雲桂香米線專門店

開頭以為呢間係屯門嘅雲川燒所以諗住黎食豬頸肉原來佢係周圍都有分店嘅雲桂香XD我應該第二次食（三哥fans）🐽炸春卷 $24 多層蜂巢形脆皮食落特別脆鍾意食呢隻多過酒樓嘅春卷（有冇同好(≧∇≦)）🐽豬頸肉小鍋米線 $15+33=48走茜 麻酸辣 小辣呢個湯底幾正！食落少少麻痹感但又有酸嘅開胃豬頸肉正常～米線普通無石蔭小鍋米線嘅煙韌🐮牛肉 腩肉 蘿蔔 小鍋紅薯粉 $68酸辣 大辣朋友食開譚仔大辣佢話呢間大辣無譚仔咁辣(*ﾟ▽ﾟ)ﾉ牛肉係台灣牛肉麵嗰款咁腩肉幾入味蘿蔔好似話無渣（忘記了）薯粉好煙韌好正但朋友話門牙咬唔斷，要用臼齒咬XD留意返觀塘呢間只收現金、支付寶、微信支付唔收八達通及Mastercard的如果食記得帶現金😂多謝你睇到呢度🤍有興趣嘅朋友快啲share比fd一齊去啦！٩(๑>∀<๑)۶…查看更多

哈囉各位吃貨！我最近去咗一間雲桂香米線專門店試食，佢嘅黃火魚米線真係令我大開眼界！呢碗米線湯底濃郁得來唔會過鹹，帶住少少麻辣嘅刺激，飲一啖就暖晒胃。黃火魚肉質鮮嫩，冇腥味，仲有啲微脆嘅口感，配埋滑溜溜嘅米線，食落去好有滿足感！份量都幾足，食完真係飽到頂！餐廳環境乾淨企理，啲服務員態度好好，仲會主動問你要唔要加湯。不過有啲人可能會覺得湯底辣度稍為高啲，如果唔食得辣嘅朋友可能要調整吓。但我就覺得咁先夠過癮，啱晒我口味！…查看更多

開頭以為呢間係屯門嘅雲川燒所以諗住黎食豬頸肉原來佢係周圍都有分店嘅雲桂香XD我應該第二次食（三哥fans）🐽炸春卷 $24 多層蜂巢形脆皮食落特別脆鍾意食呢隻多過酒樓嘅春卷（有冇同好(≧∇≦)）🐽豬頸肉小鍋米線 $15+33=48走茜 麻酸辣 小辣呢個湯底幾正！食落少少麻痹感但又有酸嘅開胃豬頸肉正常～米線普通無石蔭小鍋米線嘅煙韌🐮牛肉 腩肉 蘿蔔 小鍋紅薯粉 $68酸辣 大辣朋友食開譚仔大辣佢話呢間大辣無譚仔咁辣(*ﾟ▽ﾟ)ﾉ牛肉係台灣牛肉麵嗰款咁腩肉幾入味蘿蔔好似話無渣（忘記了）薯粉好煙韌好正但朋友話門牙咬唔斷，要用臼齒咬XD留意返觀塘呢間只收現金、支付寶、微信支付唔收八達通及Mastercard的如果食記得帶現金😂多謝你睇到呢度🤍有興趣嘅朋友快啲share比fd一齊去啦！٩(๑>∀<๑)۶…查看更多

紮根香港多年的「雲貴香」絕對係米線界元祖級老字號！分店遍佈港九，常常坐無虛席，街坊熟客多到侍應都認得人。點餐超靈活：想快就掃枱面QR code自助落單，懶得動手？舉手即有侍應熱情幫你寫單，完全唔使愁！ 🐮必食麻辣牛肉小鍋米線我次次嚟必點 「招牌小鍋米線」配麻辣湯底 ——麻香夠勁又唔嗆喉！餸一定要加 牛肉，師傅切得厚薄適中，燙到剛熟帶微粉紅，咬落 爽嫩有嚼口，索盡麻辣精華！配杯 凍檸茶 少甜，冰涼解辣一流～ 💺人情味濃 唔催場雖然座位係典型茶記格局，唔算闊落但冷氣夠凍。同朋友傾到忘形坐多陣，侍應收完碗都唔會黑面催走！見證住由街坊小店變成連鎖名牌，廿年水準依然扛得住，難怪係港人心中無可取代嘅麻辣米線殿堂！ …查看更多

從入門口開始 就大大聲普通話喝妳逼妳坐角落頭 落單個阿姐勁唔耐煩 魚湯要等二十分鐘 寸妳趕時間😧 就唔好食 order漏嘢飲 酸辣湯好甜 基本上係死甜 冇咩酸味 豬潤難食到好似棉花 第一次食品咁難食品豬潤 牛肉一d都唔新鮮 都係鹵到好甜好假好柴 酸菜好似就黎融 冬菇都係好唔新鮮 死甜死甜 得d通菜還算新鮮 過得去 薯粉真係好硬 咬都咬唔斷最後俾錢 微信現金支付寶 其他都全部唔收真係樣樣都好差 講真貪佢近上黎試下 真係中曬伏 好難食好難食 服務勁差 …查看更多

呢間雲南米線長期坐無虛席，絕對係有理由！雖然人多，但安排幾好。點餐方便，可以自己掃枱面QR code落單，唔想郁手？簡單舉個手，侍應就好樂意過嚟幫你落單，唔使擔心。我次次嚟都係食 「小鍋米線」配麻辣湯底，湯底夠香夠麻，唔會死辣，食落好過癮！餸就必定加 雞絲，夠晒嫩滑，同濃郁嘅麻辣湯好夾。再配杯香滑嘅 凍奶茶，簡直完美組合！雖然店內座位唔算好寬落，係正常茶餐廳格局，但勝在氣氛好。同朋友食完傾多陣計、坐耐啲，侍應都唔會黑面或者趕客，可以慢慢傾。最窩心係埋單時見到，有客人急住走漏咗嘢，侍應都好主動幫手搵，呢份人情味抵讚！想食碗有水準嘅麻辣米線，享受自在嘅用餐時間，呢度係唔錯嘅選擇！…查看更多

原本開開心心入去食個麵、點知店員會歧視顧客、一個人可以坐四坐位、兩個人去食叫你坐角落頭兩個位四個位唔俾你坐、真係以後都唔會去幫襯😡😡😡😡😡😡😡😡😡😡😡…查看更多

嗌咗豬大腸、腩肉、白蘿蔔撈木薯粉$64 非常適合附近返工人士食蘿蔔幾甜，如果再多汁啲就好啦豬大腸唔臭 係比較偏腍嘅口感 都幾入味（本人比較鍾意外硬內軟）腩肉好多塊好足料配埋酸菜、肉碎，超好食…查看更多

我07分落單到28分先有嘢食，足足等咗四個字‼️‼️我等咗三個字都未嚟就催佢，佢仲死口同我講話冇落漏單，唔係樓面就係廚房問題，我個lunch time得一個鐘本身都可以慢慢食，點知等野食都等咗四個字😡😡😡搞到我要好急咁扒完就走，食到趕頭趕命咁，開喺工業區要返工嘅人等足佢四個字點做生意啊！仲要碗麵熱辣辣快食又辣到口🥵🥵🥵腩肉仲要薄到紙甘仲要得幾塊，個湯底又淡茂茂，龍蝦卷又細舊🤯🤯🤯唔怪得見到個評論都話佢難食，下次真係食返譚仔好過，起碼保持到質素…查看更多

雲桂香一直是我和家人喜歡的店，會經常光顧。今天第一次幫襯這分店，卻讓我忍唔住要在這裏給它劣評，還是我第一次在 OpenRice 給一間食店劣評！跟平常一樣，order 了紅薯粉的小鍋（紅薯粉要另外加錢），但結果全碗只有大量芽菜，沒有幾條紅薯粉，還是碎碎的！超過一百元的一碗兩餸芽菜，實在非常不值。向此店投訴紅薯粉份量少得太不合理卻不受理，還說這是正常份量！我是雲桂香的常客，知道什麼是才是正常份量，真的很過分，以後也不會光顧此分店！…查看更多

雲桂香，我N年前喺銅鑼灣食過，無咩印象話好食呀乜乜乜。到今日一試，真係唔錯 🙂本身想試魚米線，但都係怕澩嫪而卻步 😛柯打咗酸辣米線小辣 - 豬紅、豬軟骨、墨魚頭，仲想嗌落去，out 筆嘞！我唔想八十幾蚊食個米線 🤣份量算可以，我到大概四點開始餓 😏。係好食而覺得唔夠 😛，好難得架喺我角度 😆。酸辣揀小辣，完全唔辣且偏酸甜，下次試中辣啦唯有 🤷‍♂️。見墨魚頭係推介，平時我怕食呢啲嘢主要怕硬，佢完全唔會 😛，有食材原味。豬軟骨腍嘅程度係接受，可以再好食啲嘅 😏，部位問題。期待有下次！…查看更多

觀塘新店 坐得舒服啲店員都好積極服務酸菜似轉左貨源 但都可以 。以前雲貴香啲酸菜出色啲欣賞佢既冷拌撈薯粉 配料調味剛剛好 唔會偏酸或偏咸 肉碎多啲會更好 豬頸肉質素能保持到唯獨檸茶個茶底比較苦澀左啲 正常甜又會over左少少🤏…查看更多

平時食開寶琳店，最愛雲貴米線湯底。今日見觀塘新店就入黎試試，點知味道唔統一，個湯好酸好酸，好似俾錯左湯咁。我以為佢俾錯，點知連我太太碗小鍋米線湯底都一樣好酸，聽到隔籬枱嘅情侶都一樣講話碗湯好酸，希望會改善，統一味道會好啲，同一個品牌味道唔應該分別咁大，因為我食開寶琳店（仲要係成日幫襯嗰啲）所以對個味道好熟悉。新店嚟講，環境裝修方面我覺得係OK既。地方都算係闊落，服務態度都nice，不過見幾個客都要提抹乾淨張枱，希望侍應會抹枱抹好啲。…查看更多