隨變 (已搬遷)

是日係舊同事聚會之夜~~~ 舊同事向我地推介"隨變"多時!! 今次終於試到!!!我地去到果陣係8點~等呀等等呀等...等到鬼咁肚餓!等左個半鐘!終於入座喇!一行8隻餓鬼一坐低就不停好落力寫紙叫野食!由於太肚餓~所以掛住食野冇影相 其實最驚喜就係我地叫到成台野食~ 仲食到肚都爆~每人飲左2罐汽水!都只不過盛惠$125一位!!!好味又好抵!! 唔怪得要等咁耐啦!! 最唔好係地方細!得7張台左右,,希望第時隨變可以擴充!!! 加油!!!!…查看更多

訂了檯仍要等30分鐘，地方很熱，飲品一叫再叫也遲遲未送上。雖然如此，但仍有大批食客等位，可見其食物質素的確相當不錯。必食推介：凍豆腐。凍豆腐把麻辣湯底的精華盡都吸收，吃下去有難以形容的快感。其他食物如雞、肥牛等亦絕不會令人失望。…查看更多

去之前都見到其他食評提及地方又熱又細， 去之前都有定心理準備。點知，真係熱到爆炸！先講地方，我地8個人，初初見到聯絡電話係手提，都擔心佢地有無訂位。即管一試，係有既!好彩有定位，唔係一定無可能walk in 容納咁多人。建議多過2個人都要訂位，因為個度實在太細，我諗全場容納唔到20人。我地8個人已經係極限，再多人一定要分檯坐。熱!點解會咁熱呢？我地工程的朋友話根本無通風，D 熱氣走唔到。就算有部冷氣，根本唔夠力。有2部掛牆風扇，都set 定一個方向。後來整郁佢，等D風可以吹過黎，點知唔吹好過吹， 吹埋黎係火鍋既熱風。點解咁熱都唔搞搞佢 ？ 原因佢地9月會搬，唔想整野卦! 所以要食，9月去新店試，如果仲係咁熱，要冬先接受到LA。食物火鍋湯底有辣有唔辣，都係雞湯底。麻辣火鍋可選小，中，大辣。先試小辣唔夠中途可以加辣。個個朋友贊湯底D雞好好食。 個湯都好濃，明顯餚咗好耐。 湯底得雞湯底一種。初初叫小辣，由於我地一D都唔覺得辣，要即刻加辣。可能係中途加入的關係，我覺得一D都唔麻，但香辣。雖然係唔麻，但都好食，好刺激! 狂火鍋料點了貢丸，魚皮餃，牛肉，午餐肉，水魷，菜，薯粉，基本上都OK，咁既價錢，咁既食物，完全收貨。不要期望有物超所值的事情會發生。剩係有人食到D貢丸有怪味，不過我無食到。燒烤點了雞翼﹣ 一般，唔夠香口，可以再燒耐小小，豬頸肉 ﹣ 好食，因為有新疆燒烤的香料，我最愛O個種味!不過D野好快賣哂，成是聽到老闆話依樣無，個樣無!下次去可能要講定老細入多D貨，又或者早D去。飲品有同中醫合作的花茶，話可以解辣同其他食麻辣火鍋引起的問題， 幾好飲。不過飲完一round 又話賣哂！整體其實好食，又平，不過咁既環境食火鍋熱得好辛苦，好似成日想走。如果地方大D，空氣到流好D一定會再番黎食。…查看更多

本人好鐘意食麻辣, 睇到OPENRICE呢間野的食評不錯, 所以就同BF特登走去試下:)七點左右去到, 唔駛等位...而食物都幾多種類, 有火鍋, 串燒, 小菜...我地叫左半隻麻辣雞煲, 真係好正! 好麻好辣, 而且唔夠可以再加TIM!! 而其他鍋料都係D大路野, 不過不失啦...仲嗌左啤酒同串燒, 串燒都好正! 用黎送酒一流!!我地好滿意! 因為食過咁多間麻辣, 呢間係第3間比我地有麻到"震"既感覺, 好正宗! 唯一美中不足, 就係地方真係太細太熱喇! 冷氣開左等於無@@...睇返之前D食評都有此評論...所以我地都未必會再去喇, 雖然好食但係真係好辛苦...唯有等冬天先再去啦…查看更多

自己一向好鍾意食辣野, 聽聞隨變的麻辣雞煲不錯, 便約了三五知己試一試~8點左右去到要等位, 大概等半個鐘, 不過入到去真係打左個”突”, 地方十分淺窄……..加上我地6個人去, 坐正門口位及出菜位…真係好逼…..好逼….而且空調近乎零….早知坐出面好過~等位前已經order定麻辣雞煲, 一邊中辣小麻, 另一邊小麻小辣, 所以一坐低, 麻辣雞煲好快上枱~第一啖食確實係好辣下(中辣小麻), 但好快就適應左 , 可能係因為加湯既關係, 湯底會越食越唔辣, 不過佢地好樂意再幫你加辣, 所以並唔係大問題!!!!!湯底味道一流, 足料, 雞十分新鮮, 好好食. 因此配料未到, 大家已經忙個不停狂掃不過湯底雖然出色, 但其他order的配料全部冷藏野, 冇樣新鮮!!!! 實在大打折扣, 唯一覺得不錯的是自製艽菜餃及凍豆腐……其他不值一提, 令外bbq野亦只屬一般~如再有下次唔會order!!!!!!當日老闆娘講過會搬遷到較大的單位….好似會搬去佐敦道~~~如果事情屬實, 先會考慮再黎!!!!!因為環境太逼太熱, 趕客之餘食慾亦會大減~~~~~~~…查看更多

麻辣癮起,好想食川菜,上openrice search,見到人地話呢間鋪的麻辣掂,於是二個人駕車去一試.去到見到間鋪細細間,好多人係出面等位,街上又熱,有少少想走,但既然一場來到,只好忍耐一下.幸好,沒有走,否則就錯過了這一餐令人滿足的麻辣鍋.由於地方狹窄,加上很熱,所以沒有興緻影相.我們叫了半隻麻辣雞煲($68),開始時叫了中辣中麻,我最愛吃鍋內的洋蔥及青椒,好入味!2個涼拌小菜,涼拌青瓜($13),好多蒜好惹味;麻辣金錢肚($20),雖然不甚特出,但都ok.兩個人想試多幾款食物,所以有些配料叫1份,(好似叫1碟抵d),點了:1份香菇($6)索哂d辣湯好美味1份腐皮($6),好得意,好似麵條1份手打墨魚丸($10),no good,可以不點1份手打鮮牛丸($10),ok1份皇帝菜($8),食到中途叫加麻湯,結果菜索哂味,果然麻得有料到1碟窩筍($14),幾特別,下次想試涼拌1份自制魚皮餃($10),ok,但淥得耐好散1份魚片頭($8),冇特別1份芝士腸($6)1碟薯粉($16),必食,也為整頓麻辣餐來個完滿的句號.1支大青島($16),1罐可樂($8)追求麻辣快感的,會喜歡這店的麻辣湯底,鄰座有客人對老細說希望他們快d搬大鋪.(地方真的又熱又窄,再熱d來,真係好辛苦!)…查看更多

不知不覺間已成為隨變的忠實擁躉, 最高紀錄試過一星期食咗3 次,連老板娘也忍不住叫我停一停, 不要吃得太密; 會太上火和熱氣. 上星期 2 隻麻辣怪又出動往隨變, 今次又係麻辣雞煲半隻雞(中辣大麻) , 實在太愛這雞煲了, 香.麻.辣樣樣齊, 由第一次食到今時今日都保持水準, 絕不因為客多了而變得水準不穏, 抵讚 雞煲的鐵胆配搭 - 點了腐巻. 豬紅. 午餐肉.餃子.冰豆腐.薯粉etc.....當晚雞腸無貨, 老板娘提議食鵝腸, 心想新鮮鵝腸很難攞貨, 應會是急涷貨色吧!怎知竟是新鮮鵝腸 真有點喜出望外:) 但還是覺得麻辣煲配雞腸比較夾另要一讚是新推出的涼拌蒿筍, 麻辣汁調校得好恰到好處, 再配上蒿筍的爽鮮, 又係一吃愛上:) 蒿筍是時令菜, 祗有春季才有, 要吃趕快, 過多2 個月就會沒有了.最不好意思是當晚老板娘為我們弄這味涼菜時不小心把手指給刨刀刨傷了; 流了不少血呀:(2 個辣怪吃得心滿意足再加多 2 支大啤才$240- , 真係次次我都笑住走的:)P.S. 相影不多, 因雞煲一到已忍不住馬上動筷了…查看更多

這是峰迴路轉、得來不易的一餐。自從二月份再訪聯記卻極度失落的敗性而歸後，一度對於隨意坐下享受一頓簡單的麻辣已經放棄，心理都已經有所準備，今後要克制嗜辣細胞，恐怕必須要往「滿江紅」吃一桌菜的路線前進。所幸食友「肥寶寶」介紹「隨變」，看到其他人的食評，那種家庭氛圍的感覺立刻打動了我。不過一直先入為主的以為，兩個人要吃一鍋麻辣雞煲是很拼的事，但是喜歡打邊爐的朋友多半不太吃辣，因此遲遲約不到人一起來試試。就這樣過了兩個半月，沒有好好的吃一頓辣，嗜辣的細胞早已蠢蠢欲動。週五下班前夕，跟公司老饕聊了半小時關於「食」的話題，尤其是關注在「麻」與「辣」上，我決定今晚要好好的吃上一頓，讓兩個半月沒有得到釋放的嗜辣細胞來個痛快。正跟大力女王討論該去哪裡吃辣時，同事傑少又跑過來桌子旁東晃西繞。「今晚要去邊？」傑少問。「想去食辣，你去唔去？」其實我只是隨便問問，因為傑少不太吃辣。「好呀，邊度食？」傑少的答案非常讓我出乎意料，這傢伙上回在我家打邊爐時幾乎是淨吃不辣的清湯鍋。於是再約傑少的女友───師傅，就決定一行四人來試試「隨變」。兩個半月的等待，終於約到人來吃，偏偏是約了遲到半小時以成習慣的小情侶。抵達佐敦站時打了電話給師傅，她才剛剛踏出離佐敦還要半小時的公司門口。「咁樣你知道遲到唔係我既問題，」傑少說。是嗎？上次約在我家吃飯，不是你前一晚飲大佐所以遲到嗎？一陣折騰後約莫八點半抵達「隨變」門口，僅能容納不到二十人的小小店裡已經座無虛席。問了酷似老闆的人幾點才會有位置，老闆一臉抱歉的說「都係剛剛坐低，可能仲要一個鐘」。「出面打一張檯唔得乜？」我看到外面有幾張小桌子收在一旁，心想應該可以坐在路邊吃吧！「唔好意思，呢排食環署抓得好嚴，依家既時間唔可以係出面擺檯，」酷似老闆的人一臉歉意的說。中午沒有進食的大力女王與我已經餓到頭昏眼花，於是交給師傅交涉留下電話後，便到隔壁的小茶店坐下，繼續等待一個小時後，終於有了位置。已經等了兩個半月，在最後關頭我是不會放棄的！一直覺的吃麻辣，除了要夠麻夠辣，香味也是令人魂牽夢縈的關鍵要素，一進入店裡，空氣中瀰漫的花椒香味，已經讓我覺得「隨變」的出品一定不差。點好各式各樣「中麻小辣」的菜之後叫了一枝青島，靚姐先送上來兩個冰凍凍的鐵杯，讓我與傑少「哇」了一聲，用冰陣的鐵杯喝啤酒，還真的蠻特別的。約莫十分鐘後，期待以久的「半隻麻辣雞煲」終於送上桌，聞到暗紅色的湯底飄過來陣陣撲鼻的香味，顧不得雞肉還冒著煙，立刻夾起來往嘴裡放。「麻辣雞煲」好吃！一入口並不會覺得太麻、太辣而導致太嗆，各式香料比例平衡的很好，麻味是吃進嘴後略為咀嚼才慢慢呈現，然後在吃了第二塊、第三塊雞肉後，上下嘴唇開始跳起的士高！同時雞肉夠嫩夠滑而且不油膩，整隻雞都吸滿麻辣湯底的香料味道，雖說香港現在都是冰鮮雞，並非現宰現殺，但也吃的出這隻雞非常新鮮。「麻辣雞煲」還有另外一個特別之處，我是第一次吃到麻辣湯底會加上整片洋蔥一起煮的。洋蔥吸飽了湯汁，表層附著辣油，咬入口還有脆脆的口感，讓我興起下次在家打邊爐也加顆洋蔥試試的念頭。其餘的配角們也都不錯，我尤其喜歡「手打墨魚丸」，墨魚的味道非常濃郁，而且彈性十足！女士們則相當喜愛「薯粉」，一口接一口的吃立刻見底；「豬紅」、「雞腸」、「韭菜餃」、「凍豆腐」也都屬於水準之作；「蘿蔔」則是切的較薄，雖可以更快煮熟，但我偏好厚一點的蘿蔔；「金針菇」沒有土味也可一試。另外一個值得大書特書的就是「凉伴窩筍」。窩筍凉凉脆脆、口感極佳，而且味道做的極好！浸在帶點暗紅色的湯汁中，吃的到些許的相醇辣油但並不油膩，花椒為主的麻味陣陣撲鼻，而且上頭灑著新鮮蒜泥實在是非常提味，吃上幾口上下嘴唇又開始跳起的士高！最後送上的則是幾乎被我一個人吃完的「辣子田雞」，炒的夠亁身而不油，而且麻味十足，火候雖不是頂級但絕對可算是佳品，吃的是我汗流夾背宛如大珠小珠落玉盤！一邊吃老闆娘（應該是吧？）還過來寒喧上幾句，「我們的窩筍好唔好食呀？」、「辣子田雞的辣椒都可以食喔！」，吃的停不了口的我是頻頻豎起雙手大拇指，配合著其他三位的「好食、好好味」聲此起彼落，我想老闆娘看到應該也很開心吧！後記：1.還有一盤「雪花肥牛」沒有拍到照，反正我不吃牛！店家非常的老實，說雪花肥牛份量不夠一份，只要算我們58元即可，不過我看58元也是相當大一碟。2.由於小情侶並不會吃很辣，所以這次只點了「小辣中麻」，如果你可以吃「三希樓」或「前」「聯記」的小辣，那你到這兒一定可以吃「中麻中辣」。3.如果你也苦惱沒有人一起可以吃辣，兩個人吃半隻「麻辣雞煲」加上「凉拌窩筍」我想應該行有餘力，不一定要呼朋引伴才有辦法享受美味。…查看更多

:)同事小茶極力推薦下,終於約埋小粗同美食達人-KITTY肥妹, 齊齊啦之煲!麻辣一番-辣雞煲, 有半只 $68 or 全只 $128 (就算全只份量都唔係好多)秋耳, 單份叫有jetso過叫一碟韮菜餃;響玲,蓮藕 幾good !凍豆腐 入味後都很好味海帶/金姑/午餐肉/魚皮餃 不過不失啦 墨魚丸略嫌咸了點…查看更多

本來一心去老趙, 估唔到門口排隊有二十幾人, 唯有轉plan 到其他食店搵正嘢, 行行吓見到一間好細舖頭, 又見有幾枱人食得幾開心, 於是博一博試吓, 點知真係有驚喜.個麻辣雞煲好大煲, 低食, 而且味道比出面好, 真係食到麻同辣, 兩者皆有, 唔係辛辣, 正!其他食物質素ok, 無味精, 不過成晚飲咗好多可樂, 因為實在太辣, 下次我諗叫中辣穩陣d!牛肉串燒好好好味, 仲有墨魚丸. 唯一改善係舖位太細, 得二十個位, 真係要快! 不過地點交通方便, 泊車亦有位, 今個月一於再去.…查看更多

看到開飯喇的食評說隨變的雞煲夠麻, 昨天晚上需已飽食晚餐, 但亦忍不住相約友人往一試. 自問愛吃麻辣, 亦吃過看多坊間說好味的麻辣; 酸辣, 如傷心酸辣粉.雲貴川. 聯記川王.川粵.譚仔. 四川等等... 記得上次吃聯記川王時更是下着雨; 2 個人迫坐在店前小小的空間吃着連蔡瀾在節目中也大讚正宗的四川麻辣, 需不差（也不是第一次幫襯了), 但和我心中想要的味道還是有點距離, 吃後也沒出現心思思, 盤算着何時可盡快再往一吃的衝動. 我想坊間的麻辣店多偏重香港人口味, 所以不敢太麻也不敢太辣, 始終南方人嗜勁辣的不太多吧 ! :( 就算我最近往深圳向西村的渝君重慶火鍋吃的雞煲.麻辣肥腸煲.毛血旺等也出現了偏向港人口味, 唔夠麻的弊病:(隨變不太難找, 在文蔚街的前段, 店很小, 20 個位不到, 但她的雞煲真令我驚喜, 要了大辣, 一吃已經覺得夠麻有料到 :)初段還頂得住, 但往後越滾花椒越出味, 越吃越麻, 吃得咀唇打震, 不停出汗, 非常剌激 說回食物, 雞煲是即叫即整, 可選一隻雞或半隻雞, 我叫的是半隻雞, 內裏祗有雞.青椒.蔥和洋蔥, 但也很大煲, 吃得出雞是新鮮雞, 開頭吃雞嫩滑無比, 吃到尾聲也雞也不太嚡, 出色又夠味:)因和友人都已吃晚飯, 所以除雞煲外祗點了: 秋耳. 墨丸. 雞腸. 冰豆腐. 腐皮, 冰豆腐配麻辣一流, 雞腸是新鮮雞腸, 和麻辣鍋出奇的匹配, 香港越來越少店有新鮮鵝腸供應, 退而求其次, 新鮮雞腸也不失為一個不錯的選擇. 其它都不過不失, 但我醉翁之意袛在乎雞煲嘛 而且配料多是數元一小碟, 合哂我哋 2 個又飽又想吃的心意. 連啤酒 1 大支, 埋單祗需 $114, 好味又扺食, 下星期一定叫多幾個同道中人再往大吃一餐 走時看到門外的小枱坐了 3 位外省姑娘, 她們也說最近才發現這小店, 但一吃就愛上了, 3 個姑娘說她們常往深圳吃麻辣火鍋, 但第二天一定拉肚子的, 但在這店就算吃大辣的雞煲也不會出現拉肚子情況, 而且味道夠正宗喎. 最後一提是老板娘, 老實又有禮, 再加分:):)…查看更多

點了一個麻辣雞煲, 芝士腸, 嚮鈴卷,牛柏葉, 鵝腸, 木薯粉, 整個麻辣雞煲味道偏麻但唔算好麻.而且有需要可以=叫佢加清湯或加辣湯...即使我地已經點左大辣,仲鐘意食呢到ge嚮鈴卷,三秒就食得...仲好薄.所以點左兩碟...如果可以的話最好加碗飯邊烚邊食...味夠濃...老實多講真係可以再辣D ....呢到有屋企feel,因為老闆娘仲問我地飲唔飲湯添...…查看更多

聖誕節晚上在友人家看到介紹佐敦美食的雜誌...看到這家吃麻辣雞煲的...看照片似乎不俗...就是翌日吃過日航假西班牙tapas自助餐之後的十一點....來到這裡吃一個暖暖的麻辣雞煲...店很小...之前是做串燒的...只有五張檯...十一點多...都幾熱鬧....點了一個中辣的麻辣雞煲...金菇...午餐肉...肥牛...腐竹...墨丸和魚餃...除了肥牛之外...大部份的火鍋料都是可以要小份的....那麼兩個人去也可以多叫幾款試試...麻辣雞煲製作需時...都好像等了差不多十五分鐘才有得吃...一上檯...大大煲的...幾乎要站起來才看到煲底...香辣麻味撲鼻...急不及待吃一口雞...雞很嫰滑...很入味...不過這個中辣就不算十分辣...但幾麻...麻得嘴嘴有點痺...這裡和我以前吃的雞煲有點不同的是麻辣湯底比較多...是真真正正用來打邊爐的...在佐敦另一家吃雞煲的...幾乎要吃掉全部雞...然後再加湯才可以打邊爐...除左雞以外...裡面還有青椒和洋蔥...吸收了麻辣湯底的精華...超級好吃~~~配料都是差不多...肥牛有點廋...如果肥一點就更好...墨魚丸幾彈牙...這裡的腐竹跟平常打邊爐的有點不同...這裡的切成粗條狀...吃起上來就好像百頁結拆開了來煮一樣...鞋鞋的...都幾特別...午餐肉是梅林牌的...~第一round不夠飽....所以再點了牛丸, 秋耳和多一份午餐肉...另外火鍋類之中沒有麵粉類的東西...跟店員說起...原來是可以點紅薯粉的...紅薯粉大大盤的份量有點誇張...煮起上來煙煙靭靭的...而且火鍋煮到後期越來越辣...很刺激...黑椒牛丸不知為何裡面十分鹹...主理人說是跟四海訂的...不知是否這批次特別鹹....第一次吃秋耳...是雲耳木耳的朋友...主理人說是有季節性的...不常有...吃起上來味道跟雲耳都差不多的....整體來說很滿意...下一次再多叫幾個嗜辣的朋友來才行呢~~~p.s. 照片拍得很矇...沮喪...~_~"…查看更多