2
0
1
港鐵石門站 C 出口, 步行約3分鐘
繼續閱讀
營業時間
星期一至日
07:30 - 22:00
以上資料只供參考, 請與餐廳確認詳情
Hello 大家好👋🏻！今日我嚟到位於石門嘅「陸記燒臘茶餐廳」。呢間「陸記」以燒臘出名，我間中都會買燒味外賣，今次真係第一次堂食佢哋早餐。 真係一個唔太開心嘅經歷。 樓面有兩位姐姐，一位長期係收銀櫃安排燒味外賣 （呢朝真係多人買燒味嘅），另一位一手包辦落單、出菜、收枱， 所以時間上係要等好耐先有人落單、出菜… 可能做到好辛苦，都體諒姐姐，但佢啲態度真係有待改善， 就算人手不足，請人難都唔好送餐送到掟落枱😌我點咗「五香肉丁麵+餐肉煎蛋+牛油餐包+茶走」。先講下杯「茶走」， 落單要「茶走」，但水吧整咗杯普通奶茶😤… 因為等落單同上杯奶茶都等好耐，所以我照飲，無要求轉。肉丁麵味道不過不失， 係多咗兩條菜，呢樣就幾值得欣賞嘅。件牛油麵包食落去係完全冰冷🥶，感覺係唔新鮮嗰種硬實， 煎蛋無蛋味， 件餐肉仲有啲微酸，唔知係原本個餐肉係帶酸味還是咩原因… 我唔想再諗落去… 😞呢個早餐經歷真係唔開心， 服務員態度好有問題，食物質素又低… 建議主攻燒味， 唔好做咁多其他食物。美食指數：5🌝最高味道：🌝🌝🌚🌚🌚環境：🌝🌝🌚🌚🌚服務：🌝🌚🌚🌚🌚賣相：🌝🌝🌚🌚🌚
繼續閱讀
大圍陸記有好多人都介紹俾我試一試，所以我就決定去試一試。我去到嘅時候，考慮緊普通白切雞燒腩仔飯或者文昌雞配燒腩仔飯。但係好可惜當我夜晚去到嘅時候文昌雞已經賣晒，所以我只能叫白切雞去代替。當佢送想來嘅時候，會額外有芥末同埋薑蓉提供埋俾我哋。而唔會直接幫我哋落咗去飯裏面，因為之前我識其他舖頭佢會直接放喺燒肉或者雞嘅表面。白切雞係肉比較滑，口感豐富，但係當時我可能廚房斬嘅位唔同，我感覺到白切雞嘅肉比較少骨位比較多，可能呢度會扣少少分。燒肉就相反脆皮多肉
繼續閱讀
我第一次黎食野，我見有卡位先入去食野，因為今日天氣好熱，想搵間坐得舒服啲既餐廳食野，結果我坐低叫完野食，有個男人話要坐卡位，職員要求我起身讓俾佢坐，餐廳咁多卡位點解係要我讓呢？冇卡位佢要卡位咪等位囉，搞到我好嬲，我讓左卡位俾佢，但係果個男人仲要不停講野話熱，我咪仲熱，我原本可以好舒服咁食野嫁。。。
繼續閱讀
燒味飯，是每一個打工仔的開心午餐。所以，在一個上班民族集中的地帶，燒臘飯店是不可缺少的一員。《陸記》比較早開業。我初來石門上班時已經存在了。這可以說是一間比較新型的燒臘飯店。因為這兒係有燒味以外的廚部出品，而且，是茶餐廳形式經營的。那天，我就來了一個叉燒燒鴨飯，當日分配到的叉燒，瘦的部份比肥肉多，入口時，感覺到肉質很爽，而且叉燒沾滿了又甜又香的麥芽糖，味道算是不錯。燒鴨不過不失，只是皮脆感一般，加了酸梅醬係惹味少少，但不用醬其實也是可口。奶茶夠濃，也夠奶香，只是入口的感覺比較粗糙而已。但，不失為一杯夠醒神的奶茶。當時，在石門只有這一間燒臘專門店，出品算是有水準。總之，好過快餐店同好多工廠飯堂。
繼續閱讀
石門站近半年多了好多食店，我在附近上班，所以打算有機會試試。上星期夜了下班，行過呢間燒臘餐廳，見到餐牌上好多選擇，於是進去。由於我只是一個人，不可以揀二人套餐，於是在眾多餸菜中，選了我喜愛的生炒骨，加$10有湯及飯！生炒骨味道及賣相不錯，當我慢慢吃著時，店員突然來問我：「個生炒骨好難吃？」我說不是啊！為什麼這樣問我。店員再說：「大廚在廚房望出來見到我好像完全冇夾起筷，擔心自己炒得不好，於是叫我來問，如果是真的，他可以再炒過或者換餸菜」我立即笑著說：味道不錯，只是我有個緊急訊息要回，所以放慢來吃，叫她向大廚說放心😆。我覺得只會高級食肆或酒店才會有大廚問呢個問題，今次在小店出現，真的特別，但亦很感動，食店能夠關顧客人感受，值得一讚👍🏻
繼續閱讀