雪山咖啡館 (已結業)

睇嚟大窩口都幾難走出呢個美食沙漠見到呢區終於有間黃嘅文青cafe就試吓門口幾企理，似普通cafe咁休閒feel室內亦以白色為主，裝飾似足文青咖啡店可惜廚房內部見到幾昏暗，有幾分殘舊附近雖然無啖好食，但隔離又私樓又村屋，都不愁無生意啦食物味道係問題之一，真係有待改進但最大問題係出餐速度慢，根本做唔切，大部份客人都係坐著乾等門口等外賣嘅客人話過咗30mins都未有出餐1. 蛋包飯無蛋日式咖喱手打漢堡扒蛋包飯 $58 本來諗蛋包飯應該幾穩陣，點知蛋包飯竟然無蛋？店員落單後15至30mins前嚟道歉表示無蛋食材售罄嘅情況本來都好平常，通常會更換其他食物/取消order但店員指已經截單，唔可以換其他食物，只能將蛋改為罐頭午餐肉其實可以取消order，做法等同政府逼大家揀接受定離開，只能二揀一但等待太耐真心肚餓，附近亦無其他餐廳揀，唯有硬食味道呢？手打漢堡扒肉質可接受，略厚實，尚算軟腍不過咖哩汁絕對唔似咖哩汁，入口超鹹，咖哩味欠奉基本難以繼續食落去，感覺似人流多唔夠分，咖哩磚落得唔夠，似溝水再溝調味料白飯偏乾，加上冷氣太低，冷氣直接吹向食物，不消半分鐘，白飯通通變涼2. All Day Break

我住附近，由於附近實在無餐廳，所以有時雪山就係我飯堂。格局環境都ok，員工都非常友善，上菜速度都可以。早餐就一般茶餐廳嘅餐，無特別，叫做唔難食。午餐會有港式餐或西式意粉之類，港式野麻麻，意粉會好食d。整體來講不過不失啦，可以繼續食

其實之前一直都有去雪山咖啡館幫襯，畢竟呢區附近並無太多選擇😬但呢度嘅All Day Breakfast就係我嘅至愛，閒時或者星期六日瞓醒又過咗早餐時間都可以去嘆返個早餐🥐牛角包夠鬆軟、薯餅香甩脆、炒蛋亦非常用心。再加一杯凍奶茶，喺度嘆返一頭半個鐘絕對唔係問題😋 期間亦都好多一家大細落嚟食飯👪街坊舗位。但質素絕對不只街坊味道味道 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️性價比 ⭐️⭐️⭐️⭐️

間小店開係屋企附近，見門面裝修幾好。就入去試一試，因為其實成條村係冇其他餐廳。門面裝修得好休閒感覺，確實幾舒服。但我坐既位置見到廚房，形成強烈對比。見到廚房冇裝修過。又黑又殘。感覺不太好。下午茶有幾款揀既，揀份普通既薯角魚柳，配檸茶。上檯望到有D失望。薯角黑麻麻咁，應該冇換油炸同炸到過左火，連魚柳都係一樣。份量黎講係少既，味道：薯角過火有D苦。魚柳同樣。檸茶冇咩茶味，好淡。可能尼到既咖啡會出色。見佢有咖啡機。以40蚊咁既質素價錢，有好多更好選擇可以揀。耐何獨市經營，只可以幫襯。

因家住附近，食肆不多，跑步時經過看到此㗎啡館，故找一天早上試下，服務態度佳及親切，環境舒適，食物也用心，也是不錯的選擇，而飲品也是精心配製，相信此㗎啡館也是一間用心去為每一位客人提供好質素之食物及環境

第一次到訪雪山咖啡館吃下午茶 叫了三文魚油醋沙律，魚柳薯條同All day breakfast , 三款都好好味。尤其中意油醋沙律 d菜好新鮮加上芝士粉又味道好夾 幾個女仔好快清左隻碟 另外All day breakfast 有好多配料 有薯餅炒滑蛋煙肉牛角包火腿油醋沙律 質素拍得住出面成百蚊的all day breakfast 男仔都一定夠食 魚柳薯條d薯條係長扁個款 加左d味粉好野味 飲品我朋友叫左綠茶牛奶 佢話好好味總結 ：好味 可以同閨蜜舒舒服服食個下午茶 會再來

今日同老婆去咗Snow cafe，店面用玻璃門，透光入嚟令室內感覺溫暖悠閒��我哋叫咗All day breakfast ，賣相精緻，味道好好，咖啡仲有拉花，好正���見到隔離檯叫漢堡同意粉，都好想食呀，無奈個All day breakfast 實在太豐富，要下次再嚟先有得試其他嘢，係一間令人期待下次幫襯嘅小店all day breakfast 炒蛋滑嫩，份量足，幾十蚊包埋飲品，對咖啡我很高要求，跟歺咖啡是即磨，味道比星巴克還好，超值，抵食又好味。店主很熱情，服務很好。值得支持的小店👍🏻🤩

國瑞路開左一間小小餐廳，依區人流雖然唔多，但周邊係村屋，仲有一兩楝屋苑係附近，週末都坐滿人。食物味道算不錯😊不過上菜速度就🙄較慢。早餐轉午餐之間要成粒鐘，如果早左去幫襯食午餐就只好坐住呆等啦😅