影片
營業時間
今日營業
11:30 - 21:00
星期一至日
11:30 - 21:00
以上資料只供參考, 請與餐廳確認詳情
今日要去觀塘附近間文具店買啲野，買完嘢去附近搵間餐廳醫肚，聽朋友講東廣場有好多新開嘅餐廳，同老公去試下，咁啱我哋喺附近行街。今日天氣都幾凍想食啲暖笠笠既湯麵，見到呢間叫做雞駅花膠雞米線專門店，即刻去食下先。我叫左胡椒豬肚雞米粉🩷🩷🩷🩷🩷佢呢個本身係米線，但佢可以轉米粉。同埋佢個豬肚係好大牙爽脆，帶點胡椒味。佢啲雞肉好滑身雞味濃郁，而且有少少嚼口，唔會太韌。個米粉吸收個雞湯味好鮮甜，而且唔會俾個胡椒味搶曬。而且嗰個份量都好夠。👍🏻老公叫左個沙薑雞飯🩷🩷🩷🩷🩷佢個沙薑味好濃，雞都係好滑又嫩，個飯加左啲甜豉油配埋爽膽清甜既青瓜好夾👍🏻同埋佢配左一隻一開二既流心蛋好正🤩撈飯一流。小食叫左蜜糖雞翼🩷🩷🩷🩷同黑松露薯條🩷🩷🩷🩷🩷原本以為係烤雞翼原來係烤雞翼，有少少脆香，雞翼都好多汁。可能我本身中意食烤雞翼多啲。不如我覺得黑松露薯條個醬調教得好好食，又唔會太過漏，同埋甜甜地好過癮。加上嗰啲薯條炸得勁脆，因為我影完相之後再食都覺得好脆👍🏻好正。仲叫咗兩杯凍檸茶解下渴😂估唔到呢個東廣場真係好多好嘢食，平靚正真係好抵食兩個主菜加兩個小食同埋兩杯嘢飲都唔洗200蚊👍🏻下次再去食吓其他野食先。
繼續閱讀
一向鍾情於花膠雞米線，除咗雞夠唔夠滑，對個湯都好有要求👍🏼終於試到呢間人氣小店！果然性價比超高～🐔 姬松茸竹笙花膠雞米線($78) 湯底超濃郁，而且唔油！滿滿膠質嘅花膠＋嫩滑雞件，姬松茸同竹笙提鮮，飲完唔會口渴～米線吸盡精華，養顏之選💖 🌶️ 麻藥雞拌麵($68) 嗜辣必點！辣醬汁好惹味，辣得黎要追果種，雞肉份量足，拌麵彈牙有咬口～麻而不燥，食到停唔到口🔥 🍞 金磚豆腐 （$42）外脆內嫩！豆腐超滑溜，炸粉薄脆唔油膩 環境乾淨光猛，服務態度好好，姐姐知我拎住一大袋野依然俾個位我放袋🥹🥹超值得讚，下次一定會再encore
繼續閱讀
姬松茸竹笙花膠雞米線 ($78) 湯底真材實料 ►睇到碗邊啲膠質未？花膠厚身，雞肉竟然用髀位夠嫩滑雞！竹笙吸飽湯汁超鮮甜，真材實料無味精，養生之選～ 麻藥雞拌麵 ($68) ►麻香後勁強，流心蛋黃邪惡度爆燈，食完成頭汗但超爽，雞肉又夠曬嫩滑～金磚豆腐 ($42) 外脆內嫩必點 ► 即叫即炸熱辣辣！脆皮薄到透光，咬落豆腐爆出！小食首選，記得趁熱食～呢間隱藏喺東廣場二樓嘅小店出奇地乾淨光猛✨ 原木色枱凳配暖黃燈光，開放式廚房見到師傅即叫即整！出菜速度超快，唔會因為人多就態度差
繼續閱讀
過開嚟觀塘附近做嘢，本身諗住去人氣駱駝漆米線舖，但係超長龍，所以過咗嚟呢間度諗住簡單食。$5，60碗米線勁抵食，雖然啲雞唔算好滑，但係都好大份。最緊要係舖頭啲侍應超好人，明明係晏晝繁忙時間坐滿晒人，佢都會盡量搵位俾張凳你放個袋，跟住見啲食客有啲熱，仲拎埋個坐枱風扇仔出嚟，勁細心。離開附近做嘢或者喺附近做嘢，絕對推薦！
繼續閱讀
米線控集合！食開譚仔既我今次去了一間滋補養生米線舖頭😍⚜️【姫松茸竹笙花膠雞米線】 $78湯底膠質滿滿！飲落有淡淡姫松茸香氣～順口又滋補🥰花膠厚身！竹笙脆爽！增加了口感層次👅特別要讚雞肉非常嫩滑🥳食得好滿足！👉🏻換購$18飲品🍸【 凍檸檬薏米水】薏米口感綿密😇飲落帶有檸檬清香🍋甜度適中！係祛濕養生首選啊👍🏻⚜️【日本芝士年糕】 $38年糕芝士味濃郁！搭配上煉奶 友人食得好開心🙂↕️⚜️【蒜蓉牛油醬薯條】 $32薯條炸到熱辣辣 脆卜卜🔥食到最尾都係脆的🤩邪惡又惹味！忍唔住不停咁食😝醬汁蒜香味濃郁！👉🏻飲品原價$18🍸 【 凍柚子蜜】韓國柚子醬調製而成～滋潤喉嚨又解膩😙📍雞駅花膠雞米線專門店觀塘成業街7號東廣場1樓116號舖#養生米線 #花膠雞湯 #平民美食 #香港美食 #香港必食 #觀塘美食 #觀塘 #遊客推薦 #香港打卡 #香港美食指南 #香港美食日記 #hongkong #hkfood #hkfoodie #hkfoodblogger #hkfoodlover #foodiehk #852food
繼續閱讀
您可能會有興趣的...