雄泰

營業中

休息中

見好多介紹話雄泰海南雞飯好食，於是同朋友入黎試下，果然無失望！雞既份量都多，大份兼抵食～性價比高lunch時間黎食都唔洗排好耐，亦都座無虛席入黎聯和墟必試～～～泰式海南雞飯個醬酸酸味味配埋海南雞👍🏼

難得入粉嶺，一定要去朝下聖😎未夠六點就去排隊，成功做到第一檯客，不過唔駛半個鐘已經客滿😂▪️ 泰式海南雞翼飯（7.5/10）💲50侍應話海南雞係每日一點就會賣曬，得返海南雞翼唯有照殺，去到七點連呢款都賣曬🥲出到黎係五隻翼加五隻槌，份量都幾多，肉質算嫩滑，CP值高🐔略嫌個飯係乾硬身，同埋無咩油香🥣隔離檯個小朋友話個汁先係精粹，原來係蒜味既酸辣汁，用黎撈飯係幾正😌▪️ 泰式脆豬飯（7/10）💲58個皮真係幾脆卜卜，肉位同肥膏比例均勻，但我呢份係比較薄切，厚返少少應該再正啲😳可惜個飯同樣乾硬，個汁亦太甜，好似唔多夾咁🫣▪️ 椰青奶昔（8/10）💲28好香濃既椰奶味，仲有唔少椰子肉碎，感覺幾清新，又唔會係死甜😍🔎 整體評分（7.5/10）

睇標題就知我一定唔係住附近啦😂！冇錯！我就係特登過海嚟食脆豬飯🍛⠀幾年前見到唔少人推介呢間泰國菜🇹🇭，話招牌係脆豬飯，當時見到賣相唔錯就過嚟試吓，果然冇令人失望，仲令我留低深刻印象👍🏻。今日再嚟係因為掛住個脆豬，於是收工趕過嚟粉嶺，好彩收舖前嚟到，亦都好彩仲有脆豬飯可以嗌，不過要等半個鐘😅。幸好我地有嗌蝦餅同泰式豬頸肉飯(仲有凍泰奶)，可以醫住肚餓先😬。個人覺得醬汁酸酸甜甜好開胃，豬頸肉都唔錯大片有咬口，但係脆豬唔知係咪臨收舖嘅貨尾，一樣係脆嘅但咬到最尾有啲韌，對住山長水遠嚟到就有0.5%失望啦😥。⠀總括嚟講，推薦各位試吓招牌菜，不過最好避開peak hour，如果唔係有排排隊。

北區出名既餐廳唔多,由其粉嶺 講到粉嶺名店必定有佢 - 雄泰之前黎到都摸過幾門釘,今日晏畫黎到終於有開 有得食啦 晏畫有LUNCH SET 仲可以加小食,叫左海南雞飯+春卷+菊花茶菊花茶應該係自己煲,唔太甜 健康海南雞 雞都算比得多,又滑 個汁仲要較得好好響依區諗唔到食咩既話,依間一定係一個好好既選擇

之前摸過兩次門釘，第三次嚟終於成功😅😂果然係粉嶺區人氣餐廳，星期日去到見到人龍，排左大約15-20分鐘啦🤔都值得排嘅，食物質素好份量夠，價錢又唔算貴👍🏻1. 泰式海南雞飯 ($58)一上枱嘩左聲，好多雞呀，雞肉多過飯咁，有脾有胸🤓雞胸肉食落夠滑，同雞脾肉唔會爭好遠😋點埋個甜辣醬幾開胃🤗食完個飯一啲都唔口乾，最怕啲飯好多味精😅2. 泰式燒豬腩肉飯 ($58)豬腩肉半肥瘦好邪惡，但好好味😝個汁嫌佢甜左啲，好似點海南雞個汁夾啲😅呢個飯食食下有啲漏，可能啲🐷肉太肥，同埋一啲疏菜都無😅3. 泰式墨魚餅 ($32)呢個墨魚餅好普通😅唔推薦，似魚餅多，唔係好食到有墨魚🙈

今日去完沙頭角睇古跡，係粉嶺解散~朋友話想食D特色野，行左過來聯和墟，見好多網友都推介呢間泰菜，所以來試下了😎來到餐廳時係十二點九，所幸唔洗等位，可以直入~餐廳佈置幾舒服，牆上有壁畫，都有D小擺設😚坐低睇睇餐牌，諗唔到食乜😂但見好多網友推介🐷脆豬飯，ok，就試試佢😎朋友就叫左🐮牛肉船湯粉~🐷泰式脆豬飯 ($58)本身落單時staff話要等十五分鐘左右，點知好快就同船麵一齊出😎🐷脆豬新鮮炸起，卜卜脆😍🐷豬肉肥瘦度適中，食落好夠味~如果食多幾件覺得膩，都可以點佢個汁，酸酸甜甜少辣，幾好送飯😋食緊已經哇哇聲，好有驚喜，唔怪知網友會推介😂本身唔太肚餓，同埋天氣熱，所以叫左少飯~🐮牛肉船湯粉 ($55)一上枱，朋友已經覺得份量幾足~🐮牛丸、牛腩、牛柏葉舖滿金邊粉面~我試左少少，牛腩幾淋，有牛味😍湯底甜甜地，幾好飲😍☕️泰式奶茶 ($18)、🍋鹹檸七 ($18)星期一至五飲品可以加錢叫，但星期六日、公眾假期得散叫😢我自己飲🍋鹹檸七~上枱時係一杯冰底同一罐唔凍嘅七喜，自己倒落杯~鹹檸七一飲已經好夠鹹檸味，唔洗自己再篤👍同埋見到杯面好多檸檬粒😂最後兩位埋單 $149，價錢幾正常~🍴食物好有驚喜😍💁‍♀️服

📍朋友推介粉嶺名物🙆🏻 呢間平民泰國菜係粉嶺相當有名 無論任何時間都幾乎座席～🧑‍🤝‍🧑👭幾鍾意餐廳雖然採用大排檔裝修 摺檯同圓櫈唔算坐得好舒服 但係相當整潔同乾淨 而且性價比高🙋🏻‍♀️ 定價較低又冇加一收費 值得試試!🌀 泰式酥炸豬腩肉飯本身都想試海南雞飯 但入座時已經聽到侍應話賣晒 (當日先2-3下午時段咋!🥲) 豬腩肉份量幾多 外層炸得微脆 面層有光澤 好香口好好食💁🏻‍♀️ 不過單食肉可能會有點膩 強烈建議沾上泰式酸甜魚露 有助減低油膩感🙈🌀 泰式豬頸肉飯朋友推薦! 豬頸肉軟腍又帶點爽彈口感 肉質輕易咬開 有淡淡既焦香味 配飯一齊食相當不錯!

因為YouTuber推介所以去試試. 首先是服務,剛坐下就告訴我們海南雞飯已經賣完.但是之後見到有些客人點海南雞飯,不知是否因為我們是新客,所以招牌菜只留給熟客. 再講食物，味道更像泰國住家飯味道,冬陰功湯偏甜,微辣，味道更像是coconut children soup. 炒通菜無馬拉盞味,蒜蓉味較重. 脆皮豬腩正常,整體份量正常, 沒有YouTuber講得大份.因為脆皮腩較難整,所以需等20分鐘. 價格也沒有很便宜.總之不回再去.

夜晚6點幾已經要排隊，有一對食客入左去一陣冇人招呼最後唯有走人，真係慘😢入座後原來已經冇海南雞，叫左個肉碎飯，普通但都算大份，幾咸，可能唯一優點係唔貴。香港係街食野通常都唔係咩享受。

今次想推薦聯和墟呢間平民泰菜，店舖裝修地道，大牌檔式圓枱圓凳，整體幾乾淨企理，平日嚟都坐滿客人整體嚟講，份量多，味道好，價錢對比出面食泰菜嚟講真係好抵，性價比高，值五星🌟_➤泰式海南雞飯🐓🍛$58呢個係店嘅招牌菜，大大碟，成堆起哂骨嘅海南雞鋪滿油飯上面，有兩層，賣相好吸引，食落都好方便。雞皮有油香，肉質嫩滑，啖啖肉，唔會太肥，附泰式酸辣醬，不過唔洗點醬都夠晒味，推薦➤泰式豬頸肉飯🐷🍛$60對比起出面又貴又少嘅泰菜，呢度啲豬頸肉有成十幾塊，而且唔止量多，質素都好好，切得都厚身，食落外脆內軟又爽彈，仲帶有燒香味，配埋甜酸醬，真係好開胃惹味，餸飯一流➤泰式炒通菜🥬$48味道正落，分量正常，炒得都幾惹味，微辣，而且通菜唔會煮到淋哂➤泰式墨魚餅🦑$32有五件，普通正常，新鮮炸起熱辣辣，表面微脆，口感彈牙結實，配酸甜醬_🍽味道指數:★★★★★📷環境指數:★★★★☆🛎服務指數:★★★★☆💰抵食指數:★★★★★😋推薦指數:★★★★★📍雄泰粉嶺和泰街21號地舖

本人於7月12日下午約16:00左右打電話去問有無得叫外賣，點知負責聽電話既嗰位員工態度超級惡劣。可能係因為佢地落緊場，我阻住佢地休息啦，但都唔應該咁差態度，其實答一句話「而家未有得order 外賣」好簡單啫，唔需要「無」，仲要語氣好差，點解啲態度要咁差呢，本身都覺得呢間嘢都幾好食，堂食服務都可以 ，但係經過今次不快經歷之後，以後唔想去了。。。

泰式脆豬飯 $58 推⭕️次次黎都嗌呢個飯 係一個燒到好脆嘅燒肉 個汁甜甜地 係一個燒到好脆嘅燒肉 送飯好好送 脆豬就睇彩數 有時會細夠d🤣 一疊大約有1x夠 半肥瘦 咬落去有啲豬油 正正！船河 必食 牛船金邊粉 $55 推推⭕️呢個次次黎都嗌！一碗裏面有牛柏葉牛丸同埋牛腩 一次滿足晒 牛柏葉好新鮮細細舊 完全唔會咬唔開 牛丸唔係普通街市嗰啲 係多汁同埋有啲膠質喺裏面 ！牛腩都幾多舊 好入味個湯係平時嗰啲偏鹹 金邊粉好掛湯 浸耐啲唔會淋左雞卷$30 ⛔️一疊大約有五六舊 炸得都幾脆 咬落去 有啲紅蘿蔔雞肉碎 配埋泰式辣醬好夾 ！ 冬陰功湯 蝦 $65❌呢個唔推介 太鹹 佢果嗰啲冰鮮嘅蝦肉 有少少假 香料味唔重 偏向係椰奶味！

最近去左喺聯和墟嘅雄泰泰國菜餐廳試下佢地既菜式。不過，呢間餐廳長期需要等位，要有心理準備。佢哋菜式種類好豐富，由小食、主食、飲品到甜品都有。晚餐本身想食海南雞飯，但通常賣哂，只有海南雞翼飯，好彩味道都唔錯。不過，最出色嘅係佢哋嘅燒豬飯。豬皮好脆，而肉質又唔老，令人意外地好食。題外話，因為真係太多人幫襯，場內侍應都係極忙，要落單要有耐性，人係得兩三個，催都係無用，同埋諗定多幾個後備選項，因為我見晚餐時間好多野都忽然賣哂要再揀過，早d諗定早d落到單。

外賣海南雞飯，大大份，鋪滿左個大盒，傻了眼！脆豬飯好似燒肉咁，夠脆唔乾！再黎堂食青咖喱雞同牛船河，一樣好食！繼續encore!預左星期六lunch要排隊，同埋都要等一陣先野食到。

如標題，呢間可謂心目中排名數一數二嘅泰國嘢🇹🇭雖然位置偏遠，但真係好好味，絕對唔會白行一趟😋除咗嘢食高質之外，價錢都相當親民～假日開12點，唔夠10分鐘已經full晒，遲一步黎就要等多round🙈眼見店員忙到踢晒腳，話請唔到人，可想而知呢間泰菜喺粉嶺有唔少街坊熟客捧場，街外人都會專程嚟食🤣🤣海南雞翼飯 $50遲咗一步🥹叫唔到海南雞，好彩有最後一份雞翼，肉質好滑好滑，通常好快賣晒，一坐低就要嗌返隻打包攞走😂雞翼都好多肉，而且份量一啲都唔兒戲👍🏻牛肉船湯粉 $55成碗都好味，滿足到我呢個湯粉狂魔，係可以飲晒嘅湯底。泰式脆豬飯 $58必須推薦脆豬，多重口感，肉質鮮嫩，係會令人一試難忘嘅豬肉。雖然肥膩咗啲，但好值得一食。泰式魚餅 $30呢個相對地普通，因為其他太出色，被比下去。呢間係一定會encore嘅餐廳，有機會想試晒menu所有野🥳