雲南風味館

今日病病地想食清淡啲，揀咗呢間長沙灣街坊小店。門口已經睇得出係屹立不倒多年嘅老字號，應該好多年冇換過裝修😂而入面都可以話係貼近多年前嘅價位，最平$32有碗米線，仲可以揀炸醬湯底，唔洗食齋麵咁慘！我今日就叫咗碗清湯三鮮米線，包火腿、雞肉、冬菇仔，再另外加埋餸都係$58包嘢飲。味道方面不過不失啦，清湯底真係幾清，啱晒今日食，平時就建議食返炸醬底啦。啲餸都ok好食，唯一挑剔係雞肉鞋啲。…查看更多

別有用心的人誤傳結業，令我傷心了幾日。今日去到全場爆滿，我買了過橋米線，水餃，豬耳仔，全部100分。即使我住沙田，都個個星期去買外賣，或者堂食太好味啦。生意興隆，推介過橋米線，炸豬扒，黃蟮，豬耳。湯低正，冇味精。豆漿好味，自己做。而家香港好少咁有心嘅店舖。地方清潔，老闆好人，有禮親切。午餐長沙灣最好嘅地方。宵夜，可以揀炸春卷，魚皮，炸水餃🥟，個醬甜甜酸酸，非常開胃。其他鋪頭米線，真的不成。呢間鋪，我已食了三代。…查看更多

呢碗湯麵真係好正，食完令人忍唔住想再來！首先，腩肉醃得入味，啖啖都有肉香，絕對唔會油膩，食落去口感非常好。再加上豬潤，咬下去爽口，唔會太韌，真係一流！而且，碗裡面食材足料，份量大，真係抵食。炸醬方面，味道濃郁，會令整碗麵更加有層次，值得一試！湯底較清，清爽之餘，反而可以襯托到其他配料的鮮味。湯嘅味道唔會太重，完美平衡，令人食得開心。另外，豬頸肉炸得酥脆，咬下去有咯吱咯吱的聲音，口感一流，真係好食！不過，皮蛋就一般，冇咩特別，但唔影響整體的享受。整體來講，呢碗湯麵真係一個好選擇，無論係味道、口感或者份量，都做到好好。推介大家試下，無論係同朋友一齊食，定係自己來，都會係一個唔錯的選擇！下次再來，我一定會再點返！夜晚滿$48仲送嘢飲…查看更多

哇，講真，今次嚟到雲南風味館有啲驚喜㗎！一坐低，我就揀咗個就多人推嘅三鮮米線啦—要嗰杯魚片底，正！起初我少少擔心魚會唔會韌咗，但啖啖魚片滑溜溜，一啖落肚已經覺得滿足咗。再嚟喺個湯底，辣到舒服😋，啱啱好嘅麻味，喝一啖湯，真喺熱辣辣地暖笠笠，啱晒依個天。熱騰騰嘅米線好有嚼勁，同埋超級好入味，真係話到我想一碗接一碗。話說個菌王汁底都唔錯，啲香菇起到味，一啖湯，一啖菇，個味道攪和到剛剛好。🍄最後，個水餃米線駛得好快就到手。碗度嘅水餃大大粒，啖啖肉感，咬落去又皮薄餡靚，佢哋家做嘅湯底重點俱全，真心唔錯。㊗️總之，我諗呢度唔係咁容易食膩，下次仲會再嚟，食埋其他款！轉頭見啦！…查看更多

收工唔知食乜好，經過依間舖決定入去食下，門面係好舊式既麵檔，主要都係食麵同米線。我叫咗一碗豬軟骨椰餃熱拌米線🍜豬軟骨煮得肉質有啲乾，肥肉比較多，餃子不過不失。反而個米線有少少驚喜，米線軟硬適中，入口順滑，醬汁都好惹味。朋友叫左豬扒淮山米線，豬扒炸到乾晒，好韌，淮山米線，屬於清淡型，個人唔係咁鍾意淮山麵，好在湯底幾清甜，唔會專登過嚟食。…查看更多

今日食咗一碗好正嘅撈米線！呢碗麵有啲豬頸肉同埋竹笙，味道香濃，令我回味無窮。米線煮得剛好，有啲Q彈，唔會太腍，令味道更加豐富。豬頸肉切得薄薄嘅，煮得好滑嫩，令口感更加豐富。竹笙味道清香，令整碗麵味道更加濃郁。撈米線嘅醬汁亦都好正，夠香夠鹹，有啲微微甜味，同埋啲辣椒碎，加入啲蔥花同埋香菜，味道更加鮮美。整體而言，呢碗撈米線真係好好食！份量夠足，味道豐富，而且價錢亦都好實惠！👍👍👍👍👍食物質素：⭐️⭐️⭐️⭐️⭐️服務態度：⭐️⭐️⭐️⭐️環境清潔：⭐️⭐️⭐️⭐️價錢合理：⭐️⭐️⭐️⭐️⭐️總評：⭐️⭐️⭐️⭐️⭐️我一定會再黎食呢度嘅！以上是本人對今日食咗的撈米線的評價。感謝店家的用心製作及提供美食，期待下一次品嚐他們的特色美食。…查看更多

呢一間米線，由讀書果陣已經開始幫襯，係由兩位老人家經營，當時既味道係我心目中頭三好食既米線鋪頭，佢特別係在於個湯底，係其他米線鋪係搵唔到既味道，佢既麻辣湯底係會有少少豬肉碎同花椒碎，食完個嘴唇係會有螞蟻行過既麻辣感覺呢兩年去到發現唔見兩位老人家，原來已經轉左手，轉手初期味道仲保持到原版既9成質素，但每過一排去食，味道又再差左轉手係多左選擇，有飯同下午茶咁岩下午茶時間去到，就叫左個雞肉米線（中麻辣）+ 凍檸茶落單後唔洗3分鐘就上齊食物，米線一食就知係煮定，唔好話口感，因為係冇牙都食到既軟硬度，雞肉有5-6片，有少少柴湯底方面又再差左，連原本既豬肉碎同花椒碎都消失左，湯冇之前咁香亦冇出現螞蟻既感覺總結黎講，價錢唔貴，但味道亦冇之前既好，經過可以一試，特登過去就不了…查看更多

因為疫情，自己煮左好多日飯，今日終於忍唔住出去行下，睇下有咩好野食。原本打算去雲桂香，無意間俾我發現到呢間小店。初初睇左食評，見到麻麻哋有少少擔心。不過因為價錢唔算貴，所以都想試下。我叫左酸辣薯粉加豬紅，一拎上手覺得好重，一打開滿滿的一碗，絕無欺場。豬紅好味，花生香脆，芽菜新鮮，湯底濃郁。唔夠酸唔夠辣，薯粉唔夠入味。 所以我相信叫米線，加酸辣就可以解決問題。我決定下次試雲南米線、 餃子，同埋招牌豬扒。 …查看更多

好壞參半的 長沙灣米線 🍜試咗不太特別反而 #餃子 🥟幾好食😋。嚟到因疫情關係我哋大半係包場😅最後我哋叫了2款餸加 #酸辣 湯底米線，和淨餃子。沒想到 黃鱔 得咁少（$11）😅同豬皮絲，蘿蔔幾入味❤️米線滑身不錯，辣度似普通辣椒油味極普通。份量都夠食。另外朋友叫的餃子雙拼有菜底，2款都啖啖肉味道又特出，幾好味😋，湯底要了炸醬小辣反而覺得湯底好味啲，起碼有肉香和帶點微辣。叫了一杯凍檸檬茶茶底不錯檸檬帶酸好飲。…查看更多

轉手後 第一次食已經覺得質素下降 事隔一年 第二次 再試多次睇下佢有無進步到 始終一般 份量對比轉手前縮減太多 時間物價等不能比較太多 以質素講 差 轉手前炸醬湯底非常濃郁 現時對比可以看圖中 非常清淡 沒有比較就沒有傷害 再次提醒某雜誌十大乜乜米線上榜係"轉手前" 個人建議不可食用…查看更多

夜晚想食米線🍜又想試啲未食過既鋪頭，揀黎呢一間位置有少少偏既小店～呢個店都幾舊下，至於有冇風味就要試左先知啦！麻辣+酸辣炸醬黃鱔腩肉米線(小辣)先講我食米線必點嘅腩肉啦！好食，入味而且口感好！黃鱔-呢個麻麻地，Size一絲絲咁樣唔係太食到佢有咩特別🤔炸醬-味道Ok，口感略為遜色～米線-幾滑，唔錯！湯底-個人覺得Ok，幾清咁嘅，唔會係好油個啲～熱檸茶-普普通通啦～食物質素中等，環境衛生比我嘅感覺就爭啲啦！鍾意食米線嘅朋友一試無妨～…查看更多

未轉手之前， 係湯底又好味，d餸又多， 又足料，呢頭附近算係好抵食。自從轉左手之後， 個質素反差太大， 又少餸， 個湯好似溝左好多水咁， 勁難食， 睇得出完全冇心去做。 希望快啲汁左去！附近都好多好野食選擇呀， 大家無謂去選擇食呢一間咁無誠意既野呀！唔好俾咁多呢d舖頭生存啦～一定唔會再有下一次！…查看更多

叫左碗過橋米橋（酸辣中辣度）侍應姐姐捧着碗米線一攞上枱，感覺中伏，同侍應姐姐講我點了中辣，目測碗米線似清湯底，侍應姐姐回答我可能搞錯了，佢同廚房講客人叫了中酸的，再上枱時我只係見到碗米線加多咗羹辣椒油，真係O哂咀😡米線湯既熱度不足，已經係大忌，加上本身辣度不夠，亦食唔出有咩酸辣應有風味，感覺比清湯味道更（清）！雞絲鞋口，腩肉也滷得不入味，未試過一碗米線食兩啖就放棄，點解可以煮得咁難食？呢間野應該唔會再幫襯啦！…查看更多

慕著「酸辣米線TOP 10」既名而來！平日放工後七點多的小店人流不算太多。滿心期待咁order了雲南米線配腩肉炸醬小辣，鍾意食香口野嘅我見到新推介既越南炸春卷又忍唔住order了一份！ 熱辣辣既米線彈牙唔會太淋，略嫌小辣湯底唔夠辣。配料方面，炸醬好有誠意，肉粒分明，唔會淨係得肥膏，而且得滷入味，腩肉則不過不失。Overall quality 唔錯，$40蚊到大大碗，但未至於有Top 10 嘅驚艷😉啱啱炸起嘅越南炸春卷脆卜卜，足料！滿滿罪惡感但撫慰左疲累的身心，成為難捱星期三嘅小確幸☺️…查看更多

因為雜誌既報導 咁啱又走左去長沙灣整指甲所以特登喺香工嗰面慕名行去呢間風味館試下個 麻辣米線🍜去到試左個 中麻辣雲南米線拼 炸醬/豬脷/黃鱔❗️個米線一黎到 個心就有下下沉左點睇 個湯底都唔似有中辣即刻試啖湯 果不其然 雖然湯頭係甜 有啲麻 但一啲都唔辣😔😔🔥🔥🔥再試下啲配料....炸醬 - 不過不失, 冇我想像中既咁惹味豬脷 - 炆得夠淋, 夠入味黃饍 - 好少見既配料, 亦都幾唔錯最後碗米線我加多左2大羹辣油 先感覺到一絲辣味😅😅配餐加多杯 熱檸檬茶埋單 $54 又唔算貴總括而言就係不過不失如果你好追求辣道既極緻 , 咁就無需一試…查看更多