隱世山莊

營業中

休息中

夏天熱辣辣都阻擋唔到我哋成班朋友帶埋小朋友去燒嘢食！今次推介嘅係元朗隱世山莊燒烤場，任飲任食+冇限時，人均只需$2xx，仲有冷氣房+唱K+麻雀，絕對係家庭聚會同朋友團建嘅首選！ 🔥 超抵任食燒烤-經典港式醃料：辣味雞翼、蜜糖金沙骨、黑椒牛仔骨，醃得入味唔死鹹，肉質新鮮唔會雪藏味！ -時令海鮮盤（需預訂）：鮮甜肥美，自家，醃製帶出原汁原味，海鮮控必試！ - 丸類蔬菜：魚蛋、墨魚丸、翠玉瓜、茄子，選擇多到眼花，仲有即烤棉花糖做甜品～ 🍻 飲品選擇多到誇張- 汽水、果汁、啤酒任飲，最近新推九龍茶酒系列，微醺清爽，啱晒後生仔女chill住燒！ - 冷氣獨立房（夠人數可預訂），夏天燒烤都唔怕焗桑拿！ - 唱K、麻雀，小朋友仲可以打機，一家大細都盡興！ - 元朗站行10分鐘就到，市區難得有咁大空間嘅燒烤場！ 呢度真係性價比超高，食物質素穩定，玩樂設施齊全，仲可以無限時任食，絕對係元朗燒烤嘅隱藏寶藏！下次gathering一定會再encore～

黎左唔止一次任飲(無酒精飲品)任食***燒野食最緊要有野飲***最驚喜既係佢地除左有基本既肉食仲有我最愛既串燒佢地有個冷氣房開房可以入去涼下冷氣沖下花茶自製手打檸檬茶整下爆谷、棉花糖確實唔錯

今個暑假終於約齊成班friend燒烤！8月BBQ本來諗起都熱，好彩朋友搵到呢間隱世山莊，簡直係夏日救星！最正係可以包房，仲有兩部分體式冷氣，燒到熱就入去涼冷氣，完全唔怕中暑！環境方面真係冇得彈，除咗燒烤區，仲有麻雀🀄、街機🎮同卡拉OK🎤，玩足全日都唔會悶。食物選擇亦相當豐富，醃肉入味，蔬菜菇類新鮮多款，仲可以請店家代購海鮮，滿足晒唔同口味。以包房+娛樂設施+食物質素來講性價比超高！無論係朋友gathering定生日party都超適合，一定會再encore！建議提早預約，weekend好full㗎～#夏日BBQ #隱世山莊 #包場派對 #冷氣BBQ #香港好去處

近元朗市區 如果想燒烤不失為一個好去處 跟家人們朋友聚會或者開pary不想去酒樓 請來元朗隱世山莊燒烤樂園 這裡有冷氣房間 可容納約20人大房 外面一邊燒烤房間一邊打麻雀 還有小朋友玩耍遊戲 每位任任食自由選擇 值得推介👍👍

隱世山莊BBQ：市區嘅炭火盛宴😋🥩🥓🍗 勁啱一班friend或者家庭gathering！仲有得包房有打麻雀唱K可以玩，夏天都唔怕有冷氣好舒服！🎤🀄️🃏食材：★★★★☆主打自助炭爐燒烤，食材主打本地新鮮貨： 肉類：厚切牛小排油花均勻，烤到五成熟超嫩；秘製豬肋排醃得好入味，甜鹹夾雜。雞翼有幾款口味，超級惹味。 海鮮：大蝦、蜆即日送貨，不過要先預約。 野菜盤：驚喜之選！粟米仔、冬菇等可以解膩，芝士大啡菇，蒜蓉燒茄子！醬料同配套：★★★★☆有自助醬料，多款飲品任意選擇！飲品都好多種類任飲！環境：★★★★★隱世山莊唔係好隱世，鄰近元朗站好方便。勁啱一班friend或者家庭gathering！仲有得包房有打麻雀唱K可以玩，夏天都唔怕有冷氣好舒服！服務：★★★★☆店員好nice，換炭同收碟都好快手，不過因為半自助形式，醬料同餐具要自己拎，對於唔熟手燒烤嘅人可能有點麻煩。 燒肉任食$200起，包房人均$300-400左右，以環境同肉質來講性價比唔錯，係逃離市區、大啖食肉嘅好地方，爽到爆！

BBQ熱到爆汗？冷氣房仲可以邊唱K邊打牌仲有得街機，大人細佬都唔伯悶，真係「嘆住燒野食」～🍖🔥超多美食揀• 必食「肥牛金菇卷」💯 牛肉油香包住爽脆金菇• 雞翼任揀🍗 黑椒/蜜糖/麻辣...• 蒜蓉包🧄 烤到金黃脆卜卜• 金沙骨秘製醃料🧂 蜜糖脆邊超邪惡• 日式牛仔骨🐄 肉質嫩到唔使咬• 大量蔬菜:茄子 🍆 翠玉瓜 🥒 芝士釀冬菇 🍄 粟米🌽 菠蘿🍍🎤🎲【娛樂設施爆燈】• 獨立K房音響勁🔊 • 自動麻雀枱🀄 • 生日專區🎂 🍹任飲區10+款飲品紙包茶類、可樂、7up都有

隱世山莊 🔥🍗🍖「炭火翻飛🔥笑聲不斷😂」任飲任食 BBQ Party Room 食物豐富 環境佳 「燒到唔捨得走🔥」主打任飲任食，環境寬敞，設有 VIP 冷氣房、唱K房、麻雀枱，甚至舞台都有，公司搞活動都可以考慮吓！🍢 食材選擇多：肉類🥓🍖🍗蔬菜🥒都新鮮，無限供應！😊價錢合理：約 $229/位起，高性價比。（VIP房價不同）氣氛熱鬧：適合朋友聚會、家庭活動，設施齊全。 電動麻雀🀄️👍🏻唱K音響好🎤 🕹️仲有街霸打添🕹️飲品任飲：汽水，酒精飲品🍻、果汁🧃選擇多。 環境：乾淨企理環境寬敞，洗手間有紙巾提供，衛生乾爽。

熱辣辣點樣BBQ？元朗呢間隱世山莊， 備有VIP房， 可以唱k，打麻雀， 打機，仲有好多舒服嘅梳化， 地方夠曬大， 可以燒完嘢食， 拎入房，涼住冷氣慢慢嘆。而且佢嘅食物都算齊備, 講得出嘅肉類都差不多齊全了，味道相當吾錯。仲有幾個飲品櫃， 多款飲品供你選擇。 除咗多款肉類， 串燒，仲有小朋友鍾意嘅棉花糖區，爆谷區。我見班小朋友玩得好開心呢。呢個地方真係一個放假嘅好去處。 有得玩有得食，我哋一班朋友玩到唔捨得走。 有機會會再去 。

呢間任飲任食BBQ真係抵到爛！$200幾蚊就可以不限時任坐，仲有冷氣獨立大篷⛺️，入面有齊電動麻雀、卡拉OK、梳化同棋牌遊戲，啱晒一大班朋友聚會～ 食物選擇多到眼花👀，唔同醃法嘅豬牛雞應有盡有，海鮮款式都唔少🦐！特別係可以預訂新鮮海鮮，記得提早同餐廳講～ 飲品方面汽水、茶類任拎🥤，唔怕口渴！ 環境舒服得嚟又好玩，冷氣夠涼❄️，仲可以一路燒一路唱K🎤，完全唔會悶。呢個價錢有咁多嘢玩，性價比超高！ 下次會同朋友再嚟

(不好意思，由於忙，所以遲了寫，但一星期後仍堅持要寫，可想而知這間店的惡劣程度。)25/1當晚7:12到燒烤場，職員告知今晚價錢$249/位+$100爐費用，任飲任食4小時。 問到為何任飲任食會有爐費，他說平時$249/位，現在近假期(年廿六的星期六晚)，所以加收爐費。職員話你哋食4小時，即是11:00要離開(但收12:00)，我哋基於之前去了錦上路一間燒烤場，執笠，費事再走太遠，所以入場。 食物一般，但部份食物都雪到好多冰。職員協助起了個"火種"，要自己繼續起爐。及至燒至10時初，我們剛剛停下來坐著，仍有爐火，職員態度惡劣地走過來話：“啲炭唔洗錢，你都唔好係咁燒啦!你哋如果唔燒就即刻熄火啦! 我們回應“我哋啱啱坐低咋喎，你哋唔係任飲任食任燒咩？而今日仲加咗爐費，我哋啱啱坐低喎(之前我哋企係度燒)職員一邊鬧一邊行開去執拾。過一陣(未夠5分鐘)，該職員又過來“你哋應該食到10:30，夠鐘要走啦！(當時未夠10:30)”職員問過我哋嚟嘅時間，但仍堅持話要我哋離開。這時唯有理直氣壯回應“我哋7點幾先嚟，你哋就話食到11點(任食4個鐘)根本就已經唔夠4個鐘，𠲖家話夠鐘，你哋咁樣點做生意㗎？”於

隱世山莊位於元朗大旗嶺村，係一間好有特色嘅燒烤場，係燒烤迷嘅天堂！只需$229一位加上$180開爐費，就可以任飲任食，唔需要計較每樣嘢嘅價錢，真係超值！燒烤食材選擇多，無論係海鮮、肉類定蔬菜都好新鮮。最值得一讚係唔同其他燒烤場，呢度啲份量足夠，唔會計到咁仔細，整個用餐過程輕鬆又開心。餐廳位置方便，環境開揚，仲有適合大班人嘅座位，啱晒一班朋友或者家庭聚會！仲有唱k房麻雀枱嗰啲好正整體嚟講，隱世山莊嘅食材、價錢同環境都非常合理，係元朗燒烤場入面算係高質之選，推薦俾鐘意燒烤嘅朋友一試！

為左呢間餐廳嘅員工，我做左十年Openrice cd-rom都忍唔住註冊返個ac分享返自己經歷話說同朋友book左大房farewell朋友移民，book左6個鐘，12am要離場大家入左房玩，11點左右出返個爐度發現佢地員工將我地物資(包括自己買來的調味料、錫紙、牛油、紙碟，未燒嘅食物)全部掉左、收左朋友表示我地仲未食完，有一位員工話 佢地都要執野我地表示farewell緊，大家睇緊啲紀念片段，個員工話: farewell大曬咩？你地咁大個人唔識因住時間架咩？吓？但係11點半都未到…我真係好無言，你執我地野掉我地野，無同我地講過一句，唔出聲就收哂掉哂當我地問佢點解可以咁，佢地去推啲佢地收集客人嘅物資出黎，話我地可以攞返，當我地咩？乞衣？我表示唔係呢個問題，係點解唔同我地講聲先，時間又未到該員工無解釋，反而質問我:小姐，你係咪飲醉酒呀？我無飲過酒，所以解釋唔到就想賴我地？我有無飲酒都唔代表可以掉野架喎道理其實好簡單，因為10點半我地俾左錢，佢地11點就想趕我地走，咁不如唔好話咩任食任飲6個鐘啦，做唔到咪唔好做生意咁樣做法，我地好地地嘅farewell party就俾佢地掃哂興當我地據理力爭

本身朋友預約咗任食BBQ，同埋私人冷氣房9位因為我臨時去唔到，所以前一日呢就打咗電話去呢度問一問可唔可以減一位啦打電話嘅時候已經講清楚係姓邊個預約，同埋預約時間以及係九個-1個變八個當時負責人就話冇問題呀，減人可以啊到第二日我朋友去嘅時候佢就話因為有房，所以最低消費係九位就算我唔去都要比態度極度惡劣 明明前一晚打電話嘅時候唔係咁講，最衰係冇錄音。點知佢會出爾反爾？結果我冇去都要俾返$438睇返啲食物，根本就算我又去都唔值呢個價錢啦地點又偏遠，極度唔推介！

來到10月假期，難得約齊人BBQ最適合，因交通方便(西鐵)大家結果選了隱世山莊。地方寬敞又有房租用(麻雀🀄 唱卡🎤 打機👾)合家歡，食物選擇多味道唔錯😋😋食素朋友都有一大堆食物選擇，今次唔怕佢冇野食，門口位又有熟食檔，肚餓人士有即食丸燒賣類，重可自己煮麵煎蛋加菜，飲品係任飲(不含酒精)真係好鬼正🥳如想食海鮮又可以自己帶或叫場主幫你訂，夠晒方便，下次都要再嚟過

極度差$370一位低消包箱，卡拉ok又壞，牌又打唔到，房又唔比換，野食款式同廣告差勁多，掃到最盡都係得10款，明明廣告，起碼有二十幾三十款，黎到得個吉，服務態度又差，真係求大家唔好黎，