雞三和

這間新開的日本餐廳位於銅鑼灣時代廣場B2樓，是來自日本名古屋逾120年歷史的百年老店，主打以日本三大土雞的名古屋交趾雞入饌的雞肉料理，品牌擁有自家農場養殖130日，雞肉特別細緻嫩滑，而蛋黃特別香濃。雞肉三吃定食 - $158採用名古屋交趾雞，塗上秘製醬油，慢烤至金黃且逼出甘香的油脂，有三種不同滋味。首先，原汁原味；然後，加入蔥花、芥末、海苔及鹽昆布；最後，加入高湯製成茶泡飯。鮭魚籽親子丼 - $128沿過用百年創業秘方，用秘傳醬汁燉煮名古屋交趾雞，燉煮得好入味，質感如走地雞般緊實有彈性，澆上滑溜的半熟蛋帶出蛋香，新潟米撈上醬汁鮮味香甜，還有爽脆爆汁的三文魚籽。追加定食套餐 +$38紀州梅乾三小碟有一口紫甜番薯、胡麻豆腐及紀州梅，而膠原蛋白雞丸子湯，湯色清澈而不膩好鮮美。炸雞翅(甜醬油) - $48/兩隻日本調製炸漿金黃酥脆而不膩，採用香草美水雞，咬開保留豐富的肉汁好柔軟。雞肉串燒(照燒醬) - $28/串軟嫩多汁的雞骨塗上照燒醬，有濃郁的醬香味。…查看更多

由無人在店前等位，四眼阿姐掛住收錢和跟我後邊一位客人寒暄，到我提出所需人數，就叫我等位，已經有兩三個喺度排隊，簡直不知所謂。希望店舖嚴正處理這件事情，影響原本店家的聲譽。…查看更多

上年去名古屋食完覺得好好食，前排見到竟然開咗黎香港！！位置係銅鑼灣時代B2 地鐵站一出就到好方便，可能早去個時間暫時唔洗等位餐廳環境好寬敞，啲枱隔得幾開，又唔洗迫住坐，一家四口坐枱仲有鬆動。套餐+$38蚊就包小食三款，連埋杯冷泡茶好濃味平時啲茶淡而無味，但呢杯有啲驚喜😂😂主打都係食佢個親子丼，啲蛋勁滑唔老，又唔搶味交趾雞肉質夠實 有咬口，似走地雞但冇咁硬淨，勁好食配菜鐘意食個麻醬豆腐果日唔太餓冇試小食，有藉口再返黎食過！…查看更多

今日同朋友喺Time Square試咗呢間新開嘅日本餐廳，環境闊落坐得都好舒服。👍🏻餐廳主要食雞，種類好多，鍾意雞嘅人真係唔可以錯過！我叫咗個牡蠣親子丼（$138），呢個真係不得了，啲蠔有好多隻，仲要唔係細細粒嗰啲，每隻都好肥好大隻兼多汁，配埋親子丼一淡飯一隻蠔真係最高享受！😋另外仲叫咗一碟雞肉串燒（$56），燒汁濃厚滲晒落啲雞肉度十分足味。嘢飲有好多款，我叫咗個熱嘅白桃烏龍（$40），味道好甘甜，重點係佢隻杯同壺超靚，送到嚟嘅時候都嚇一跳😳打卡一流！🤳✨嚟銅鑼灣Time Square嘅朋友千其唔好錯過呢間名古屋百年老店！👍🏻👍🏻…查看更多

星期日行過見到新開左間餐廳 上網一search 原來係來自名古屋的雞三和分店見係日本過江龍 咁就可以一戰坐低其實都唔係好洗諗好耐 因為全部都係食雞只係唔同煮法的雞 我嗌左個鮭魚籽親丼定食個三款小食入面 竟然有一粒梅！係香港真係好少見之前去日本就成日都食到 最中意撈飯一齊食酸梅勁開胃 親子丼個滑蛋好香 雞好嫩滑 會一啖一啖係咁食完全停唔到口 仲有個冷泡茶好好飲咼！完全唔係個啲勁hea普通一杯凍茶價錢都合理 下次經過可以再食…查看更多

之前聽朋友講，銅鑼灣開咗一間新既日本食店，係專門食雞，佢食過了，推介值得一試，今日得閒，就去挑戰吓，地點係時代廣場地庫，先醫肚，仲可以行街街添，初頭擔心新野，會好多人排隊，所以就趁店舖開門去，避開午飯市，可以慢慢品賞，11:30到步見到門面，有日本feel及簡潔，因為剛開舖，客人唔多，立即有位，店內裝修都以傳統日式裝修為主，簡潔，枱與枱之間都有足夠空間，先看了一轉餐牌，其間仕應都有約略介紹佢哋既食品，聽完後就係QRcode落單，叫招牌定食—交廿趾雞-雞肉三味定食，不得了，果然係傳統老店，啲雞肉非常鮮嫩，配埋佢哋既秘制醬汁，ichiban，定食有3款小吃，及三小量調味料，用來整最後的茶漬飯，又係好好味，完全日本feel，真的可以一試，下次要夜市來，約埋朋友試埋其他款式！…查看更多

前晚同班friend聚會去咗銅鑼灣嘅雞三和，真係雞控嘅朝聖地！間店裝修好日式，木枱木椅加暖燈，坐得舒服又有feel。喺舖頭已經聞到入面嘅香味，香到我勁肚餓！試咗佢哋嘅雞肉三吃定食，真是一個字—正！加埋湯變泡飯真係好好食有唐楊炸雞、雞肉串燒、炸雞翅（甜醬油），樣樣都好好食，特別係嗰唐揚炸雞外脆內嫩，咬落汁爆出嚟，配埋酸甜嘅醬汁，停唔到口！雞肉串燒係另一亮點，雞腿肉嘅醬汁好好味小朋友必食！炸雞翅（甜醬油）好香甜，醬汁入味，啖啖肉好滿足。甜品仲試咗阿華田脆脆奶昔，酸奶味同阿華田好夾下次一定再叫返！服務員好親切，我哋係用QR code落單，朋友遲到都冇催我哋落單。人均大概HK$150-200，係銅鑼灣嚟講性價比高！鍾意雞嘅朋友，一定要試下！…查看更多

鮭魚籽親子丼-雞肉肉質鮮嫩，鮭魚籽粒粒飽滿，連同雞蛋的嫩滑，三樣嘢放在一起簡直是完美的配搭🥚特濃起司雞排親子丼-香酥的雞排加起司的組合絕對冇得輸，鍾意芝士嘅一定要試吓🧀雞肉三吃定食-燒雞香口，最鍾意茶漬飯嘅食法，每一啖都好似返咗日本咁🫖小食都絕對唔敷衍，特別係唐揚炸雞，不單止咬下去啖啖肉，而且還有肉汁，而炸雞翼香雞肉串燒都好值得一試😋特別值得一提的是飲品的種類，門口位置仲設立咗一個水吧，有唔同的飲品咖啡等等嘅選擇，可以睇到連飲品都做得好認真十分推介焙茶拿鐵，焙茶超級香濃，每一啖都非常順滑，而鍾意酸甜嘅都一定要試吓士多啤梨和阿華田的飲品，口感豐富到好似每一啖都食緊甜品咁🍨推介推介！…查看更多

果然名不虛傳21/9 今日落大雨天，只能行商場，係時代廣場行到B2層，見到一間新開既店，好有日本feel喎，叫雞三和，店外資料提到係名古屋來既食店，咁就上網check check，嘩！果然係有料既店，100年老店，咁即刻值得試試…..可能11:45，時候尚早，食客唔太多，好快就可以入坐，看完餐牌，當然係試招牌set，雞肉三吃御膳，QR code點餐，好快就上到菜，百年老店，與時並進唔理其他，出名雞，當然第一啖先試食雞，果然肉嫩秘汁好配，似照燒汁，但又比照燒汁味道更豐富，況且好多件雞，一定滿足，白飯唔使講，一定係日本米啦啲小食都唔提，只係想提杯凍綠茶，跟餐免費一杯，估唔到係好味喎！好可惜，口闊肚窄，今日未有空位試其他招牌菜，要再搵晚，人多，再黎品嘗…查看更多

餐廳位置係時代廣場B2層 搭扶手電梯之後就可以見到，整體嘅環境好好，乾淨舒適 服務態度都好nice主食方面嗌左🌟招牌特上名古屋交趾雞 🌟特濃起司雞排親子丼 口感豐富有層次 雞排外酥內嫩 加埋好食嘅滑蛋同特濃起司 簡直係炸物星人之選‼️ 招牌就更加唔使講啦 交趾雞肉嫩滑搭配滑蛋岩岩好🍱小食方面嗌左🍖雞肉串燒同🍖唐揚炸雞 雞肉串燒正常發揮 不過鍾意食甜醬汁嘅可以試下，鍾意多肉炸野嘅可以嗌唐揚炸雞 肉餡厚實會食得好過癮 …查看更多

這次試食的「特級交趾滑蛋雞飯」表現整體令人滿意。滑蛋嫩滑香濃，與米飯融合自然；交趾雞肉有口感，但份量稍嫌不足，若能增加比例，會更突出主角的存在感。湯品清爽，恰好為主食解膩。小食部分則各有亮點與遺憾：燒物的醬油汁份量偏多，稍影響肉質原味；相比之下，炸雞球火候控制得宜，外層香脆，內裡鎖緊肉汁，令人驚喜。飲品選擇則比較單一，欠缺特色，若能增添多樣化款式，會帶來更完整的享受。總體而言，這份餐點穩妥而討好，但若在細節上再作平衡，必能更上一層樓。 …查看更多

名古屋百年老字號「雞三和」正式登陸銅鑼灣時代廣場!以特上名古屋交趾雞聞名嘅老牌雞肉專賣店,為香港帶黎最正宗最地道風味.雞肉三吃御膳黎到一定要試佢地最signature嘅雞肉三吃定食一份雞肉丼享受3種風味 先品嚐原味照燒雞肉 充滿陣陣醬油香氣之後可以添加調味更加入湯汁製成湯飯雞肉肉質香嫩又充滿肉汁 底下粒粒分明又煙韌嘅日本米吸晒醬汁及雞肉精華三文魚籽親子丼定食季節限定!粒粒飽滿晶瑩又鮮味嘅三文魚籽配搭安全可半生食半熟蛋 膨軟濃稠雞肉經秘傳醬汁燉煮 味道帶點微甜 惹味得黎送飯一流!定食附上紀州南高梅三小碟。膠原蛋白雞丸子湯。自家冷泡茶 楊當豐富唐揚炸雞 炸雞外層炸漿簿得黎又香脆金黃一咬爆晒肉汁!!相當juicy炸雞翅 雞翅上加上甜醬油 鹹甜交織又充滿芝麻香阿華田脆脆乳酪奶昔 & 冷蘋果荔枝果茶估唔到日式餐廳內都有充滿港式風味嘅阿華田特飲! 冷蘋果荔枝果茶消暑解渴…查看更多

同女朋友行銅鑼灣搵有咩食，見到呢間幾吸引就入咗去，嗌咗個雞鍋餐，親子丼好好食，啲雞同埋啲蛋好夾，啲蛋好滑，啲雞好有雞味，撈埋啲蛋一齊食簡直係絕配，雖然嗌咗嘅係細份但係已經好夠食 ，仲有個鴛鴦湯底雞鍋 ，兩個分別係壽喜燒湯底同埋水炊雞湯湯底，壽喜燒湯底好夠味，雞湯就好清甜，撈烏冬好好食，啲雞好嫩好亦都有雞味 ，份量都唔少 ，仲有好多菇菇菜菜，食到好飽，另外再嗌咗唐揚炸雞，好Juicy好多汁，仲好大嚿，起滿足，正！…查看更多

今日晏晝約咗friend喺銅鑼灣，行街之前喺地鐵站出口見到開左新餐廳，反正未諗到食咩，朋友有興趣食就過去試吓，去到見到現場坐位都幾多人，餐廳應該幾受歡迎，不過速度都快，等咗幾分鐘就入得餐牌話招牌菜係親子丼，但係貪心嘅我哋咩都想試吓，所以嗌咗幾款唔同嘢大家一齊試不過有影相嘅只有一個有蠔嘅親子丼，同埋一個雞扒三食定食本身個親子丼都好好食，個蛋超香超滑，聽到職員同其他客人講話佢哋係用我哋耳熟能詳嘅日本靚蛋，例如夢王或者蘭王，心諗唔怪之得隻蛋咁鬼靚咁鬼香。我朋友隻蠔都勁好食，又大隻，飽滿又肥美；我自己揀咗三食定食，個雞嘅做法同親子丼有啲唔同，我呢個係有煎過，煎得勁香，而且啲飯都好好食，因為我嗰個有三色，有少少調味配料同埋茶漬湯可以加，我最鍾意係加少少Wasabi同埋鹽海苔溝埋雞扒同埋飯成啖擺落口，其實真係幾好食另外個朋友食咗三文魚子親子丼都係話好食，同埋食得出佢哋啲雞同出面啲親子丼嘅雞唔同，因為佢哋標榜話係名古屋地雞王，即係最top嗰啲雞種，仲要係純種雞冇混血講到好勁咁總之Anyway我係會返轉頭食，亦都會建議朋友有時間喺附近做嘢或者去街都可以試吓，性價比都幾高…查看更多

一入嚟就發現成間舖頭都係食雞肉 但食完發現每一款菜式都非常好食😋一個本身唔係最鍾意食雞肉嘅人都覺得好正🥳店員好好俾我哋鴛鴦咁嗌兩隻湯底 一次過可以試晒兩隻湯底 水炊雞湯清得來又鮮甜 壽喜燒湯底有驚喜🤩親子丼入面啲蛋同埋雞都好滑 啲小食例如炸雞都好脆同埋Juicy😍店員服務都好好 會同我哋介紹唔同嘅菜式 同埋佢哋都好helpful 好有耐性咁幫我哋👍🏻座位都坐得好舒服 好寬敞 環境唔錯👍🏻鍾意食雞肉嘅朋友一定要嚟試吓😙…查看更多