影片
以上資料只供參考, 請與餐廳確認詳情
向服務員反映豬骨湯底有辣味應該在菜單圖片或文字旁加一個辣椒圖案，因為外國朋友唔識睇中文多數都係睇食物展示圖。服務員直接離開不予回應。再次呼叫服務員表示要求改進然後服務員講豬骨湯係辣，無需要標明，想唔辣就叫魚湯。我地表示唔係辣唔辣問題，係你要有圖標標明有辣椒圖標展示或者辣度展示，因為小朋友唔食得辣，我地又第一次來唔知道魚湯唔辣，服務員繼續直接離開不予回應。期間一張台出現兩次送錯餐情況，向其表示我地無叫呢個，服務員一句話無講唔好意思直接放去隔離檯然後再次送錯檯。
繼續閱讀
如果你問我推介米線，我可以話：雲川係我top one之選既米線！！ 係1000000分❣️1. 環境佢哋嘅店舖其實好大，不過入面就坐得有啲擠迫，但係都有正常郁動空間嘅，都叫接受到！2. 食物同飲品佢哋嘅豬頸肉金湯米線世一啊！！豬頸肉嘅份量係超級多，唔會係敷衍你嗰一種。佢哋米線嘅煙靭程度都係啱啱好，再配埋佢哋嘅金湯加少少辣咁樣，簡直係十級好食！推推推！另外仲叫咗佢哋鮮魚湯米線！飲得出佢哋湯底係好鮮味，同埋配料都比好多，而我地加咗蘿蔔，蘿蔔好多汁同埋軟硬程度都係啱啱好嘅。同埋佢地米線絕對係對得住個價錢！之後仲追加咗一個炸豬大腸，呢一個都係必食㗎，每次同朋友或者屋企人嚟到都係必點！外脆內軟脆卜卜！食得出佢好新鮮，唔會有啲咩臭味。鍾意食豬大腸嘅朋友都可以試一試，包你食過返尋味😋
繼續閱讀
⭐ 評分：★★★★☆ (4/5) 街坊價錢，驚喜小食！ ---🌶️ 麻辣米線套餐 ($38起) 🍜 小麻辣米線 ✅ 湯底：麻香突出，辣度溫和（可自選辣度），湯頭夠熱不油膩。 ✅ 配料： - 麻辣雞臀 ($10)：罕見部位！爽脆無異味，麻辣醃製入味。 - 豬頸肉 ($12)：炭燒香氣濃，肥瘦均勻，必加！ - 墨魚咀 ($10)：咬落「卜卜」聲，新鮮無腥味。 🥤 凍檸茶 (+$3 少甜) → 茶底濃郁，少甜剛好，解辣一流。 ---🥢 涼拌萵筍 ($24) → 萵筍切絲爽脆，芝麻醬調味開胃，份量足2人分享。 ---🍽️ 下午茶餐C ($42 | 2-5:30pm) 🦑 辣菜脯鮮味魷魚銀針粉 ✅ 銀針粉：肥嘟嘟滑溜，掛湯力強。 ✅ 魷魚：彈牙新鮮，辣菜脯鹹香提味。 🍗 滷水雞中翼 (微辣) → 滷得入味，肉質嫩滑，微辣。 ☕ 熱鴛鴦 → 不建議點 ---🏡 環境 & 性價比 - 新店優勢：座位寬敞，冷氣充足，Wetland區少有米線店。 ---📌 總結 「天水圍麻辣控必試！雞臀+豬頸肉組合無敵～」 👍 優點： - 配料選擇特別（雞臀、墨魚咀），麻辣湯底正宗。 - 下午茶餐抵食，$42有齊粉麵+小食+飲品。 必點組合： 1. 小麻辣米線 + 豬頸肉 + 雞臀 + 凍檸茶 2. 下午茶銀針粉 + 滷水雞翼 #天水圍美食 #麻辣米線 #街坊小店 #Wetland新店 ---💡 小貼士 1. 辣度分級：小辣已帶麻香，中辣以上適合嗜辣者。
繼續閱讀
呢間分店同平時喺屯門食嘅差唔多😎最鍾意叫豬扒酸辣米線夠晒重口味係我心目中米線Number one ❤️❤️豬扒份量同平時都差唔多女仔嚟講叫一個餸已經飽朋友叫咗豬頸肉豬頸肉都保持到水準仲記得之前有一排食佢覺得份量少咗好多而家又變返正常喇食完雲川之後返唔到轉頭雖然都有好多間同佢類似嘅但都係模仿唔曬另外有試過佢啲小食豬大腸特別推介清得好乾淨 完全冇異味 仲要炸得好酥脆 推介推介！而家已經變咗我嘅飯堂大西北恩物啊😂😂希望佢之後都keep到水準
繼續閱讀
當而家連譚仔或者三哥是但嗌個餸都要50幾蚊，仲要keep唔到水準。雲川真係又好食，味道對得住價錢！豬頸肉係我每次都會嗌嘅餸，必食！！由以前屯門開始食到依家天水圍都有分店，希望開多啲喺唔同地方！
繼續閱讀