雞仔去骨海南雞專門店 (靄華大廈)

營業中

休息中

擒日中午跟屋企人去食雞仔，家人非常強調佢嘅海南雞係滑溜到不得了。去到坐低，叫咗海南雞油飯+例湯。雞上檯全部去晒骨，真係好滑溜，雞皮仲要好爽口。但係呢，見到啲雞粉紅色，就係要食得滑溜嘅代價。三款醬都唔係行貨，應該都係自家製，唔錯，唔錯！戰戰兢兢咁食咗d雞，一路食一路驚。幸好過咗一日後都無肚痛。佢碗例湯大大碗，標榜無味精家庭例湯。每日不同，擒日係木瓜湯。湯渣夠，湯味夠濃，絕對唔係茶記例水。絕對要飲晒佢👍🏻👍🏻👍🏻Conclusion，下次再去一定請店員指定要熟雞

【CP值高🔥 去骨海南雞皮軟肉嫩！送足料老火靚湯💦】推薦程度：●●●●◐抵食程度：●●●●◐——— 🐔 招牌海南雞｜$57 (散叫)｜$67 (套餐)即使係散叫都包咗老火靚湯，當日係粉葛湯，好足料、冇味精，好有家嘅感覺🥹 套餐就包咗油菜同飲品～ 兩者CP值都好高，可以視乎當日肚餓程度選擇散叫定套餐🫶🏻海南雞個人鍾情去骨版，啖啖肉唔洗煩🤤 雞肉嫩滑，份量都OK👍🏻 近乎零脂肪，就算連皮食都唔會太油膩🔥 皮質同樣嫩滑、咬落柔軟✨ 油飯底香味撲鼻、粒粒分明，而且很大份！值得一提係坊間好多都得1-2款醬料，但呢間有齊3款，餸飯一流，真係超抵讚🥹 整體CP值都高！

招牌海南雞飯 $48★★★☆☆海南雞份量多，雞皮超級爽滑，雞皮偏肥同太咸，食多幾件都幾膩。而雞肉味道正常，整體食落似咸雞，雞肉正常唔算係超級滑口，有雞味唔重。個人超鍾意佢個酸辣醬汁，勁開胃，點雞撈雞都一流。金沙香蒜雞油飯 $59★★★☆☆金沙即係炸蒜，佈滿哂全部雞件，食落好香口，超級重口味。其實個雞肉同招牌海南雞冇分別，係多左炸蒜，但幾特別多左啲咬口，用黎撈飯食都一流。油飯食落唔夠乾蔥、香料、油香感，但個味道唔係啖，有陣陣黃薑粉味道。涼拌海蜇小食 $49★★☆☆☆份量多但食落似係一包包加用粉撈嘅口感，口感同味道都一般般，加上有少少腥，唔建議點。🌟總括：大份算係快靚正選擇，多街坊食。如果雞皮冇咁咸就剛好，唔係每啖都要餸飯食。

早前想食海南雞飯，經過長沙灣就去咗試吓依間專門食無骨海南雞飯嘅餐廳，啱晒懶鬼like me👩🏻。.（🌟為推薦菜式）.🌟招牌海南雞飯 一人餐 $65依個餐超值，包招牌海南雞飯、老母雞住家靚湯、油菜同港式熱飲一杯，男仔自己一個食真係夠晒飽！雖然價錢咁抵，但味道一啲都唔輸蝕！海南雞無骨，好方便食，雞皮爽，雞肉滑，都夠入味，好食，不過可能因為無骨，所以雞肉份量感覺略少。油飯顏色吸引，亦重香料味。自家靚湯無味精，啱晒經常外食人士。.🌟泰式特色豬頸肉飯 $58另外我哋仲叫咗依個豬頸肉飯，聽聞都係招牌之一，包一碗自家靚湯，$58都好抵食。豬頸肉份量都好多，燒得好香，味道唔會輸俾海南雞飯，唔怪之得都咁多人叫啦！.依個價錢同味道嚟講，的確係無得輸，特別係豬頸肉好出色🤩，會想再回訪！

之前一直聽同事話好好食今日中午終於同成班同事去左食我地個個都叫左一人餐。本身仲滿心期待，見到同事個幾個飯都好好，跟住一黎到我個個雞就少到好似比人食左一半咁。我幾個同事個雞飯我個雞飯咁我即刻想問個服務員點解大家叫同一樣既飯但可以咁參次服務員望左我一眼之後話等等，見佢行左去收銀個度撳電話，之後過咗成5分鐘先再行返過嚟。終於佢行過黎問我咩事，我就咁佢點解個雞飯會差咁遠。佢就話「呢幾個雞飯一樣㗎喎」。我林明眼人都會睇到係少好多。咁我問佢有冇得換過一個，佢就答「廚房斬出嚟係咁就咁，我都冇辦法」。之後又再去返收銀銀個邊撳電話。我地本身食飯食1:30pm，行到過黎已經成1:45pm，餐廳已經唔多人，仲要咁既態度。聽完佢咁講真係把幾火。講真個飯我覺得還可以，但佢咁既態度，講真一定冇下次囉。

無骨海南雞首選雞仔肉質非常柔軟 味道鮮美🙊海南雞醬汁具有獨特風味套餐均配有獨家熬製靚湯☀️金沙香蒜海南雞飯 $58可以選擇白飯油飯比普通海南雞三款醬汁 多了一盒金黃炸蒜🙌🏻無骨海南雞不含骨頭食用時非常方便👌🏻懶人必食 完全不用擔心吃到骨頭這家店的豬頸肉飯也很出名焦香薄切 點上醬汁😆回味無窮建議外賣自取🛍️就在元州街小巴站 很易找到其他外賣平台相對會貴$20環境: 💗💗💗💗美味度:💗💗💗💗推薦度: 💗💗💗💗

睇完醫生經過一間海南雞專門店🐤，門口餐牌價錢好抵食，便入去試一試，環境都算乾淨，無加一收費。B1. 招牌海南雞飯一人餐$67飯可選香油飯或絲苗白飯，我揀左香油飯同一杯檸檬水🍋，上菜好快有一碗中湯係南瓜湯，味道清甜有好濃南瓜味😋，有傳统三款醬料同一款涼伴，包括黑醬油、薑蓉、泰式酸辣醬同幾粒青瓜，雞冇骨啖啖肉，肉質嫩滑好有雞味，香油飯有少少蔥碎飯好乾爽，跟餐仲有一碟油菜🥬，飲埋杯檸檬水好飽飽整體而言，起值抵食

上星期工作完，經過這間海南雞店，便決定入內食午餐😋餐廳座位不算寬闊，但光潔明亮，店員有效率地服務，我坐下便點了~招牌海南雞一人餐(招牌雞仔香油飯)1,招牌海南雞飯一堞2,老母雞住家靚湯一碗3,油菜一碟4,凍檸茶少甜食物很快奉上，海南雞大概有十件，香嫰幼滑非常，皮唔會過肥，無骨連肉都非常香滑，連傳統三種醬汁一齊食，別有一番味道，加配幾粒青瓜很開胃，香油飯軟硬適中，菜芯略嬚小但湯很清甜，很滿足地享受一餐豐富的午餐😋

之前睇到foodie介紹一直都想去試下雞仔嘅海南雞飯今日試到喇😋C2餐 海南雞油飯+細肉骨茶+菜心我自己冇食過肉骨茶，所以想試下🤭肉骨茶入面有啲藥材，另外佢都有啲食得嘅湯料 有豬骨、黑木耳、菇同豆卜，十分足料！👍🏻味道都幾濃郁,飲到有藥材味道，小小回甘，第一次飲肉骨茶嘅好體驗海南雞飯到喇～海南雞整得好滑 就算係雞胸位肉都唔會鞋十十份量都幾多，油飯更係好香！有小小蔥碎，啲飯食落唔油好乾爽另外配左三款醬同有少少青瓜粒 我最鐘意係酸辣汁好開胃呀😋薑蓉都好味🫶🏻跟個碟菜心都好嫩啊👍🏻👍🏻好味海南雞店

〰之前成日經過都想試，今次終於特登黎食晚餐～叫左一個二人餐加左個魚餅，四餸一湯好豐富😍見到隔離都好多人試佢既肉骨茶，下次再黎試試佢☺️〰🌟二人餐評分: 4/5二人餐有半隻海南雞, 燒豬頸肉, 菜心加埋老火湯. 海南雞肉質都算嫩身，唔會太肥，跟油飯一齊食好滿足🤣 豬頸肉都好香口但係就偏肥，魚餅配埋辣醬食都唔錯～整體而言呢個質素絕對對得起呢個價錢，CP值爆燈啊👍🏻 會再encore!!〰️環境: 3/5服務: 3/5地點: 3/5〰️

聽朋友講有間食海南雞飯嘅舖頭性價比好高，所以特登走咗去食，去到第一個感覺就係一間普通嘅茶餐廳，入到去主要都係食海南雞飯同埋豬手飯，我哋一行三人叫咗三個海南雞飯，其中一個仲要叫埋去皮添。原來而家食海南雞飯有去皮服務咁好嘅。真係第一次見，首先講返一坐低佢會比碗雞湯你飲先，碗雞湯超足料去煲完全冇落味精非常之好味，之後就黎到今日嘅主角海南雞飯，份量比出面普通嘅餐廳係大嘅，味道亦都係非常之好味夠亂畫，佢個飯亦都係用咗大量嘅香料去煮，以幾十蚊嘅價錢來講值得推薦大家去試吓

二人套餐🐔 $168半隻海南雞 2碗肉骨茶 一份油菜先講碗肉骨茶🥘係我第一次試佢既肉骨茶因為就咁嗌好貴😂黎到我哇一聲好濃郁 好香嘅藥材味😨好足料 足料到傻但係入口又唔會覺有咁大浸藥材味，而且有好香嘅蒜頭味我覺得佢碗肉骨茶將兩種風格嘅肉骨茶攞到個好好嘅平衡，蒜香同藥材味都唔會太搶，非 常 出 色！如果要就咁嗌一碗都好值得👍🏻雞飯🐔水準依舊 皮爽彈，同雞肉之間有層次。五點醬汁就咁食都有雞味。食雞胸肉都唔會話入口好梅既感覺。雖然只係半隻雞，個Size好夠份量，兩個人食絕對夠。唯獨係個飯有少少失色，有小小一舊舊咁，一部分又好油，但絕對唔係唔好食！有炸蒜係飯入面 香味十足。醬汁方面 孤寒咗少少😂唔願意比我多少少豉油。整體最出色係薑蓉，好新鮮同埋好夠蓉爛，見到佢咁鮮色就知好有葱油香。油菜就…好普通😂叫有條菜食下 好淋總結，性價比極高 平民首選👍🏻🐔👍🏻🐔朵就一早響左，又冇話越做越差。非常滿意 我如果經過呢附近 絕對會再食☺️

呢間已經聽過大名好多次 係深水埗區都有幾間分店 今日經過 又人少少 終於俾我試到 今次試左招版既海南雞飯 $55 同埋口水雞$57 招牌海南雞飯 $55 包一個湯 個雞滑到不得了 少少雞臭味都無 我唔係好食雞樣既人都可以連皮食 個油飯亦好香 有陣雞油味 配埋個雞食真係滿滿肉香 今日既例湯係椰子豬骨湯 主打無咪精 足料湯甜 另外叫左個口水雞 $57連湯 雞既質素同招牌海南雞一樣滑 口水汁都唔算太辣 配埋花生碎個味好夾 但雞味就會被口水汁蓋過左少少唔好辣既人都可以試 上菜好快 環境都算乾淨 無加1 收費 如果順路經過會再去

.長沙灣🏘雞仔-去骨海南雞專門店二人餐 💰163❤️無骨海南雞我食咗咁多間海南雞，喱間真係好高質！雞肉嫩滑，配埋個醬汁真係好味到不得了！❤️泰國特色豬頸肉熱辣辣，好似即叫即燒咁，免頭仲有啲脆脆地，好好味！😋❤️無骨鳳爪同青瓜 （送嘅）酸酸地，辣辣地好開胃！本身唔鍾意食青瓜，但我都覺得好好食！五星⭐️為最高食物：⭐️⭐️⭐️⭐️⭐️抵食：⭐️⭐️⭐️⭐️環境：⭐️⭐️⭐️服務：⭐️⭐️⭐️⭐️#yummy_sumsin #海南雞飯 #海南雞 #海南雞飯🐔 #海南雞飯關注組 #豬頸肉 #無骨鳳爪

✨招牌去骨海南雞飯 ～$60 附湯同一款小食 可選油飯見幾多人食就試下😂嚟到個樣好似啲兒童餐盤，有3種醬汁，一款涼拌小食雞肉份量都頗多，有10多件細件雞，每塊雞肉都好嫩滑，可惜冇皮與肉中間嘅啫喱🥲 黑醬油唔太濃稠，味道偏甜，以甜辣醬料同蔥油好食啲😋附送嘅湯話冇添加，好足料嘅老火湯👍🏻🥰