雅苑小廚 (已結業)

路過工廠區膽粗粗走入平民飯堂一試。魚蛋牛腩河粉，瘦牛腩結實有咬口，好彩無渣不柴，味道泛著生水味道，剛剛湯底加水？微彈微鮮帶微腥魚蛋，合格還可以。河粉完整長長滑溜，用筷子輕易夾起大啖啜。湯汁清甜牛味突出，掛上香辣兼備辣椒油，食得愉快！台式肉燥冬菇拼生炸雞髀飯，雞髀外觀完全不討好，將細小的雞髀壓扁，讓面積增大亦較快熟透，百份百炸得全熟而一丁點兒過火。雞肉不太乾而結實，難得還有微量肉汁，雞皮有點焦燶有點油膩有點香脆，雞肉豉油味突出。驚嚇度5星的台式肉燥飯！那來的台式？師傅係台灣人所以任何出品都係台式？看不見亦食不到的冬菇，已溶掉到醬汁中的份子料理？完完全全係茶記茄汁肉醬，仲有濃厚李派林喼汁味，全瘦無油脂肉碎鞋口程度似牛唔係豬，茄汁免治牛飯？不想浪費照吞落肚，到底是否比錯茄汁免治牛肉我？還是台式肉燥已賣晒，諗住用茄汁免治牛肉可以呃到我？…查看更多

叫魚柳飽，同店員說了3次，卻來熱狗。飽不熱，腸又不熱,以為吃冷盤。非常差。店員聽力有問題，說了3次，卻來熱狗。食物物非常差非常差，非常差，非常差，非常差，非常差。…查看更多

今朝早路經工廠區可能係紅子嘅關係好多茶餐廳都冇開就連平時食開嗰間都冇跟住越行越入求其搵間茶記就算附近冇咩餐廳有開咁見到呢間餐廳就入咗去叫咗個普通嘅茶餐首先同想同大家講講嗰個包話就話係焗厚多士完全好似發水麵包咁最離譜係個沙嗲牛肉出前一丁沙嗲牛肉有好多渣同埋湯麵個湯唔熱㗎個出前一丁完全煮唔熟硬掘掘咁！真係好後悔加咗$6轉佢個出前一丁麵同埋茶記最緊要係杯茶杯凍奶茶完全冇茶味好似飲糖水咁最後個麵又係食唔晒杯野又飲剩就走人唔會再幫襯真係伏味濃…查看更多

一間其貌不揚但小菜極高質既小店，老實講佢既午餐絕對係平庸甚至難食，粉麵尚可，但小菜係非常出色，份量又大，凍飲又大杯所以基本上我只幫襯晚市風沙雞係每次必叫既一款，比一般酒樓既炸子雞更好食，肉質剛好偏嫩滑，加埋炸蒜極惹味三色蒸水蛋好嫩滑，豉油調味恰到好處，份量亦多不誇張地說，幾難搵到有茶餐廳既肉餅可以有佢地水準，依款土魷蒸肉餅好好味，份量足夠兩個人食，豉油調味好，而且土魷份量好多，價錢唔算貴，唔知食邊款好依款一定滿意上湯浸勝青瓜，勝瓜煮得剛好有咬口，大量肉碎，草菇同蝦干口感豐富，建議將白飯逐少加入成碟上湯中當湯飯咁食，咁樣先保持到入口既温度，而且非常美味…查看更多

食物一般般，麻婆豆腐無麻婆豆腐味道！要杯冰水話無！侍應對住你大力掟牙籤盒！下次唔會再去！廚房佬唔戴口罩😷上嘢食速度一般建議單人無去呢間因為服務態度太差座位位置頗逼！…查看更多

日日都叫外賣咁濟，今日叫外賣佢同我講未夠150唔送，我話我日日都咁叫外賣，佢即刻又問送邊度，我同佢講我平時都唔夠150，佢聽到又轉口話而家飯市呀，呀姐，好明顯係同平時唔同人，我覺得唔送唔緊要你可以話無人好忙，但要我叫夠150先送就唔係咁好，而且我好近佢地，重日日都叫佢外賣，但而家就唔會再叫啦，一次都唔會，同埋真心佢野食唔算好食，平時貪便叫姐，希望老闆會睇到啦，佢員工既問題跟手會更正…查看更多

吉列魚柳拼肉燥意粉 +涷奶茶 $53觀塘區茶記來講呢一個價位都算係中間吉列魚柳上枱仲係熱辣辣，啱啱炸起，但係有啲偏鹹肉燥反而幾入味整得唔錯意粉唔夠彈牙，仲有啲偏淋，似係煮咗一段時間凍奶茶偏淡，茶底唔夠香揚揚整體評分：7/10揚揚環境評分：7/10揚揚味道評分：7/10揚揚服務評分：8/10 揚揚抵食程度：8/10揚揚返食機會：7.5/10意粉唔夠彈牙，仲有啲偏淋，似係煮咗一段時間凍奶茶偏淡，茶底唔夠香…查看更多

每次經過都聞到牛腩味好香🥰但唔想食粉麵🙊🙊所以今次嗌咗男人的浪漫外賣試試😎餐廳選用有分格嘅外賣盒真係太貼心🤩好怕啲汁醬浸淋哂啲白飯💔💔打開見到白雪雪嘅白飯同個餸分開好開心🥳咁樣好企理🤩🥡食都食得開心啲🤣🤣白飯粒粒分明🍚軟硬適中🥢但未帶飯香火腩偏瘦🦴但份量十足 六、七件都啖啖肉🍗整體醬汁食落偏淡口💦未見出色 豆腐亦未能吸收濃味醬汁而較清淡💧兩大件豆腐軟嫩可口🥄總括而言份量取勝🧆如果濃味少少更好…查看更多

公司在這附近下午茶經常來這/裝修老舊，街坊格局/很喜歡食這裡雞脾/可揀配沙律或薯條/亦可炸或鼔油/雞脾超大隻/這是今天和昨天的下午茶/一次過寫出來分亨/今天豉油雞脾沙律/昨天炸雞脾沙律/豉油雞脾鹵得頗入味/但部份鹵過濃肉質則較為嚡口/部份位置未透/更有一些瘀血沙律弄得倒不錯/薯仔煮得腍軟，菠蘿混合沙拉醬酸酸甜甜令人開胃炸雞脾超大隻，不過顏色比較深，有少少炸過咗龍/雞肉結實得嚟都幾嚡口，外皮都幾脆/個樣大隻不過雞肉略嫌有啲嚡同乾身/外皮都有少少韌唔夠脆/總結連凍飲同區比較過！呢間係最平…查看更多

放寛左4人一枱 終於食到多小小野！今次同3個朋友係海旁chill完救其去食個晚餐就散水今次叫左3個比比較heavy晚餸。叫左個麻辣水煮牛肉，盛惠$65。呢個辣度幾啱我，唔會麻得好緊要，牛肉就正常發揮，過下口癮係不錯。另外叫左個淨牛筋拼牛腩，我自己就覺得好膩，食唔到幾多，但佢都冇咩野既，但我地成枱肉就有啲想嘔。最後重點係黑椒薯仔牛柳粒，$68蚊同大排檔啲價差不多。佢有驚喜呀！個薯仔食到唔停口，好正粉粉地但又脆口，好好食！重有個牛柳粒，都預佢解凍野冇咩特別，居然係有牛味！呢個推介！…查看更多

夜晚放工唔想去去APM食啲集團式餐廳，可以試吓呢間。雖然佢係普通茶餐廳，但係啲小菜都唔錯。今次叫咗梅菜蒸肉餅同椒鹽茄子鮮魷，首先講個蒸肉餅先，啲梅菜食落口唔太鹹，同埋啲豬肉唔算太多梳打粉，食落口啲豬肉唔算太淋。另外個椒鹽茄子鮮魷，啲茄子食落都幾香脆，外脆內軟，配埋啲炸蒜蓉幾好食。而啲魷魚亦都唔係多炸粉，又唔係炸咗好耐，食落口都幾彈牙。而最緊要係呢碟茄子鮮魷上枱時仲係熱辣辣，唔係擺咗好耐同一早炸定，整體呢兩味餸唔錯，值得再去試其他餸。…查看更多

返工前我一定要食早餐返工多年，都未食過呢間早餐前幾日就去試食呢間位於觀塘地下舖早上同同事一齊食飯 傾下計工作都順利d我地叫左兩個餐一份係 沙嗲牛肉包餐 加 熱咖啡沙嗲牛肉 真係罪惡之都 好好味 但真係好肥再加上飲咖啡 不得了 唔減肥都唔得了。一份係 麵餐 貢丸米粉 加凍奶茶貢丸幾好味 米粉係似河源米粉 爽滑有口感而唔係鞋曬既麵條 個湯同平時餐廳差不多 好似係豬骨湯底 我不過我地慣性加醋調味，個凍奶茶都OK，港式香滑奶茶。整體黎講都OK，算平。…查看更多

今日單拖入左黎食野，自己食叫唔到多啲野，就Order左一份酥炸牛坑腩（$68）同白飯同埋叫左杯熱奶茶。熱奶茶香滑架，不用黎襯小菜有啲唔對路，下次都係叫返凍奶茶好啲。講返個酥炸牛坑腩先，酥炸牛坑腩order完都好快就有得食，睇落去好香口，食落發現牛腩外面層炸粉有啲厚。但係比我預計既大份，就咁食有啲太Dry，但又唔鐘意點醬食😂所以最後係我拆左啲皮食，入面係勁林滋滋既牛腩，唔會乾，好易咬。白飯大碗有啲乾。最鐘意係奶茶😂…查看更多

今日同同事三個女仔過黎呢邊做野見肚餓所以搵野食，點知我地中左招因為叫太多野😂我地三個都細食order個陣又冇睇到隔離台啲份量呢間餐廳係勁抵食！性價比高🤪我個人勁推杬菜肉鬆四季豆$6️⃣0️⃣咁呢個會係勁入味大腸煲都好味但啲大腸好大舊如果可以切再薄啲就perfect池喇$6️⃣5️⃣杬菜肉鬆四季豆$7️⃣0️⃣三杯大腸煲$7️⃣0️⃣燒汁茄子牛仔骨P.s.建議如果係成台都係女仔可能真係唔好一人叫個餸，真係好大份，價錢埋單每人$100都唔洗🤣…查看更多

最愛出街食小炒老公帶我食雅苑小廚, 聽就聽得多, 今次終於試到望住餐牌, 樣樣都想嗌嚟試, 不過得兩個人就少少地嗌四個先啦煎封銀鱈魚自己好鍾意食呢隻魚, 但就好少自己整有兩塊, size都唔細架, 味道都幾香口滑蛋鮮蝦仁啲蛋好滑, 蝦都幾大隻, 呢個係有少少驚喜, 食得到啲蝦好鮮同彈牙, 送飯一流, 會encorn既菜式金牌蒜香骨香口, 脆, 鎖到肉汁, 同老公爭住食, 勁想嗌多碟囉三杯大腸煲未試過食咁樣煮既大腸, 發現都幾好味既, 都畀到驚喜我地總結, 食小菜嚟講, 呢間真係正…查看更多