陶源酒家

營業中

休息中

每個星期日都會帶媽咪同埋屋企人飲茶，最近見到陶源酒家有個放題點心優惠好抵食‼️放題點心分別有點心、煎炸點心、腸粉、小食及主食、仲有甜品，種類超過40款，一於帶埋屋企人一齊去刷餐飽😂陶源酒家係香港老字號酒家，點心師傅每朝親手製造點心，手工點心食材新鮮真係好好味😋款款點心都好精緻，翠綠小梨子造型一流，啱晒打卡📸 媽咪就最鍾意食鮮蝦脆皮紅米腸，口感好豐富！我就最鍾意高湯花膠瑤柱灌湯餃，大大隻皮薄餡靚，湯頭仲超級鮮甜❤️最後一定要來個甜品放題，媽咪鍾意生磨蛋白杏仁茶，香濃杏仁味夠晒滋潤，我就最愛楊枝甘露，好足料又唔會太甜😋

陶源旺角店:  經理大聲說話,  查詢優惠又不清楚條款;  在客人面前, 大聲溝通做成尷尬及失禮; 實在太離譜 !!!   松茸豆腐煲, 松茸還彊硬, 像没有煮過 !

餐廳推出咗午市點心放題 如果喺網上面買定只需$188/位而且仲要有多汁嫩滑嘅乳鴿隻乳鴿熱辣辣炸出嚟 啲汁一路食一路滴🍱侍應話點心係師傅每朝早親手做，我都食得出係幾新鮮嘅⭐️筍尖原隻鮮蝦餃 好大粒 而且啲蝦係幾彈牙另外叫咗啲蒸嘢就係⭐️花膠金錢棉花雞 真材實料有花膠⭐️蟠桃壽桃 大大個 啲蓮蓉幾甜幾香放題就可以每人一個灌湯餃 有花膠 啲湯都幾鮮甜炸嘢就叫咗⭐️牛油果鮮蝦春卷⭐️蘿蔔千絲酥呢啲係一件一件起蘿蔔好甜 幾有水準⭐️翠綠小梨子 其實即係鹹水角 不過個外表就係一隻梨 幾搞笑㗎仲有⭐️香滑馬蹄牛肉腸粉 都幾滑除咗點心，仲有小菜類別⭐️上湯灼唐生菜⭐️手拍青瓜拼海蜇⭐️椒鹽滑豆腐最後仲要食埋甜品有口感煙靭嘅紅棗糕 同埋順滑嘅杏仁茶

每逢周日，我哋都會同公公婆婆去食嘢，今次我地就同佢哋去陶源酒家飲茶🫖 見到佢哋做緊午市點心放題，100分鐘任點任食，唔使就住就住咁點！仲比我發現上 KKday 買有優惠價 $188/位 (原價 $238/位)，每位仲送半隻乳鴿😍100分鐘無限任食，包括點心類、煎炸點、腸粉類、甜點、小食及主食，超過40款可選擇，就連高湯花膠瑤柱灌湯餃、筍尖原隻鮮蝦餃等貴價點心都有，可以一人一盅灌湯餃都無問題！而且佢哋嘅點心喺師傅朝早手工製作，新鮮好味又質素！呢度點心放題真係有好多款選擇，有點心、炸物、小食、粉麵飯都有，絕對可以食得飽，就連甜品都好好味，妹妹超愛芒果布甸🥭

屋企人最鍾意每日去飲茶🫖，最近去咗旺角呢間酒家推出100分鐘無限任食點心放題，即刻帶埋屋企人過嚟食酒樓環境好光鮮明亮，座位闊落坐得舒服，好多枱都係一家大細嚟飲茶，環境氣氛好熱鬧。我本身都好鍾意去呢間酒家飲茶，佢哋嘅點心係師傅每朝早親手做，品質好高係純手工點心。而今次嘅無限任食點心超過40款點心、小食、甜點、主食，款式好多選擇，有特色嘅點心都有得食👍🏻飲茶一定會食燒賣蝦餃，蝦肉彈牙、黑椒牛仔骨好入味、奶皇千層糕好鬆軟、蘿蔔千絲酥口感好酥脆。仲有特色嘅翠綠小梨子🍐，造型可愛、蟠桃壽桃大大個、糯米釀雞翼都有得食。其實已經好飽，見到甜品楊枝甘露、生磨蛋白杏仁茶，香芒布甸都好吸引，忍唔住要食埋先至滿足😂😂😂

一家人去咗原陶源酒家食午市點心放題，原價$238/位 ，網上平台買仲有優惠價，$188/位！陶源酒家所有點心都係師傅每朝親手整，新鮮又好味！同一般點心唔同好高質！一入到去環境好寬敞，好熱鬧🙆🏻‍♀️點心放題真係大滿足，有點心、煎炸點、腸粉、甜點、小食同甜品，主食都有。特別推介：🍐翠綠小梨子、蘿蔔千絲酥個樣好吸睛！入邊有惹味豬肉餡，另外蘿蔔絲清甜酥皮香脆🦐鮮蝦脆皮紅米腸紅色嘅腸粉包住鮮蝦，好味高湯花膠瑤柱灌湯餃湯底清甜鮮味，灌湯餃大大隻🟡奶黃千層糕奶黃甜甜地，千層糕好鬆軟🍮甜品芒果布甸、生磨蛋白杏仁茶、紅棗糕樣樣都好高質仲有其他點心：

飲茶🫖喺香港傳統地道飲食文化，放假想約長輩/老友一齊聚吓，飲茶☕️都係一個好嘅選擇！咁啱俾我喺KKday見到有個放題點心優惠，陶源酒家原價＄238/位，而家喺kkday 有優惠，折咗之後$188/位！而且我喺網上面睇到張放題點心紙，見到分別有點心、煎炸點心、腸粉、小食及主食、仲有甜品🍮種類超過40款🤗一於同屋企人一齊食點心放題！今次我哋就去咗陶源酒家旺角分店，嘗試一下香港老字號點心師傅親手製造嘅點心，食材新鮮又好味😋拎起張放題點心紙，剔晒自己想食嘅食物平時老闆仔聽到同屋企人飲茶都好開心㗎，因為佢最鍾意食包點同腸粉🤭我哋首先要嗌老闆仔鍾意食嘅嘢所以嗌咗個翡翠蝦球炒河、仲有佢最鍾意食嘅軟滑布拉腸粉、叉燒包、壽桃包翡翠蝦球炒河即叫即炒，鑊氣十足，鋪滿蛋白以及新鮮蝦球，配上西蘭花🥦叉燒包同埋壽桃包夠晒大個，內面嘅餡料都好豐富另外我都叫咗一啲精緻嘅點心，其中翠綠小梨子外貌吸睛，用嚟打卡真好，煙靭嘅外皮裏面包住豬肉餡！紅色嘅腸粉都好吸引㗎，紅色嘅腸粉包住酥炸鮮蝦都好特別牛油果鮮蝦春卷都係第一次試，口感富有層次感呢度100分鐘點心放題，好啱家庭聚會大家過嚟一齊食啊，平時喺出面食點心，要逐碟計算，今次任

才剛踏入農曆九月，便急不及待的與回港數週的好友相聚，品嚐大閘蟹之味。朋友在官網預訂座位，$498/位，可無限任食大閘蟹、北京片皮鴨、多款小菜主食及甜品。另外，每位可享一份特盛三式，三道菜包括鮑汁扣原隻鮑魚伴椎茸、金湯小米燴遼參及蟹粉扒豆苗。入座後，職員率先送上金湯小米燴遼參，小米湯幾有咬口，遼參只有少許碎粒，濃稠度恰好。大閘蟹備有備三種食法，清蒸、太雕蒸或油鹽焗，個人比較喜歡油鹽焗，多添一份鹹香。任食的大閘蟹為3兩半的蟹，蟹乸的膏未至於隻隻爆滿，但都算甘香，蟹肉不會霉。任食大閘蟹最怕出蟹出得慢，個人認為陶源的出蟹時間合理。同枱最快紀錄拆到10隻蟹，蟹肉裝滿一飯碗。每位限量單點一份的西班牙橡果黑毛豬叉燒是今餐的MVP，厚切叉燒，肥瘦均勻，燒得微微焦香，入口脂香豐腴！北京片皮鴨是任食的，於自助吧取，但都放涼不脆口了。鮑汁扣原隻鮑魚伴的是花菇而不是椎茸，花菇肥大肉厚又夠軟稔，鮑魚大隻入味，好吃。在官網訂座，每位額外送一件蟹粉鍋巴及一隻蟹粉小籠包，兩者都普普通通。甜品也是任食，大家最喜歡的是蕃薯糖水，薑湯底的辣度足。另外每人也要了一碗芒果布甸，布甸不是好柔軟那種，口感比較紮實，入口有許多芒果肉

諗住開開心心同家人食蟹慶祝生日， 叫咗長腳蟹套餐，點知一坐低就話而家d蟹要加500， 已經有啲令人愕然， 套餐標價 1000都唔使， 嚟都就話要加500，諗住算啦，最緊要屋企人開心。但蒸咗蟹之後仲繼續掠水，又話一定要加個正價小菜， 擺明呃，已經有啲不滿，但諗住收得咁貴，啲食物應該ok啩。套餐有片皮鴨， 完全冇見過隻鴨， 只係拎幾片凍冰冰嘅鴨過嚟，味道真係大家樂啲燒鴨仲有鴨味。 不過因為肚餓，唯有食幾片果腹 。 之後嚟咗個什麼片皮鴨兩食，係幾片生菜同碟味道酸酸地怪怪哋嘅蔬菜炒肉粒(鴨?)， 其實係咪真係肉粒都好難講。 好彩最後個蟹係正常。心諗終於可以慢慢享受下，但d呀姐不斷走過來收碟，係一分鐘十次的頻率，擺明趕客。最後個套餐double價錢落樓， 咁樣嘅價錢，咁樣嘅服務，咁樣嘅食物質素，以後想我留港消費都幾難，香港飲食業咪畀你哋玩殘曬囉。

想趁大閘蟹季節未完之前快D嘆番轉放題先  見到評論初頭有點猶豫 點知朋友早排先食完話好食要encore多次就約左啦✌🏼朋友一早book左位 所以去到唔洗等就有得坐 佢地已經有一次經驗去到已經即刻落order等蟹 因為D蟹要預番少少時間呢個時間去左夾片皮鴨、小菜同點心黎食下! 個片皮鴨D皮都脆身 如果溫度再熱多少少就完美啦! 仲有遼參同蟹粉豆苗都唔錯! 最鍾意係鮑魚同叉燒 睇番落單紙原來係黑毛豬 唔怪得禁香口啦😁另外點左蟹粉小籠包黎試 真係好好食 好多湯汁 good good!等左唔夠20分鐘 終於等到主腳出場啦 有三種口味 清蒸、太雕、鹽焗👏🏼👏🏼食落幾鍾意太雕之後 趁未清碟又再叫多碟 前後都食左三轉都好飽 之但係甜品又係第二個胃 最後都食左紅棗糕同楊枝甘露 開心滿足歸家去~由於太肚餓同埋掛住食蟹+傾計 當晚好多都唔記得左影相😅唯有係咁以分享僅有既幾張啦~~ PS: 之前有人話佢地服務差 但果日去又唔覺wor  個姐姐見我地個碟堆滿蟹殼都主動過黎幫我地換左兩次碟👍🏼

購買了龍蝦伊面餐飲卷試試味道，結果發現龍蝦很小一隻，而且蝦肉一點不彈牙，應該不是新鮮的龍蝦，不推薦大家. 海鮮這種東西，新不新鮮一吃就吃得出，很失望，下次不會再幫襯.

秋天係享受大閘蟹既最佳時機，今次呢間粵菜酒家推出既🦀大閘蟹放題，$528/位，限時2小時。除左大閘蟹，仲有北京片皮鴨、小菜、糯米飯、包點、甜品等，十分豐富！😍🦀大閘蟹提供三種烹調方式：清蒸保持了蟹的原汁原味；太雕蒸酒香撲鼻；而油鹽焗則帶來了獨特的香脆口感。三種吃法各具特色，讓人想不停地品嚐🥰除了大閘蟹，片皮鴨係另一個主角。自助餐台上隨時可以取用，所有的醬料和配料都很齊全。片皮鴨外皮酥脆，搭配甜麵醬和蔥絲，口感一流😋套餐仲送招牌特盛三式，包括金湯小米燴遼參、鮑汁扣原隻鮑魚伴翡翠、蟹粉扒豆苗各一份😍主食必叫西班牙橡果黑毛豬叉燒，超級入味好好食🤩小食最鍾意川味牛柏葉🫶 朱古力鴛鴦奶黃包流心餡都唔錯🍫甜品除左必飲既薑茶，特別推介蛋白杏仁茶😍蛋白順滑，杏仁味道濃郁，飲完又飽又滿足👍🏻👍🏻🔸大閘蟹/片皮鴨：清蒸大閘蟹、太雕蒸大閘蟹、油鹽焗大閘蟹、京式片皮鴨🔸主食：生炒糯米飯、上海菜肉包、鳳城雞包仔、朱古力鴛鴦奶黃包、流沙芝麻包、蟠桃大壽包🔸小菜：椒鹽豬小排、椒鹽海中蝦、避風塘雞中翼、白灼生菜、麻香四季豆、脆滷豆腐、手拍青瓜、川味牛柏葉、涼拌高山耳、麻辣土豆絲、香辣萵筍絲

未去過一間衛生咁差嘅酒樓，好多蟲仔周圍飛，打完一隻，跟住又一隻，甚至飛埋落碗及食物。每個點心一到，要盡快食，一遲咗，蟲仔就會飛埋去食物😰 因為大多飛蟲，不敢再叫太多嘢食仲慘過食街邊。食環及衛生署真係要去巡查下。呢間酒樓以後都唔會再幫襯✖️✖️

今日同啲朋友一行10幾人一齊去呢間酒樓飲茶，我哋叫咗超過20碟點心，但係上菜比較慢，我哋差唔多要走嘅時候候都仲有啲點心未到，於是我哋唯有埋單，同埋想取消未到嘅點心。點知道負責收銀嘅姐姐姐唔信我哋，堅持話我哋食咗點心唔認數，懷疑我哋呃錢，唔通我哋食千幾蚊會為咗慳幾十蚊講大話？直至到見到經理同佢反映，收銀員先肯幫我哋取消，而且一句道歉都冇，我真係唔明白點解會有呢啲員工，我哋嚟食飯，唔係嚟受氣。真係要同陶源酒家嘅老闆講聲，希望你好好培訓吓酒樓嘅員工。

同朋友book左食午市既2小時大閘蟹放題，1.坐低時已即時order左大閘蟹，預佢20-30分鐘會送黎，點知等左50幾分鐘都未有，再去催問先有。2.入座時冇比任何食大閘蟹既工具我地，到上左大閘蟹時依然冇人比食蟹工具同蟹醋我地，問黑衫酒樓職員拎，佢拎到黎既數量又唔夠我地用，再要求佢補返比我地酒樓職員就發脾氣話：冇啦，比得你就係得呢份！ 因為冇工具食唔到，堅持同佢拗左陣先話等陣搵人拎比我地。最後係我地問左另一個望落正常少少既職員拎，佢就即刻搵人拎左比我地。3.因為第一輪既大閘蟹等左差唔多成個鐘先比到我地，導致我地夠鐘時仲有唔少蟹未食完。有個黑衫既中年男人職員黎收錢時就指住我地盤蟹，話：你地咁樣唔得囉，咁樣唔係食兩個鐘，而係食3個鐘！我解釋話因為你地第一轉蟹等左成個鐘先比到我地所以先咁，佢就燥底冇應走開左。最後我地超chur咁食埋剩低既蟹，亦都冇食3個鐘先走。4.每次同黑衫果個中年男人職員order小食，佢都會話等陣會送過黎比我地，但就一樣都冇送到過黎，中途催問佢都係一樣既回答，最後都係冇送到過黎。5.酒店冇提供工具（例如膠桶）比我地放食完既蟹殼，我地自己執左d空碟出黎放。有個紮髻肥肥地負責