雞駅花膠雞米線專門店

營業中

休息中

招牌花膠滑雞濃湯米線招牌花膠雞米線 ($68)湯底用咗好足料嘅三黃雞熬煮，花膠同雞肉嘅鮮味，湯底濃郁又清甜無味精。另外，雞肉十分鮮嫩，唔係雪藏雞，加$10仲可以轉雞髀，雞髀肉質更鮮嫩豐滿！仲有4,5塊花膠、爽口木耳、甘香蟲草花，$60幾蚊真係性價比十足！最尾仲成碗湯飲曬！🌟 評分: 8.5/10酸菜魚米線 ($68)魚片鮮嫩，酸菜帶少少微辣，湯底酸酸甜甜非常開胃，好啱鍾意酸嘅朋友。米線軟硬適中，有少少彈牙，吸收了湯汁的味道，口感一流！🌟 評分: 8.5/10金磚豆腐 ($42)金磚豆腐外脆內嫩，外皮好金黃酥脆，豆腐十分軟滑，口感相當豐富，仲有椒鹽嘅香味，真係好值得一試！新鮮出爐熱辣辣，差唔多枱枱都叫呢款小食，十分推薦！🌟 評分: 9/10凍柚子蜜 ($12)清新解膩，柚子的香氣十足，甜度適中。🌟 評分: 7.5/10🎖️整體評分🎖️ ❤️ 味道: 8.5/10🧡 環境: 8/10💛 服務: 8/10💙 性價比: 9/10 📍雞駅花膠雞米線專門店 (觀塘)觀塘開源道60號駱駝漆大廈第三座1樓I室

餐廳：雞駅花膠雞米線專門店 (觀塘)地址：觀塘開源道60號駱駝漆大廈第三座1樓I室相信喺觀塘住或者返工嘅人，都唔會未聽過雞駅花膠雞米線專門店🍜，原來唔經唔覺佢哋已經開咗兩年，仲喺啱啱1月開咗第3間分店，事關駱駝漆大廈嘅分店長期爆滿，就算有埋東廣場同埋駿業里分店都依然繼續有好多客人，認真誇張🤪究竟喺咩因素令到咁多人走去幫襯呢間米線專門店呢？望望餐牌見到有接近20款米線(可以轉做米粉、上海麵或者飯)，主食價錢多數四十幾至六十幾蚊為主，而湯底就專心做好濃雞湯、蕃茄湯、胡椒湯同麻辣湯🌶️，亦有水煮湯同埋拌麵比你揀，另外有10幾款小食同飲品，有部分仲喺自家製👏，例如今次飲嘅凍檸檬薏米水咁(+$18)✝️招牌花膠雞上海麵 $73話明喺招牌冇理由唔試，湯底用咗足料三黃雞熬製，雞湯濃郁鮮香無味精，三黃雞嫩滑無雪藏味🐔，另外有好幾塊爽滑花膠，加埋蟲草花、木耳等配料，配埋每日鮮製嘅彈牙上海麵，夠晒豐富又飽肚👍✝️胡椒花甲粉 $58雞駅嘅花甲粉務求做到碗碗都咁鮮甜，每日都喺新鮮製唔會留過夜，花甲嘅鮮味加埋純厚嘅胡椒辣香，成為咗成碗粉嘅靈魂😍，我好鍾意呢個湯底，忍唔住連埋米線一齊喺咁飲。除咗接近十隻鮮甜飽滿又唔腥嘅

呢間餐廳👷🏻‍♀️細孖一直bookmark咗，今時晚收工終於有時間上黎試下，天氣又轉涼食碗熱米線夠哂暖身餐廳採用QR code落單，有多款米線同小食飲品可以揀✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫🥢 椰子雞米線落足料湯底有濃濃雞味，有清香椰子味，湯中椰子片就好硬食唔到🫠雞件嫩滑，甜甜地，冇轉雞髀都好多雞肉，keep fit 嘅雞胸至嫩滑雞翼雞翼尖都有，米線軟硬適中，有蟲草花、雲耳等配料🥢貴紀雞擔擔麵 💰52呢款雞會另外上比客，湯底可以揀大/中/少/正常辣，食唔到太辣都冇問題，湯底呈奶啡色同有半肥瘦豬肉碎，麵底default 係上海麵🥢蟹肉忌廉薯餅 💰38一共有三件，沾上吉列炸粉，內餡薯辣蓉同忌廉白汁、粟米撈埋一齊，口感流質相對冇咁有蟹味，但炸得好香脆🥢熱檸茶 +💰4🥢凍檸茶 +💰8✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫✍🏻總評：加🔟服務費： ❎👭🏻推薦指數：🌕🌕🌕🌕🌑👭🏻回頭指數：🌕🌕🌕🌕🌑👭🏻環境評分：🌕🌕🌕🌕🌑👭🏻服務評分：🌕🌕🌕🌕🌑✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿

今日經過駱駝漆，見到一樓有一間坐滿好多人既花膠雞米線鋪！所以就入去試下🐤招牌花膠雞米線 $76湯頭飲落清甜有少少膠質，唔重味精，飲完好暖胃！花膠好厚實，口感軟糯又有彈性，咬落真係好滿足。雞肉都燉得好腍，啲肉質嫩滑，完全唔柴。米線超讚！吸晒湯汁精華，滑溜溜好煙韌，唔係淋同一咬就碎個啲，每條都好有味道😋🌶️水煮牛肉米線 $76湯底唔太辣係清湯再加辣油牛肉無乜雪同腥味米線一樣好彈牙，吸咗少少辣油嘅湯底更加惹味😋✴️金磚豆腐 $42大推薦尼款小食！上枱時熱辣辣，炸到外皮金黃酥脆。咬落去外面好脆口，入面豆腐又嫩又滑，仲有陣淡淡嘅豆香，面頭有小小七味粉，口感對比超正！下次會想試埋佢哋個椰子雞湯米線👍🏻

今日嚟朝聖下觀塘人氣米線店「雞駅」～主打乳白濃湯花膠雞米線，食完真係有種自己會變靚嘅錯覺🥹💛👑 我叫咗 姫松茸竹笙花膠雞米線，其實就係 招牌花膠雞米線 + 松茸+竹笙～湯底飲得出係有心機熬出嚟嗰隻，香濃又唔死鹹，飲完唔會口乾～🍄 姫松茸＋竹笙完全係提升質感嘅小心機，竹笙煙韌有口感，花膠滑到好似啫喱咁，雞件都係滑雞唔鞋口，呢碗真係暖胃又養顏！🥒 小食叫咗個 手拍青瓜，好爽脆，配埋微辣醬汁，啖啖米線中間嚟啖青瓜，解膩一流！🧊 飲品方面叫咗 凍檸檬水＋梳打水，簡單解渴～湯太香好容易食到出汗，飲返啲冰涼野真係啱晒！🪑 店內係工廈風格，位唔多但翻枱快，想食記得避開lunch rush！

餐廳名: 雞駅(駱駝漆) 地址: 觀塘開源道60號駱駝漆大廈3座1樓I室今日練完水超超超肚餓呀，沖完涼立即搵地方醫肚，之後再趕去$52 貴妃雞擔擔麵，要了米粉，肉碎令到層次更高，辣辣地使個湯更好飲。而雞好絲朋友點了招牌花膠雞米線，一大片花膠，辛埋湯底，大量米線絕對是飽肚之作跟餐叫了凍檸檬茶$10 小食同朋友share $42 4隻雞翼，要了胡椒孜然味呀！更加香噴噴超多人排隊食架，soup 好好飲，帶surprise

位於觀塘的港式雞湯粉麵店，觀塘區已經有三間分店，餐廳主打各款雞湯米線，還有飯類，而這間駱駝漆的店最具人氣，繁忙時段都排滿長長的人龍。座位較為狹窄，不過上菜效率挺高。麻藥蛋 一共兩隻蛋，切開一半，溏心蛋熟成度恰好，而且蛋黃做到流心效果，味道鹹甜交集，還帶麻油香，非常開胃。青陽辣椒慢煮雞胸淮山麵夏日之選，新推出了其他款式的湯麵，試試新品。青陽辣椒是細細長長的綠色尖椒，相對較辣，加進湯裡，湯底酸酸辣辣，還有些紅辣椒，辣度還可接受，挺惹味的。幾片雞胸肉，不帶雞皮，雞肉算是滑嫩，而且健康。淮山麵麵條幼細，口感較硬身。其他配料還有炸過的薄蓮藕片、木耳絲等等。

以花膠雞🐣做主打的米線店係觀塘已經有幾間分店🤓星期六12點左右去都差唔多滿座 睇黎真係好受歡迎👏🏼.🫧 藥膳黃酒花膠雞米線黃酒藥膳湯底望落金黃醇厚入口有濃郁的黃酒香花膠彈牙有膠質 雞肉肉量多又嫩滑😍來一碗滋陰養顏又驅寒🫶🏼.🫧招牌花膠雞米線乳白雞湯湯底清澈鮮甜 雞肉皮爽肉嫩米線彈牙爽口 份量多多 好滿足😇.🫧麻藥蛋溏心蛋經過浸泡在特調滷汁 好入味蛋白都染上琥珀色 蛋黃有流心 滋味滿分😉.🫧凍檸檬薏米水杯底沉澱的薏米熬到爆花起沙 粒粒好有咬口加入新鮮檸檬片 凍冰冰好沁涼

話說我去咗呢度叫咗一個胡椒豬肚湯米線，脆炸豆腐粒不得不說豆腐粒炸得幾好食但重點係個米線佢雖然第一啖湯好好飲，點知食食吓發現，啲雞生嘅🤮🤮🤮🤮🥹🥲同咗個店員講之後佢一啲悔意都冇，仲要話淨係可以換一嚿俾你㗎咋，驚死好似我呃佢咁有圖有真相😤😤😤黐線啲雞係鮮紅色。食完之後仲要趕你走話要接下一台如果大家都想肚痛，歡迎食呢一間餐廳，我夜晚返到屋企屙到腳仔軟😤😤😤🥲🤮🤮🤮🤮

排隊先食到嘅雞湯花膠米線😭❤︎ 招牌花膠雞米線湯底飲落濃厚，而且係好舒服個種好飲，絕對唔係味精😆雞件分量都好多，好彩有雞脾位嘅都好夠嫩滑，雞胸就會紮實啲，各有各好啦🤣︎❤︎藥膳黃酒花膠雞米線呢個湯更加濃郁更加好飲❗️黃酒+藥膳係提升左整個味道層次😍下次黎我一定叫呢款✨唯一小小未滿足到係米線偏硬，同個湯有啲分離嘅感覺︎❤︎蜜糖雞翼呢度嘅雞翼size都幾大🤣外皮炸得乾爽香脆，雞翼本身都調有底味，加埋甜滋滋蜜糖覆蓋住夠曬正

平民健康之選🥰放lunch駱駝漆大廈長期都咁多人，依間餐廳好誇張呀，1:30去到食都仲要排隊，親民價錢，菜式又咁健康，怪唔之得咁多人食！姫松茸竹笙花膠雞米線 $78以姫松茸和竹笙為主料，姫松茸只有2嚿🥹花膠兩三塊，搭配埋雞肉🙈雞肉份量好多，湯底清甜，好濃郁！米線口感滑順，吸收了湯汁的精華，味道層次豐富，正🥰招牌花膠雞米線 $68比起姫松茸湯底少少鹹，招牌花膠雞米線花膠都好鮮嫩，雞肉入味，味道差不多🙈蜜糖雞翼 $42怪唔之得咁多人叫😍蜜糖雞翼外皮酥脆，肉質鮮嫩，放咗好多蜜糖係面，啱晒做開胃菜👍🏻📍雞駅(駱駝漆) 觀塘開源道60號駱駝漆大廈3座1樓I室

終於黎到駱駝漆呢到，食最近人氣好勁嘅「雞駅」🤘🏻🤘🏻真係人氣滿滿，黎到都排哂人龍，所以入座後，QR CODE Order完，都好快就上菜🫡-藥膳黃酒花膠雞米線🍜黃酒味超級濃郁，加埋花膠煮嘅精華都出埋嚟，飲落去好黏口，米線軟硬度啱啱好，仲要配埋原隻雞髀，肉質都好鮮嫩😻😻最終啲湯都要飲埋，真係好好飲嘅黃酒湯😝完全明白點解咁多人排隊都要食👍🏻-招牌花膠雞米線🍜呢個花膠雞湯都好鮮甜，花膠份量好多，而且每一舊都好好肉地，咬落去爽口彈牙！隻雞髀都係好滑😻-蟹肉忌廉薯餅🦀入面嘅薯蓉好Creamy，新鮮炸出嚟，超級熱辣辣脆皮👍🏻-麻藥蛋🥚麻油味超級濃，好好食，糖心係流晒出嚟嘅！🤤🤤-凍柚子蜜🍊超級重手咁落柚子蜜🤭好正

咁啱約咗friend去觀塘嘅party Room🤓知道呢間米線鋪係觀塘嘅人氣之選！特登嗌咗佢地嘅招牌米線🍜招牌花膠雞米線 $82米線幾好食！個湯好濃好鮮甜😆冇令我失望😋唔怪之得咁多人排隊。啲雞都好嫩滑☺️花膠都有好多舊，好足料！唯一不足嘅地方係米線偏硬，鍾意食腍身啲🙆🏻‍♀️另外，如果花膠可以再腍啲就好啦🙈總結成日喺網上見到有好多人推介呢間餐廳，試完發現食物味道真係不錯🤩係值得二訪嘅餐廳🥢下次想試吓到門市食🤓

古語有云：女人唔補好易老👵🏻 不過動不動花一萬幾千去買補品又無可能🤔 好在坊間都好多小店，會為客人精心炮製一啲價廉物美嘅滋補食材，啱晒我哋呢班打工仔😉 呢晚我就約咗朋友仔嚟到位於 #駱駝漆大廈 樓上一家 #人龍店「雞駅花膠雞米線專門店」潮聖😎未夠18:30，餐廳門口已經出現人龍，好彩 #小秘書 早一步到達，店員好快就為我哋安排到位置😉 嚟得幫襯，梗係要試吓佢哋嘅 #招牌花膠雞米線 同 #小食 😉#招牌花膠雞米線清甜嘅鮮雞湯，飲落口有 #花膠 啖啖嘅膠質，加上師傅咁啱斬咗個雞髀位置俾我，雞肉肉質鮮嫩，成個感覺好滋補呀🤤#椰子雞米線朋友仔點嘅椰子雞湯，充滿 #椰子清香，加埋啲雞肉一齊食，夠晒滿足🤤#蜜糖雞翼師傅將 #雞翼 燒到微焦，搽上濃濃嘅蜜糖漿，再喺面度加咗啲 #芝麻，夠晒惹味🤤#麻藥蛋醃製過嘅 #溏心糖，入口有淡淡嘅麻藥味道，加上蛋上面嘅蔥花，味道好有特色🤤最後叫埋杯 #熱檸茶 都只係要加多$4 ，整體價錢都咁親民，唔怪得咁多人老遠都會嚟幫襯啦😉📍 #雞駅花膠雞米線專門店 (觀塘) 開源道60號駱駝漆大廈第三座1樓I室

如果話「冰火兩重天」係一種藝術，咁雞駅絕對係米其林級別嘅表演者。一上枱，金黃色嘅湯底濃到可以照鏡，花膠大塊到好似同你講「我係主角」，咬落去啲膠質黏到牙都差啲打交——可惜，呢場華麗嘅演出，俾幾件「冷靜過頭」嘅雞肉狠狠破咗局。 花膠雞湯米線：湯底確係無得彈，老火熬出嚟嘅鮮甜，飲一啖即刻覺得自己皮膚好咗十年（心理作用萬歲！）。花膠份量慷慨，煮得軟淋又有彈性，撈埋米線食簡直係天堂……直到你夾起件雞肉。 唔知係咪廚師太追求「嫩滑」，定係想同熱湯玩反差萌，啲雞肉竟然可以保持住雪櫃直出嘅溫度！一啖熱湯，一啖冷雞，舌尖瞬間體驗到咩叫「溫差療法」。好在肉質真係唔嚥口，如果唔係仲以為自己食緊刺身雞。 今次真係要多謝廚師傅嘅「精心安排」。認真總結:如果舊雞係熱，同麵一樣，咁呢一餐一定會係一百分。(下午大排長龍食完快啲走。食完有同店員講返舊雞凍)