陳記魚蛋

營業中

休息中

今日經開荃灣～忽然諗起好耐冇食嘅魚蛋，水準依然咁好～仲叫埋牛柏葉 齋同埋豬皮 小辣～真係好好食😋我記得之前仲有螺肉賣 但係今次已經冇咗～老闆話螺肉太麻煩 做唔切 所以就冇整～真係有啲掛住嗰個味道 希望之後會有機會可以再食到～

買咗個細生菜魚肉$24 ，竟然有好多魚肉，非常之足料，而且魚肉唔係溝好多粉戈款，係有小少彈牙感，食完一碗已經冇咗飢餓感。男店員（唔知係唔係老闆)同我分享，原來湯係用白蘿蔔熬左成日，飲落去真係有陣清甜。😋最值得一讚嘅係，呢間店衛生程度都算幾高，雖然係小舖，入面嘅嘢睇得出係乾乾淨淨，而且見到該店員會刻意唔觸摸餐具用黎放入口嘅位置，唔小心整到會換過一隻。👍🏻希望會長做長有，以後食生菜魚肉都搵得返呢間。下次試吓碗仔翅，希望有驚喜。

原來荃灣都有間陳記以前北角地鐵站附近，食開有一間好好食嘅小食店，後尾好似執咗笠唔見咗，魚蛋、醬汁呢隻非常之難忘。每次放學都會走過去食今日去荃灣食嘢，行過橫街窄巷見到原來有間陳記。附近好多小食店多人排隊，陳記居然唔使排隊，簡直不知所謂……一定要衝過去幫襯吓先😝醬汁有三種。因為陪老婆食，所以只可以食少少辣。不過佢醬汁非常之正，又香又好味。唔係好清楚入邊放咗啲咩材料，有啲似沙嗲，唯一可以肯定嘅係一定有香茅、辣椒。其他小食店我都未食到有咁嘅水準二少魚蛋陳記嘅魚蛋最特別係非常之大牙，比較細粒。咬落去口感非常。你食過之後，基本上唔會再想食其他魚蛋王牌燒賣呢度燒賣嘅水準都非常之高，因為我老婆都鍾意食😜唔會太過粉、漿，結實程度都唔錯，燒賣都非常之掛汁魷魚🦑魷魚遊戲一個非常之配搭，佢嘅醬料嘅食材，非常爽口

陳記魚蛋港九都有分店，就唯獨係新界冇者。行經過，口痕都會買番串黎過下口癮，魚蛋，牛栢葉，如果肚餓就再加多個撈麵添。佢最標誌性既就一定係分左三個程度既辣汁，分別係大辣、小辣同bb辣，我就次次都揀bb辣既，甜甜地咁，個汁仲有啲薑絲添，食撈麵攝晒落啲麵條度，真係重口味人士必食。用既仲要唔係陳皮魚蛋，夠晒彈牙。但係佢啲牛栢葉就尚有改善空間啦，因為佢係白烚完先再淋辣汁上去，件事完全係離行離迾，啲汁係完全滲入唔到啲牛栢葉度。

好耐冇食，行過荃灣要串魚蛋。戴住口罩都特登停低去買。滿心期待諗住睇阿姐淋d汁上去，點知落得兩滴，我叫個阿姐俾多d汁。佢個樣勁冷漠，話 你知唔知你自己俾緊幾多錢啊？7蚊買串魚蛋仲想多汁？你俾50蚊就要咩汁都得。 我都唔知講咩好。但，唔會有下次。「呢到本身仲有幾句，但openrice提醒我可能造成誹謗，所以刪除。」但點都唔變係我唔會再去呢間咁嘢。係咁多。

買串燒賣佢話冇辣沖 食依間就係為左啲辣汁 依家話買一串太少唔比汁真係笑大人個口 個個魚蛋燒賣當飯食咩 本身魚蛋燒賣就係行埋去篤翻串 依家話一串唔比汁真係接受唔到 冇辣汁嘅話都冇幫襯依間嘅理由 如果唔係規定要80字真係唔會打咁長

這間陳記魚蛋是荃灣的分店，荃灣路德圍一帶一向有頗多小食店，是掃街福地。陳記魚蛋是個不錯的選擇，其標誌性的辣汁俘獲了不少人的心，其咖喱汁分大辣、小辣和小小辣，咖喱汁充滿香料，黃薑味濃。不過魚蛋size較小，欠魚味，主要是食其汁。

心血來潮好想食魚蛋，但平平凡凡嘅魚蛋又唔想食，陳記出名啲辣汁夠哂惹味，有分小小辣，小辣同大辣，整返兩串先，再加埋一串牛栢葉先夠索哂啲辣汁！想食燒魷魚🦑可以黎陳記呀！真係好懷念以前啲小販檔。

呢個食評有啲hea,因為我淨係食左串魚旦。見佢店面貼左相，係蘇斯王介紹過，所以就買左串，$6/串，佢有小小辣，小辣同辣簡，我要左小小辣，個人唔鍾意食，黃薑味好重，無咖喱香，不過如果有人鍾意黃薑味，佢係幾香，同用心製作既，食到有薑絲。可能食辣啲會正啲。

行過路得圍想食d 飽肚少少既野。。。諗起有間陳記魚旦 可以叫魚旦+燒賣 配撈面。。。懶人之選當日有少少人。。要排隊。。。叫左個少辣汁 。。。好正。。對於吾太食得辣既我。。。非常岩我口味。。魚旦好食過燒賣。。。另外撈面可以再煮淋d 既話...就 Perfect

今日同老公陪屋企人食完飯就諗住到路德圍食個糖水，食完突然口痕痕，好想食下小食，但行左好耐都諗唔到食咩好，本身打算去食豪大大雞扒，但見到有勁多人排隊.....所以就打消左呢個念頭。之後見到豪大大隔離有間唔多顯眼嘅舖頭仔，傳黎陣陣嘅香味，立即走上前睇下係咩黎。見到係一間賣魚蛋嘅舖頭，仲有三種辣汁比大家揀，舖頭嘅牆上痴滿周刊報導，蘇絲黃都話辣汁好味咁，真係估唔到咁隱世嘅店舖原來係咁出名。見到有香腸就叫左一串，要小小辣嘅辣汁，未食入口已經聞到好香嘅辣味，係聞得出佢係由好多香料煮成。雖然只係小小辣，但對我黎講辣味已經好夠，仲有少少嘅甜味，個種香味係有別於出面嘅辣汁，出面嘅汁係得個麻味，完全冇辣嘅香味，呢度嘅辣汁直頭令人一試難忘，只可惜我已經食得好飽如果唔係我一定食多幾串。下次黎到路德圍呢度一定係我不二之選。

魚蛋（$6）燒賣（$6）👅個日痴左中同一粒魚蛋😳覺得好正好有林昌記既影子！頭先行過荃灣就自己買黎隊下啦😆😆😆呢到既魚蛋細細粒，咬落唔係爽口，而係中間feel到有韌度😳😳超中意呢種口感！會比爽口既魚蛋既魚味出好多好多！😋😋😋呢到既咖哩沙爹汁可以簡辣度😎我簡小辣！個咖哩汁令啲魚蛋當堂升左一個level😍😍甜甜地超惹味！會食唔停口😝😝下次可以簡大辣🤔小辣唔夠辣～至於啲燒賣就比出面個啲大粒！脹卜卜咁😆😆沾埋啲咖哩汁同甜醬😋無得輸！

有晩經過荃灣路德圍,都好耐無去過呢度,估唔到成個地方變左好多,差不多80%地方都成為左食肆，勁！咁多食肆喺到,咁為食嘅我無理由試都唔試下就走,但又食飽飯,唉!輕食算啦!就喺陳記魚旦到整番兩串水魷魚試下。都幾新鮮,份量適中,配埋個秘製沙爹醬，嘩,真係另一番風味,唔錯!

當我每次經過陳記魚蛋舖時，都忍不住買一串辣辣魚蛋品嚐一下。新鮮的魚蛋配上辣汁簡直無得頂。 辣汁是秘製的，又麻又辣，好好味。值得一提，除了魚蛋外，還有燒魷魚，又香又脆非常野味。

以前住長沙灣，會成日突登走去深水埗買陳記野食，決為個醬真係啦好好味，後來開多左分店，就方便左好多~每次一定會揀麵根，因為最吸汁，我記得以前電視介紹過個醬有加入藥材製成架，我就食到有花生，蒜，咖哩，仲有種好獨特既味，唔知係咪就食果啲藥材？總之呢隻味道，就真係第二度食唔到~牛柏葉都係唔錯既選擇，雖然唔吸汁，但係因為啲醬汁夠濃稠，一片片既牛柏葉，掛汁程度都好高而我通常都揀小辣，惹味得來又唔會太辣，好好味不過感覺上一次比一次少醬，曾經開過口問阿姐可唔可俾多啲醬，阿姐都唔肯俾之後都唔敢再問喇~