影片
食評 (14)
時代變遷，係呢個洪流裡總會有被淘汰既事物。相信你同我既回憶裡面，總有幾間特別難忘、又偏愛既餐廳。今日要介紹既「雞脾意粉」，正正就係一間陪我成長既老餐廳餐牌內既特價飯。由小學到中學，直至我投身社會既今日，一個月都總會有幾日會光顧。面對時代巨輪，商場加租，由早幾個月前既簽名支持續租行動時，老顧客們都早已經心中有數，小本既經營始終都捱唔得太耐。老餐廳終於要在今月月尾光榮結業。說實話我真係非常唔捨得，無奈唔只得我，相信仲有一班老伙記、老顧客，朝見買麵包，晚見撐櫈腳，足足支持左十幾年。以表誠意，最後想正式地記錄底呢間餐廳。數十年間裝修過幾次。門口這種要捐入去的收銀台，由小到大都給我一種門診護士坐裡面的感覺，現在我大概稱之為「舊式收銀」設計。還記得入口曾經有一幅香港夜景，但如今已經拆下來，繼而換上一張張色彩斑斕既餐紙。四面牆連天花板都貼滿餐牌，將會係我對呢間餐廳最後既印象，非常鮮明又突出既記憶。～【時而雞脾意粉、時而雙腸全翼意粉】這兩款大概是我最常叫既特價飯，價錢不貴（相比集團式餐廳），而且非常豐滿，保證一定飽。而小時長高就係要靠呢啲高卡食物，所以現在非常健康、牛高馬大！仔細介紹番個特價意粉：呢間餐廳既意粉唔係個種白烚完淋茄汁上去既餐，而係燴過、橙身既麵條加上熱辣辣既茄汁，相當入味，令人滿足。而雞脾、雞全翼均可以選擇炸或鹵水汁。而我必選後者。多少都因為兒時既情意結，細個游水後係出面食鹵水脾真係好好食。呢間餐廳做到個種回憶中既鹵水脾味道，所以必食！最後講下個小配角啦，有主角就要有配角，所以無腸就加腸也是個梗。廚士腸用茄汁同蜜糖漿烤過，所以味道係甜甜地，後勁係廚士腸既咸味。唔識形容喇，茄汁奴必CALL之選；燒烤無腸不歡既你，必選。溫馨既提示：要試就襯快喇！另外，堂食價同外賣價唔同，要食平啲就買番屋企食，足足平HKD10！但係呢，堂食就大碟啲同新鮮啲，識食既你識揀喇。最後，多謝呢間老餐廳帶比我好多回憶。感激！
繼續閱讀
朗屏商場依家由領匯翻修，作為朗屏的老字號雅苑都環面臨管理公司的強權既威脅! 朗屏既舖租也愈來愈貴，還不知呢間老字號還可堅持到什麼地步！老居民既我當唔希望呢間由細陪到我大的餐廳因而消失！叫左個茄汁雞脾意，意粉的硬度適中，每條意粉都有茄汁的味道！雞脾係鼓油脾！再配上可樂，完全係下午餐的一大選擇！作茶餐廳，講味道就絕對比不上大餐廳的大廚，不過佢既茶餐廳風味還是我們朗屏既一大特色！
繼續閱讀
近日熱到完全唔想煮野去左朗屏雅苑茶餐廳度買外賣嗌左 北姑雞飯 燒賣 細皮蛋粥都係23蚊！！！抵到爛北姑雞飯不過不失，d雞件都算多，係滑既，不過飯就硬身左d燒賣就幾大粒，都算彈牙，不過皮就厚左ｄ細皮蛋粥都幾足料！！！粥底又夠綿！！！正23蚊既份量其實係夠2個人食！！！平價首選
繼續閱讀
以前讀書成日幫襯呢間買外賣飯盒做lunch, 並唔係覺得佢好食, 只係貪平, 果陣時唔覺咁差, 可能人大咗, 要求高咗, 今次重遊舊地, 估唔到係失望而回...............果日明明好肚餓, 但睇勻佢個menu都冇乜嘢好食, 而且又貴, 所以求其叫個最普通的小食, 但我係完全唔想食, 就算幾餓, 試過一啖之後都冇乜胃口, 好勉強地每樣食咗一半................... 豬皮蘿蔔魚旦 豬皮超多豬毛, 而且煮到林pat pat, 唔駛咬都爛 蘿蔔淡如水, 一d蘿蔔本身的甜味都冇, 再加上用清水煮哂佢d味出嚟, 舊蘿蔔仲難食過煲完湯的湯渣 魚旦又唔彈, 又腥, 又林 碗仔翅杰到漿糊咁, 色水深到好似成支老抽倒哂入去咁, 又冇乜料, 得d粉絲、少少肉絲、木耳絲、蛋花
繼續閱讀
由於太就腳,所以成為我同男友方先生最常去開餐ge餐廳之一,唔講唔知,呢間餐廳其實幾有性格,雖然佢同其他餐廳一樣都會做外賣,但....唔該,一律自取!!!之前喺度試過梅菜扣肉煲,五花腩同甜梅互相吸晒對方精華,好味到連我呢個一向唔多鍾意梅菜ge人,都對佢讚不絕口,梅菜仲好味過五花腩,但千其唔好外賣返屋企食,因唔止份量少左,味道都冇咁吸引呀>.<是次同方生再次光臨,叫左食過好多次"鴛鴦炒飯",個飯唔平,但收得咁ge價錢,佢就足咁ge份量,白汁:汁香都唔及大大隻蝦咁吸引,新鮮爽口的蝦每次都有6-8隻;紅汁:微酸帶甜ge茄汁夾帶新鮮蕃茄條同雞肉,滑滑雞肉令人好開胃再黎"火鍋雲吞雞",叫呢個鍋佢有肥牛/鮮蝦,2選1 送的,因方生唔多鍾意肥牛想要蝦的,但是日冇蝦,唔好彩,要肥牛喇~ 以為送ge一定唔會靚喇,點知又唔係哦,瘦多肥肉少,牛味又足,又係好好味~ 叫多個茄汁蝦,蝦一定先用蔥爆香過,再落汁、糖之類之類ge野喇,蝦殼都唔使剝,成條食,真係好香好好味
繼續閱讀