陳誠記茶餐廳 (已結業)

雖然在下於星期六休半天，可是在下與同事卻要遲一點下班。下午二時多，來到尖沙咀，實在肚餓，而在下知道除了尖東的茶記，還有在K11附近的茶記。來到陳誠記茶餐廳問口，就見到了一車麵包，然後沿樓梯步行落地庫，便是餐廳堂食地方。到達地庫，顧客卻又那麼的多，只好在樓梯附近的枱椅坐下，等候落單。看著午餐餐牌，點選了一客是日午餐－蘿蔔魚鬆飯，並配一杯熱咖啡，午餐奉送的例湯，似乎賣完，並沒有奉上。過了一會，蘿蔔魚鬆飯端上，看起來與一般茶記所吃到的一樣。蘿蔔不苦兼且甜而腍，吃起來沒有渣，魚鬆只是加上了少許胡椒粉，沒有太大的辣味。魚肉吃起來也感受到凌魚的味道。飯後呷一口熱咖啡，傳來一陣的咖啡香濃，奶也下得不多，調和得宜也覺咖啡的味道。在用餐時，聽見阿姐說有否菠蘿包，在下又想試試這裡的菠蘿包，於是點了一客。菠蘿包端上來的時候，看來菠蘿包與眾不同，一般都是圓形的，但是這裡卻是成了長方形，菠蘿皮也是呈長方形。當在下起手來的時候還是暖暖的。菠蘿皮還是脆脆的，而麵包也屬軟身而並不硬，是沒有烘過的。整體來說味道不錯，只是飯餐上桌時慢了一點，服務也許因為顧客多而有所影響。

星期六了，一早送了太太出旺角後，就因為一些要事而要出去尖沙咀。到達時，由於時間過早而摸了一個門釘，幸好那兒有人把我的大件東西收下，再叫我等大半個鐘。一清早，傻乎乎的在尖沙咀，傻傻的周圍走...佬了，發現有一家位置奇奇怪怪的茶餐廳，簡陋是一種特別，一入門口，是直落地庫的樓梯。地方算是幾隱蔽下，下次要我再找回這地方，除非有地址係手吧，要找回他，真的不是一件容易的事。未到11點，依然是早餐的時間，不過對出門口前已經吃過點東西的我，再要食多一碗麵落肚，將會影響我之後到深水埗的目標午餐。故作輕便的，就叫了一個叉燒奄列做我的second breakfast。奄列皮薄，但是嫌蛋過熟了一點，若是有蛋汁又有叉燒肉粒，會是多麼的美好啊，蛋角乾了少少，幸好是入面既叉燒味道好而又夠腍，總算是可口。奶茶味道偏滑、偏濃，偏好飲。 食完野，時間也差不多了，回去辦埋小小手續，再返去中間道停車場.......下一站...SSP。

12月22日, 下午4時多, 走在尖沙咀街頭, 想起之前喺k11附近食過間平價茶餐廳, 今日再來, 人流都幾多wo~::: 咖哩角配沙律 + 凍檸茶 ::: $22 + $2雖則呢個下午茶餐唔算豐富, 但座落尖沙咀, 比起一d自恃fusion特色茶餐廳來講, 已經平一半有多了. 咖哩角有3件, 都係平時食到嘅普通料, 有咖哩味, 炸起上嚟都好香脆~ 沙律份量都幾多, 都係嗰d雜果沙律, 都夠凍~凍檸茶校得比較甜, 似飲緊甜茶, 下次要少甜先得…::: 奶油多 ::: $6奶油多嘅奶都幾多, 牛油都塗得均勻, 不過麵包烘得唔夠, 不太夠脆, 亦不算太鬆軟, 索埋d煉奶就更軟淋淋咁…在尖沙咀中要搵平野食都唔難嘅, 不過味道方面就不能太要求~ 而呢間茶餐廳都好似係家庭式經營, 爸爸媽媽負責廚房, 仔仔女女負責落單傳菜咁, 有講有笑, 氣氛輕鬆, 食客都食得開心d~

今日(14-8-2010 Sat)同男友出油尖區整o野,時宜1:12pm,男友話係時候食o野,我o地行行下行到o黎呢o度,見有茶餐廳同對面有潮州河粉,男友話都係茶餐廳啦,多啲選擇.咁好啦,要行樓梯落去,有好多位.我o地求祈坐低後睇餐牌,真係有好多選擇.男友揀o左$33.00o既魚香茄子飯,飲凍檸茶.我要$26.00o既豉油雞翼米線.飲品好快到o黎,男友o既魚香茄子飯都到o黎,睇見都幾大碟同幾多茄子,男友話味道算正常同微辣.我等o左好耐,我o既終於到o黎,雞全翼顏色好深,都好體貼地切開三件,有生菜,食落,雞翼微甜夠味,但米線太腍,唔得.

菠蘿包又大又美味；雞尾包都係一樣、啲餡仲唔太甜，認真唔錯；而且仲會丁熱先俾人食。服務亦算周到、態度良好，最可惜就係星期日唔做蛋撻、所以未有機會試。收銀處仲見到周潤發同老闆娘嘅合照潻。下次一定去試埋佢哋個蛋撻！

在尖沙咀咁高級既地區，可以食到一個餐！入面有扒（大大塊）、有湯、有包又有飲送！實在係超正！而且，佢地D廚師都幾攪笑，成日都走出黎同D客吹水！好有輕鬆既感覺！