集興茶餐廳 (已結業)

早餐時段入來，發現沒有一般荼餐廳的早餐A/B/C/D/E選，餐應該是全日供應的。1. 常餐A $28 ~ 餐肉公仔麵+蛋治+熱華田麵質煮到非常彈，不似平時的茶記（平時果D多數入到口都淋晒）。而餐肉就嫲嫲哋了，蛋治都OK2. 常餐B $29 ~ 沙爹牛肉通粉+火腿三明治+熱奶茶這裡的沙爹真的有丁點辣，牛肉又夠大塊，像是沒有用梳打粉「嗱」過，通粉亦不會煮到太淋，正。當日吃罷這個早餐後，午餐時段仍飽肚，最終可慳埋午餐。

朋友話呢到沙爹牛好食。黎到叫左個常餐，沙爹牛米粉，甜醬多，熱華田。沙爹牛米冇咩特別，份量都喎算多。又喎係特別濃味。反而跟餐嘅甜醬多好好味。煉奶加牛油搽包冇諗過咁好味。甜甜又香香。比腿治特別得多 最後熱華田都冇咩特別

香港茶餐廳，常餐好重點！外面通常都係牛油方包，最多就牛油多士！但呢間就唔同啦，可以揀奶醬多，奶油多，雞治，腿治😍😍😍麵又可以揀餐肉，紅腸，火腿，沙嗲牛肉，榨菜肉絲😚😚😚今次揀左奶醬多，咪以為會偷工減料，好多花生醬同煉奶架，1 d都唔小家！仲有個餐肉麵，雖然得兩塊，但個麵都係唔係差架，唔會一pat pat！最正係杯熱華田，唔落糖都夠晒味😌😌😌

集興，我細細個就跟屋企人去食中學時期有段長時間，會陪揸夜間的士嘅舅父食下午茶/晚飯，通常食到晚上7點前就送佢開工。呢個故事充滿味道、回憶舅父今年4月過身，佢變成我回憶嘅一部分當年，我地成日叫常餐、什燴炒河、肉絲炒麵，仲有炸雞翼、西多、油醬多充滿膽固醇的美味回憶，只記得全部都好好食，因為雞翼炸得香而juicy，連常餐浮喺通粉上面嗰塊火腿都特別好食。仲有嗰杯茶走，香滑濃都有，極品。係舅父教我飲。細個嘅印象，係似乎個個的士佬都飲茶走。最重要，食物好食嘅原因，係每次都有媽咪同舅父一齊分享。好，回憶完結，尋日獨自去懷緬。叫左肉絲炒麵加熱檸水。好掛住當年嗰碟肉絲炒麵，麵嘅邊緣炸得好脆，當年我衰格，成日專係揀d脆脆麵黎食，大人就食軟淋淋嘅部分呀姐放碟炒麵喺檯面，第一個反應係，咦，咁大碟嘅? ($32，呢個份量好抵)原來少個人一齊分享，碟麵自然大碟左味道，平平啦，跌watt了，炒得唔夠以前好食，麵嘅邊緣有脆麵，但嫌脆麵部分太少，食得不夠過癮，食到尾，成碟都係水，唔知係唔係d芽菜會出水呢?檸水扳回些少分數，督完檸檬，杯野唔苦澀已經合格了下次會再返黎懷緬埋碟什燴炒河，加油呀集興!

話佢係隱世沙嗲牛麵都不為過，沙嗲好香濃， 牛肉滑， 唔係一般茶記一pat嘢的質數， 坐落大窩口商場， 唔起眼但非常出色， 專登要寫食評讚讚！記得要散叫牛肉麵加沙嗲汁， 唔係常餐， 否則會變番一pat野既質數！