影片
以上資料只供參考, 請與餐廳確認詳情
試咗麻酸辣米線，湯底唔錯，夠酸夠辣！米線略嫌煮過龍腍咗啲！腩肉好味！豬頸肉一般！小食試咗幾款口水雞，春卷同埋豬耳！口水雞好韌！返熱嘅！春卷正常！麻辣豬耳冇辣味又晤爽！食碗米線算啦！
繼續閱讀
本身係屯門雲川嘅fans，聽聞呢一間係雲川嘅班底，地點又就腳啲，就滿心歡喜諗住試吓。我嗌返同我喺雲川嗌一樣嘅湯底同餸，但係結果出到嚟完全係兩回事。首先湯底我係食麻酸辣，入面我食唔到有酸，反而只係一味嘅死辣，就連湯底顏色都完全唔一樣。到螺旋藻，食落去唔知點解會有冬菇味，個口感同我喺雲川食嘅都完全唔一樣。所以最後其實我只係食咗半碗，但係都冇諗過返到屋企都係肚痾，仲要屙咗幾次都未清。呢一間真係大伏，試過雲川嘅人一定會失望。未試過雲川嘅人都可以唔使試。
繼續閱讀
終於唔使特登去屯門食米線啦✌🏻第一次試呢間，推介豬頸肉真心好味，色香味俱全，超讚👍🏻！蘿蔔甜甜地，大大嚿冇乜渣。酸辣湯底都好唔錯不過有啲位就中伏。第二碗真失望，豬骨湯底，冇乜豬骨味。雞翼完全冇味，連雞味都搵唔到。豬扒偏甜又過腍，口感麻麻。
繼續閱讀
第一張圖係觀塘店第二張到六張圖係屯門店湯唔夠熱完全沒有層次單睇豬肚顏色已經知好大分別入口的味道完全不一樣豬肚是凍的豬頸肉是凍的豬頸肉中間完全未入味，沒有焦香所有嘅配菜同湯同麵同食材根本是獨立個體每一個食材猶如陌路人一樣，沒有為任何食材或者湯嘅增加任何嘅層次不會令到有追住食嘅感覺質素味道，完全同屯門店很大分別原本期待好耐可以喺觀塘食到世一點知初頭未食嘅時間仲可以同人講呢一個係屯門最好食嘅米線。點知自己食咗一半就離開，可以話係完全浪費一個午餐一個以前經常食屯門店的食客回頭指數係零
繼續閱讀
落單要人用QRCODE， 但餐廳個WiFi 係唔work 嘅。 搞完一大輪都係要靠店員幫手。 餐廳無乜冷氣 又熱又焗仲要食湯面。 湯無味，無酸無辣無麻。 食完成身都好臭， 頭髮、衫都有浸米線味， 唔講以為打完邊爐。 社交媒體網站真係吹大咗，唔會再嚟
繼續閱讀