隆姐泰國美食館

營業中

休息中

泰式小館食評｜朋友聚會大滿足！🥹✨今次同班朋友試咗間泰式餐廳，樣樣嘢都好好食，真係食到好幸福！朋友知道我唔食得辣，專登揀咗**椰子雞湯**，一飲就愛上～湯底清甜帶椰香，朋友仲話有啲似冬陰功嘅風味，但唔辣好啱我❣️ **炭燒豬頸肉**絕對係必點！外層燶邊脆口，內裡肉質嫩滑，油脂香濃但唔膩，食落超正🐽～**肉碎飯**雖然有少少辣，但香氣十足，加埋兩隻流心煎蛋撈勻食，簡直無得輸！ **咖喱配**蒜蓉包**係另一個驚喜～咖喱香濃唔刺激，點埋脆身蒜蓉包，味道超級夾😚！最後以一碗暖笠笠嘅**泰式糖水**作結，是送的！！甜而不膩，完美收尾🙈～ 環境唔算豪華但坐得舒服，食物質素高，人均$166性價比爆燈！絕對會再encore～🌟

係街坊私藏嘅泰菜寶藏！今次試咗5款招牌，最後仲有暖心驚喜——每人送碗椰汁紫薯西米露，甜到入心又有人情味，抵讚！ .1️⃣ 生蝦刺身冰震上台夠曬爽！蝦肉彈牙，但美中不足係有啲大條黑色蝦腸未清走... 配蒜片同辣椒片一齊食就冇得輸！個生蝦汁酸辣得嚟好開胃.2️⃣ 糯米釀雞翼心機爆燈💥！去骨雞翼塞滿調味糯米，外皮炸到金脆，咬落「咔嚓」聲，糯米飯索盡肉汁香，口感層次玩曬！ .3️⃣ 冬蔭海鮮湯 (細Size)足料到尖叫👏！大蝦、青口、菇菌塞爆碗，酸辣湯底勁道夠椰香，細size兩人share啱啱好，唔會辣到噴火又過足癮～ .4️⃣ 泰式鹽燒黑鰂魚魚控必點！魚肚塞滿香茅檸檬葉，腥味？唔存在！鹽殼一劈開，魚肉嫩到筷子夾唔起㗎～蘸青檸辣醬，鮮味×10倍！ .5️⃣ 飛天炒通菜鑊氣十足蝦醬香，通菜脆卜卜⋯⋯但！份量真係少到心碎💔 一啖清碟，想Encore啊隆姐～～ .隱藏彩蛋：椰汁紫薯西米露食飽飽突然送嚟！紫薯西米露，呢份人情味，比食物更難忘啊！

九龍地呢間泰國菜， 有地理優勢， 佢就係地鐵站對面。隆姐既地方算太， 枱與枱之間吾算太迫， 算舒服的， 朋友間傾計， 亦吾算好嘈。九龍城泰國菜超多， 可能因為咁， 人亦吾算多， 每次黎都即時有位， 服務員態度吾錯。食物方面， 見樓面廚房都係泰國人， 相信係泰國人打理， 味道尚算正宗， 一般泰國菜味道。菜單亦同其他菜館分別不大。我地點左青咖哩雞， 串燒， 炒金邊粉， 青檸梳打。青咖哩略嫌味太濃， 可能味精多了。串燒吾錯， 有肉汁， 個沙嗲調得滿意。炒金邊炒， 配炒較少， 味道太淡， 係一定要落辣椒醬才夠味嗎？青檸梳打 OK, 尚算清新。整體不過不失， 價錢偏少貴。

原先諗住去九龍城食泰國菜，諗住呢間有分店應該唔會差得去邊，所以今日walk in 攞位。一黎到有個好似泰國人既職員企門口，全程串嘴、呼呼喝喝勁無禮貌，連企喺門口等都罵你，呢d鋪頭真係你食埋去！

好鍾意❤️去泰國食船麵既我，次次去親泰國，都要日日食😋！喺香港週圍試過呢，啲麵有啲就好貴，但係覺得唔抵食，有啲平得嚟呢，直情唔好食😪。今日試呢間呢👍就係我心目中喜愛嘅味道喇，啲辣椒粉又夠辣，好鬼正丫，經濟又好味😆難得難得！經開九龍城真係要去食下。食完碗麵，D姐姐重要送咗碗糖水畀我，真係好窩心呀🥰🥰。

都知道九龍城是泰國菜集聚之地，現在有宋皇臺站就更方便了。這家泰國菜我真的是去過5次以上的店，從小就吃了，看著從小店搬到大鋪。🥘雞咖喱大包🐷炭燒豬頸肉🦐生蝦赤身🍤泰式拼盤我一定要點這個咖喱大包，超好吃，雞肉很入味，把麵包沾滿咖喱汁，十分惹味～豬頸肉碳烤味濃，也很嫩。生蝦赤身十分新鮮，配上醬汁不錯不錯。想吃不同類型的泰式小吃？點這個拼盤就好了，泰式春捲，蝦餅，魚餅，配上甜酸醬，一定要點～最後來一個芒果沙冰，透心涼～

往昔在舊舖食客背對背坐著，大家吃得開心的味道，可惜已消失殆盡，襯聖誕夜重臨九龍城隆姐，點了幾個菜都不行 1）青木瓜沙拉：沒有辣椒/辣味，又扣起甜酸味，只剩下鹹味，很難吃。2）黃咖喱軟殼蟹，蟹應該炸了好一段時間，上面的醬色香味不全，而且不熱，廚房只是幾步之遙，不想太囉嗦了…下刪三百字。3）泰式蠔仔蛋，炸粉厚耷耷，太沒有誠意。埋單出門口舉頭一望，發現招牌上的姐字缺了「女」字旁，變成隆 「且」，相信不是被拆招牌，只是來不及維修，只怪自己太大意，那麼明顯的提示都踩雷，「得過且過」是現今香港飲食業的縮影否？這個真實評價是盡量用書面語寫的，你們都看得懂的，對嗎？

今晚想食泰國嘢，就去咗隆姐 ，本期待一切美味的晚餐但我們非常之失望。叫了個木瓜沙律，我想像中差，因為實在沒有用心做好木瓜沙律，一句講晒唔好食。串燒沙嗲豬及雞 非常之硬，沒法把肉由竹支拔出來！侍應們都黑口黑面，唔想見到你叫佢，待應努力避開我們的眼神，遞上食物放在枱邊就算，難道我在枱邊夾食物，為何不放在枱中央？現在有這樣的服務態度嗎？我不是要求高，只是想開開心心食一餐，看到你們的服務態度及食物質素，真心失望！本想叫咖喱炒蟹 竟然要$630元，冇環境、冇服務質素，怎樣能收$630 元！ 咖喱軟殼蟹蟹只有炸粉 大大舊，相片只係影咗隻雞翼就算不值一提，炒芥蘭 小得可憐，期待有改善，將來就是不會考慮再去！ 因為我哋食到一半多啲，佢就遞上甜品，意味着 快啲食完要走人！但出面冇人在等位！

最近同朋友去咗九龍城一間泰國餐廳～ 多嘢食揀得嚟，味道仲好正。我首先試咗個青咖喱配飯，咖喱好濃郁，唔會太稠，啲材料新鮮，淋喺飯上面一流，真係一啖接一啖停唔到口。之後叫咗個泰式拼盤，有炸蝦餅、泰式春卷同炸肉丸。炸蝦餅唔係嗰啲鬆脆嘅口感，反而好紮實，蝦味好濃。春卷又香又脆，炸肉丸有啲香料嘅味道，幾特別。再嚟就係豬肉生菜包，豬肉炒得好嫩，仲可以用生菜包住嚟食，清清爽爽，又唔會覺得膩。冬陰功湯係必點，酸辣味調得啱啱好，飲完好爽口，暖胃又開胃。最後仲有個炒蝦金邊粉，蝦好鮮甜，金邊粉唔會過油，味道又香又惹味，份量仲夠哂飽。

好耐無食過泰國菜就係收工後，特登黎到九龍城逛逛點解要黎九龍城？！當然因為九龍城多泰國餐廳（仲係好多係泰國人自己開，更加有泰味）今次，就黎到隆姐泰國美食館。一入去，泰泰姐姐帶我地去後場位置坐低，因靠門口位置多是大枱，都坐滿人喇！之後同朋友一共點了4款食物：🥢椰青海鮮盅（咖喱類）不同海鮮（包捨：魷魚、蝦、青口）放在新鮮椰青中，另配上娃娃菜還有不能少了椰青肉😍混合黃咖喱，整個盅只有兩個字可說———鮮甜😆椰青肉十分嫩口，海鮮鮮味十足，喜歡吃咖喱但又不想吃辣，可以考慮吃這個❤️❤️❤️🥢蝦醬炒飯蝦醬炒飯是我一定會吃的泰食之一，所以來了這間，我一定會點。大家吃的時候，一定要幾樣配料一齊吃下去，肉鬆甜的、蛋蛋、飯（顆粒分明）、臘腸，雖然是炒飯，但不油膩，配上海鮮盅咖喱，我跟朋友都把飯吃光光😆🥢泰式飛天炒通菜通菜有幾個味道挑選（馬拉盞、辣椒膏、鹹魚、飛天）我們就挑選了飛天，配上蒜蓉、些許辣椒、泰式黃豆，炒在一起，有一點微辣，通菜很鮮嫩，十分好吃😋🥢醃海鮮沙津這道菜超級開胃，酸酸辣辣吃了就停不了，魷魚爽口很有咬口，鮮蝦夠新鮮，肉質有彈性不是軟軟的肉呀，拼起來是一道很好的開胃菜❤️P.s.大家喜歡吃泰國菜，就不要

搵位度：🌟🌟🌟好食度：🌟🌟🌟🌟抵食度：🌟🌟🌟🌟九龍城泰菜選擇多就唔使由我嚟通知大家。幾個巨頭入面隆姐都算屹立好多年，仲有兩間，我都幫襯咗好多年，貪佢食完有個西米露甜品仔。最推介叫邊幾樣嘢呢？燒雞燒魚燒雞翼可以不過要等半粒鐘一坐低好嗌，我鐘意蠔仔蛋，農夫包性價比之選。冬陰功湯河晚市都可以叫，三份一嘅價錢有冬陰功湯飲，又食得飽，必叫。以前芒果冰沙好飲，而家糖水太勁；鍾意嘅三色冰都唔錯。有朋友問我兩間邊間好食啲，我覺得差唔多，邊間有位去邊間。

💬 Openrice評價相當一般，但去到見到都坐滿就安心啲喇🤭 間鋪幾大，但坐得好逼，不過就可以慢慢坐唔趕你走～.首先要推介海鮮咖哩大包！！咖哩唔係好重香料/ 咖哩嘅濃烈味道，而係相當易入口，亦都唔辣，不過重點係個包，想講個包真係真係真係好出色！！🥹 出面超脆，而入面係厚身又勁鬆軟，沾埋啲咖哩食好正😍.小食拼盤正路嘢，熱辣辣即炸，我覺得入面最好食係冬蔭功魚餅！然後蠔仔蛋係見好多枱叫而望落幾好食就試吓，都唔錯炸得好酥脆！ 串燒同菜就都正常啦～ .整體嚟講嘢食都ok，上面呢度再加嘢飲，人均$151，為咗個咖哩麵包會翻撻再嚟🤤.P.S. 九龍城有2間分店，睇清楚book邊間唔好去錯😂

68蚊柚子沙律得勁少（如圖），感覺係38蚊既份量；炒濕河好似湯河咁上，唔知係咪泰國唔同地區既口味分別overall 九龍城有咁多間泰國野，尼間真係唔會係first priority

去九龍城搵嘢食，路過見到幾多人食緊，咁就即管入去試吓啦！點知一坐低就係惡夢開始，坐喺較入少少位置，衛生狀況超差，啲垃圾渣周圍放，阿姐用條勁污糟嘅枱布抹枱，抹完張枱勁污糟！叫咗8樣嘢食，其中兩個疑似漏單，隔咗成50分鐘，要催佢先嚟。食咗未夠一個鐘，啲嘢食因為佢遲嚟，都仲未食完，就已經催埋單，但我又唔見有人等緊位喎！返到屋企，人人口渴到狂灌水價錢唔算平，嘢又唔好食，衛生差，服務差，有人食真係奇怪，早知睇咗Openrice 食評先啦，原來咁多真實負評

平時見到門口咁多人等位，今次第一次試食，不過試一次，下次不了。份量少，味道又唔好食，職員服務態度又不好。我哋5:15pm堂食，一早已經叫芒果魚鬆沙律，催了幾次單，最後7:00pm已經食飽先到，芒果魚鬆沙律份量都好細份，味道可以。另外，豬肉生菜包，我第一次係香港見最細份，而且價錢一細碟係要$70。最後，值得一讚嘅係，佢會送一碗西米露糖水，但味道都係一般，不過免費就不得評論。