242
45
24
電話號碼
25772202
開飯介紹
專營高級法國菜的老牌餐廳，店內放有從世界各地搜羅的古董擺設及名畫，餐廳私隱度高，吸引不少名人光顧。
繼續閱讀
獎項殊榮
最優秀開飯法國菜 (2009-11, 2013-14)
特色
浪漫情調
慶祝紀念日
營業時間
今日營業
12:00 - 14:30
18:00 - 00:00
星期一至日
12:00 - 14:30
18:00 - 00:00
招牌菜
食家推介
相關文章
一個月前訂的生日晚餐, 在電話內跟接待員溝通好, 她也很細心的回覆, 之後還 whatsapp 電話所講述的重點, 當然包括 menu 同埋生日蛋糕既安排, 也有提及當的 dress code ! 到出席前兩天再來一次 whatsapp confirmation 同埋再俾多一次 dress code ! 始終係一間真真正正既法國餐廳, 當然唔想客人太失禮 !我地好準時就到左餐廳, 因為疫情關係, 當然要做足措施, 接待既係一位上左年紀既叔叔, 感覺佢應該係老臣子, 一身燕尾服既打扮, 非常有禮貌既帶我地上二樓, 跟住佢行上去, 就好似去左一間古堡, 邊行邊睇古董同名畫, 坐低之後就簡易介紹一下 menu , 然後放低行開, 再由另一位同樣穿著燕尾服既服務員招呼, 端上類似蒸餾水往水杯倒下, 而枱面就放了印有當天生日客人名字的紙便條簿一本, 由於之前都已經睇過 menu, 所以大致上都會知道想食咩 ! 順便睇下個大餐牌, 睇下會唔會有其他野想食, 結果揀多個蒙古生牛肉 !揀好哂就坐係度周圍望下 D 古董名畫, 跟住就有另一服務員送上麵包同埋玫瑰花形既牛油, 麵包暖暖地同埋好香脆, 麵包食完, 就先上左蒙古生牛肉, 呢個菜我地係 share 食, 由另一位服務員推住車仔出來俾我地睇住調味再上枱, 有一種入口即溶既感覺, 而且個汁非常配合生牛肉, 食入口唔會感覺到有生味待我地食完份生牛肉, 換過碟之後, 就再上頭盤, 由於我地三個人, menu 上剛好有三款不同既頭盤, 於是乎就一人叫一樣, 反正都係自己喜歡食既, 鴨肝無鵝肝咁大份, 而且比較軟身易入口 ! 因為屋企人都無 order 湯, 只有我要左個龍蝦周打湯, 個湯係一直用火熱住出來先倒落個碗再上枱, 非常細心, 所以會感覺到個湯係特別好飲, 加上龍蝦肉好鮮甜爽口 ! 飲完湯之後, 等左一陣, 服務員每人放低一客柚子味雪笆清一清口內既味道, 然後就到主菜準備上枱, 同樣係用餐車推出來, 每一份都係慢慢既係餐車上整理好再送上枱, 鱸魚非常爽滑, 牛扒 5成熟, 外面燒得好香, 而且完全鎖住入面既肉汁, 羊扒都係一樣, 配埋薄荷汁, 好香好有羊味而唔會有 味 ! 最後係甜品, 同樣係揀哂三款來食, 自己比較喜歡橙酒梳乎厘, 好香既橙味, 由於一早就安排左 Amigo 既拿破崙生日蛋糕, 所以係食完甜品之後, 服務員就用祝福既心情攞出來, 同時亦幫我地影相, 再加上餐廳方面既即影即有影一張, 非常貼心開心, 難怪佢地呢度有好多位服務員, 而且每位都可以做到好細心, 招呼非常之好, 呢個價錢除左有咁好既食物, 亦有埋最貼心, 優質服務, 絕對係不失 Amigo 呢個名字
繼續閱讀
因為生日嘅緣故，所以嚟咗呢間歷史悠久，充滿着上一代情懷既老字號餐廳。行到大門影相，餐廳入邊嘅員工已經打開門招待進入，非常有禮貌。餐廳嘅環境設計係非常之靚，有西式嘅古建築，有童話故事入邊城堡嘅感覺。無論係餐枱上邊嘅蠟燭，定係雕左花嘅牛油，都睇得出係非常有心思，枱面上亦都有貴賓嘅名。其實食物嘅質素就反而一般，普普通通冇咩特別，香煎法國鵝肝，鵝肝都幾香，大大件外脆內軟。龍蝦麵，龍蝦已經剝好殼，所以啖啖都係龍蝦肉，只可以話食落好方便，但係賣相就好一般。樂隊會喺每一台都過嚟為你獻唱，可以俾你選擇你鍾意嘅歌，好有情調。
繼續閱讀
跑馬地呢間名人飯堂（唔知點解我會即刻link with 朝偉🤣）難得經過見到，都冇唸過自己會入去食嘢，始終覺得自己咁既身世有d格格不入😅，點知今年生日，竟然會有人book好晒檯話要帶我去見識下（佢呢個舉動如果換轉係拍拖嘅時候我應該會冧死可惜遲咗20年😅）佢有誠意到一個月前已經想幫我book定可惜餐廳唔接受太早去訂位直至到真係答謝啱啱生日嘅前一個月佢真係即刻話俾我知佢book咗枱）😱😱結果本應係好浪漫嘅一餐正日生日飯就同左我呢個好朋友過雖然浪漫欠奉，不過始終係一個開心回憶，依然係覺得格格不入，不過佢又好似好自在咁🤪其實一早佢已經send咗個Menu俾我諗定先，去到已經唔使再諗就已經可以落order，我仲幫佢諗埋！試咗兩款唔同嘅set. 好滿足。先講我嗰個set 先:頭盤: 蟹肉沙律餐湯：大蝦清湯跟住上咗個雪 然之後繼續主菜：香煎鱸魚甜品：咖啡焦糖燉蛋朋友嗰set係頭盤：煙三文魚餐湯：龍蝦周打魚湯✅主菜：扒牛柳甜品：橙酒疏乎厘其實兩個set 全部都係我想試嘅, 所以冇得評分 ，不過對比之下可能有啲部份係比較優勝咗少少🤏例如原來湯我係會選擇creamy啲嘅成個整體，服務當然係number one 啦,仲要有三位專業樂師唱歌俾我聽祝我生日快樂🎂!最遺憾係佢要我揀隻歌聽我又唸唔起。見其他枱提出要佢唱嘅歌佢全部識唱👍🏻👍🏻我仲問我朋友係唔係俾返少少tips佢地😉最後最後連餐廳送嘅生日蛋糕都食唔到啦！太飽啦！（拿破崙蛋糕連阿媽都話好食😋）好好嘅人生體驗 Thankyou! 不過真係一次就夠
繼續閱讀
今次同老婆第一次嚟呢度，佢第一次嚟，比呢度嘅裝修驚嘆左一下，佢話香港老牌餐廳點會有咁靚嘅裝修啊！係呀呢度仲有好多藝術品同古董。好鍾意呢度嘅wine list, 系用 label 做成，開咗半支香檳半支紅酒，前菜我點左蒙古生牛肉，經理喺你面前調制，因我哋share所以佢幫我哋平均分開一人一碟，但每碟份量都唔少喎。仲有鮮龍蝦錢袋，龍蝦就因為有個包袋住所以留俾我哋自己分。回想十幾歲喺銅鑼灣玩嘅時候，大哥帶過嚟一次呢度食飯，果次仲見到一個明星大家可以估下係邊個。再黎一人一個洋蔥湯，如果間餐廳有洋蔥湯我多數都會飲，其實洋蔥湯好難做我自己做過搞到隻手好攰，所以一試就知道呢度嘅洋蔥湯好正。主菜叫左精選牛扒(兩位用），樣樣嘢都做得好出色，老婆要咗個焗疏乎厘做甜品我就飲埋啲酒就算啦，對於我呢個舊地重遊嘅人回憶特別多，希望以後有時間多啲再返嚟。畢竟香港嘅老餐廳已經越來越少。
繼續閱讀
伏到爆，從來未食過咁難食嘅西餐！千祈千祈唔好去！！4千個大洋去食餿..... 自己睇相😰 “特製”了兩碟意粉比小朋友，白汁雞皇同肉醬意粉分別$380 同$390...初頭我估要$300一碟都低估咗佢......so crazy!! 整色整水嘅玫瑰花牛油.... ☝🏻DO NOT, I repeat, DO NOT go there....we paid nearly HKD$4000 without beverage to eat some “fine dining” out of a fast food restaurant...Let me rephrase, considering the price we paid, Cafe de Coral is doing a much better job!!!
繼續閱讀