雞味濃

營業中

休息中

沙薑雞還好，啲叉燒硬到咬唔到（我冇叫肥叉係我唔啱，咁都唔應該俾啲瘦到乾嘅叉燒我掛？）。咖喱雞個咖喱汁唔好食，個雞都算滑嘅，但個汁唔好食唔得掂。我叫左都冇食曬。主打雞嘅餐廳隻雞煮得一般般，令人失望。

灣仔大王東街午飯時間好多人龍，呢間特別多人，主打雞同叉燒。🍴蒜香蔥爆霸王雞 $69成個套餐有例湯有油菜，可以加$3配菜飯，唔想食飯嘅亦可以轉米線或米粉。醬汁嘅主調係炸蒜同豉油，一啲都唔辣，有好多香蔥絲，配飯都幾惹味。🍴龍鳳配（叉燒配沙薑雞）可以揀轉比加錢轉雞髀，呢度嘅雞水準正常，叉燒就可以唔使叫，又柴又乾，亦都冇乜叉燒嘅蜜汁香味，就似好嚡嘅瘦肉。米粉嘅湯底同滾水冇乜分別。欣賞例湯裡面真係有料，每兜都有原隻雞腳。

🇭🇰雞味濃·龍鳳配(秘製叉燒配豉油雞)$72 l 麵豉蒸黃花魚$76 l 菜飯+$3 佢呢兩個餐都係跟油菜 飯 同老火湯嘅 幾豐富 不過佢個飯就唔算好大碗 男仔可能只係啱啱好🍚😂之後我自己覺得佢個豉油雞好味過佢個叉燒 佢個豉油雞係真係好滑好嫩 而且入晒味 個雞皮都係飛走咗肥膏唔會好肥🐤個叉燒我自己就覺得有啲太瘦 食落比較乾🐷之後佢個麵豉蒸黃花魚都好有驚喜😍😍我係第一次咁樣食 黃花魚魚油都唔錯 配埋啲麵豉好夾好惹味 我地幾鍾意🐟最後我哋有自己係雜貨店買咗一樽麵豉諗住自己都試吓咁樣蒸魚🤣🤣·#rbyeat#rby港式#rby灣仔 #rby油麻地 #rby荃灣·📍灣仔大王東街22-30號樹德大廈地下1號舖📍油麻地上海街378A號得如樓大廈地舖📍荃灣荃興徑13-23號荃發大廈地下E號舖

今日向灣仔食個快飯，是但入咗間有位嘅餐廳。 朋友叫咗個原味頭抽油雞餐，都ok，雞夠滑，皮都夠豉油味。 兩個餐都加咗$3轉咗菜飯，飯都算大碗，菜都唔少。配菜嘅菜蒲ok，係越食越辣嗰種❗️但我嗰個龍鳳配（秘制叉燒配沙薑雞）就好一般，叉燒有肥膏但偏瘦，某一兩舊較硬，加上冇乜蜜汁，唔算特別好食。個雞唔係好食到沙薑味，食到最後先發現佢d沙薑汁落哂墊底嘅椰菜度😂😂。不過今次覺得最好味係個老火湯，今日係粉葛赤小豆湯，味道夠濃，食完幾個鐘都冇特別口渴，真係冇味精。

味道正正常常，唔難食，不過今日食d燒味有d乾，同d同事3人share呢個午餐set，其實算抵食，上一次係食粉麵，湯比較清，雞係可以，幾嫩，我諗來呢間都係主打食雞會好d

本人第一次寫食評， 一心諗住開開心心試吓呢間，點知勁中伏， 叫咗個沙薑雞飯， 完全冇沙薑味，勁咸….咸到我3，4 個鍾之後條脷都仲咸緊，雞份糧少，永冇下次😑湯正常（係冬瓜湯）…..

一係我都好鍾意食蒸肉餅同埋雞，咁依間雞美濃呢就有齊我鍾意食嘅嘢佢呢條街開咗好多間好味嘅舖頭，呢間雞味龍長期都座無虛席同埋好多人等🙃🙂🥲一個價錢五六蚊，有一個餸、一個飯、一個湯、一個菜同埋一個前菜再配埋一個點典雅木盤，成個setting好抵食，好吸引食物嘅質素亦都好高佢個湯粥足料夠味，而肉餅亦都好鬆軟，用嚟撈白飯菜飯都好好食雞方面呢佢都有幾種選擇，但係因為我都係鍾情於唔同味嘅肉餅，所以就未有機會試

雞味濃餐廳位於灣仔區，距離地鐵站步行約5分鐘。該餐廳的瑤柱火腿沙薑雞套餐和鐵板叉燒套餐是其招牌菜式之一。每份套餐包括無味精老火湯和白飯，另外可加錢轉甜品，凍飲，熱飲。瑤柱火腿沙薑雞肉質鮮嫩，配上瑤柱和火腿的滋味，再加上香辣的沙薑汁，讓人回味無窮。鐵板叉燒肉質鮮嫩，外層煎得微焦，口感香脆，搭配特製醬汁更是美味。此外，餐廳還有其他多款中式熱菜和燒味，如燒鴨、叉燒、蒸魚套餐等，都是非常受歡迎。餐廳的環境舒適，而且價格實惠，是一個不錯的用餐選擇。

約咗個嘴刁朋友食午餐話唔食日本野，因為佢就黎去日本🌚（已經好想打佢）周圍餐廳好爆雞味濃少人啲都排咗10分鐘先入得去不過值得等嘅😍🐣蒜香蔥爆霸王雞$68好多蒜同蔥，調味好夠啲雞仲好入味個汁勁好食我怕肥揀咗米線如果啲汁配飯一定好夾雞件好多肉 起碼有1/4雞菜甫就一般，唔夠甜生菜配蠔油都好健康湯冇味精，好清甜呀🐣原味頭抽豉油雞$63我朋友揀得好，隻豉油好特別可能係特製，甜甜地配埋雞皮油得黎好味勁邪惡啲皮夠脆，有烤過嘅香味

呢間舖都算厲害，可以將我一個咁懶既人，要寫第一篇食評。本身我日日經過呢間舖，見每日生意都不過不失，但肯定都唔係旺架喇，今日貪方便唔行咁遠，試下你啦不如，點知。。。。。我叫左55蚊叉燒豉油雞飯 外賣，拎到上手都知中中地伏，咁鬼輕。好啦，返到公司一打開，仆你乖，份量少賣相差，薄叉燒得4小塊，雞又係得4小塊，咁既飯下次賣30蚊樓下當下午茶食先會諗下。我而家岩岩食完，好似食左陣風咁，灣仔求其搵個茶記食都無咁衰。絕非打手，你地夠膽可以去食，食完再打一篇新食評😂😂

經常行過都比佢個名吸引到今次終於的起心肝入去試吓餐牌係咁嘅我都係想試吓佢D雞所以叫咗沙薑雞飯套餐連例湯奶茶另加$8雞都係好夠滑份量正常但係少少咸薑蓉好食嘅Overall係可以不過不失咁我見其他人嗌鐵板叉燒好香好吸引可能下次再試下個鐵板叉燒

Mschichi-灣仔放飯燒味套餐又到食飯時間啦！ 今次試咗呢間又係超多人排隊嘅燒味飯店燒味飯加油菜加湯嘅套餐$70左右， 有啲家常小菜款式， 都有啲燒味嘅款式可以選擇今次叫咗叉燒沙薑雞套餐 $69 +$3 菜飯 叉燒好大嚿！ 啖啖肉！ 半肥瘦醬汁係日式， 甜甜地， 10分有趙口💯沙薑雞脂肪唔多， 皮薄， 肉嫩滑！ 沙薑味就稍為淡一啲， 但係份量都好多👍🏻👍🏻👍🏻今日嘅湯係冬瓜湯， 有一舊小小嘅冬瓜係入邊，味精味唔多， 飲完唔會口渴🤭🥹再加埋幾條菜仔做油菜， 呢個價錢， 呢個地點來講， 都算係合理嘅選擇 😎😎😎唔怪得知有咁多人排隊啦！

下午茶餐,冇得跟飯,只有粉麵可跟.嗌佐沙姜雞,雞好冧,雞唔多靚,唔多似係以賣雞為主嘅餐廳.有少少失望.同埋下午茶餐同午餐份量上有區別,早知就嗌外賣食了.跟粉麵唔多好食.

龍鳳配秘製叉燒配豉油雞雞既外皮上哂色 豉油味道好特出 可能真係用左頭抽？自家調配過? 同平日普通燒味店既截然不同 肉唔鞋口 肥瘦適中 整體感覺中上 唯獨份量較少個叉燒..... Er...大家有目共睹 就係集瘦 乾 硬於一身😖 嗯 食左兩舊放棄左 飯係粒粒分明 軟硬適中既 仲加左菜脯 提升整體口感幾同層次 有驚喜👌個湯值得推介 粉葛赤小豆 足料 有家的感覺 唔似有味精 飲完唔會渴 😋總結: 真係要試既話 原味頭抽豉油雞飯好啦 叉燒呢？睇路吧 希望唔好彩既只係我

早在別區試過雞味濃的同事，向小人力推此店。一打開盒子，第一道衝擊乃是蒜的香氣直撲而上！再來是那海量的鮮蔥，是另一道香氣的來源！雖則如此，雞肉並沒有被掩蓋下去，在炸蒜之下，雞肉反而仍能保持光滑細緻，真的一如其名：味濃富彈性，瞬間在嘴裏爆開鹹鮮滋味。辣椒豉油隨雞提供，不過小人認為無需沾點豉油已經夠味。龍鳳配等於叉雞飯套餐，有湯有飯，油菜需另加8個大洋。叉燒是走肥似的，瘦的叉燒少不免顯得乾柴。豉油雞跟一般燒臘店的不同，以頭抽製作而成，食味較鹹。沒有指明是甚麼材料的老火湯，湯身質感尚算濃稠，溫和香甜，呷一口暖入心扉。再叫龍鳳配，小人寧願試沙薑雞。