陸號 (已結業)

今日lunch時段去，人未滿，見到餐廳內有兩部大吹風機，本以為因為天氣熱，在有冷氣的基礎下再加設備咁好，殊不知原來是冷氣壞了，換咗兩次位考慮了5分鐘最終決定光顧，因為每個月都會最少去兩次或以上。首先點餐時已經發覺樓面服務員比平時少，但都唔駛等太耐就order完，上菜亦唔算等太耐，但因實在太熱，所以食咗半個鐘左右就埋單走。問題嚟喇，埋單時因為冇底單，所以就到收銀台講台號，然後我用電子八達通比錢，個app 顯示扣咗數，但餐廳收銀話收唔到錢喎，因為收到錢會有單出，然後黄姓經理介入，要求我比多次錢，我話個app就顯示扣左，時間幾錢都有顯示，我話係因為你餐廳個八達通收費糸統我先會扣左錢，唔會冇原冇故扣左數，黃姓經理就要求我自行致電八達通公司處理，我當然堅持應由餐廳去處理，當時我已經建議不如留底聯絡方式，事後處理，比我離開先。但此時黃姓經理就話打電話去搞，結果我望到佢只係行開咗冇打過任何電話，攪咗大約十幾廿十分鐘行過嚟，話唔緊要啦，張單當佢自己私人幫我埋呢張單先，又話有少少記得係熟客，攞咗我電話號碼後，我就走了。跟住大约下午四點左右我回想起會唔會因為我冇底單而當時收銀忙，又急住收我錢所以扣咗數但餐廳pos機未處理而發生今次事件呢，所以我就致黄姓經理交代一下，殊不知經理的態度係，佢哋堅持餐廳係唔會出錯，收咗錢係會有單出，同我講唔緊要啦，如果餐廳收唔筆錢就當請我食，好小事!我嬲嘅原因係1:好似當我食霸王餐2:我打返電話去係想盡快解決問題，唔係話我自己啱。所以點解香港餐飲業難做，屋邨街坊熟客生意都咁，唔駛問點解☆我自己亦有聯絡八達通公司，回覆由於八達通為離線交易模式，需要2-3個工作天才能查詢到商戶在系統中上傳的數據，目前在系統中暫時未查詢到這筆交易記錄，建議可以在2-3個工作天後進行聯絡，查核這筆交易的具體情況。希望以後餐廳培訓得好D…查看更多

見甘多差評，於是決定自己試伏，嗌左個韭黃蝦仁炒蛋配白飯例湯，都係一樣感受-無下次。侍應又叫人慢慢睇，轉頭就問。例湯好鹹，主菜都炒到好鹹，究竟落左幾多鹽！食完蛋反而覺得個湯無甘鹹。可能係水質問題，白飯有陣味。蝦本身應該新鮮同幾多隻，可惜佢個炒蛋但真係鹹！份量係夠大，但論性價比，食返大家樂會有質保證。…查看更多

我未試過去一間餐廳係冇紙巾呢樣嘢冇紙巾提供都算咁我就話買一包 ，啲店員話連紙巾都冇得買咁我suppose你冇紙巾提供㗎嘛最後結果我係成手糖漿同油返屋企個廁所真係好差…查看更多

因上一枱客人離開，仍未收拾抹枱。等了一陣，便叫黑鏡框黃柄四眼叔抹枱，他很不樂意地在小朋友面前發脾氣掉毛巾，求其抹，污漬仍在😡😡😡 要客人受氣，永不幫襯。。。 街坊真的無講錯，服務態度非常惡劣。 吾想做就吾好做…..😡😡😡😡😡😡😡 …查看更多

新年放假，行去附近樂富試吓都算新開嘅茶餐廳，開咗都未嚟過，裝修都企理，望落感覺吾錯。坐低點咗午餐肉醬意粉同熱央。個意粉一般正常水準，吾係特別好食，只係吾難食。重點係個熱央吾掂，無茶味，又無啡味😭 跟餐，佢又送一個中湯，呢個湯OK。有樣野好得意，因為同人撘枱，侍應入埋同一張單，我哋示意分返開，之後佢話分吾到。。。都吾緊要，但要我哋兩位比現金，我都唔明點解分唔到單。不過呢啲係小事，我只係覺得少少奇怪啫 。啲嘢食嫲嫲先係最緊要😭…查看更多