隆抄手

營業中

休息中

第一次經過，只係叫咗佢28蚊嘅雞絲粉皮小試牛刀，已經覺得嗯嗯好食！第二次，放工落黎洪水橋就醒起佢！堂食3個人幾乎試哂佢一大半野食，只想講性價比高你要黎試試！叫咗3個麵，我個人鍾意濃味會排1.擔擔麵（濃濃花生味2.醬牛湯麵（啲牛肉大大舊cls3.雞白湯麵（食過美孚嗰間太好食，佢真係完全比下去🤣雞絲粉皮，繼續微涼清爽好食～雲吞，你以為佢好厚皮？錯了佢皮薄餡靚！鍋貼，食落第一口諗咁重胡椒味好似假假地，我錯了原來唔記得咗佢係胡椒鍋貼🤣小籠包，juice到呢，屋企人一咬成條褲都係😂紅油抄手，絕對唔係嗰啲咩一野倒啲油落去，佢係有個紅油醬咁嘅汁喺上面。最後仲有個狗不理？問咗咩黎原來係個梅菜扣肉包，嘩而個包又係好薄皮，好痴線～鍾意周圍試，食到好食嘅小店都希望佢地有多啲人支持，要長做長有😭

價錢好抵重點係所有野食都好好食上次係朋友帶黎真心覺得有驚喜今次帶男朋友黎食抄手我至愛鍋貼好大隻小籠包要小心食，真係爆哂汁銀絲卷好鬆軟，我上次見到師傅好似搓緊麵團我相信係師傅自己整既！上次有叫醉雞翼，個汁無敵不過如果雞翼能再入味就真係不得了😂總結值得推值得食

聽街坊推介 Bookmark左好耐既一個隱世小店座落在洪水橋臨時街市附近舖面細細但乾淨簡約，唔會油膩膩坐得唔舒服，而且服務亦非常有善，係典型街坊小店試左兩款面食- 擔擔面和麻辣手撕雞撈面再另加小食- 紅油抄手和雞絲粉皮所以食物都非常驚喜，價錢唔貴，但質素份量都好有誠意擔擔面充滿花生香，唔會好似坊間咁浸住油；撈面有大量手撕雞，值得一睇，拉麵麵質彈牙有質感，10分推介！紅油抄手粒粒飽滿，醬汁好開胃，$10有3大粒；踩單車經開/洪水橋街坊真心值得一試，支持小店😊

今日同老公特登過嚟試！佢越叫越多嘢，食到我好飽，不過真心好食而且價錢抵。擔擔麵我覺得仲好食過家上海，好足料好濃花生，不過有少少膩。紅油醬牛肉拌麵，啲牛肉好腍，拌麵好夠份量，我覺得好好味而且唔油，不過老公鍾意食擔擔麵多啲。小籠包正常都好食，但係唔會覺得有特別大驚喜，紅油炒手同雞絲粉皮都好好食，而且加$10嘅小食份量一啲都唔少，老公追加嗰個手抓餅，依個真係驚喜啦！$20超級好食，一定要試，$18鍋貼2隻亦都唔錯，皮好脆而且餡料脹卜卜，整體好滿意同好滿足，如果經過會再試。

經寵物店老闆娘介紹黎食，原本唔抱期待，都係諗住等拎狗狗個陣搵野填肚，點知黎到又大份 仲要勁好食，全部野都好入味又無話覺得過份左 ，好岩我口味😁 而且價錢優惠 真係性價比高又出色👍👍👍今次叫左既野最好食係小籠包同醬牛肉湯麵，湯底濃 麵條適中 整體配合適宜，小籠包都係，所以都真係希望呢個小店堅持落去，平時用OpenRice留評價都係因為難食 伏 嬲到要寫衰佢！但今次真係覺得要讚呢間，直接成為我口袋名單😆😆fitfit

估唔到係洪水橋可以食到好味京菜。紅燒肉麵好味，又香又淋，狗不理都唔錯。57$ 有麵加兩個狗不理，性價比高，藉得推介🥰🥰🥰服務態度好👍🏼希望可以keep 住水準，下次再試其他

我係小籠包痴，一見到邊到有小籠包就想去試下。近來常見人介紹呢間小店，所以下班就騎單車去試下。店內光猛清潔地方唔算好大，只有一排對牆的單邊座位約有8-10個，餐牌上的食品飲品不算多，但好食何需多。他們的一麵一點套餐價錢實惠，最適合一人食用。因為我目的是小籠包所以就散叫了一客，另加招牌擔擔麵一碗。小籠包皮薄多汁，算係我近來吃排行第2/3好食，反而估唔到擔擔麵的花生芝麻醬湯如此香濃，只可借麵條未夠爽滑。如果能多加一些飲品選擇就更好了

洪水橋嘅餐廳唔多，咁啱行到臨時街市果頭，見到隆抄手 lunch time都有一個單丁位可以坐，我梗係即刻衝入去，試下新餐廳啦😂隆抄手主打擔擔麵之類麵食，一入去，環境光猛嘅，兩個店員姐姐都好nice，主動介紹佢地有set可以嗌，會抵食d，另外就算加罐汽水都係6蚊，唔似其他餐廳食水咁深。我揀咗個京式炸醬拌麵同小食雞絲粉皮，加多罐Zero 😂。店員小姐係成個托盤，連餐具紙巾咁捧過嚟，感覺比較衛生同埋企理d。炸醬拌麵賣相幾靚仔，個麵勁好有咬口，炸醬煮得香，量都多，個麵掛汁同肉碎都好濃，好好味。雞絲粉皮嘅粉皮都多，醬汁應該係胡麻加花生醬，食落味道都唔錯，只係雞絲份量太少，少到有d失望。埋單54蚊，呢到份量真係好夠飽，下次會想試下佢地嘅雲吞同水餃😊