更多
2014-10-10
781 瀏覽
4-10-2014 (Sat)同男友出旺角搵o野,搵得耐都開始肚餓就搵o野食,由冇車行o既彌敦道行入砵蘭街搵,見到呢間,$21.00起o既下午茶3點至開始供應,重有幾分鐘,我入去問可以叫下午茶未?職員答3點開始.好,咁我o地坐低等時間過.夠鐘喇,男友要$26.00o既特餐,要沙嗲牛肉腸仔公仔麵,加$2.00要凍檸水少甜,我要$23.00o既西多士,同樣加$2.00要凍檸水少甜.冇耐,兩杯凍檸水到o黎,果然少甜,味道o岩o岩好,但好似唔多夠,我o地食完o野都覺得唔夠喉.然後男友o既沙嗲牛肉腸仔公仔麵到o黎,我見到湯o既顏色好深,估計應該好濃.之後到我o既西多士, 西多士炸得金黃,蛋漿唔厚,加埋蜜糖切開,我就嗅到花生醬味,但揭開睇,又唔似有好多花生醬,食得.花生醬味濃,可能方包o既厚度o岩o岩好,又熱騰騰,食完唔覺得膩,都唔錯.至於男友o既,我冇食過亦冇問佢,所以味道分只計我o個份.服務:唔錯,個個都好有禮貌.環境:坐得算闊落,所以可以加分.抵食係2.5分.
冇耐,兩杯凍檸水到o黎,
然後男友o既沙嗲牛肉腸仔公仔麵到o黎,我見到湯o既顏色好深,估計應該好濃.
至於男友o既,我冇食過亦冇問佢,所以味道分只計我o個份.
服務:
唔錯,個個都好有禮貌.
環境:
坐得算闊落,所以可以加分.
抵食係2.5分.
張貼