雄泰

營業中

休息中

好耐無入粉嶺食飯嚕，每次入粉嶺，原因都係入去相熟車行維修保養吓部電單車兼吹吓水，今次因為整車時間耐咗，所以同車行老闆食埋飯先離開！老闆係地膽，當然熟哂粉嶺飲食行情，佢介紹雄泰話好抵食，味道唔錯，咁.....就去雄泰開餐啦！未開餐先食環境，雄泰裝修夠特別，但係圓枱報局係我唔欣賞嘅擺法.點咗泰式炒河粉，泰式生菜包，泰式炒芥蘭，燒豬頸肉，其中最特別係一個套餐泰船河+海南雞飯，成個套餐55蚊！話說我老人家，餐牌就大大個，但D字就細細隻，要改善一下！都係果句，泰國菜唔係我杯茶，辣就更加唔適合我，不過今次點嘅菜，辣嘅情度好底，我都接受到.炒芥蘭同豬頸肉都係水準之作，其中海南雞肉滑鮮嫩，印像最深刻.食完感覺抵食就講唔上，每一款菜份量唔係好多，但味道就絕對出色，而且服務要贊，生菜包唔夠生菜，佢地都肯送多幾塊，要俾個 like 啦！

聯和墟近年真的變化很大，附近也有不少新式屋苑及大型商場落成，連鎖式的店舖及食肆比比皆是，慶幸舊墟內還有不少有獨特特色的小店，在不斷複制的模式中，保留住少許的變化泰船河睇個名有點迷惘，所以要問下店員是甚麼原來配料主要是豬肉，有肉片及肉丸湯底不俗，肉丸也沒有羶味，也有肉汁香葉肉碎煎蛋飯份量不算太多，女生食剛剛好肉碎味道稍為濃味，入口不會太辣佐以白飯及煎蛋，則是剛剛好遺憾的是煎蛋稍為熟了一點，如有蛋漿則更加吸引豬肉河及肉碎飯的份量比較輕盈，所以也因此可以多嚐幾款小食蝦餅一份應為兩件，不過每件都是切開成一半也方便了食客享用蝦餅炸得外表鬆脆，肉質依然彈牙泰式雞卷第一次食泰式雞卷，也是坊間少見的小吃炸得香，但調味料比較重，掩蓋了肉味見好似好多人都推介海南雞飯，下次要再試下先~

喺聯和墟其實已經有好幾間泰國野，幾間裡面，我反而鐘意食呢間👍🏻👍🏻呢間其實開左唔係好耐，無記錯少過2年🤔食過一次之後，都好想要黎食，佢個海南雞飯，d雞幾滑，d飯都好好食，我最鐘意食佢個汁，撈埋飯一齊食實係好好味!!!下午黎食，佢有得叫set，海南雞飯送杯凍菊花茶個價錢$45都唔洗，我覺得算平架啦，同埋眼睇好似好少，雞既數量又唔係太多，但其實佢都俾多飯，食落都飽架啦，如果佢有得我加$10可以多d雞就好啦👍🏻可一可再👍🏻

39蚊已經有碟海南雞飯, 好平, 份量當然少D, 但1個人一定夠食。雞件都係細細的, 有7,8舊, 我地分到我係雞胸肉多, 本身雞肉無咩味, 靠個醬帶起, 唔知咩 醬黎, 酸酸甜甜咁幾好食。雞油飯比出面的削，但都食到雞味，ＯＫ　ＧＥ。再叫左個肉碎生菜包，好似３Ｘ蚊,有7,8塊生菜俾你包, 肉碎熱辣辣炒起, 好香, 好味。椰青水係一罐罐現成的,未飲過呢隻牌子, 淡淡的味道,入面好多椰肉粒粒’。

叫左個套餐，雞飯加船面，整多杯泰式奶茶，全程泰文歌，廚房都係泰國人。雞皮適中！船面個面份量十足，可以兩個人叫個餐加小食。第一次食，其他未試，下次食埋其他先！ ！ ！

在附近探朋友 又有機會可以試下新野一行二人加個小朋友食 泰式酸辣鳳爪 $25酸辣味適中 是開胃的前菜 泰船河+海南雞飯 $55船河細細碗 湯頭甜甜地 好快就清哂海南雞飯 因為就朋友的關係無要到油飯 個雞好滑沾埋個醬好夠味 同行帶住個小朋友食 都不停話要食雞雞😂😂 泰式奶茶 $18每次食親泰國菜都會點返一杯Thai Milk Tea呢間都有泰國飲到的味道 不錯 食食下覺得唔多夠飽 所以再點多個飯羅勒葉肉碎蛋飯(豬) $38羅勒葉肉碎咸咸地 個味好岩撈飯食 但就有少少辣 價錢唔算貴 環境舒適 而且有風味

口淡淡想食泰國嘢，見到呢間小店，配合返泰國嘅地道裝潢就吸引咗我入去喇~睇佢MENU都好簡單，只有一張(兩版)，啲ITEM都唔算好多，每個item價錢都算合理！羅勒葉雞肉碎蛋飯(可選豬肉碎)HKD38 ~ 首先要讚一讚個蛋係燶邊蛋，再嚟就係佢雞肉碎很夠味，不算辣，但非常惹味同時很欣賞佢地選用嘅餐具都係泰國小店常用的，影呢張食物相，絕對可以呃到人囉!泰式奶茶HKD18 ~ 泰式奶茶係去泰國必飲，呢度都有7成似嘅~

呢間黎幾次都無緣入坐 今晚六點零黎到就有位一大一細 埋位無招呼 一個海南雞飯 份量少$38蝦餅一份 $25 /4件通菜$28 後加 隔離啱啱張枱黎嘅上菜仲快過我囉🙄泰國啤酒$30一支埋單$121整體份量都係屬於小比起出面嘅泰國餐廳食完都係唔夠飽 係輕食嘅話可以嘅晚餐來講就少囉 哈哈或者午餐可能會OK嘅 重點係量少囉或者可能係價錢平關係有埋泰式生蝦食就perfect 可惜就係冇囉不過就冇加一服務費嘅 試吓都冇壞嘅 睇吓有冇下次啦

要做好海南雞飯從來都不是容易的事單是要雞有雞味已經不容易筆者曾經試過其中一間味道較佳的是海港城的海南少爺但是索價接近一百元味道較佳是應份的事今次嘗試聯和墟的雄泰到底能否挑戰海南少爺？答案馬上揭曉在裝潢方面店方擺放了不少泰式物品餐廳內更真的是播放著泰文歌曲而在擺位和餐具方面則揉合了中式的風格大排檔桌椅、雞公碗傳統味十足餐牌方面也十分有驚喜船河$25碗、海南雞飯$38碟小食也是二十多元以今時今日的鋪租和食材價格這樣的價錢就算味道麻麻也應收貨一方面真的佩服老闆們為同區街坊帶來平民美食的用心另一方面街外的鋪食水多深也可想而知食物方面不是點了太多先來了一個炒金邊粉味道正常，不會過甜/咸而且有幾件厚切雞脾肉和大量紅色的小蝦米口感方面相當不錯$25四件的蝦餅說真的無論是$2x $5x 還是 $7x大多都是用來貨的蝦餅只要炸得香口味道便不會差這碟蝦餅絕對抵食終於來到今日的主角海南雞飯飯方面分數十分高是較有咬口的風格顆粒分明、油香十足至於雞方面是雞胸肉也是意料中事坊間很多海南雞飯的雞肉都是又鞋有沒雞味只靠不同的醬汁來補救這裡的海南雞雖然肉身較”鞋”但是咬下去仍有些微的雞味已經算是不錯而更重要的是這裡的醬

今日中午，好肚餓。經過聯和墟。呢間泰國快餐之前都食過，覺得都ok嘅。而且好餓，就衝入去叫左個午餐飯，海南雞飯。諗住呢啲吾使煮，實快啦！點知半個鐘都未有得食，見之前其他人叫嘅都未有，個個都催。只見要煮個啲，湯粉，肉碎疍飯個啲，不停咁出。有個男樓面，俾客催到暈，見佢走埋去廚房個窗度，好似叫果個負責嘅亞姐快啲做，見到個亞姐發老脾，嗡一輪，先肯整。一出就成10幾碟。但都未到我，我梗係追啦！個侍應話：出緊，出緊，好快。大佬，你快，要俾我先得架。遲過我嚟嘅，都食緊啦！我着晒燈，問佢要等到幾時，後面嚟嘅都食緊，你地吾跟單做嘅咩。入面廚房件亞姐，聽到我發火 ，好快就整左俾我嘞。我坐個位，就喺水吧外面，對正廚房個窗 ，望到佢地煮野，人地就密密炒，條亞姐就好似喺度雲遊咁，個時仲係午市時間，我入去時大概一點，你咁樣客又等得耐，食店又翻吾到枱，真係倒米。幾好食都假啦！食到一肚火。

          尋日番完教會，朋友邀請我和他們一起食午餐，唔知食咩好，果個朋友就帶我去雄泰食野。          果間都算係舖仔，想著都要等一陣先有位(因為星期日啦)，竟然去到就有位坐 !           入到去就坐低睇餐牌，之後叫了野食。          第一 ，個R3R4餐都有D辣，但個豬手都幾好食。          第二，個青咖哩要小心，因為青咖哩係回辣嘅。          第三，D菜都會有小小辣，都要小心。          因為雄泰D野好多都係辣嘅，所以我不推薦不食辣嘅人去雄泰食野，相反，好鐘意食辣嘅朋友雄泰，我都幾推薦你地食雄泰。

在粉嶺聯和墟意外碰上它，被店內的裝修吸引內進。六七十年代的懷舊佈局，牆壁掛以懷舊泰國畫報點綴，摺枱摺櫈，暖膽熱水壺，雖為泰國的懷舊風味，亦能牽起不少老港人的舊記憶。泰式午餐連飲品定價都在HK$40-50之間，相當合理。是日點了一份海南雞飯，連凍菊花茶一杯，收費不過HK$42而爾。海南雞飯的雞肉已經起骨，配香茅味的油飯，正宗泰式海南雞飯賣相。雞肉嫩滑，可惜甜味一般，只是質素普通的冰鮮貨式，飯油香一般，亦欠缺雞湯味道，配上的醬汁最為惹味，酸甜微辛，為這飯挽會不少分數。菊花茶甜度正常，香味不俗，跟海南雞飯頗為合襯。

之前都食過幾次 聯和墟黎講野食都算幾好味 又抵食 但剛剛晚餐時段去完之後決定以後應該唔會再去2個人叫左泰式雞飯同埋船麵 明明入去時得3-4張抬 6點零都都未係繁忙時段 等左半個鐘 都未有一樣野黎其他後黎嘅抬都已經開始有野食 舉手問 女店員仲要勁差態度一聲 “催wo” 如果佢好地地講一句唔好意思 我地都會照等 但咁嘅態度加上等左半粒鐘嘅無奈 真係火都黎我地叫左唔多野 出面又排哂隊 鋪頭睇黎都唔至在做我地幾十蚊生意仔 所以野都冇食就走左你慢 唔緊要 但係咁樣嘅態度真係令人好無奈小店食身質素不差 聯和墟亦都好難得有泰國小店 但出菜速度同埋服務態度真係好有進步嘅空間

又係weekend foodie 搵野食的時候。聽朋友講粉嶺聯和墟最近開左間有趣又抵食的泰菜。立即揸車入去試一試，好易搵，係和泰街教堂隔離，有個露天car park然後過馬路直行就到雄泰！一入去見到爆場就知係好野👍差不多枱枱都海南🐔🍚咁唔洗講一定要order！個飯一到我已經同佢拍下寫真，因為真係好正，雞皮好滑D肉又唔鞋口，真係好有🐔味，個飯好香同埋唔爛，粒粒分明，直頭食到心心眼😍超爽皮！老公就食左個牛肉船河，湯頭好香！我地仲試埋個冬陰公湯，味道好好又balance, 因為之前飲個有D好酸，有D又好咸同埋得個辣味，呢到睇🉐️出下個心機有D料到😏我真係好喜歡呢到D裝修，檣上圖畫有特色，而且餐廳擺設又好似有D懷舊，幾有趣。九龍城大部分的泰菜館全部都係神像，所以，係呢度食野感覺幾特別😊我地食左4様野加兩杯野飲，都係佰零蚊，我老公問有冇計錯數😂😂真係會再Encore !

朋友經常話粉嶺聯和墟有好多平靚正嘅泰國菜餐廳，今日就同朋友一齊去試一試！下午3點到雄泰，第一眼就見到摺枱摺椅。入到去見到裝修好得意，有d懷舊嘅感覺。食物選擇唔多，但係品質十分好。泰船河，$25。豬肉爽口，湯底入味鮮甜，河粉爽滑，唔太大碗但分量剛剛好，首選。鴨肉湯金邊粉，$38。比船河大碗少少，有唔少鴨肉，鴨肉入口幾鬆化。青檸梳打，$18。沒有糖，只有一瓶泰國入口梳打水，青檸和冰，挺清新的。罐裝椰子水，$15。大大罐幾清甜。生菜包肉碎，$30。有少少辣，好入味，鐘意蔥頭，芫萎同魚露一定要叫，肉碎好多，生菜唔夠包。枱椅唔密，坐得幾舒服。下次再試其他菜！（無收加一）