雞駅花膠雞米線專門店

營業中

休息中

大工人補身首選！東廣場Food Court夠闊落，lunch時間都唔使等位～ 🌟 姫松茸竹笙花膠雞米線湯底超濃郁！用咗姬松茸、竹笙同雞熬製，飲一啖滿口菇菌香～花膠又大又黏口，膠質爆燈，雞肉嫩滑大件，米線吸晒湯精華，$60左右有咁足料真心抵！ 🌶️ 青陽辣椒慢煮雞胸淮山麵（新品）湯底酸辣醒神，青陽辣椒嘅清爽辣味好過癮！慢煮雞胸意外地滑溜，淮山麵煙韌健康，啱晒想輕食又唔想淡茂茂嘅朋友～ 🍗 悍匪雞翼（胡椒孜然）即叫即炸！外皮脆到咔嚓聲，孜然同胡椒醃到入味，咬開肉汁爆出嚟，送啤酒一流（可惜lunch時間只能可樂代酒😂）～ - 花膠雞米線湯濃料足，性價比高 - 新推出辣椒淮山麵辣得過癮又健康- 雞翼香口惹味，必點小食 - Food Court環境快靚正，一個人補身都唔尷尬

呢間雞駅在觀塘區久負盛名了提起雞湯米線就是兩家，呢間是其中一家好食的!非常滿足order了⭐豬肚雞湯米線和⭐酸菜魚米線，還有⭐蜂蜜雞翅📌雞湯熬得奶白奶白的，雞味非常濃郁，豬肚沒有異味，雞湯裡有五大塊雞肉和十幾塊豬肚，天氣轉涼的話收工食上一餐會非常滿足，米線都我喜歡的口感，軟硬適中很掛湯📌酸菜魚米線湯底味道也夠濃，酸酸辣辣的，不食雞人士可以揀呢個📌蜂蜜雞翅也很好吃❗❗是新鮮炸出來的，皮脆內熱，蜂蜜醬掛在酥脆的外殼上特別好吃❗喜歡食雞的一定要來，觀塘區翻工的更不能錯過了

要响返工前速食，今日天氣又涼咗想食返d 暖肚野，即即諗起熱辣辣雞湯米線，拿拿淋响觀塘地鐵站附近食返個暖身花膠雞米線🤤🤤1. 口水雞濃湯米線 💰$52口水雞分開上，唔會浸到d 雞無晒醬汁之餘，又可以保持飲返純正既雞湯，啖啖雞肉都有口水雞既醬汁但又唔會太辣2.姬松茸竹笙花膠雞米線💰$78呢個湯底除咗有雞湯味，仲多咗姬松茸既菇味，更添香濃，成碗米線好足料，花膠好大塊唔會碎濕濕，d 雞件又夠嫩滑，呢款米線係我既必食推介👍🏻👍🏻3. 金磚豆腐 💰$42 粒粒都好漲卜卜，外面皮脆配襯咗黑芝麻同7味粉，咬落去裡面好滑，食唔停口👍🏻👍🏻4. 麻藥蛋 💰$28 麻油香味加配上面舖咗d 芫茜，個蛋黃仲要係流心架🥰充滿蛋白質又唔heavy 既小食

🍽️雞駅(東廣場) 📍觀塘東廣場1樓116號鋪 呢間「雞駅」有幾間分店，上次試咗駱駝漆大廈嗰間覺得好食，今日試埋呢間更加近觀塘地鐵站嘅東廣場分店，花膠雞煲翅配飯🍚keep住高水準！🍲飯煲得夠火喉，飯粒吸收晒雞湯嘅精華，香噴噴👍花膠雞湯濃郁，雞肉嫩滑，真材實料有好多件呀！花膠都係大大件的，煮得夠火喉夠腍，翅都大條，感覺很矜貴🤣，而且滑溜味美，食落口感豐富，價錢合理，$98一份好抵食！另外我鍾意湯內仲有甜甜嘅娃娃菜，我哋連湯都飲埋，食完好滿足❤️另外值得一提係小店光線充足，環境乾淨，服務快，職員又有禮貌，整體體驗幾好，會想再去encore嘅😃

我最近喺觀塘發現咗間超滋補嘅花膠米線專門店，每一碗都落足料，食完皮膚即刻QQ彈！💖 而且佢哋嘅午市套餐非常之抵食，好推介附近嘅打工一族晏晝過嚟試吓。🍲【花膠雞煲翅配飯】真材實料嘅養顏盛宴！厚身花膠足足有手掌咁大，雞湯熬足多個鐘，濃郁到黏嘴唇～翅針爽滑，配埋香噴噴白飯，滋補到極！👑🍜【姫松茸竹笙花膠雞米線】養生之選！新鮮姫松茸香氣撲鼻，竹笙吸盡湯汁精華，花膠份量多到驚人～米線滑溜，湯底清甜唔油膩，女士恩物啊！💕🍹飲品❄️【凍檸檬水】清新解膩☕【熱柚子蜜】潤喉養生#香港米線 #花膠美食 #養生食療 #女士恩物 #香港美食 #花膠雞湯 #姫松茸 #竹笙米線 #滋補聖品 #美容食譜雞駅花膠雞米線專門店 (觀塘)觀塘成業街7號東廣場1樓116號舖

觀塘收工近近地去鄰近MTR 既東廣場搵食，一樓嗰層類似food court咁樣中間好多位自己揀嚟坐。見到間舖頭幾多人等就試吓佢。叫咗一碗推薦花膠雞米線，同胡椒豬肚雞米線。一嚟梗係試吓個湯先啦，一飲個鮮味突出到，即刻飲多幾啖，係完全可以飲晒嘅Level，雞就正常料，嫩滑嘅，但連埋皮同脂肪一齊食個口感就麻麻哋，花膠同米線冇咩特別。仲有碗就都類似，同款湯底加咗胡椒咁，唔會好辣，都好飲既，前題唔好預佢好似出邊啲胡椒豬肚湯咁重味。其他配料就同上，冇咩特別。但最後為咗個湯都值得嚟試一試。

最近同同事收工去東廣場雞駅花膠雞米線專門店到食晚餐。呢間餐廳之前佢食過話好好食一定要介紹比我。佢個湯底真係無得輸！熬製出嚟嘅雞湯香濃甘甜，飲落覺得好滋潤，每啖都好似飲緊雞精一樣滋補又暖胃但又唔會好油膩。我地點左姬松茸竹笙花膠雞米線，呢個真係女士必食推介。仲有胡椒豬肚雞米線。雞肉嫩滑入味，肉質結實但容易咬開，唔會乾柴。姬松茸同竹笙令到湯多咗層次嘅口感，兼且帶點菌菇清香。花膠吸收咗湯嘅精華，軟糯之中帶嚼勁，大大塊QQ好味道。胡椒豬肚爽脆彈牙，唔係周圍都有得食，再配上細滑，軟硬適中嘅米線，口感層次超豐富，食完真係齒頰留香。仲點左麻藥蛋，入味又係半糖心，心機之作，加埋少少芝麻同芫荽，食落口感味道更香。唔怪得連閒日夜晚都咁多人食，真係好味。

這次放假去官塘探望媽咪，聽到她想吃米線，我立刻在網上搜尋附近的選擇。發現東廣場有間雞駅花膠雞米線專門店，聽起來挺有趣，於是決定試一試。這間店的座位設計十分特別，除了店內位置外，還有商場中間的開放式座位，繁忙時段也不容易找不到位。我們點了姫松茸竹笙花膠雞米線和水煮魚米線。姫松茸竹笙花膠雞米線的湯頭不僅有雞味，還帶著淡淡的酒香，雞肉份量十足，讓人十分滿足。而水煮魚米線的魚肉滑嫩，雖然是微辣，但對於不喜歡辛辣的朋友來說，這也是個不錯的選擇。吃完熱辣辣的米線，我們不忘喝兩杯消暑的冷泡茶，桂花烏龍和白桃烏龍各具風味，清新怡人，讓整個用餐體驗更加完美。這次的米線之旅真是令人難忘，期待下次再來品嚐更多美味！

人氣米線，平價有質素清湯花膠雞米線🍜 招牌花膠雞米線雞湯底米線係店內既招牌，雞湯底鮮甜不膩，完全沒有油膩感，喝起來很舒服清澈。花膠份量十足，軟糯入口淋滑。雞肉煮得剛剛好，好嫩滑，咬下去感受到濃濃既雞味，啖啖肉，口感很實在。米線爽滑，吸收了湯底的鮮味。🍄 姫松茸竹笙花膠雞米線呢款米線比招牌款多左姫松茸和竹笙，湯底帶有淡淡的菇香和蟲草花提味，竹笙的爽脆令湯底層次更豐富，花膠和雞肉保持滑溜質地。🧊 金磚豆腐金磚豆腐外層炸得金黃酥脆，內裡保持軟嫩，入口有淡淡的豆香。即叫即炸熱辣辣，撒上鹽恰到好處。🍹 柚子蜜、白桃烏龍冷泡茶飲品方面試了柚子蜜和白桃烏龍冷泡茶。柚子蜜清新酸甜，冷泡烏龍順口清香有白桃果味，好適合搭配濃味既雞湯米線。用料誠意足新鮮，搭配用心製作，用餐體驗令人滿意。

招輝招牌花膠雞米線 · 抵食養顏之選（$68）一上枱就聞到陣陣雞湯香，湯底金黃清澈，飲落鮮甜唔油膩，喉嚨完全冇負擔，正！ 雞肉絕對唔係求其白烚嘅「鞋烚烚」貨色，肉質嫩滑得嚟仲好入味，每啖都食到雞嘅鮮味。至於花膠更加係驚喜，厚身又彈牙，咬落去滿口膠質，滋陰養顏，女士們一定鍾意！ 米線吸晒湯汁精華，滑溜唔糊口，成碗食完個胃暖笠笠，皮膚即刻覺得潤咗咁，$68呢個價錢真心抵食！ 必試原因：真材實料花膠湯底，膠質爆燈 雞肉嫩滑入味，絕非普通白切雞 鮮甜唔口渴，飲完唔會覺得好濟 養顏滋補，食完覺得自己精神左

今天來到觀塘東廣場的雞駅，試了幾道招牌菜，整體體驗相當不錯。首先推薦的是姫松茸竹笙花膠雞上海麵，湯底每日鮮製，濃郁卻不膩口，姫松茸的香氣與竹笙的爽脆完美結合，花膠給得大方，口感滑嫩，雞肉也煮得剛好，不會過老。上海麵吸飽湯汁，每一口都充滿層次感，絕對是必點之選。桂花烏龍冷泡茶是意外的驚喜，茶香清新，桂花的甜味點到即止，不會搶了烏龍的風頭，冰涼解膩，搭配重口味的餐點非常合適。蟹肉忌廉薯餅外脆內軟，咬開後濃濃的蟹肉香湧出，忌廉的滑順讓整體口感更豐富，雖然是炸物但完全不油膩，讓人忍不住一口接一口。最後是麻藥蛋，名字取得很有趣，蛋黃呈現完美的半熟狀態，滷得入味卻不死鹹，蛋白嫩滑，確實有點「麻藥」般讓人上癮的效果。雞駅的環境乾淨舒適，服務態度親切，價格也算合理，是觀塘區值得一試的小店。如果你喜歡濃郁湯頭和創意小食，這裡會是個不錯的選擇。

雞全部都係雞，今次都係雞~~~~~~ 養生雞料理☺️平民價錢，滋補又美味招牌花膠雞米線 $68雞肉本身已經好夠味，好嫩滑，唔似一般白烚雞冇靈魂，雞湯底好鮮味仲有花膠，勁多膠原，入口滑溜又有口感，對皮膚同關節都係一大福音☺️雞湯底鮮甜清澈，飲落去無負擔👍🏻葱油雞飯 $48唔想食米線，都有飯可以選擇，仲可以加$10轉雞髀，雞髀皮脆肉嫩，補而不膩；葱油夠香👍🏻麻藥蛋 $28半熟蛋配麻油香，非常入味，蛋黃流心令人心情都軟化，好多莞茜，有蛋白質又唔太重口味明太子醬薯條 $32雖然唔屬滋補主菜，但間中小確幸都好重要🤣薯條即叫即炸，明太子醬鹹香濃郁，正

今日我放工經過觀塘東廣場，行咗個圈比一間叫「雞駅」嘅花膠雞米線吸引咗我入去，天口熱想食啲湯粉麵，姬松䇯花膠雞，幾正咁喎，店內和店外大堂也有坐位可坐，睇睇餐牌好快就鎖定目標了。呢度好多特式湯麵、米、湯飯，有特式，我點咗「姬松茸竹笙花膠雞米線」，聽落已經好有食材嘅高級感，叫埋個金磚豆腐、手拍青瓜，清涼嘅柚子蜜。正所謂健康飲食個金字塔即刻呈現咗出嚟！呢碗米線好快就送到嚟，色澤鮮明，湯底香濃材料充足，好香嘅雞肉同花膠嘅味道已經聞到。二話不說整啖米線先，好一段日子冇食過咁爽滑嘅米線，唔會比湯浸淋，花膠雞湯依然好有雞湯味，雞肶肉嫩滑，雞皮仲要係軟滑彈彈吓主角花膠同姬松茸嘅加入，令湯底更加有層次感，感覺食咗好多營養落肚咁，仲帶啲啲菌香味，好味健康。竹笙軟熟索哂湯又係好食，爽脆雲耳添少少顏色從來都穩陣角色，整體黎講咁豐富嘅配料同埋配搭，真係心思制作！除咗主角米線，仲有金磗豆腐，炸豆腐外面鬆脆裏面細膩滑溜，入口淡淡豆香（小心熱辣辣），配搭啲清新嘅手拍豆醬青瓜，味道清新又唔會鹹。同步點咗杯凍柚子蜜，清涼中帶清甜，好味道，飲完解喝又滿足。整體嚟講，呢間觀塘東廣場「雞駅」嘅花膠雞米線真係值得一試，湯底濃郁又唔

之前去過【雞駅】食佢個花膠雞米線覺得唔錯，所以今次上堂之前就去左食個lunch。當然就必點招牌花膠雞米線啦，另外仲叫左金磚豆腐 同悍匪雞翼。招牌花膠雞米線：湯底濃郁鮮甜唔會太油，花膠厚身軟糯，滿滿骨膠原！雞肉嫩滑，米線吸飽湯汁，仲有蟲草花提味，滋補又暖胃～ 養生之選！金磚豆腐：外皮炸到金黃酥脆，一咬開豆腐嫩滑如布甸！本身外皮已經好夠味、外脆內軟。悍匪雞翼：雞翼炸到超脆皮，醃料帶微辣同孜然味重，咬落肉汁爆出，邪惡到停唔到口。

之前食開駱駝漆嗰間分店，第一次嚟呢間分店藥膳黃酒花膠雞米線 $68黃白色湯底，感覺好濃郁，飲落有少少藥膳黃酒味，鮮甜滋補，雞件頗多，肉質都幾滑，花膠好淋，而米線係比較幼身的，好滑而且口感唔錯，連湯都飲得嘅米線，飲完都冇口渴😋麻藥蛋雞拌麵 $68拌入辣醬，好惹味，個人覺得唔算太辣，拌麵口感算彈牙，配上雞肉同溏心蛋，好快就成碗食曬。相對湯米線，呢個重口味啲～悍匪雞翼 $42外脆內裏肉質嫩滑，醃得好入味，再配上胡椒孜然粉，好香口同埋唔算油跟餐+$12就有杯凍柚子梳打，原來都幾好飲，好解渴