青瓜豬耳，青瓜豬耳配合得幾好，用筷子一夾都會有豬耳同青瓜！另外尖椒皮蛋就第一次試，尖椒味好特別，我自己幾鍾意！
繼續閱讀
今日行過元朗，見到間新開嘅「雲記桂林米粉」，門口飄出陣陣香料同酸豆角嘅香氣，即刻忍唔住入去試下！原來佢哋喺上水都有分店，難怪有好多街坊幫襯，唔怪得之我見到好多人拎住外賣袋出嚟！我分別試咗肥牛米粉同肥腸米粉。肥牛米粉$48，湯底聞落有濃郁嘅八角、肉桂香，飲落清甜鮮美，滲住淡淡嘅中藥香，據聞係用牛骨同多種香料熬足幾個鐘！米粉口感煙韌彈牙，掛湯力一流。配菜嘅酸豆角酸香開胃，咬落卜卜脆；釀筍好有驚喜，外皮軟糯，入面塞滿肉餡，吸滿湯汁好惹味；花生增添香脆口感，蔥同生菜令成碗粉更香更清爽。肥牛片份量唔少，肥瘦均勻，浸喺湯入面好滑嫩。肥腸米粉$45都好出色！肥腸處理得好乾淨，完全冇異味，口感軟糯又帶點嚼勁，滷香味濃郁，同湯底配合得好夾！另外點咗酸辣牛肚絲同涼拌青瓜，酸辣牛肚絲夠晒惹味，牛肚爽脆彈牙，醬汁酸辣度啱啱好，好開胃！涼拌青瓜爽口清甜，上面灑滿芝麻同辣椒，簡單又滋味。呢間雲記桂林米粉價錢親民，份量十足，味道正宗，新開業就已經俘虜咗我嘅胃！下次路過元朗一定會再去，都想試埋佢哋上水分店有冇唔同，鍾意食米粉嘅朋友一定要去試下！📍雲記桂林米粉元朗教育路61號紫荊樓地下K號舖
繼續閱讀