雅廊咖啡室

營業中

休息中

我好少寫食評，不過真心覺得好都係要寫。尖東食午餐，坐得舒服，湯、糖水、咖啡任飲，個main又好食，重要係酒店，估唔到只係98蚊，好優惠。Main有四樣，蒸魚同炒粉炒麵都做得好好。炒粉麪唔會好油，夠熱，好食。湯，唔係求其味精湯。我今日飲係胡椒豬肚湯，好好飲。上星期個次係豬肺湯，好好飲。另外重有中式糖水一款，都做得好好食。係尖東食飯既大家，可以試吓。真心推介。試過菜式： 星洲米，泰式咖哩雜菜，叉燒蛋炒麪原本係做自助餐，所以地方好大，唔迫美中不足，炒麫得辣椒油無辣椒醬

ヾ(;ﾟдﾟ)/ 💥警世…折後人均$423自助晚餐！位於富豪酒店嘅雅廊咖啡室，最近推出咗「西班牙美食狂想」自助餐。不過上次食完就list左入黑名單❎…事隔一年，🫵🏻fairy決定今日再度挑戰！
🧚🏻‍♀️~~~~~~~~~~~~~~~~~~~~~~~~🧚🏻‍♀️〈 懶人包Rating🚶🏻‍♂️ 〉：款式🔴 / 味道🔴 / 環境🔴
🔴 —— 熱葷區
🆖 整體款式非常非常非常少少少‼️食材唔新鮮，味道質素較差！🌟比較合格：叻沙海鮮麵檔｜芝士焗龍蝦> 🍜叻沙湯底濃郁，椰奶味突出，加埋麵條一啖食落熱辣辣，幾吸引。> 🦞芝士焗龍蝦係每人一客，肉質爽口，調味適中，算係全晚比較合格之選！* 避風塘炒蟹 / 紐西蘭肉眼 / 脆皮牛坑腩 / 黃金蝦 / 香辣子雞 / 泰式香茅烤魚 / 巴東牛肉/ 西班牙海鮮飯/ 薯仔蛋批/ 海南雞飯 / 泰式咖喱烤鴨 / 古法蒸魚 / 紐西蘭羊髀 / 紅酒燴西班牙辣肉腸 等等………………🔴 —— 凍海鮮、刺身、冷盤區
🆖 凍海鮮有4款，肉質霉，質素差！
😅刺身賣相極唔吸引，睇落唔太新鮮唔敢攞…
* 青口 / 凍蝦 / 翡翠螺 / 沙白 // 三文魚 / 吞拿魚

聖誕連續幾日假期係時候拆餐勁，友人見到KKday做梗富豪九龍酒店自助餐優惠，Lunch Buffet(12:00-14:30)成人每位$263(計埋加一)都幾抵食，正日好快已經full晒，book到23/12，Thanks友人呢~!準時去到，內堂面積頗大，裝潢簡約，木系枱椅，感覺有點似Canteen，適逢聖誕時節有少少佈置。冷盤，有蜆、蝦、螺及青口等。有火雞同牛扒。熱盤，竟然有焗豬扒飯，仲要加隻太陽蛋。有蠔仔粥。麵包及湯，見到有肉骨茶。刺身。沙律及印度咖哩。甜品。有Mövenpick。飲品有凍蘋果茶、咖啡及紅茶等。支裝汽水，$20。好眼熟的餐紙，同係富豪國際酒店集團so又出現(上次去麗豪)。第一轉來個刺身，唔算話好新鮮，味道普通，三文魚好點。蜆、蝦、螺及青口，味道一般，加上當日天氣凍，對冷盤興趣不大。牛扒肉質軟嫩味道幾好，火雞有點韌。印度咖哩及飯，咖哩濃郁唔算好辣，印度香飯香味十足。伊麵正常水準。蠔仔粥，白粥加粒蠔，味通普通冇乜鮮味。肉骨茶，味道濃郁不俗，加上當日好凍，飲左好暖身舒服，即刻有少少想瞓覺wwww。蒸蛋冇味。甜品，選擇上唔算好多，蛋糕上有聖誕朱古力裝飾作點綴應下節，，開心果

上網睇咗好多食評、都係中規中矩今日一行8人 （5大2小1BB)出乎意料幾好，員工收盤好快又有禮貌見到我哋有一位BB 、極速衝過嚟問使唔使BB凳？隔一陣Pizza出爐、成個盤拎過嚟問我哋要唔要夾俾我哋另外之前見到食評話中段有表演就係火焰蛋糕我初頭以為夜晚自助餐先會有！原來中午自助餐都有表演、個個飛撲過去排隊嘅時候員工都好有禮話：放心慢慢嚟，一定夠分嘅另外，酒店員工見到冇去排隊睇表演嘅人，佢會行埋黎講聲，轉頭會有表演！其實真係幾窩心下次必定再食

用左訂位折扣，埋單四百幾一個人晚餐自助餐，這價錢係尖沙咀新式酒店平時應該只可食自助午餐已而。這次主打西班牙主題， 炒飯、冷盤、熱食都有相應既主題食物。 請看相個人覺得每樣野都有啲，唔算話無款（ 雖然佢係盤細細，但其實佢見就無都會Refill得快沙律菜好新鮮，我食左好多轉每位客人都有一隻芝士白汁龍蝦，係細隻但都彈牙既，係燒得乾左啲咁囉哂左～要一讚係佢除左咖啡奶茶檸茶檸水之外，仲可以有玻璃樽汽水無限飲，仲有我張合拼照右下角既檸檬薄荷水，很清新解膩呢尼個唔知點解明明都深色但味道就水汪汪咁總括嚟講，佢唔係話好䚴級既自助餐，海鮮都有🦀🐙蜆螺🦐、刺身有四款，甜品都細細件好食。 以這個價錢， 其實都算不錯的自助餐呀

同三年疫情前唔同曬, 首先最近晚餐冇咗急凍龍蝦, 冇龍蝦任攞, 啲嘢食味道麻麻冇嘢好食, 就算有凍蝦畀你都唔新鮮, 服務更加唔得, 管理混亂, 甜品魚生長期冇人服務, 簡單嚟講行幾轉都未必攞到.....啲人扮做嘢, 雪糕呀姐寧願出去擺靚啲甜品都唔幫你鏟雪糕. 食到要諗有乜可以食, 自助餐都係第一次, 減咗價都要360, 唔係平....大把人最後迫住都要食粉麵意粉填肚....冇下次, 尖沙咀大把其他同價位酒店好過佢, 放題都畀佢優秀

暫時係人生食過最惡劣既酒店自助餐. 近期去過又能俾正常rating 的其它食客, 未知是否要求很底或者係受酒店讚助.一入酒店搭電梯落地牢已有陣梅味. 入到餐廳最初感覺還好, 但一坐下就發現餐廳無冷氣. 無錯! 係3x度天氣下只有很微弱既冷氣. 佢部吹風機仲吸引我打卡吸引過d 食物. 大家看看, 左下角全部係發毛既梅點! 全餐飯就係吹住呢部唔知幾耐無清潔過既風機.一坐下, 成張枱係搖既, 放左碗湯, 隻手一掂到張枱就好似搖搖版嘩另一邊彈起, 倒到成枱湯. 搵了待應處理張枱等如無搵, 因根本係爛左. 結果唯有換枱! 好在換枱時待應都好幫手.看見酒店的環境, 放在冰上的凍海鮮我唔敢食. 避風塘炒蝦, d 蝦腸黑到嚇死人, 食到一口沙要吐出. 蒜蓉粉絲蒸勝瓜上面d 粉絲係宿既! 家中老人家連埋蒜蓉一齊食就食唔出有問題, 但我同小朋友無連蒜蓉就試到臭. 基本上全部熱葷都係凍既, 佢既保暖做得差.不過都有好味既野. 乾燒伊面不錯, 好吃彈牙. 蟲草花燉響螺湯十分好飲, 我飲了兩大碗. 刺身質素ok 不錯, 在雪櫃即取即切, 感覺良好. 甜品賣相不錯, 味道一般. 雪糕係movenpick, exp

疫情前曾經吃過，當時的感覺還好，但今次體驗只覺它以盈利行先，這一方面十分成功。先説冷盤，只有蜆，青口，蝦及翡翠螺，貴價一點的例如龍蝦及長脚蟹皆欠奉，蝦🦐是酶的，翡翠螺多沙；刺身方面有三文魚🐟，吞拿魚及八爪魚，三文魚還好，吞拿魚也是酶的，八爪魚是咬不開的；佢有燒牛肉🥩提供，但是乾的，没有牛味，熱盤方面只有魚，牛尾，炸鷄🐔粒，鮮菇鴨掌，椒鹽骨等，選擇不多，毫不吸引；主打的西班牙主題海鮮飯只是普通的炒飯，在上面加幾隻青口及蝦😒😒湯麵及炒意粉都是普通，連牛丸及魚旦等普通食材都欠奉。每位都㑹奉上一隻芝士焗龍蝦，但找不到芝士，加上龍蝦很細及乾，再焗上之後更加乾，根本吃不下去。湯有兩款，中湯還好，西湯龍蝦湯很淡，麥記的龍蝦湯比它還好；飲品只有茘枝茶，但太甜，汽水要20元一枝😭甜品選擇也不多，也徧甜，可能不想人們多吃，影响健康😂很多東西没有補充，只出一轉。我們六點半開始，不夠一小時已埋單離開，我是第一次吃自助餐吃不飽的，怪不得星期五晚也只有不到四成客人。唯一可取的是收碟很快，服務也可以。以價錢💰四佰多來說，我寧願吃放題。

今日二人去咗尖沙咀碼頭海旁吹風望海，真係好舒服呀！行行下好想食自助餐，試下walk-in 得唔得，座位不太滿，開心可以即時入去食😊那裏環境很闊落，我最愛食海鮮立即走去睇吓，無生蠔🦪長腳蟹，其餘有龍蝦🦞麵包蟹🦀海螺🐚大蝦🦐青口，仲要任食添😋第二輪食刺身，有三文魚、吞拿魚、油甘魚，大八爪魚🐙味道都算新鮮👍🏻第三輪食熱盤選擇不多，有炸蠔、炒飯、烤魚、燒牛肉都算唔錯！最後當然食甜品啦！款式都算多（其實我都食唔晒）仲有Movenpick 雪糕，我最鍾意冧酒提子味同埋特濃咖啡味雪糕，真係超正👍🏻另外服務員態度很好，我坐坐下覺得有點凍，服務員幫我熄咗個冷風機，仲攞咗杯熱水俾我飲！非常細心❤️賣單仲有六五折優惠👏🏻整體上感覺很不錯👍🏻有機會再嚟😊今日二人去咗尖沙咀碼頭吹風望海，真的很舒服呀！

母親節酒店自助餐❤️網上訂8折㗎！上個週六晚去咗富豪九龍酒店食意．泰自助餐有好多冰鎮海鮮包括龍蝦、麵包蟹、藍青口及海蝦等你睇隻龍蝦幾新鮮！🦞我喜歡食熱盤 覺得好出色燒腩仔、皮片鴨真心好食😋🇮🇹意泰🇹🇭美食：惹味的泰式燒牛肉沙律、辣椒膏炒青口、香草檸檬焗魚、紅酒燴牛尾、白酒煮青口、清蒸海上鮮仲有廚師即煮意粉！甜品有多款芝士餅仲有好香嘅班蘭蛋糕👍🏻水果、雪糕、朱古力噴泉仲有芋圓豆腐花呀！
💟母親節限定（2023年5月13日至14日）母親節限定美饌包括龍蝦、烤美國帶骨肉眼、威靈頓三文魚、燒腩仔、皮片鴨、鴨肝及特色燒烤等。在座每位母親更可獲贈汁煮鮑魚花膠一份、心型慕絲蛋糕及即影即有相一張。💟網上商店獨家快閃優惠（2023年4月24日至30日）於網上商店預訂雅廊咖啡室「亞洲風味」自助午餐及「意．泰饕宴」自助晚餐可享低至半價優惠；為慶祝母親節，您亦可以8折優惠享用更多節日限定美饌及禮遇，與母親大快朵頤！

知道雅廊咖啡室重新開業，book 咗3月中同屋企人去試下~ 睇到之前既食評都好似麻麻地咁，所以亦都冇抱太大期望去試。見有優惠價好抵食咁，即管畀次機會去試吓啦！ 刺身方面，有大大隻嘅紅蝦，好開心！凍海鮮有我最愛嘅長腳蟹，都新鮮多肉唔黐殼。熱盤有我最期待嘅 鴨肝，師傅話係法國鴨肝，一啲都唔失禮！鍾意食羊架嘅人一定會鍾意食佢呢度嘅羊架，羊騷味適宜，肉質嫩滑；仲有片皮鴨，係已經包好曬嘅，一件件容易食，好好食！甜品方面有朱古力噴泉，充滿兒時回憶 仲有脆卜卜嘅雞蛋仔，同埋班蘭味戚風蛋糕超好食！仲有我最愛嘅焦糖燉蛋，雖然焦糖面唔脆但係布甸好滑，食唔停口。仲有超特別嘅奶茶布甸，滿滿的奶茶味，亦都係好正嘅~ 仲有豆腐花，不過唔算好滑。眼闊肚窄食唔到太多，今日就報告到此為止！我同屋企人都覺得今次嘅自助餐體驗絕對可以為富豪九龍酒店洗脫污名！ 如果仲有優惠價係絕對會回頭！

今日是我們為朋友慶祝生日, 選擇了地區方便的尖沙咀區的酒店自助餐廳, 今天主題是泰國食品, 有我喜歡的泰國蝦刺身, 好新鮮, 好鮮味, 也有泰國沙律, 很開胃, 其餘鵝肝, 牛排, 羊肉都好好味, 而且是無限供應, 熱盤有紅酒繪牛尾, 好入味, 好軟, 整體冷熱盤都有很多選擇及很有質素。甜品種類很多, 有小朋友喜歡的朱古力嘖泉外, 雪糕是軟滑的movenpick, 有很多味選擇, 還可自行加糠果, 杏仁, 餅干碎等等, 班蘭味雞蛋仔好好味, 還有很多糕點。餐廳服務很好, 很有禮貌, 很有善, 收碟快, 不會像有些自動餐廳堆一桌餐碟要叫時才幫你收。這間餐廳無論食物, 種頪, 服務都值得推介, 給了我們享受了一餐豐富, 開心的晚上。 

琴晚食完雅廊咖啡室自助餐，我個人認為食物質素是很好，當中要提及龍蝦同鵝肝非常一流，雖然鵝肝有一轉是比較焦但是不影響它的味道，還有龍蝦好新鮮有質素完全有啖啖肉這一種鮮味，還有自助餐的海鮮好有水準，包括麵包蟹有很多膏，鮮蝦好正和青口都啖啖肉，除此之外刺身也非常棒，但是旁邊的壽司就款式普通沒有什麼好感，最後我認為牛扒比較靭，真是比較失色了，因為我原本對牛扒好期待，但是竟然令我失望，還有羊扒比較肥膩，感覺上只想食一舊唔想再食第二舊，最後想講吓甜品甜品多選擇味道不錯了！不過整體嚟講咖啡室的自助餐尚算唔錯幾好，重點推介鵝肝和龍蝦價錢比較平，因為有折扣

前日同屋企人去食生日飯😆😆😆非常滿意嘅體驗！食物都非常唔錯～✨🌈由其喺刺身🍣非常新鮮好味😋除食物愛服務都非常好～^ ^！耐心為我地解決問題👍🏻非常友善！價錢親民非常抵食，下次會再嚟😀👍🏻👍🏻

今天一家六人到酒店吃自助晚餐，泰式主題合家人的口味。海鮮冷盤的長腳蟹新鮮好吃，龍蝦有熱食和凍食，還有沙律，味道不錯。熟食的炸牛坑腩球和鴨肝口香好吃。甜品選擇也多。工作人員有禮貌細心。最後大家吃得非常飽，很滿意，有機會會再來。