雲壽司 (德和大廈)

營業中

休息中

今日去開中環行街，行完街就搵下餐廳醫肚，見到雲壽司，好似幾有詩意，好多廚師企係到即叫即做，感覺新鮮又衛生，就決定去試下啦😚我地叫左刺身拼盤同特上壽司拼盤🥰特上壽司拼盤有我最中意食既野係入面，有超新鮮甜美既海膽！仲有雕花做得好靚既鮮甜赤貝，見到第一時間食♥️拼盤仲有深海池魚，鮮甜牡丹蝦，新鮮彈牙既三文魚籽，燒都好香好滑火炙左口魚邊，鯖魚，超肥美既吞拿魚腩，吞拿魚腩香蔥壽司同埋比較小有餐廳有得食既魴鮄！咁多野食又新鮮好味真係好抵刺身拼盤都好抵食！有油膩分佈平均既油甘魚，鮮美甜蝦，超新鮮帆立貝，肥美美三文魚同池魚全部X2件，真係食到飽飽了😎

中環開咗這間分店，之前未有機會試。點知今天午餐沒有排隊，所以便去試一試。今次試了Omakase sushi set: $380. 個set都好多壽司，壽司的質素算高檔，以這個價錢真的很抵食，還有麵豉湯送。我們仲好貪心，叫了半版海膽刺身來share食，這個反而仲貴，約125g,就收$790.朋友在銅鑼灣分店食，90g就收$380。可能因為地區或材料不一樣的緣故。海膽好新鮮，為一就是比較貴些。

因為夜晚黑唔係好想食飯，但係自己真係好鍾意食魚生❤冇得去日本住，唯有試下品質新鮮啲嘅日本壽司魚生解下癮先啦😉見到樓下公司樓下呢一間都好光猛，一於收工嚟試吓！🤓先叫咗一個$360嘅特上刺身拼盤，入邊共有六種品種，都幾豐富。除咗有肥美嘅吞拿魚腩之外，仲有鮮甜嘅牡丹蝦🦐，堆到好似小山咁高嘅海膽。刺身仲有赤背，同埋深海池魚。我最鍾意真鯛嘅口感。因為佢厚切之餘，都非常鮮味😚而池魚通透晶瑩，都好鮮味。赤背係鮮紅色~非常之新鮮。

係Openrice見到哩間餐廳見價錢尚可接受於是膽粗粗約埋同事一齊試下等位等左15分鐘左右就有位店內空間唔大 bar檯唔算大 不過坐得舒服坐低我地就即刻寫紙落單侍應態度幾nice即使好忙都無黑口黑面等左10分鐘內就上菜 我叫左自選壽司10件 $168配菜有沙律同麵豉湯可選擇既款式不算少覺得質素幾好魚生融雪處理得好好唔會有未融晒雪既情況出現每舊壽司都有厚切既魚生醋飯只佔好少份量一口食落去好有滿足感總結哩個價錢對得上哩個質素上菜速度幾啱趕時間既lunch time去食之後約人都會考慮去哩間餐廳🍴

📍雲壽司📮中環德己立街17-19號地舖.收工一丁友想係中環食啲野先返屋企, 突然醒起有一間成日經過又未食過既壽司店, 一於去試下先🤭.餐廳大概可以坐到20人左右, 一半係吧枱, 另一半係架位, 目測有成4-5個師傅係bar枱負責整壽司, 以呢個scale既餐廳黎講, 廚師對食客嘅比例好高, 包保落左order都唔洗等好耐就有得食😌.特上壽司拼盤 HKD258呢個拼盤一共有10件壽司, 平均只係20幾蚊一件😏⬆️左至右: 海膽, 三文魚籽, 蔥吞拿魚腩, 火炙左口魚邊, 牡丹蝦⬇️左至右: 赤貝, 魴鮄, 鯖魚, 深海池魚, 吞拿魚腩拼盤賣相吸引, 色彩繽紛, 款式好多, 有齊魚類貝類, 侍應一放低已經急不及待要開餐😙1️⃣海膽份量好多, 味道甘甜2️⃣三文魚籽粒粒都脹卜卜, 非常飽滿3️⃣蔥吞拿魚腩高到成座山咁, 一啖都食唔晒, 口感綿滑4️⃣左口魚邊經過火炙之後充滿魚油香味, 油而不膩5️⃣牡丹蝦肉質緊致, 味道鮮甜彈牙6️⃣經過師傅巧手令赤貝變左隻蝴蝶, 食落爽口鮮味十足7️⃣魴鮄肉質爽脆, 配埋蘿蔔蓉同蔥花更顯清甜8️⃣鯖魚肉嫩細緻, 同平時燒過既味道好唔一樣9️⃣深海池魚厚薄適中, 魚味濃郁, 略帶油香🔟吞拿魚腩用上

紀念日🥰又揀咗我最鍾意嘅日本餐廳呢間CP值超高上網睇過好似話米芝蓮班底開既！但價錢係超平～ 北海丼！$198用料超級超級豐富！有海膽 帶子 吞拿魚 油甘魚 三文魚 三文魚子 牡丹蝦已經齊晒我想食嘅野！帶子好鮮甜 好爽口 海膽完全唔腥 最尾有少少回甘 好正 食得出好新鮮三文魚子超甜 好岩配丼飯食同埋份量超多 食極都食唔晒！三文魚 吞拿魚 油甘魚 好大片同厚身 牡丹蝦好大隻 蝦肉好爽口 一啖食落口 好滿足個蝦頭仲好多蝦膏～呢個價錢真係超值！ 特上壽司拼盤 $258有海膽軍艦 帶子 吞拿魚軍艦 深海池魚 三文魚子 牡丹蝦 火炙左口魚 中拖羅 海膽 中拖羅同三文魚子係最推薦食得出好鮮甜 好好味～唔好睇佢好似件件都細細粒 食晒十件其實好飽！性價比超高 好食份量多又平！中環分店唔係好大我地星期五晚食超級多人 大家如果有興趣記住book定位～

【雲壽司】#中環 #omakase 為咗迎接難捱嘅又一個星期，以Omakase作為熱身係一個最美妙嘅序幕。中環雲壽司嘅［雲｜Kumo］Omasake $580，有4點刺身、8件壽司、1條手卷同麵豉湯。咁嘅價錢咁多嘢食，認真幾正。［刺身］鰹魚中度偏軟嘅肉質，淡而鮮香嘅味道，分寸得宜嘅口感，整體不慍不火，食得舒服拖羅非常軟滑，好似被親撫一般嘅溫柔。完全冇需使力地咀嚼，刺身好似同你跳完一隻舞咁自然融化咗金目鯛略帶嚼勁嘅肉質，進食時能夠感受到魚肉嘅組織逐步潰散，一層層咁被你分解做更細更細嘅粒塊北海道牡丹蝦碩大但又柔軟嘅身段，蝦嘅鮮甜突出———————————————［壽司］白蝦壽司微細嘅蝦肉拼湊鋪喺壽司面，未食過咁綿軟嘅蝦肉，仿佛按摩充分所以散漫鮮北寄貝較具咀嚼感嘅魚肉，雖唔硬，但輕柔嘅表層魚肉底下，啃咬時有種輕輕一咬就切斷咗某種筋腱連結嘅反饋感，觸電般煥然一新鱸魚嫩滑嘅魚背肉。煙燻嘅氣味，香。北海道海膽柔軟得勉強成型嘅海膽嘅鮮一放落口旋即溢開，鮮而且狂。吞拿魚面頰肉罩住一層煙燻處理嘅味道，肉質依然軟得可以鮮鯖魚姜蔥暖場後到鯖魚嘅鮮味登台，僅僅一舊壽司竟有彷彿一餐飯般嘅層次赤鯥呢舊壽司嘅煙燻味

忙了一整天，都沒有機會坐下來食早餐及午餐，食壽司做晚餐獎勵下自己，大滿足。特上壽司拼盤 $258 吞拿魚腩、深海池魚、牡丹蝦、赤貝、海膽、三文魚籽、火灸左口魚裙邊、鯖魚、魴鮄、蔥吞拿魚腩壽司十貫壽司中，我認為最突出是赤貝，筷子夾下去的時候還在蠕動，極為鮮甜爽口。海膽都很滿滿的，很是新鮮的。三文魚子新鮮有光澤，口中爆開，極為鮮甜。中環蘭桂坊鬧市中，由$380/580/780 這個價位可以食到Omakase ，很化算，值得再回頭。

一直都試下雲壽司，但平時夜少少都要排隊，今日游完水出返中環總早，決定試吓見無人排隊，終於可以食到CP值高既日本菜北海丼 🌟🌟🌟🌟北海丼係幾款丼飯中最豐富的，岩哂鐘意咩刺身都有既你，刺身包括玻璃蝦、三文魚腩、吞拿魚、劍魚，海膽、三文魚子、貝類（唔記左），刺身蓋滿哂飯上，無空位飯量唔多，女仔食就岩岩好，玻璃蝦頭好多膏；海膽鮮甜，一啲苦味都冇，其他刺身就正常水平，唔係特別驚喜自選10件壽司 🌟🌟🌟食左1件先記得影相叫左三文魚、吞拿魚、油甘魚、鯛魚、帆立貝，但壽司比丼飯普通，但CP值都算高但無咩特別驚喜

🐷小編消失咗個幾月係因為最近迎來人生其中一個重大嘅轉變，就係我終於結束左第一份做咗3️⃣年嘅工作，然後投身左去金融行業📈 遲啲有機會再出post同大家分享😉.📣 講返重點，呢一間鋪頭其實係小編嘅朋友邀請我一齊去試嘅，因為佢都聽朋友講呢度既刺身非常之新鮮！有一種喺日本食嘅感覺🥰.#北海丼 🍣 #三色丼🍱大家睇張相係咪已經見到好吸引呢！🤤 朋友仔揀嘅北海丼入面就包括左7️⃣種魚生，朋友仔話啲魚生非常鮮甜，當中佢最鍾意嘅就係海膽‼️因為佢俾平時食到嘅更加鮮甜，大家唔需要擔心佢唔新鮮，完全唔會有苦澀同埋腥臭嘅問題！😝而小編食嘅三色丼，就包括左海膽、帆立貝，同三文魚籽😍 海膽鮮甜就唔再重複喇～而三文魚籽每粒都脹卜卜，而且份量非常之多，同埋啲醋飯一齊食嘅時候，喺口入面爆開嘅感覺非常之滿足🙊 而小編最鍾意食嘅帆立貝雖然只係得三片，但係每一片都算幾厚，食落好鮮甜肥美，我覺得好幸福啊～～😚.今次嘅食評不斷圍繞着新鮮、鮮甜、肥美，雖然詞彙好貧乏🙈 但係就係最簡單直接形容到佢呢度魚生嘅質素！大家有機會一定要去試呀！😎.🏆 「豬」味指數：8.5/10📌 溫馨提示：舖頭面積唔算大，大概可以坐到十幾個人，所以大家最好boo

今次黎到中環蘭季坊附近既日本餐廳食壽司，呢間叫雲壽司，入面好有廚司發板既格局，感覺好高級，而且係幾正宗既日本壽司黎。裝修方面，好有日本feel，好多木系既元素，門面已經係條子木，而且仲有布簾，感覺好傳統既日式餐廳，師傅都乾乾淨淨著曬廚司服裝的，感覺好高尚。睇得出佢地工作好認真。吧台上有個架展示佢地依家有既刺身，睇到色澤都幾唔錯，好有光澤，而且又唔會好大量咁存放，保證日日新鮮，冰櫃温度岩岩好，保證出黎夠曬衛生，點樣保存刺身都係一個大學問黎。刺身拼盤係本人最愛，件件都切得好厚，食落好有口感，好滿足，而且夠曬鮮味。特別既係佢仲配埋檸檬比你，等你有多d fresh既食法。壽司方面，個飯握得幾好，夾上去唔會散，而且咬落去又唔會話太實，煮得火喉岩岩好，又掌握到握既力度，呢d都好講師傅手勢經驗。

中環呢一間壽司店，平時都已經好full,🥰因為我覺得佢嘅性價比都好高，環境唔錯，而且食物質素都好新鮮👍對於打工嘅中環白領嚟講，想食刺身，同魚生🥢呢度都係一個好選擇~今晚自己嚟食，試咗10件壽司，佢嘅品種都好多，所以我都有啲揀到心大心細~😊最出色嘅，一定要數海膽壽司🤤佢哋嘅落料都好足，而且食落去好新鮮，好鮮甜。而第二個值得推薦嘅款，應該係吞拿魚🐟加咗香蔥，因為食落去好清新又肥美，有拖羅蓉之外仲，🥬可以食到香蔥嘅清香，一啲都唔會覺得過於肥膩。

呢日黎到中環食好野, 見到呢間日本野咁正都想入黎試試佢! 試完果然係真係冇入錯~入到去可以揀單叫壽司又或者叫SET~ 我就揀左叫set, 唔駛點諗! 我叫左個壽召司拼盤! 坐係吧枱仲可以睇住廚師準備我個SET~ 感覺真係好好, 開放式既設計可以俾人見到環境係幾咁乾淨同衛生, 食得都好安心~ 特別係日本野呢類唔駛經過高溫烹調既食物!我既壽司拼盤有好多件壽司, 包括有油甘魚, 三文魚, 甜蝦, 真鯛, 帶子, 三文魚籽, 池魚, 吞拿魚腩, 北寄貝同埋辣味三文魚! 我最中意既當然係吞拿魚腩! 充滿左油香既吞拿魚腩食落口陣油脂真係夠哂豐富! 其他魚都食得出好新鮮, 入口即溶, 好多再叫多個SET 嘆多一次, 不過因為太飽所以都食唔到~同行友人就叫左個刺身拼盤, 入面有油甘魚, 甜蝦, 三文魚同埋池魚! 每樣都有兩舊! 同埋厚切大大塊! 真係一流!今餐真係食得好滿足!

中環——香港的核心地帶，意味著租金高昂，百物騰貴。想不到，《雲》卻為中環帶來一處綠洲。阿魚多次經過《雲壽司》，門面非常光鮮亮麗，不過總是來去匆匆，終於今天有機會一嚐米芝蓮壽司師傅的手勢。餐廳分別有卡位及吧枱，卡位可以讓客人靜靜聊天，吧枱可以讓客人欣賞師傅的英姿。雖然地方確實不大，只有2枱卡位，但感覺卻非常舒適。這回，阿魚跟朋友點了兩客壽司。💚特上壽司拼盤（$258）💚（吞拿魚腩、深海池魚、牡丹蝦、赤貝、海膽、三文魚籽、火炙左口魚邊、鯖魚、蔥吞拿魚腩壽司）💚吞拿魚腩一入口已經油脂爆發！肉厚、少筋！令人回味！💚深海池魚好鮮味，猶如剛在海上捕獲回來的那種鮮美。💚牡丹蝦的表面有一層淡淡的牛油味，蝦肉爽嫩！💚火炙左口魚邊，入口即融、嫩滑！💚蔥吞拿魚腩壽司，有口感、有層次，不得了！💚壽司拼盤（$188）（油甘魚、三文魚、甜蝦、真鯛、帆立貝、三文魚籽、池魚、吞拿魚腩、北寄貝、辣味三文魚）💚辣味三文魚，比想像中辣，不過點醬油就剛剛好！若你在中環遇上《雲》，真的可以一試！不要浪費一眾米芝蓮師傅決定由中價位改到平價位，令大家在忙碌工作後，都可嚐到一口鮮。💚雲壽司 (德和大廈)💚地址: 中環德己立街17-1

今日行完個無得食野嘅美食展，餓到個肚估估聲！而係港島區永遠不能忘記嘅都係雲壽司☺️☺️一去到就超多人排緊隊🤣等左大半個中就有位到我哋了，一坐低即刻整翻綠茶解下渴，之後再慢慢叫野食！！跟住我哋就嗌左一個極上壽司拼盤同埋一個北海丼北海丼首先上，一放低淨係個色澤都知道係新鮮貨，令人流曬口水！更好彩嘅係因為咁啱無左北極貝，店家好好咁幫我哋轉左赤身拖羅，啱晒鍾意食吞拿魚嘅我哋，更正嘅係呢個當飯有我最鍾意嘅帶子同埋新鮮嘅海膽❤️❤️極上壽司拼盤一樣令人流晒口水，大拖羅超級肥美，入口即溶嘅感覺令人流連忘返，完全唔捨得吞落去😆 牡丹蝦都係好新鮮，識落有甜甜哋同超級Creamy嘅感覺真係好正❤️食飽飽再嘆番杯綠茶，終於安慰翻我哋喺美食展冇嘢食嘅可憐胃🥺🥺