雙喜臨雲南米線 (已結業)

作為喜歡食米線嘅西貢街坊，成日都特登要去將軍澳食，見到西貢呢間米線，當然要去試試。其實今次係我兩個星期內，第三次幫襯呢間食店，而每次幫襯都冇令我失望過，所以今次特別推介我的家人一齊食。今次我自己叫咗酸辣湯底牛肉腩肉米線，湯底香濃惹味；家人食胡辣湯底魚片頭米線，胡椒味濃，一試難忘。土匪雞翼有水準，香味及味道完全唔輸俾大型連鎖店。我和家人都推介呢間米線，可以係連鎖米線集團以外的一個不錯嘅選擇。希望呢間小店長做長有，俾多個唔同嘅食店選擇西貢街坊。

西貢終於有米線啦，個門面好似譚仔咁，諗住過去試吓啦，但點知係好難食好難食，係難食到完全食唔落。叫咗碗酸辣湯底，個酸辣一嚟到係黃咁咁，超級咸，食完都驚會有腎病。仲要唔知點解個味道勁奇怪，有菠蘿汁咁樣，又咸又甜，食多幾啖都想嘔。啲韭菜有浸草青味，腐皮好似濕紙巾。雞肉牛肉又無味，完全唔知食咗啲乜嘢落肚，好驚嚇。杯凍奶茶仲恐怖，成杯奶水咁。淡到唔知飲緊啲乜，大佬呀你唔識沖咪唔好賣嘢飲囉，收人$15一杯，唔係求其到咁下嘛？！個蒜泥白肉仲經典，成個暗黑料理咁款。完全係辣椒油同埋生蒜頭就咁放上一堆白烚豬肉上面，真係唔識煮飯都整到。完全唔明點解會有人幫襯呢間舖，hea到咁，十級難食。難食都算啦，夏天喺入邊食好似焗桑拿咁。佢哋間鋪勁細又開大道門走晒啲冷氣，一入去坐低飲住凍嘢未食嘢都可以全程流晒汗，慳皮到冷氣都唔開大啲。題外話，煮米線見到係一個女人，唔知係咪老闆娘。臨走嘅時候見到有個男人返嚟煮返，唔知係唔係個女人唔識煮定點，總之呢餐飯極度恐怖，食咗兩啖就冇食。

第一次寫食評- 想支持哩間小店！我好鐘意食譚仔三哥，但住喺西貢最近都要去到坑口先食到今日行過見到開咗米線鋪 餐牌仲同三哥基本上一樣，都係揀餸揀湯底 所以決定今晚試下。行到入鋪頭超級香！今晚試咗佢地既雞肉4小辣米線  等咗一陣就已經持得；店員係都好nice，幫我入落玻璃盒度。賣相係 100分！整體黎講，我覺得真係好好食！米線質地，芽菜 韭菜 質地同份量 都係perfect! 湯底都係好好味！有麻都有辣 而亦都係我預期既 4小辣如果要同三哥比，其實都好似但係係有分別。雞肉質地唔鞋仲好滑，我覺得仲好食過三哥價錢係少少貴，但係佢地食物質素絕對對得住嗰價錢 而我都會非常願意去幫襯！希望多d人去食哩間小店我真心希望佢地做得住 咁西貢人就有好食既米線  ！

香港度度都有得食米線，唯獨係西貢無一間專賣米線既近排係西貢馬路附近終於開左間米線餐廳，雖然舖頭既環境比較細同窄，但對於住係西貢既人黎講，真係非常好因為以後可以買外賣返屋企食啦👍🏾墨丸麻辣米線（10小辣）（4/5）餐廳既米線menu同譚仔/三哥無分別🧐為食貓叫左墨丸麻辣米線試下，睇下味道係咪都一樣結果，原來係有唔同，有另一番風味👍🏾佢個湯底都唔算油膩，同埋好夠味，個湯唔知係魚味定香料味黎，幾香，幾唔錯，而個辣味又唔會蓋過湯味但就偏咸左d，同埋d墨丸（5粒）唔夠彈牙另外，米線既價錢都偏貴，一個餸要40幾蚊，出面連鎖既只係30幾蚊不過，對於西貢居民黎講，有多一個餐廳選擇絕對係好事黎