4
0
0
港鐵太子站 B2 出口, 港鐵旺角站 D2 出口, 港鐵旺角東站 B 出口 繼續閱讀
電話號碼
64298438
營業時間
今日營業
14:00 - 22:30
星期一至日
14:00 - 22:30
付款方式
現金
食評 (5)
等級1 2019-08-20
60 瀏覽
第1次寫食評係因為同老闆傾左幾句發覺佢地好有心做好野食等野食既時候 老闆好好人驚我地悶所以傾左幾句原來佢地以前係 係中環開cafe中間幾年 佢地去做返打工仔而家再一步一步儲錢捲土重來好佩服佢地無放棄自己想做既事入返正題先已經幫襯過幾次最鍾意食既係多士佢地配搭有好多款 有鹹有甜有傳統港式花生醬味亦有流心芝士既味道揀唯一建議想試既朋友仔 可以早啲行去落左單先因為佢地即叫即整要預留返少少時間呢度既野飲野食真係好平!!!!好抵食 繼續閱讀
(以上食評乃用戶個人意見 , 並不代表OpenRice之觀點。)
等級1 2019-08-13
70 瀏覽
行開旺中,見到之前間炸雞扒冇左,變左咖啡鋪!不過我對咖啡冇感,但見到有好多款多士,老公未到,飯未有得開,嗌返個多士頂下胃先!店員D服務係旺中黎講已經超哂班,hello前hello後,第一感覺唔錯!👍等左十分鐘左右,熱辣辣多士到左,我呆左😨😨""咁大份????我嗌左意式紅醬芝心多士(唔記得係咪咁嗌😬)見住佢係個盒仔度一疊疊咁流D芝士出黎,真係會食指大動!味道唔錯,選岩左芝士,拉絲好靚!同個nice店員傾左幾句,先知道原來佢係老細黎!😂😂""我臨走時佢叫我幫手宣傳下同like IG,返到屋企冇啦啦醒起,就寫下自己食後感啦!哈哈"""宜家係香港創業唔容易,聽老細講岩岩開張人流唔多,希望佢地加油!絕對有理由支持香港小店!食物有誠意👍下次再黎旺角接老公收工,會再試! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-11
87 瀏覽
<好正既小店雲上舞>👍🏻喺間旺中既小店雲上舞 喺等野食既時候同佢地吹水 原來幾年前開過 cafe . 而家轉型開小店 . 普遍細鋪就點外賣既人多 見到佢 menu有唔同既 burger小食 多士 自家製飲品等等 味道質素高 喺旺角行街 好值得去試下😍 2. 🍴鮮菠蘿青瓜特飲28 蚊🥒🍍菠蘿同青瓜好清新既組合👍🏻 一飲就知完全新鮮 青瓜味我覺得佔2 成到 菠蘿既酸甜味佔8 成 啱大部分人飲 打到上面有 d青瓜菠蘿渣 有 d泡 好有口感 幾啱大熱天時飲 唔錯3.🍴火燒天 29 蚊草莓蕃茄梳打🍅🍓雖然嗰個名係火燒天 但其實係一杯好清新既飲品 一飲帶少少蕃茄味 有少少果肉有 d碎碎口感 草莓味佔多數 應該冇乜點落糖 主要都係草莓味🍓隱約有 d果肉同 d碎冰撈埋一齊❄夠哂冰凍 👍🏻 🍴蝦醬雞翼15 蚊🐤15 蚊有三隻雞中翼 雞翼 size正常 煎得幾香口 入面既雞肉都算嫩滑 佢表面粉紅色係泰式蝦醬 類似大澳嗰 d蝦味偏濃 再酸 d . 🦐個蝦醬同雞翼係 match 但比較重口味 要配埋飲品😈 🍴雪上舞撈麵 40 蚊🍜好特別將個蛋白焗左 然後再將蛋皇淋上去 蛋白外層有 d香脆 有 d似梳乎厘 加埋 d蛋汁 口感特別 個撈麵仲有漢堡扒 同火腿 🐷都係偏咸 但撈埋蛋汁 ok 🥚而佢個麵 可以揀烏冬同拉麵 我就點左拉麵 個麵質有 d似意粉 再粗身 d 🍜 佢個醬汁係蕃茄汁再加 d蛋皇醬 所以有蕃茄味之餘口感有 d黏稠 都幾特別 值得一試🍅😍 🍴松露芝心多士 20 蚊🍞佢個多士將一份切到幾細份搭到兩層甘擺放幾靚 多士偏薄身 口感香脆 個甜度同牛油味適中 入面既芝士應該係即叫即食既關係 所以拉絲好靚 芝士濃度正常 但口感好 帶少少黑松露香味🍄 呢個整得好味 推介#多士 #黑松露 #芝士 #拉麵 #火腿 #漢堡扒 #雞翼 #蝦醬 #菠蘿 #青瓜 #士多啤梨Score 平均分 <7.8/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻👍🏻Decor&Hygiene 環境衞生:👍🏻👍🏻👍🏻Value for $ 性價比:👍🏻👍🏻👍🏻👍🏻👍🏻Service 服務:👍🏻👍🏻👍🏻👍🏻~~~~~~~~~~~~~#雲上舞咖啡漢堡旺角彌敦道688 號旺角中心一期1 樓f52 號鋪~~~~~~~~~~~ 繼續閱讀
(以上食評乃用戶個人意見 , 並不代表OpenRice之觀點。)
等級1 2019-08-11
66 瀏覽
叫左份煙三文魚撈烏冬,非常足料絕對吾hea,價錢合理又飽肚wo....有圖有真相另外仲有好多小食,漢堡,特飲,茶飮,即摩咖啡全部都係即叫即整!以後去旺中又多個選擇補充體力 繼續閱讀
(以上食評乃用戶個人意見 , 並不代表OpenRice之觀點。)
等級1 2019-08-08
45 瀏覽
平時行開旺中,唔係炸雞就珍珠奶茶⋯今日約左太座大人去買野,居然俾我見到漢堡同即磨咖啡🤩身為為食一族,即時試食🤣🤣脆雞堡,粉唔厚,有肉汁,係舊雞厚左少少,令到個包賣相差左少少,不過味道加番分😂飲品要左2杯,一杯latte,一杯特飲⋯Latte唔錯,老闆娘話係用左2-3種豆混埋,所以味道好特別⋯特飲太座話好得意,個名叫「草原」,有青瓜同波蘿,不過我飲左少少就俾太座大人攞番😅所以講唔到太多,不過見佢飲得咁開心,應該唔錯價錢黎講真心低食,漢堡餐有薯條同汽水,都係38個大洋,太座杯等飲就28,都叫可以接受😆 繼續閱讀
(以上食評乃用戶個人意見 , 並不代表OpenRice之觀點。)